رواية عشق احفاد الصياد الفصل الثاني والعشرون والأخير بقلم اسراء هاشم
رواية عشق احفاد الصياد الفصل الثاني والعشرون والأخير
الجميع حاسس بحزن كبير علي فقدان عز وبيتم اجراء مراسم ودفن عز
الكل حزين ومش قادرين يصدقو انهم خسرو عز
حنان: حزينه ومبتتكلمش مع حد علي فقدان ولدها
بيمر اليوم بكل حزن ووجع عليهم والكل قلبو حزين والفرحه مبقتش موجودة اتبدل مكانها الحزن والكل حاسس نفسو فكابوس ان حياتهم اتبدلت فيوم وليله من فرح لحزن وفقدان اعز الناس
بيجي يوم جديد علي ابطالنا بيحمل احداث كتير
بينزل الجميع بيقعدو عالسفرة للافطار وكلهم قاعدين بصين للاكل بحزن ومحدش بياكل والكل سرحان
بيقطعهم دخول نهي القصر ومعاها رشاد
حنان بتتصدم صدمه كبيرة ان رشاد رجع ومع مين مع نهي حنان بصدمه انت اي اللي جابك هنا
احمد وسالم واقفين حاسين انهم فقدو النطق بوجود رشاد لان هو المفروض كان محبوس ازاي واقف قصادهم وكمان مع نهي ازاي يعرفو بعض
نهي: بتتكلم بحزن معلش قطعنا عليكم فطاركم وصح كنت هنسا البقاء لله سمعت بخبر موت عز بيه وبتبتسم نهي بخبث
رشاد: بحقد اي يا بنات اخويا مش هتسلمو علي عمكم ولا اي
اسراء وهمسة مش فاهمين حاجه واقفين ساكتين ومصدومين
رشاد: بخبث ولا امكم معلمتكمش الادب وان المفروض تسلمو علي عمكو
اسراء: بغضب ازاي تتجرا وتتكلم كدا علي امي انا امي مربينا احسن تربيه
مراد: واقف ومتابع اللي بيحصل بتجيلو مسدج علي موبيلو
سالم: بغضب اي اللي جابك يا نهي وتعرفي رشاد منين 😡
نهي: بخبث اوبس هو انا مقولتلكش يسالم ان البيت ده بيتي
وان كل املاكو دلوقتي بقت باسمي وان انتو كلكو هتطردو من البيت وكل حاجه وهتبقو فالشارغ زاي ما طردتني يسالم
الكل واقف حاسس بصدمه كبيرة من اللي سمعوة
سالم بغضب انتي بتقولي اي بيت مين اللي بقا باسمك انتي اتجننتي ينهي
نهي بتكمل بحقد لا يسالم متجننتش انا قولتلك هندمك يسالم علي اللي عملتو واديني نفذت وعدي
بتطلع نهي اوراق وبتدهلهم ودي الاوراق اللي تثبت كل حاجه باسمي بتنازل من ابوكو عز الصياد 🤡
كل حاجه بقت باسمي انا ورشاد
رشاد: بغل وبكدة اكون نفذت انتقامي منكو يا ولاد الصياد وخسرتكو كل حاجه حتي ابوكو زاي ما عملتو فيا زمان وحبستوني وضيعتو حياتي وقضيت عمري هربان بسببكو
ومن يومها خدت وعد اني انتقم منكو وبقيت اراقبكو وعرفت نهي وعرفت انها بتكرهكو هي كمان واتفقنا انا وهي سوا وفضلنا نخطط ليكو كل اللي حصلكو كان بخطه مني انا ونهي وخطتنا نجحت وعز مات وخدت املاكو كلها وهزلكو يا ولاد الصياد وهرميكو فالشارع وبيضحك رشاد بعلو صوته انا اللي كسبت يا ولاد الصياد
الكل واقف بصدمه من اللي سمعوة والصدمه الاكبر كانت من نصيب سليم واسيل وسالم ان امهم هي السبب فكل اللي حصلهم وسالم مصدوم ان نهي ورا كل ده وموت ابوة
بيقطعم صوت سقفه 👏🏻👏🏻👏🏻👏🏻 الكل بيندهش بيبصو بيلاقو مراد واقف بيسقف ومش فاهمين اي اللي بيحصل
مراد: بيقف قصاد نهي ورشاد بيبصلم وبيقولهم برافو احيكو علي خطتكم بس في حاجه صغيرة عاوز اورهلكو
نهي ورشاد بيبصو لبعض باستغرب ومش فاهمين حاجه
مراد: في مفاجاه عاوز اورهلكو اتمني انها تعجبكو مراد بيتصل بشخص ادخل
