رواية تزوجت ولم ادري الفصل السادس والعشرون 26 بقلم نورا نور

الصفحة الرئيسية

                 رواية تزوجت ولم ادري الفصل  السادس والعشرون بقلم نورا نور


رواية تزوجت ولم ادري الفصل  السادس والعشرون

عند ايمى وصلها مسدج راحت تشوفها واتصدمت كانت مسدج من رقم غريب ومكتوب فيها مايان دلوقتى فى المستشفى وعايزه تشوفك والعنوان... واداها العنوان ايمى اتصدمت وقالت طب افرض كدب طب اعرف منين احسن حل اقول لعاصم رنت على عاصم بسرعه واول ما رد قالتله:عاصم الحق بسرعه فيه رقم غريب بعتلى مسدج فيها ان مايان فى المستشفى وعايزه تشوفنى اعرف منين انه بجد ولا فخ قولى اعمل ايه 
عاصم:خليكى عندك وابعتيلى اسم المستشفى وهروح انا ومالك
ايمى:لا لا والنبى خدنى معاك 
عاصم:اخدك معايا فين يا ايمى هو انا رايح رحله ابعتيلى يلا اسم المستشفى بسرعه 
ايمى بعند:مش هديلك الاسم غير لما تاخدنى معاك هه
عاصم بعصبيه:ايمى بقولك ايه انا مش ناقص خلاص ات*زفتى تعالى بس هتقعدى فى العربيه بس تمام 
ايمى بفرحه:تمام هقولك اهو وهاجى فورا استنانى عند المستشفى وانا هقابلك هناك اشطا
عاصم:اشطا!! ماشى ماشى يلا بسرعه 
نزلت ايمى وحاسه بفرحه انها هتشوفها لقت مسدج تانيه فيها تعالى لوحدك ومتقلقيش انا مش بكدب حتى شوفى وصورلها مايان وهى على السرير ايمى فرحت جدا وفى نفس الوقت زعلت انها ايه اللى وصلها لكدا وانها شايفاها فى السرير وبتشوف اسم الشخص دا اصله بعتلها واتس وكدا بتلاقى كاتب اسمه باسم ومعاها فى جروب الدفعه اتصدمت اكتر وقالت وده ايه اللى وصله ليها وبعدين لبست بسرعه وخلصت ونزلت ركبت تاكسى ومشيت 
❤️❤️❤️استغفروا❤️❤️❤️
عند عاصم ومالك 
عاصم:مالك فيه حد بعت رساله لايمى ان مايان فى المستشفى ولسه هيكمل 
مالك قاطعه بفرحه:بجد يعنى لقيناها وبعدين رجع قال مستشفى ليه حصلها ايه مالها هى كويسه انا لازم اروح اشوفها 
عاصم:اهدى يابنى احنا لسه هنتأكد من المعلومه صح ولا غلط ويلا عشان ايمى هتستنانى هناك
مالك:تمام يلا ودخلوا العربيه ومشيوا على المستشفى وصلوا ولقوا ايمى مستنيه وقالت لعاصم:انت اتأخرت كدا ليه كل ده تسبنى واقفه كنت شويه وهطلع 
عاصم:كنتى اعمليها وانا اك*سر دماغك قولتلك هتقعدى فى العربيه وبس 
مالك بإستغراب:انت بتكلمها كدا ليه وهى مستنياك ليه ومش فاهم حاجه 
عاصم بهدوء:هفهمك بعدين دلوقتى يلا نطلع وانتى تقعدى هنا 
ايمى بغضب:ماشى 
وطلعوا بسرعه وايمى طبعا لو معاندتش متبقاش هى وطلعت اتسحبت وراهم
سألوا على اسمها وعرفوا رقم الاوضه وطلعوا وايمى وراهم ووصلوا ولسه هيدخلوا 
باسم شافهم واتدايق ومنعهم وقالهم:انتوا رايحين فين وجيتوا ازاى وليه
مالك بعصبيه:انت بتعمل ايه هنا وازاى تمنعنى ادخل ومسكه من هدومه وقاله:دانت جن*يت على نفسك
جات ايمى بسرعه وعاصم بيحاول يفك ايد مالك من باسم وقاله يا مالك احنا فى مستشفى وجايين نشوف مراتك هنا ولا لا اوعى 
مالك سابه بالعافيه وكان هيدخل 
الدكتور جه وقال:ايه اللى بيجرا هنا انتوا فى مستشفى مش فى الشارع وبعدين يا حضره الضابط حضرتك عارف القوانين بس حضرتك بتتخ*انق مع الاستاذ ده ليه وداخل الاوضه دى ليه 
