رواية لن تغفر لك الجزء الثاني 2 الفصل الثالث والعشرون 23 بقلم الاء محمد

                   رواية لن تغفر لك الجزء الثاني 2 الفصل الثالث والعشرون بقلم الاء محمد

رواية لن تغفر لك الجزء الثاني 2 الفصل الثالث والعشرون 

‏‏"إن لم تقاتل من أجل ما تتمناه، ستقاتل أضعافه من أجل التأقلم مع وضع أنت لا تريده."

صباح يوم جديد صحي ادهم بدري زي العاده وراح طالع برا الاوضه وهو ماشي لقي جميله هي كمان طالعه من الاوضه راح عليها وهو بيضحك 

ادهم .. صباح الخير صحي بدري يعني 

جميله .. صباح النور قلقت فا قومت قولت انزل اجهز الفطار علي ما عمتي تصحه براحتها 

ادهم راح مقرب منها ومسك ادها وراح باسها وبقا يتكلم بصوت كله حب

ادهم .. تسلم ايدك يا حبيبتي بس في مشوار الاول لازم تيجي معايه الاول قبل اي حاجه

جميله بستغراب .. مشوار ايه دلوقتي انت عارف الساعه كام اصلا 

ادهم .. هتعرفي ايه هو المشوار بس يلا ولا مش وثقه فيا 

جميله بضحكه .. انا يا ادهم مبثقش في حد غيرك انت في الدنيا دي كلها وامشي وراك وانا مغمضه حتي لو هروح معاك اخر الدنيا 

ادهم .. طب يلا بدل متهور امشي معايه 

ضحكت جميله علي ضحكت ادهم وهي من جواها حساء أنها مرتاحه طول مهي قريبا منه وراحو مشيو مع بعض وهي مسك في أيده جاامد

بعد شويا صحيت تفيده وراحت نزلت تجهز الفطار وبعدها بشويا دخلت عليها فرح وهي بتلم شعرها 

فرح .. صباح الخير يا مرات عمي

تفيده .. صباح الورد يا بنتي 

فرح .. اسعدك في ايه قولي وانا هحضر معاكي 

تفيده .. تسلمي يا بنتي انا معرفاش جميله كل ده نايمه لي مش بالعاده 

فرح .. براحتها دلوقتي تيجي وبعدين انا موجوده ولا منفعش يعني يا مرات عمي 

تفيده راحت علي فرح علي كانت واقفه وحطه اديها في وسطها وزعلانه راحت تفيده رفعة اديها ضمت بيها وش فرح بين اديها وبقت تضحك 

تفيده .. فشر انتي تنفعي ونص ولا تزعلي نفسك انا بس مش عايزه اتعبك 

فرح بضحكه .. مدام انفع بقا يبقا انتي تقعدي هنا يا ست الكل وانا اللي هحضر الفطار 

تفيده بقت فرحان بفرح اللي خدت عليها وهي بقت تحسها بنتها اللي مخلفاهاش وبقت تتفرج عليها وهي بتحضر الفطار راحت قامت مرا واحده

تفيده .. مدام قربتي تخلصي هروح انا اشوف الحاج ابراهيم اتاخر ليه 

فرح حركت رأسها بمعني ماشي وراحت تفيده طالعت علي فوق وفرح بقت تحضر الفطار وهي واقفه مره واحده لقيت اللي حضنها وبقا دافن رأسه في رقبتها وراح باسها وبقا يشم ريحتها 

ركان .. صباح الخير يا فرحة عمري

فرح وهي بتحاول تستجمع نفسها بقت تتكلم براحه وبصوت هادي 

فرح .. صباح الخير يا حبيبي وراحت لفت وشها لي ركان راح شدها من وسطها لي جامد وبقا مفيش فاصل بنهم 

ركان .. رايحه فين

فرح وهي بتزوق ركان وهي حطه ادها علي صدره

فرح .. ركان حد يدخل ويشوفتا كدا تبقا نصيبه

ركان راح قرب قوي منها وراح باسها تاني 

ركان .. هسيبك المره دي بس ولكن بعد كدا مش هسيبك تبعدي عني 

فرح بقت تطلع الاكل علي السفره والكل اتلم وبردو جميله مجتش ولا هي ولا ادهم

ابراهيم .. امال ادهم فيين هو مشي تاني ولا ايه 

تفيده .. مش عارفه والله يا حج هقوم اشوفه 

ابراهيم .. خاليكي قاعده تلقي مشي مهو كان قايل أن هو هيمشي وبقا يبص كدا امال فين بنت اخوكي لسه نايمه ولا ايه 