الكل واقف ومستني مين اللي هيدخل وباصين للباب
بيدخل عز القصر الكل بصدمه بابا جدو انت عايش
نهي ورشاد واقفين بذهول مش قادرين يصدقو اللي شايفينه ازاي عز عايش
نهي: بجنون ازاي ازاي انت عايش
مراد: ولسه فيه مفاجاه كمان ينهي هانم هتعجبك اوي
مراد: بصوت عالي نسبيا ادخل
بيدخل شخص الكل بيتنح من الصدمه اسيل بصدمه ايان
مراد: اتمني تكون مفاجتي عجبتك ينهي هانم
نهي بجنون وغل هقتلك يمراد ازاي قدرت تنقذهم ازاي وبقت تصرخ بجنون
مراد: بابتسامه ولسه فيه مفاجاه كمان يا رشاد هتعجبك اوي اوي اوي وبيسبهم مراد وبيخرج لخارج القصر
والكل واقف بذهول الصدمات اللي بتحصل ليهم كانهم فقدتهم النطق والحركه
بيدخل مراد القصر تاني ومعاه شخص بجانبه بيسنده مراد
حنان واحمد وسالم بدهشه: محمود والصدمه الكبيرة بتكون من نصيب اسراء وهمسة فهم اول مرة يرو ولدهم
بيقعدو مراد وبيقعد محمود بتعب وبيبصلهم باشتياق وحب
رشاد: بجنون وصراخ لا مستحيل اخسر يا ابن الصياد هقتلكو كلكو عرفت مكانو ازاي
مراد: طبعا الكل مش فاهم حاجه ازاي ايان عايش وجدو وعمي محمود انا هقولكو ازاي
مراد: بيبص لي نهي ورشاد طبعا انتو كنتو فاكرين نفسكو اذكياء انكو تقدرو تعملو ده من غير ما اكشفكو
بس اللي انتو متعرفهوش ان انا كنت سابقكو بخطوة
وكنت عارف كل خططكو وكنت مراقبكو
واللي انتي متعرفهوش يا نهي هانم ان انا كنت حططلك مسجل فاوضتك انتي وعمي من بعد الحريق اللي حصل فالقصر ومش بس كدا وكنت حاطط حد يراقبك وكنت حاططلك كمان جي بي اس
لا ومش بس كدا وانت كمان يرشاد انا قدرت اشتري الحارس بتاعك بالفلوس وحطتلك كاميرا فمكانك وكنت بعرف كل خططك صوت وصورة
اللي مكنتش عامل حسابو انك تفكري تقتلي ايان لانك اتفقتي مع الراجل بليل وكان برا القصر
بس الحظ مكنش فصفك اللي حصل ايان كلمني فاليوم ده وقالي فرامل العربيه متشالة
وانا ساعتها نزلت بسرعه وكنت سايق بسرعه كبيرة عشان اوصلو بس اللي حصل ان نهي كانت متفقه كمان ان عربيه تخبطو غير الفرامل كمان وفعلا العربيه خبطت ايان وكنت انا لسه موصلتش لي ايان وكنت سامع صوت الانفجار وساعتها سوقت بسرعه رهيبه ورحت لقيت العربيه مولعه ومش باينلها ملامح
وفضلت واقف مكاني صرخت بانهيار ومشيت لقدام شويه وانا دموعي بتنزل وانا ماشي سمعت صوت حد بينازع وبيان بوجع
مشيت ورا الصوت ولقيتو ايان فالارض وساند ضهرو علي شجرة وكل دم وجروح ومتبهدل جريت عليه بلهفه
ايان ايان انت كويس انت عايش
بيكمل ايان بدل مراد اللي حصل وقتها ان جات عربيه خبطتني والعربيه اتقلبت بيا ساعتها انا حاولت افتح باب العربيه واطلع طلعت بصعوبة وكنت خلاص هفقد الامل اني هموت بس حاولت لحد ما الباب اتفتح وخرجت من العربيه وانا بزحف معداش دقيقه والعربيه انفجرت فضلت ازحف بعيد عن النار لحد ما وصلت عند الشجرة دي ومراد شافني
مراد: ساعتها خدت ايان فعربيتي ورحت بيه عالمستشفي
والدكتور عالج ايان ودخلتلو
مراد: لي ايان حمد الله علي سلامتك يا بطل
ايان بتعب الله يسلمك يمراد
مراد: ايان انت لازم تظهر قدام الكل انك ميت
ايان بصدمه اي لي وازاي
مراد: ايان اللي حصلك ده بفعل فاعل واللي حصل ده كان حد قاصد يقتلك عشان كدا لازم نبينلهم ان خطتهم نجحت ونبان ان انت مت لحد ما نعرف مين