مالك كان هيرد قاطعه عاصم عشان عارف ان مالك متعصب دلوقتى وكدا فقاله:يا دكتور احنا عايزين نتأكد ان اللى جوه دى مراته ولا لا عشان فيه حد بعت رساله لمراتى ان صحبتها هنا ومستنياها
مالك مكانش مركز معاه لما قال مراته و باسم أتدخل وقال:مانا اللى بعتلها الرساله دى عشان تيجى تشوفها 
عاصم اتعصب وقاله:وانت تبعت رساله لمراتى ليه وجبت رقمها منين دانت ليلتك ولسه هيكمل ويروح يمسكه من هدومه 
مالك بسخريه قاله:اهدى يابنى اهدى احنا فى مستشفى مش ده كلامك سيبك منه دلوقتى وبعدين هنر*بيه وكانوا هيدخلوا الدكتور قالهم:مينفعش تدخلوا دلوقتى لازم مدام حضرتك اللى تدخلها عشان هى متعرفش غيرها
مالك بإستغراب:ايه اللى حضرتك بتقوله ده بقولك انا جوزها وهى عارفانا كلنا ممكن ندخل بقا ولا هتقاطعنا تانى
الدكتور:هقول لحضرتك مدام مايان عندها فقدان ذاكره مؤقت 
كلهم بصدمه:ايييه
 واتدخل مالك بصدمه واستغراب:مدام مين مين دى حضرتك انت بتقول ايه 
الدكتور:للأسف ده اللى حصل مدام حضرتك عملت حاد*ثه ونز*فت كتير والأستاذ ده جابها بيشاور على باسم وهى اتعرفت عليه لأنه كان صديق ليها فى الكليه زمان وحكاله اللى باسم قاله عليه انها ازاى مش فاكره انها متجوزه وكدا وبس هى حاليا مش فاكره الفتره القريبه دى هى فاكره كل حاجه قبل ده ومينفعش تعرضوها لأى صدمه او تخلوها تتعصب هى مع الوقت هتفتكر لوحدها 
كلهم اتصدموا وايمى زعلت على صحبتها وعاصم زعل على صاحبه وان المصا*يب كلها بتقع عليه مره واحده وانه مش عارف يعمله حاجه
ومالك مش قادر يستوعب وبيقول فى سره بعد ما كنت ما صدقت لقيتها وخلاص هعترفلها باللى جوايا يحصل كدا وقال لا انا هخليها تفتكر وهستناها يمكن فى الفتره دى احاول اخليها تحبنى ومتشوفش منى حاجه تدايقها ابدا وفاق وقال للدكتور:طب هنخلى صحبتها تدخلها بس ممكن ادخل عادى بصفتى شخص تانى ومش هفكرها بحاجه 
الدكتور:تمام اتفضلوا بس بسرعه عشان وقت الزياره قرب يخلص 
دخلوا لمايان لقوها فاقت وايمى جريت عليها ومايان دمعت وحضنوا بعض وايمى قالتلها:وحشتينى وهى بتعيط 
مايان:وانتى كمان بجد هو انا بقالى اد ايه طيب مش فاكره اللى حصل خالص ودماغى بتو*جعنى اوى وانتى عرفتى ازاى 
ايمى:جاتلى مسدج من اللى اسمه باسم ده كنت قلقانه عليكى اوى بجد انتى كويسه 
مايان:اه الحمدلله يا حبيبتي المهم متدخليش اللى اسمه باسم ده تانى هنا عشان انتى عارفه انى مش بطيقه ابدا وهو بنى ادم سم*ج وكل ده ومش ملاحظه وجود عاصم ومالك وبعدين انتبهت لقتهم وايمى اتوترت ومالك باصص بصه هى مقدرتش تفهمها وفرحان فى نفس الوقت انه شايفها ومش قادر يطمن عليها 
مايان بإستغراب:مين دول يا ايمى 
ايمى بتوتر:دول هاا دول دول قاطعها مالك بتوتر:احنا مع بعض فى الكليه مع ايمى وأما لقيناها مدايقه ومتغيره سألناها فى ايه بما إننا زمايلها وكدا قالتلنا اللى حصل وجينا نطمن عليكى معاها مش صح ولا ايه يا ايمى 
ايمى:اه اه طبعا دول اصدقائى وحبوا يطمنوا عليكى معايا وكدا وأنا خوفت اجى لوحدى ليطلع ال ولسه هتكمل قاطعها عاصم:خافت عشان فكرت ان حد بيك*دب عليها وبيعمل فيها مقلب وكدا 
ايمى بإبتسامه توتر:اه بالظبط كدا 