تفيده لسه هتتكلم لقيت ادهم داخل عليهم 

تفيده .. اهو ادهم جي اهو هقوم اشوف جمي

تفيده لسه مكملتش اسم جميله لقيتها داخله ورا ادهم وهي باين عليه أنها خايفه وعماله تلعب في صوابعها وماشيه برااحه وادهم ماشي عادي خالص

ابراهيم بص كدا راح لقي ادهم وجميله راح قام واقف وراح عليهم وعيونه عليها 

ابراهيم .. انتي كنتي فيين يا بت من الصبح كنتي بتعملي ايه برا وحدك 

ياسر قام عشان يدافع عن جميله اللي كان شكلها خايف راح بسرعه واقف جنب ابراهيم 

ياسر .. مش كدا يا عمي براحه عشان تعرف تتكلم وراح ماد أيده عشان يمسكها

ياسر .. تعالي يا جميله متخفيش 

ولسه هيمسك ادها راح لقي اللي مسك أيده وزقها وعيونه كلها غيره وراح شاد جميله موقفها جنبه

ادهم لياسر .. انا مش قولتلك ايدك دي لو اتمدت تاني انا هقطعهالك 

ياسر .. ولا تقدر تعمل حاجه انت ناسي أن هي فحكم خطبتي وراح علي جميله اللي راحت واقفه ورا ادهم بقت تستخبا في 

ادهم .. انت شكلك مش بتفهم انا هفهمك وراح مدي ياسر حتت بنيه كومتو في الأرض 

راح مهدي راح بسرعه علي ابنه هو دنيا 

مهدي .. متقول حاجه يا حاج ابراهيم ولا احنا جين هنا عشان ابنك يهزقنا 

ابراهيم .. ادهم انت ناسي كلامك ولا ايه جميله بكره خطوبتها علي ياسر 

ادهم .. مش ناسي حاجه عشان كدا انا هسيبلك البيت وهمشي بس مش وحدي هاخد مراتي معايه

ابراهيم بصدمه .. مراتك مراتك ميين 

ادهم وهو ماسك ايد جميله اللي كانت ميته في جلدها من الخوف بحمايه .. مراتي جميله بقت مراتي الكلام نزل علي الكل زي الصاعقه وفي منهم اللي فرح وارتاح وفي اللي قلبه انكسر وفي اللي كان مضايق وبقا كله غل 

★★ فلاش باك ★★

جميله وادهم لما طلعو برا البيت ادهم اخد جميله علي بيت اول مره تشوفه راح ادهم خبط الباب وطلع راجل كبير في السن وعلي وشه بشاشه ونور ربنا مالي وشه من الايمان راح ابتسم ل ادهم 

ادهم .. اذيك يا شيخ متولي 

متولي .. بخير يا ولدي ادخل منتاش غريب 

دخل ادهم وجميله اللي كانت مستغربا البيت اللي اول مره تدخله لقيت واحده ست واقفه بتضحك 

متولي .. خوشي انتي جو مع خالتك ام حسام 

جميله بقت واقفه وعينيها علي ادهم اللي طمنها بعيونه وهي كانت حاسه براحه غريبا 

متولي .. معاكي بطاقه يابنتي 

جميله لسه هتجاوب لقيت ادهم طلع من جيبه البطاقه الشخصيه بتاعتها هي و هو

ادهم .. ايو اهي يا شيخنا بس مفيش شهود عشان كتب الكتاب 

متولي .. جوا في يا ولدي انا عامل حسابي 

بعد وقت كانت قاعده جميله هي وادهم و الشيخ متولي اللي كتب الكتاب وراح شال المنديل 

متولي .. بارك الله لكم وجمعا بينكم في خير ♥️

جميله من الفرحه كانت عينيها بتلمع بدموع الفرحه وراحت الحاجه ام حسام زغرطت والشهود شربو شربات ومشيو ومتولي هو ومراته دخلو جوا وسابو ادهم وجميله وحديهم جميله قامت مرا واحده وراحت جريت علي حضن ادهم اللي كان طاير من الفرحه جميله بقت دموعها تنزل علي كتف ادهم اللي اول محس بدموعها راح رافع وشها لي وبقا محاوط وشها بين أيده وبقا يمسح دموعها بصوابعه براااحه