وفعلا بنفذ الخطه وباخد ايان وبوديه لي الفيلا بتاعتنا اللي عالطريق الصحراوي لان هناك محدش بيروح هناك خالص وكمان المكان فاضل لانو طريق صحراوي ومحدش هيقدر يعرف مكانو
ورجعت القصر فاليوم ده وقولتلكم ان ايان مات لاني كنت شاكك في نهي وشاكي طلع صح لما سمعت التسجيل بتاعها وهي بتكلم الراجل اللي اتفقت معاه علي قتل ايان عشان تديلو فلوسو
اسيل وسليم واقفين بصدمه ودموع ان امهم شرها وصل للقتل وتاذي اقرب الناس ليهم
مراد: ومن يومها فضلت مراقب نهي لحد يوم طلاقها هي وعمي ولقيتها راحت لرشاد وساعتها انا اتفقت مع الحارس بتاع رشاد واديتو فلوس خليتو يحطلي كاميرا صغيرة
وعرفت خطتتهم واللي هي تخلي السكرتيرة تحطلي مخدر فالقهوة وياخدوني عالشقه ويخلو اسراء تشوفني مع السكرتيرة علي اساس اني بخونها عشان نتطلق
وانا مشيت معاهم فخطتهم وشربت القهوة ورحت معاهم الشقه وقومت لقيت السكرتيرة جمبي ونفذتلهم كل خطتهم وطلقت اسراء عشان ميفكروش ياذوها وبطلاقي منها كدا نهي وصلت لهدفها انها تبعدنا عن بعض
بعد ما اسراء مشيت انا خدت السكرتيرة المخزن وخلتها تعترف بكل حاجه وقالتلي علي خطتكم التانيه ان انتو تمضو جدي علي ورق تنازل بكل الاملاك تحطلو الورق بنص الورق بتاع الصفقه وبكدا جدي مش هياخد بالو ويمضي بس انا ساعتها هددتها اني سجلتلها كل حاجه وهحبسها وهي خافت ونفذت خطتي واتفقت معاها تبدل الورق وتحط ورق مزور 😉
وبكدا تكونو انتو اقتنعتو بخططكو انها نجحت ومحدش كشفكو
اما بقا جدي انا عرفت خطتكو وانكو ناوين تقتلوة وساعتها انا كلمت جدي وعرفتو كل حاجه وكان لبس واقي ضد الرصاص ساعتها
والدم وكل ده كان خطه مني ونقلنا جدي المستشفي وساعتها دخل اوضه العمليات وانا كنت متفق مع الدكتور وكنا مجهزين جثه حد ميت مكنش لي اهل وخدنا جثتو وبدلنها علي اساس انها جثه جدي وادفنت وبكدا يبقا قدام الكل جدي مات لكن جدي انا خرجتو من المستشفي وكان كويس ووديتو الفيلا عند ايان
وعملت ده عشان تظهر يرشاد وتيجي برجلك لحد عندي بس اللي صدمني ومكنتش عارفو ولا عامل حسابو كنت قاعد فمكتبي وفاتح اللابتوب وشوفتك وانت داخل لعمي محمود اتصدمت ساعتها
وكلمت مازن صحبي يساعدني واستنك لحد ما خرجت من مكانك انت ونهي وخليت مازن بتفاق مع الحارس بتاعك دخل وجاب عمي محمود وبعتلي مسدج من شوية انو قدر يخرجو
بس اللي مفهمتوش انت لي كنت حابس عمي محمود وباين من شكلو انك حابسو من فترة كبيرة مع انو المفروض اخوك
وكمان ينهي رشاد اللي انتي متفقه معاه ده هو السبب في ان اسيل تكون مدمنه وكنت عايز يموتها بالادمان ومش بس كدا وكان عاوز يفضحها ولولا ايان انقذها وحكالي اللي حصل واللي سمعو وان رشاد كان متفق مع واحد ياخد بنتك وهي سكرانه وتحت تاثير المخدرات شقه مشبوها ويصورها وهي معاه ولولا ايان بصدفه كان رجع مصر فالوقت ده وشاف اسيل وهي خارجه ومش وراها كان زمانو دمر بنتك ينهي هانم
نهي بتبص لرشاد بذهول
مراد: ومش بس كدا لا نهي هانم هي اللي زقت مراتي من عالسلم وبسببها كنت هخسر مراتي وخسرت ابني اسراء كانت حامل
الكل حاسس بصدمات كتير اوي ومش قادرين يستوعبو اللي بيسمعوة