مايان بتتكلم من تحت لتحت ما بينها وبين ايمى بتقولها:بتصاحبى رجاله يا حي*وانه والله لتشوفى وابتسمت وقالت:تمام شكرا ليكم تعبناكم معانا وانا الحمدلله كويسه وشكرا بجد 
مالك:يعنى متأكده انك بقيتى كويسه
مايان:اه الحمدلله
عاصم:طب تمام يلا يا ايمى بقا وبكره نيجى نزورها 
ايمى:يلا ايه لا انا هقعد معاها 
عاصم بعصبيه مكتومه بس بيمثل الهدوء والابتسامة وبيقولها:يا بنتى بقولك يلا ثم إن الزياره قربت تخلص فيلا عشان اوصلك 
مايان بإستغراب:وحضرتك مالك بيها هى قالت هتقعد معايا انا مش فاهمه وتوصلها ليه هى بتعرف تمشى لوحدها اتفضل حضرتك أمشى انت 
ايمى بغضب:ايه يا مايان ده متتكلميش معاه كدا تانى والا هزعل منك انتى ازاى تكلميه كدا انا مبحبش حد يكلم ج ولسه هتكمل قاطعها مالك وقالها بإستغراب:فيه ايه يا ايمى الاه مالك انفعلتى كدا ليه ثم إن مايان مغلطتش هى مستغربه بس وانا كمان مستغرب الصراحه فى ايه يا عاصم 
عاصم بتوتر:مفيش حاجه يا مالك خلاص بقا وبعدين يا ايمى عادى مفيش حاجه هااا
مايان بإستغراب من طريقه ايمى ومن ان مالك دافع عنها وبعدين قالت:مش هقولك حاجه دلوقتى على طريقتك دى لينا بيت يلمنا وشكرا يا استاذ الا اسم حضرتك ايه قصدها على مالك 
قالها:مالك أسمى مالك بس يا مايان 
مايان:شكرا يا استاذ مالك وتشرفنا
مالك:وانا اشرف 
مايان ضحكت وكلهم ضحكوا وهو فرح انها ضحكت بس هو مبيعرفش يرد على الكلام الحلو وكدا وضحك معاهم وقال:نستأذن بقا 
وطلع بره هو وعاصم وقاله عاصم:اشرف يا اشرف يخرب عقلك حد يقول كدا 
مالك بعصبيه:ما خلاص بقا يا سى روميو انت بتتكلم مع ايمى كدا ازاى وهى مش مكانتش طيقاك ولا انتوا اعترفتوا لبعض ولا ايه
عاصم بعصبيه:متقولش اسمها تانى يا مالك على لسانك ايمى تبقى مراتى وانا اتجوزتها بقالى فتره وكنت هقولك بس حصل معاك مشا*كل كتير وكدا وحكاله كل حاجه 
مالك برفعه حاجب : ما بلاش انا أتكلم ساكتلك من الصبح عمال تقولها استاذه مايان ومايان وساكت بالعافيه وبعدين اقولك حببها فيك تروح تعمل كدا ثم ازاى تغصبها يابنى انت عايزها تكره*ك
عاصم:اهو اللى حصل بقا ثم ايه ساكتلى دى اومال اقولها ايه يا بنى ادم انت اقولها يا مدام مالك يعنى 
مالك:انا مش عارف هعمل ايه اصلا معاها وازاى هخليها تفتكر وهى اصلا هتقعد فين دا عمها دا كان عايز يجوزها عشان يخلص منها ويطلعها بره البيت وانا لسه مجبتلهاش حقها مش عارف هتقعد فين واعمل ايه
عاصم:حاول تشوف حل وهنلاقى متقلقش 
❤️❤️❤️اذكروا الله❤️❤️❤️
فى مكان تانى 
_لقاها لقاها ازاى وبعدين دا خر*ب كل حاجه خططتلها وحب*س رجالتنا ومفكر انه كدا خلاص اللعبه انتهت لا وهيشوف ايه اللى هيحصل
=يا فندم هو لقاها بس هى فاقده الذاكره يعنى مش هيتهنى ولا هى هتفتكر حاجه 
_مهو بردوا مش كفايه ولا هشفى غلي*لى منه ابدا ولسه ياما هيشوف 
عند ام سامر قررت تقول لأبوه وتشوف هتعمل ايه 
دخلت بتقوله:يا حج ابنك عمل وحكت كل اللى حصل فجأه بيحصل.......

يتبع الفصل السابع والعشرون اضغط هنا
رواية تزوجت ولم ادري الفصل السادس والعشرون 26 بقلم نورا نور
ranosha

تعليقات

ليست هناك تعليقات
إرسال تعليق
    google-playkhamsatmostaqltradent