ادهم .. لي الدموع دي بدل متكوني فرحانه

جميله بدموع .. انا ده اكتر وقت فرحانه في لدرحت اني مش عارفه اعمل ايه غير اني اعيط 

ادهم .. يعني دي بقا دموع الفرحه مش الندم 

جميله راحت رمت نفسها في حضن ادهم واتشعلقت في رقبته جااامد 

جميله .. انا لو هندم هيكون علي عمري اللي كان قبل مكون في مش علي اسمك 

ادهم راح لف أيده علي وسطها بتملك وقرب منها اوووي وراح اخير شفايفهم اتقبلت مع بعض وراحو في عالم مفهوش غير هما وبس 

وبعد وقت ادهم بعد عنها بصعوبه وهو صدره بينهح وهي كمان قلبها كان بيدق جااامد 

ادهم .. طب يلا نروح بدل متهور في بيت الناس لينا اوضه تلمنا سوا 

جميله بقت مكسوفه من ادهم وراح ادهم مسك ادها وطالعو برا لحد موصلو البيت وقربو يدخلو 

جميله بخوف .. ادهم انا خايفه 

ادهم قرب منها عشان يطمنها .. متخفيش انا معاكي وراح دخلو سواء من بعد ما جميله سابت أيده ودخلت بعديه 

★★ نهاية فلاش باك ★★

ابراهيم راح قرب من ادهم وهو متعصب والغل عميه وبقا يتكلم بصوت كله غل قريب من ودنه

ابراهيم .. انت عارف انت كدا عملت ايه 

ادهم ببرود .. عارف عشان كدا انا هخدها وهمشي من البلد وهنسافر واعتبر أن انت معندكش عيال 

ابراهيم بقا يبص علي جميله وهو مغلول منها

ياسر بصدمه وعصبيه .. انتي ازاي تعملي كدا 

دنيا بخبث .. اكيد عشان يداري عليه ايه اللي يخليها تتجوز كدا اللي لو في حاجه حصلت 

جميله بقت واقفه مصدومه من اتهام دينا ليها أن هي ممكن تكون فرطت في نفسها 

دنيا وهي بتبص علي فرح وركان وبتتكلم بنفس الخبث .. كويس أن هي لقيت اللي يقبلها وهي كدا مش زي غيرها مقضيها ولا ههمها حد 

فرح قلبها وقع في رجليها من كلام دينا وبقت تبص علي ركان ودموعها نزلت بصمت وبقت تمسحها من غير محد ياخد باله 

ابراهيم كلام دينا خله بقا زي المجنون وخصوصاً كل حاجه بتأكد أن فرح ليها علاقه بركان 

مهدي .. دنيا اسكتي خالص مسمعش صوتك دنيا 

دنيا لما اتاكدت أن هي شعللت الدنيا راحت ساكته وطالعة اوضتها وهي علي وشها ابتسامه انتصار وبقت تلم هدمها عشان تغور في دهيا 

مهدي راح علي جميله اللي كانت بتعيط وراح حط أيده علي كتفها براحه 

مهدي .. هسئلك سؤال واحد وتجوبي بصراحه

جميله بقت تمسح دموعها وبقت تهز راسها بمعني

مهدي بهدوء .. بتحبي اوي كدا عشان تقبلي تتجوزي بالطريقه دي

جميله بقت تبص علي ادهم اللي كان واقف جنبها ووشها بقا احمر من الكسوف وبقت تبص علي خالها وهي مكسوفه 

مهدي .. انا كدا فهمت وراح علي ادهم وراح وقف قصاده واتكلم بصوت كله حب

مهدي .. خالي بالك منها واوع تزعلها في يوم 

وراح بص علي ياسر اللي كان عيونه حمره ومضايق وعيونه علي جميله 

مهدي .. يلا يا ياسر عشان هنرحع مصر النهارده 

وراح ماسك ابنه ومش من قدامهم وإبراهيم طلع برا هو كمان راحت جميله جريت علي عمتها 

جميله .. اوعي تزعلي انتي كمان يا عمتي 

تفيده .. ازعل كيف وانتي بقيتي مرات ولدي انا الود ودي ازغرط 

جميله .. يعني مش زعلانه مني 

تفيده وهي بتحضن جميله وفرحانه .. مبروك يا بنتي ربنا يسعدكو وراحت باصه علي ادهم اللي كان واقف مبسوط أن اخير الحلم بقا حقيقه وجميله بقت لي تفيده وهي بتحط ادها علي كتفه ادهم .. روح يا ولدي اطلع فوق انت ومرتك 