ولا مش اكتفت بكدا وبس لا دي هي السبب هي ورشاد اني اسيل يحصلها تسممم الكل حاسس بصعقه كهربائيه بتنزل اثر كلمات مراد
بس هي مش كان قصدها اسيل هي كان قصدها عمتو حنان بس الحظ وقف ضددها واسيل اللي شربت العصير بدل عمتي ورغم كدا مبطلتش غل وكرة وفضلت مكمله وووووو
مراد: ورغم اللي حصل لبنتها برادو فضلت مكمله فحقدها وشرها
وكمان هي السبب هي ورشاد فحادثه همسة كانو قاصدين يقتلوها بس برادو المرة دي الحظ موقفش معاها وهمسة عدت منها بس حصلها شلل موقت بسببهم
الكل واقف مذهول وسليم واسيل مش قادرين يستحملو الصدمات اكتر من كدا وخجلين ان واحده بشر ده كله تكون امهم
لا وكمان هما السبب فنشر الصور بتاعتي انا ومراتي وكانو قصدهم يفضحو مراتي بس للاسف مقدروش لان انا كنت سبقهم ووثقت تاريخ الجواز بسرعه قبل الصور متتنشر
نهي هانم كانت ناوية تقتلنا كلنا حتي ولادها مكنوش فارقين معاها
مراد: بيقف قصاد محمود وبيطلب منو عمي محمود دلوقتي جه دورك تحكلنا رشاد حبسك ليه
محمود: بيبص لحنان وولادو عارف انكو مش هتسامحوني بس صدقوني غصب عني ودموعه بتنزل وحنان وهمسة واسراء وقفين يعيطو مش مصدقين ان ابوهم قدامهم
حنان: مش مصدقه ان حب عمرها قدامها بعد ما سبهم كل السنين دي وساب بناتو ورغم كل ده لسه بتحبو
محمود: رشاد كان حبسني عندو بقالو 19 سنه
اسراء وهمسة وحنان واقفين بدهشه من اللي بيسمعوة
بيكمل محمود وهو عيونه علي حنان اخر يوم خرجت فيه وسبت البيت ساعتها روحت قعدت مع نفسي وفضلت افكر
اكتشفت اني غلطان واني لازم اصلح غلطتي وارجع لبيتي وبنتي ومراتي الحامل واتغير واشتغل ويبقا عندي عيلة
ساعتها كلمت رشاد وقولتلو اني مش همشي ورا كلامو تاني ولا هشتغل معاه وانتي عاوز اشتغل بالحلال ومش عاوز امشي فطريق الغلط تاني وعايز يبقي عندي عيلة واربي ولا
ساعتها رشاد رفض حاول يقنعني واتخنقنا انا وهو ساعتها انا هددتو لو مبعدش عن حياتي وبطل الشغل اللي بيشتغلو ده هبلغ عنو وساعتها رشاد اتجنن وفضل يضرب فيا وضربني علي دماغي وانا محستش بحاجه من بعدها وخدني لمكان مفهوش حد وفضل حبسني هناك
وبيبص لرشاد بحزن وغضب كان ربطني بجنزير واقفال عشان معرفش اعرف وافضل هناك طول حياتي
وغير كدا كان بيمنع عني الاكل بالايام وبيخلي ريجلتو يدخلو يضربوني وكان بيهددني بيكو دايما انو هيقتلكو
وكان بيدخل ويقولي اللي كان بيعملو فيكو وجبلي صوركو
وكانو كان بيتلذذ بوجعي ودموعي وعجزي اني مش قادر اعملكو حاجه وانا كنت تحت رحمتو وطلبت منو كتير انو يقتلني انا بس اهم حاجه ميجيش جمبكو ولا ياذيكو
الكل مش قادر يصدق اللي بيسمعوة ان اخ يعمل كدا فاخوة ويحاول يقتل مرات اخوة وولاد اخوة عشان خاطر الحقد والفلوس
محمود: بدموع وبيبصلهم سامحوني سامحوني انا السبب فكل ده عشان سمعت كلام اخويا من الاول ودموعو نزلة بوجع
بتترمي همسة فحضنو وهي دموعها نازلة شلالات واسراء نفس الكلام
وبيحضنو محمود بدموع وبتتكلم اسراء وحشتني اوي يا بابا متعرفش احنا كنا محتاجينلك قد اي كان نفسنا يبقا عندنا اب
محمود: بيضمهم لحضنو اكتر وانتو وحشتوني اكتر يحبايب بابا كنت خايف اموت ومشفكوش ولا انكو تسامحوني
