رواية رغم فرق السن البارت الثاني 2 بقلم حنين عادل
رواية رغم فرق السن الفصل الثاني 2
جمال دخل علي جميله وفي أيده السكينه
جمال: ها تقولي مين اللي عمل كده ولا أموتك
جميله بخوف: طب اهدي ها قولك كل حاجه
في يوم كان في شباب بيضايقوني قدام المدرسه بعد ما طلعت وهروح البيت وحاولوا يخدوني معاهم بالقوه في عربيه وهما شكلهم أغنياء من الجامعه اللي قدام المدرسه والغريب أن مافيش حد كان هيساعدني عشان خايفين منهم وخلاص هيركبوني العربيه وفقدت الأمل في النجاه وكنت بعيط ومنهاره لقيتهم كلهم عالأرض قومت أشوف مين ده لقيت شاب وسيم عنده في حدود ٢٢ سنه مثلا بس عضلات وكدا هوا اللي ضربهم وقالي انت كويسه قولتله الحمد لله ومشيت حتي من غير ما اعرف اسمه او يعرف اسمي
بعد كدا عادي كنت بروح المدرسه وهوا في كليته كنت بلمحه كتير وكان نفسي اروح اشكرة علي اللي عمله بس كنت مكسوفه وبعدين في يوم لقيته واقف قدام المدرسه كأنه مستنينه وشكرته وقلبي ارتاح له جدا بقيت بحب أشوف هوا شيك ومؤدب وحلو اي بنت تتمناه وفي يوم لقيت رقم غريب في التليفون انا مش برد علي أي رقم بس لقيته بيعيد الإتصال كتير فرديت
جميله: الوووو مين معايا
....: انا أشرف
جميله: أشرف مين
اشرف: اللي ساعدتك من الشباب
جميله: ااه اذيك انا عاوزه اشكرك بجد مش عارفه لو ماكنتش موجود كنت عملت ايه بجد شكرا جدا
اشرف: العفو دا واجبي وما فيش شكر بين الصحاب
جميله: صحاب!!
اشرف: ما هوا بصراحه من زمان براقبك ومعجب بيكي ونفسي اكلمك بس انتي مش بتدي فرصه لحد ودا عجبني فيكي اكتر وقولت صحاب عشان بدايه الحب صداقه وانتي هتحبيني زي ما انا بحبك
جميله: ايه الثقه دي
رجعلي عقلي اللي تاه من كلامه الحلو وقفلت السكه
بس انا بجد شكلي حبيته لو ما شوفتهوش بحس أن في حاجه ناقصه وبعدين هوا اللي كان بيحاول يكلمني وانا رافضه وفي بنات اعرفهم بيحاولوا معاه بكل الطرق ااه انا جميله جدا بس هوا جميل لدرجه ان زي الأمير اللي في قصص ديزني
بحاول ابعد عنه وفي حاجه بتقربني ليه
قعد يلح عليا أن احنا نخرج لحد ما وفقت
بقينا بنقرب من بعض كل يوم خروج وكدا
لحد ما في يوم وانا راكبه معاه عربيته بسني والغريب أن انا مقلتش حاجه وكدا لأني بجد حبيته وحبيت قربي منه
في يوم كان في رحله في المدرسه وانتي وافقت يا بابا اني اروح لكن ماروحتش روحت معاه في عربيته وكانت الرحله مدتها يومين فضلنا مع بعض وطلب مني اننا نكمل حبنا وانا قولت لأ أما نتجوز فكتبنا عقد عرفي وحصل اللي حصل وخوفت اسيب الورقه هنا حد يشوفها فسبتها مع صاحبتي
جمال بينزل ضرب في جميله ااه يا بنت الكلب وكل ده وانا وامك نايمين ربنا ينتقم منك يا شيخه وصاحبتك مين اللي معاها العقد ده
جميله بعياط: سلمي
جمال: كلميها تجيبه
جميله تمسك التليفون وترن علي سلمي
جميله: الووو
سلمي: اذيك يا جميله
جميله: الحمد لله بقولك انا عايزه العقد اللي معاكي
سلمي: انا اسفه يا جميله ماما غسلت الجاكت اللي كان في الورقه ودابت في الميه اسفه يا جميله
#سلمي بنت سمراء وقصيره مصاحبه جميله بس بتغير منها لجمالها وبتحب اشرف بس مش بيديها فرصه وهيا العقل المدبر للي حصل لجميله كانت بتحرضها أنها تتعرف عليه بحجه أن البنات كلها هتموت عليه وكانت عارفه ايه اللي هيحصل بعد كدا
جميله: بتقولي ايه العقد داب في الميه حرام عليكي يا سلمي
جمال سمع جميله قعد وحط أيده علي دماغه ما الإثبات الوحيد راح...