ادهم اخد جميله وراح طالعو فوق راحت تفيده بصت علي فرح وركان اللي كانو واقفين 

تفيده .. عقبالكم انتو كمان ربنا يلم شملكم 

فرح و ركان وقفو مصدمين من كلام تفيده ولسه هيتكلمو راحت هي سيباهم ومشيت 

تفيده .. فكرني موخداش بالي إياك وراحت دخله المطبخ وسابت فرح وركان وهما بيبصو لبعض

بقلمي الاء محمد

   ★★★★★★★★★★★★★★★★

بعد اسبوع كانت روز قاعده علي حرف السرير وهي مصدومه راحت قامت مره واحده من مكانها زي متكون الكهرباء مسكتها وراحت حاطه ادها علي بوقها وبقت تتكلم وهي مصدومه 

روز بصدمه .. مش ممكن حااامل 😳

راحت بقت تلف في الاوضه وهي مش عارفه تعمل ايه راحت لبست بسرعه وطلعت من الاوضه لقيت ابوها وامها قاعدين بيشربو القهوه 

ناني .. اخيرا طلعتي يا روز تعالي يا حبيبتي اقعدي معانا 

روز .. مش دلوقتي يا مامي انا لازم اروح مشوار دلوقتي   ‏

هشام .. تروحي فين دلوقتي انتي مش شايفه الساعه كام 

روز .. مش هتاخر ساعه واحده وهرجع 

وراحت طالعه بسرعه من البيت

هشام .. هي مالها في ايه بيحصل معاها 

ناني .. سيبها يا هشام روز مهياش صغيره 

هشام .. خليكي انتي كدا لحد مهنروح فدهيا بسببك وراح سابها وماشي وهي فضلت قاعده بعد شويا كانت وصلت روز الديسكو اللي ياسر بيقعد في بقت تدور عليه وسط الاضاء اللي كانت ماليا المكان والموسيقى العاليه روز بتبص كدا لقيت ياسر قاعد علي البار راحت عليه علي طول ياسر كان لسه داخل من شويا ويادوب كان بيشرب وهو مضايق راح لقي اللي بتخبط علي كتفه راح لف وشه لقي روز اللي كان شكل وشها متغير عن آخر مرا شفها فيها كان وشها دبلان وتحت عنيها اسود راح بص عليها بستغراب وبقا يشرب تاني 

ياسر .. خير عوزه ايه ولا في حاجه نستي تقوليها

روز بغضب .. متفكرنيش با اليوم الاسود ده 

ياسر .. كويس انك عارفه أنه يوم اسود جي ليه

روز .. انا في مصيبه ولازم تشوفلي حل

ياسر بتهكم .. مصيبت ايه دي اللي حلها عندي 

روز .. انا حامل عرفت ايه هي المصيبه 

ياسر كان بيشرب راح مرا وحده شرق وعيونه برقت بصدمه .. حاامل حامل ازاي 

روز .. قصدك ايه مش انت اللي عملت كدا اتصرف

ياسر راح مسكها من ادها جامد وبقا يهزها بعصبيه

ياسر .. انتي هتصتعبطي ولا ايه هو انا جيت جنبك غير في اليوم الاسود ده بس

روز بقت تعيط .. قصدك ايه بكلامك ده انا محدش لمسني غيرك 

ياسر دموع روز خلت حاجه في تتحرك راح ساب ادها وبقا يتكلم بصوت هادئ عشان تبطل عياط

ياسر .. خلاص اهدي وانا هتصرف 

روز بقت تمسح دموعها بضهر ادها وتلم شعرها اللي جي علي عينيها من شدة ياسر ليها 

روز .. هتعمل ايه يعني 

ياسر .. قولتلك هتصرف يومين بالكتير وانا هحل الموضوع ده يلا امشي من قدامي 

روز مشيت وهي بتهدي نفسها ومكنتش واخده بالها ب ياسر اللي كان واقف ولاول مره بيبص عليها بعيون فيها حاجه وقلب اول مره يحس الاحساس ده 