اسراء وهمسة: بعد الشر عليك يبابا احنا مش زعلانين منك انت اتعذبت زاينا واكتر الحمد الله انك رجعتلنا تاني يحبيبي
محمود: بيبص لحنان بدموع واشتياق وبيتكلم وحشتني اوي يحنان لسه جميلة زاي منتي عارف اني ظلمتك وجيت عليكي سامحيني يحنان وعايز اقولك انك لسه مراتي واني مطلتقكيش والورق اللي جالك ده كانت مزور وخطه من رشاد عشان تكرهيني وتفتكري اني اتخليت عنك
بيقوم محمود وبيقف قصاد حنان وبيمسك ايدها يبوسها تحت انظار الجميع وبيقولها حقك عليا انا اسف المهم انك تسامحيني وان اللي حصل ده غصب عني وعارف اني غلط فحقك بس سامحيني انا بحبك يحنان ابوس رجلك ولسه هيوطي محمود بتمسكو حنان وبتترمي فحضنه وبتتكلم بدموع واشتياق كبير وحشتني اوي يمحمود معرفتش انساك ولا اكرهك رغم كل حاجه وحشه مرت علينا وكنت بتمني وبدعي انك ترجع خلاص يمحمود انسا اللي فات المهم انك رجعتلنا بخير بيحضنها محمود بشتياق كبير والعيلة فرحانه برجعوها لبعض
معاده نهي ورشاد هيموتو من الغل والحقد والكرة ان كل خطتتهم فشلت
مراد: بيبص لنهي بكرة وبيرجع يبص لسالم للاسف يا عمي في حاجه كمان نهي هانم عملتها انا مكنتش حابب اقولها ليكو وبيبص لسليم واسيل وسالم
نهي: كانت بتخونك يعمي مع رشاد
الكلمه بتنزل زي الصفعه عليهم معقول وصلت بيها الحقارة كدا
سالم: وشه بيتحول لغضب وكرة ووشه بيحمر من الغضب وعروقه بتنفر وعيونه بتحمر زي الدم وكان الجحيم داخلهم
نهي ورشاد بيندب الرعب داخلهم وبيظهر عليهم الخوف من شكل سالم اللي ميبشرش ابدا
سالم بغضب بينزل بالاقلم علي وش نهي وبيمسكها من شعرها
وبيتكلم بغل وغضب: يا بنت الك 🐕 انا تخونيني يزباله انا تستغفليني هقتلك ينهي هقتلك واشرب من دمك وبيمسكها سالم من رقبتها ونهي بتصرخ بخوف والكل واقف مصدوم
سالم بيخنق نهي وبيتكلم بجنون هقتلك لازم اموتك يفاج"رة
نهي علي وشك الاختناق والموت ووشها بيحمر وبيبداء الاعسجين يقل
مراد: بيمسك سالم وبيحاول يبعده عن نهي ومراد مش قادر عليه سالم دلوقتي مش فوعيه من غضبه عندو قوة تهد جبال
بيجري ايان يمسكو معاه وبيبعدوة الاتنين عن نهي بتقع نهي فالارض باختناق وبتحاول تاخد نفسها ومسكه رقبتها بخوف
سالم: بجنون اوعي يمراد سبني اخلص عليها الفاج"رة دي
مراد: وهو لسه ماسك سالم اهدي يعمي مش دي اللي توسخ ايدك علشانها ولا تضيع نفسك وحياتك عشان دي احقر من انك تقتلها الموت ليها هيبقا رحمه انا نفسي اقتلها لانها سبب فموت ابني وكانت عاوزة تقتل مراتي بس مش هوسخ ايدي فواحده زايها متستاهلش والموت بنسبالها رحمه وانا مش عاوز ارحمها
بيهدا سالم من كلام مراد وبيقف بعيد وبيبص لولاده بقهر وشايف القهر فعيون ولادة وقد اي هما مكسوفين ان دي امهم
مراد: بيبص لنهي بكرة ليكي عندي مفاجئه كمان ينهي
وبيبص مراد لرشاد
رشاد بيخاف من نظرات مراد لي
وبيكمل مراد رشاد اللي انتي كنتي متفقه معاه كان ناوي يقتلك انتي كمان والدليل انو كان ناوي يقتلك معانا يوم حريقه القصر وكان عارف انك موجودة معانا
ومش بس كدا وكان ناوي يقتل بنتك وابنك كمان
ولما خطتو منجحتش كان مستني ياخد كل حاجه الاول ويخلص مننا وبعد كدا يقتلك انتي كمان
رشاد واقف برعب حقيقي وخايف من اللي هيحصل