طلع جمال وراح لناهد وقالها: مفيش غير حل واحد بس
ناهد: ايه هوا ده يا خويا
جمال؛ حمزه بيه كان طالب مني جميله للجواز هجوزهاله
ناهد: يلهوي دا قدك هتجوزها واحد قد أبوها
جمال: ما لو كانت صانت نفسها وحفظت شرفها ما كانش يبقي ده الحال منك لله يا جميله
ناهد سكتت لأن كلامه صح وقالتله اللي تشوفه
جميله طلعت من أوضتها: لأ مش هتجوز حمزه بيه أشرف هيجوزني هوا قال كده وعمره ما هيسيبني
جمال: أشرف مين اللي هيتجوزك هوا في واحد بيتجوز واحده بعد ما اخد منها اللي هوا عاوزه وانهال عليها بالضرب
بعد ما هدي شويه
جميله: ابوس ايدك يا بابا اديني الموبايل بس أكلمه وان ماجاش هتجوز حمزه بيه علطول اديني فرصه بس
جمال : ماشي بس أن ماجاش هجوزك حمزه بيه واعطاها التليفون
جميله بترن علي أشرف : رد بقا يا أشرف
أشرف: الوووو
جميله: أشرف وحشتني اوي
أشرف: وانتي كمان وحشاني اوي
جميله حكت ليه كل اللي حصل وإن هيا حامل وأنها لو مجاش هتجوز حمزه بيه
اشرف: اوعي يا جميله انتي حبيبتي وام ابني انا هجيب اهلي وهاجي اطلبك بكره
جميله بفرح : ماشي اوعي ما تجيش حياتي انا والبيبي مرتبطه بيك يا أشرف
اشرف: اطمني انا عمري ما هتخلي عنك
طمنت جميله أبوها أن أشرف هيجي هوا وأهله بكرة وهيطلبوها وأبوها حاسس ان الكلام ده مش هيتم بس بيحاول يصدق....
عند أشرف في البيت
ابوه عاصم بيه شخص قاسي مش بيهتم لمشاعر وحب وكلام فاضي علاقته بمراته أولاده فقط زير نساء فاسد بمعني الكلمه
أمه شاهيناز هانم رغم أن هيا ام لكن هيأتها كفتاه في التلاتين من عمرها رقيقه المشاعر بتحب أشرف جدا ويتوافق علي أي طلب وأشرف هو ابنهم الوحيد
راح أشرف وحكي لأمه كل اللي حصل
شاهيناز: بتحبها يا أشرف
أشرف: بموت فيها ساعديني اتجوزها يا اما هتتجوز حد غيري وهتسبني لوحدي وهيا حامل كمان ابني يا أمي
شاهيناز: انا مش عندي مانع عشان عارفه أن الحب مش بيتعوض بس ابوك هيبقي أكبر عائق ..
أشرف: لازم نقنعه انا قلتلهم هجيب اهلي وهروح بكره
شاهيناز: لما يجي من الشغل ونفاتحه في الموضوع وربنا يسهل ربنا ينولك اللي في بالك يا حبيبي
أشرف: يارب يارب يوافق وما يعملش مشاكل بس هوا وافق أو موافقش هتجوزها لو ايه
فضل أشرف قاعد يستني عاصم يرجع من الشغل علي أحر من الجمر...
عند جميله
جميله أبوها حابسها في الأوضه مانع عنها التليفون والتليفزيون وامها تدخلها الأكل وتطلع تقفل عليها أسوأ فتره عاشتها جميله في حياتها ومنعوها من انها تروح المدرسه ..
ناهد بتكلم ابو جميله (جمال) : أن شاء الله الواد هيصدق وهيجي يتجوزها
جمال: قلبي بيقولي أنه مش هيجي اصل الأغنياء دول الفلوس بتمحي الضمير من عندهم الا من رحم ربي حد زي حمزه بيه ده عمري ما شوفت في كرمه ولا في أخلاقه..
- تابع الفصل التالي عبر الرابط: "رواية رغم فرق السن" اضغط على أسم الرواية