نهي بتبص لرشاد بكرة وبتقوم نهي من عالارض وبتتكلم بجنون لا انا مش هخسر لوحدي وهقتلكو كلكو
وبتقول لرشاد بكرة وغل وهقتلك انت كمان يا رشاد الكل 🐕
وفلمح البصر وبتكون نهي طلعت مسدس من شنطتها اللي ماسكها وبتبداء تضرب طلقات علي رشاد
الكل واقف بصدمه كبيرة وخوف ومصدومين انها قتلتو
نهي بتفضل تضرب طلقات علي رشاد وهي بتضحك بهستريا
وبيقع رشاد سايح فدمه ومات عالفور
(دي اخرة كل واحد بيفكر فالشر والقتل ان دايما الشر والكرة والغل اخرة وحشه ونهايتك هتكون بشعه يا ابن ادم هتبقا خسرت دنيتك واخرتك)
نهي واقفه بتضحك بجنون وبتبصلهم قتلتو عشان هو خاين وهقتلكو انتو كمان زاي مخسرت كل حاجه لازم انتو كمان تموتو
فالوقت ده بتدخل الشرطه وبتكون الشرطه محسرة المكان كلو وبيكونو واقفين من بدري وسامعين كل حاجه
الكل واقف باستغراب ازاي الشرطه دخلت
بيقرب الظابط من نهي وبيمسكها نهي مطلوب القبض عليكي بقتل رشاد ولسه جرتئم تانيه كتير
مراد بيقرب منهم وبيدي للظابط مسجل صغير للظابط وبيقولو كل حاجه هنا متسجله وكل اعتراف نهي موجود هي وكمان اعترافتها وخطتتها هي ورشاد بياخد الظابط المسجل من مراد
وبيمسكو نهي ونهي بتصرخ بجنون لا مستحيل لا وبيبقا فايدها المسدس لسه وبترفعو وهتضرب علي مراد وبتتكلم بجنون هقتلك يمراد وبتضرب نهي الطلقه بس بيلحقها الظابط بسرعه كبيرة وبيرفع ايدها لفوق وبكدا الرصاصه مجتش فحد
بيشدو نهي ويخدوها وهي خلاص اتجننت وعمالة تصرخ وتضحك بهستريا لا مش هخسر هقتلكو هرجع تاني وهقتلكو
وبيخدوها وبيخرجو
الكل واقف بحزن وصدمه علي اللي وصلتلو نهي وانها لسه بتفكر فالقتل وازاي قدرت تعمل كل ده وفيه شر وحقد لدرجه دي
نهي خارج القصر الظابط مسكها ولسه هتركب بيتطلع تجري نهي منهم وبتحاول تهرب وهي بتجري بتكون جايه عربيه كبيرة جدا وبسرعه كبيرة وبيتخبط نهي وبتتحدف نهي الناحيه التانيه اثر الخبطه وبتقع نهي ميته فثواني وماتت ابشع موته اثر حدفتها بتكون جايه كبيرة تانيه مبتلحقش تقف وبتموت نهي موته شنيعه جدا لان رسها بتتف"صل عن جسمها وكمان رحليها وبتكون نهي ميته شبه اتقطع"ت
الظباط واقفين من اللي حصل لنهي الظابط بيتكلم لا حول ولا قوة الا بالله دي اخرة اللي بيفكر فالقتل والشر وبيكمل للعسكري ادخل القصر بلغهم اللي حصل
داخل القصر الكل واقفين زاي مهما مش قادرين يستوعبو لسه اللي حصل
بيلاقو العسكري داخل بحزن وبيقولهم مدام نهي كانت بتحاول تهرب وهي بتهرب عربيه كبيرة خبطتها وكملت عليها عربيه تانيه ومدام نهي شبه اتقطعت وماتت
الكل واقف بصدمه وذهول من اللي سمعوة وبينهارو سليم واسيل علي امهم اللي ماتت ابشع موته
( وبكدا تكون ماتت نهي وخسرت دنيتها وكمان اخرتها ان الخير دايما بينتصر عالشر وان ربنا مبيظلمش حد وربنا بيجبلنا حقنا من اللي ظلمنا
الحقد والكرة والغل ملوة قلب نهي ورشاد وطمعهم للفلوس وصلهم لنهاية بشعه وخسرو كل حاجه فدنيتهم وكمان اخرتهم
افعل يابن ادم كما شئت فكما تدين تدان
وان زاي ما حولينا ناس بيحبونا فيه ناس برادو بيكرهونا وبيتمنلنا الاذي وبيكونو قرايبين مننا بس ربنا دايما موجود وقادر يبعد عننا كل شر
تمرير الاحداث بعد مرور شهرين اليوم يوم غير عادي
النهاردة اتحاد عشق احفاد الصياد ان رغم الصعاب اللي مرو بيها اتحد عشقهم مع بعض واليوم حفل زفاف احفاد الصياد
توضيح مراد بعد ما طلق اسراء ردها ليه فنفس اليوم
ومرادنا بطلنا الدنجوان اللي انقذ عيلته قرر يعمل فرحه من اول وجديد
النهاردة بيكون عشق احفاد الصياد اتجمعو مع بعض والسعاده رجعت لقلوبهم تاني وحبهم لبعض بقا اقوي من الاول وكل واحد عايش مع معشوقته اجمل لحظات
وحنان ومحمود عز طلب انهم يفضلو فالقصر وكفايه فراق تاني وكلهم اتحدو وبقو عيلة واحده وبقو مبسوطين جدا واخير الشر والمشاكل انتهت
داخل اكبر قاعه افراح فالبلد واشهر رجال الاعمال حاضرين ولما لا فاليوم حفل زفاف احفاد الصياد
واقفين ابطالنا وكل واحد مستنو معشوقته وجوة فرحه كبيرة لا توصف
وبينزل محمود وهو ماسك اسراء وبيسلمها لمراد وبيقولو خالي بالك منها دي كل حياتي
مراد بحب: انت بتوصيني علي روحي يعمي دي روحي وبياخد مراد معشوقته وبيبوسها بحب كبير قدام الناس كلها والكل مدهوش من جراة مراد وفرحانين بيه وسليم وامير وايان بيصفرولو 😂😂😂 ايوة بقا يعم
اسراء بتكون هتموت من الخجل من جراءة مراد قدام الناس وبياخد مراد اسراء وبيروحو مكانهم
وبينزل محمود وفايده همسة وبيسلمها لسليم ومحمود لسه هيتكلم سليم بيقاطعه مش محتاج انك توصيني يعمي همسة دي بنتي وحبيبتي
محمود بيبتسم وبيدعلهم ان يدوم عليهم السعاده
سليم بيبوس همسة من راسها وبيبوس ايدها وبيقولها اي الجمال ده كلهم
وهمسة هتموت من خجلها ووشها بيحمر
سليم: بمشاكسة اي رايك نلغي الفرحه ونطلع عالبيت احسن وبيغمزلها
همسة بخجل سليم بس بيقا
بيضحك سليم علي همسته الخجولة وبياخدها وبيروحو مكانهم
وواقف ايان وامير علي احر من الجمر وبيتكلمو هما مش هينزلو بقا 😂 امير انا مش قادر استني هطلع اخدها انا واللي يحصل يحصل 😂😂
ولسه امير هيطلع بيلاقي عز نازل وفايدة ريناد بيتصدم امير من جمال ريناد وبيقطعهم فنفص السلم وبياخدها منو 😂
الكل بيضحك علي جنان امير 😂
بياخد امير ريناد وهو مبهور من جمالها وسحرها
عز: خلي بالك منها يا امير لو عملتلها حاجه هتلاقيني وقفلك
امير: دي فعنيا وفقلبي يجدو وبيمسك ايدها يبوسها وبيوس رسها وبيقولها امير مكنتش اعرف انك هتطلعي الجمال ده نفسي اخبيكي عن عيون الناس دي كلها ومحدش يشوفك غيري بحبك اوي يا اجمل حاجه فحياتي
ريناد: بخجل وانا بحبك اوي يا امير
بيشيلها امير بفرحه وجنون وبيلف بيها قدام الناس والكل بيضحك علي جنونه وبيسقفلهم وبياخدها امير وبيروحو مكانهم
بينزل سالم وفايدة اسيل: بيشوفها ايان قلبه بيدق بعنف وبيتوة فجالها وقد اي هي طالعه جميلة اوي النهاردة
سالم: بيسلم اسيل لي ايان وبيقولو مش محتاج اوصيك عليها عشان عارف انت بتحبها قد اي
ايان: بيبص لي اسيل فعيونها انا مش بس بحبها انا بعشقها يعمي ومقدرش اعيش من غيرها وهتفضل فقلبي دايما
سالم بحب ربنا يخليكو لبعض يا ولاد وبياخدوها ايان وبيروحو مكانهم
وبيبداء الفرح وكل واحد واخد معشوقته وبيرقص بيها وتايه فعالمهم
بيجي الدي جي وبيدي لمراد الميك زي ما مراد طلب منو
بيمسك مراد الميك وبيبص لي اسراء فعيونها والكل مركز معاهم
مراد: بحب وفرحه كبيرة حابب اقولكو شكرا انكو شاركتونا فرحتنا وعارف الكل مستغرب ان عملت فرحي تاني
بس انا حبيت افرح الانسانه الوحيدة اللي عشقتها فحياتي كلها وحبيت اعملها فرح من اول وجديد وبقولها قدامكو كلكو اان انا بحبها جدا ومقدرش اعيش من غيرها انا بقيت بدمنها هي اعظم ست فالدنيا وقلبي عمرو محب ولا هيحب غيرها بحبك يا اسراء
اسراء بفرحه كبيرة وانا بعشقك يا مرادي
وبيحضنها مراد وبيلف بيها
بياخد منو سليم الميك
وانا حابب اقول للانسانه اللي غيرتني وخلتني واحد تاني اخب الحياه وخلتني اعشقها بجنونها وطفولتها وبراىئتها
ان انتي اعظم حاجه فحياتي انتي اللي خلتني احب الحياه من اول وجديد بعد ما كنت كرها بعشقك يا اجمل بنت شافتها عيوني وقلبي
بتحضنو همسة بحب كبير وانا بحبك اوي يا سليم وبيحضنها سليم وبيلف بيها وحاسه من جواه حاسس بفرحه كبيرة وحاسس انو ملك الكون بجوازة من همسته
بياخد امير الميك من سليم: وبيتكلم بمرح واشمعنا انا يعني هي جات عليا 😂 الجميع بيضحك علي مشاكسته
امير بيبص لريناد بحب كبير وبينزل علي ركبه قدام ريناد
تحت انظار الجميع المدهوشين
امير: بحب حابب اقولك قدام الناس دي كلها اني بحبك اوي وانك خطفتي قلبي وملكتني من اول مرة شوفتها فيها وانا قلبي حبك واني بقيت بعشقك وانا النهاردة اسعد واحد فالدنيا عشان بقيتي مراتي ريناد تقبلي تكملي عمرك كلو معايا
ريناد بفرحه كبيرة وحاسه انها هتطير من فرحتها موافقه موافقه
بيقوم امير وبيحضنها بحب كبير وريناد بتحضنه وبتقوله بعشقك يا اميري انت امير احلامي
امير: بيشلها ويلف بيها بفرحه كبيرة وبيقلها بعلو صوته بحبككككك
الكل بيسقفلهم بفرحه كبيرة علي جنون وعشق احفاد الصياد
ايان : بيمسك الميك وبيبص اسيل بعشق وبيقولها
انا مش هقول اني بحبك لاني عديت مرحله الحب بكتير انتي بقيتي ادماني يا اسيل حبك ملكني من وانتي لسه طفله انتي حب عمري وطفولتي ومراهقتي وشبابي وهتفضلي حبي للابد انتي اجمل حاجه حصلت فحياتي انتي كل حاجه ليا بقيتي ادماني اللي بعشقو ومقدرش اكمل عمري من غيرها
بتحضنو اسيل وبتتكلم بحب كبير انا اللي بعشقك يا ايان انت اجمل راجل فالدنيا انت عوض ربنا الجميل عن كل حاجه وحشه بعشقك وبموت فيك يا اياني ❤ وبيحضنها ايان وبيلف بيها وهو بيقولها وانا بعشقك يا اسيلي ❤
وبكدا يكون اكتمل العشق واتحدو احفاد الصياد والكل فرحان بيهم وعز فرحان وفخور باحفاده اللي قدرور ينقذو العيلة
وكل العيلة مبسوطه بيهم وبفرحتهم وحبهم لبعض وبيمر اليوم بسعاده وفرحه كبيرة علي ابطالنا
وبكدا تنتهي حكايتنا مع عشق احفاد الصياد وبيتحدو بقوة عشقهم لبعض
ويارب تكون عجبتكو وحبتوة وقدرت اوصل رسالتي ليكو وان الخير دايما بينتصر عالشر
وهستنا رايكم فالبارت وفراوية واتمنو تكونو حبتوها وعجبتكم وتكونو حبيتو نهايتها
هستنا رايكم فالكومنتات وتفاعلكو القمر زايكو يقمراتي
ومش هقولكو هتوحشوني عشان هكمل معاكو في رواية انا الاعصار ❤😂
وحقيقي كنت مبسوطه معاكو جدا وبكومنتاتكو ورايكم
تمت الرواية كاملة عبر مدونة دليل الروايات
- الفهرس يحتوي على جميع فصول الرواية كاملة :"رواية عشق احفاد الصياد" اضغط على اسم الرواية