بقلمي الاء محمد

   ★★★★★★★★★★★★★★★★

جميله كانت طالعه من الحمام من بعد ما غيرت هدومها اول ما طلعت لقيت ادهم قاعد علي حرف السرير راح قام اول مهي طلعت 

جميله بكسوف .. انا جهزتلك الحمام 

ادهم راح قرب منها اوووي وبقا يتكلم

ادهم .. جميله انا اسف علي طريقه جوزنا دي بس اوعدك هعوضك 

جميله .. انا مش فارق معايا اي حاجه كفايه أن انا بقيت معاك معاك انت وبس يا ادهم 

ادهم .. انا كمان مفكرتش غير في غير انك تكوني ليا واوعدك هعملك احلا فرح ويا ستي لحد مدا يحصل احنا هنكون في فطرة الخطوبه بس ده بينا وقدام الكل احنا متجوزين عادي 

جميله بضحكه .. اللي انت شايفه يا ادهم المهم أن احنا مع بعض ادهم راح حضن جميله وهي كمان بقت جوا حضنه راح ادهم بسها علي رأسها وبقا محاوط وسطها بتملك

بقلمي الاء محمد

   ★★★★★★★★★★★★★★★★

صباح يوم جديد صحي الكل وبقا الكل ملموم علي السفره بيفطرو وإبراهيم خد قراره خلاص لازم يتصرف راح اتكلم وهو باكل 

ابراهيم .. اعملو حسابكم أن فرح ابن الحاج مسعود النهارده وعازم الكل ولازم كلنا نروح 

تفيده .. ومالو يا حاج ربنا يتممله علي خير 

ابراهيم وهو بيبص علي ادهم .. اعمل حسابك انك هتحضر معايه الاول كنت مسافر لكن دلوقتي اهل البلد عرفين انك هنا مش هينفع متجيش 

ادهم .. اللي تشوفه يا بوي حاضر 

راح ابراهيم بص علي فرح هي كمان .. وانتي كمان لازم تحضري عشان الحريم يعرفو انك انتي بنت اسماعيل اخويا واهي فرصه تتعرفي علي اهلك 

فرح بارتباك .. بس انا معرفش حد منهم يا عمي 

ابراهيم .. هتعرفيهم هيكون معاكي مرات عمك 

تفيده .. متقلقيش يا بنتي انا هكون معاكي وجميله كمان هتكون معاكي يعني منتيش وحدك 

فرح .. حاضر أن شاء الله هكون جاهزه بليل 

ابراهيم راح بص ل ركان وتكلم .. وانت كمان يا دكتور هتحضر واهو تعرف عاداتنا وتقلدنا 

ركان وهو بيبص علي فرح راح اتكلم وهو بيبص علي ابراهيم تاني 

ركان بثقه .. اكييد هحضر 

خالصو فطار وإبراهيم راح علي المندره هو وادهم وركان وجميله وفرح شالو السفره وراحو المطبخ عند تفيده عشان يخلصو كل حاجه بدري 

بقلمي الاء محمد

   ★★★★★★★★★★★★★★★★★

بليل حور راحت ل ابوها المكتب عشان تعملو مفاجأة بس لما وصلت ملقيتش حد في المكتب بقت واقفه علي باب المكتب وهي مضايقه ولسه هتمشي لقيت اللي بينده عليها بتلف تشوف مين لقيت حاتم جي عليها وقفت وهي قلبها بيدق

حاتم .. بتعملي ايه هنا دلوقتي 

حور .. كنت جي اعمل مفاجأة ل بابا بس مش موجود 

حاتم .. سراج باشا روح النهارده بدري بس مفاجأة حلوه أن أشوفك انا قبل ما اسافر 

حور .. تسافر تسافر فين 

حاتم .. شغل يومين كدا وهرجع 

حور هي وحاتم كانو بيتكلمو وهما مشين لحد ما طلعو برا حور فضلت واقفه 

حاتم .. امال عربيتك فين 

حور .. اصل انا جيه من غيرها علي اساس هروح مع بابا يلا مش مشكله هطلب اوبر 

حاتم .. اوبر وانا موجود اتفضلي اركبي اوصلك 

حور .. مش عايزه اعطلك

حاتم .. ولا عطله ولا حاجه اتفضلي اركبي العربيه هتنور والله حور بقت يتركب وهي بتضحك علي كلام حاتم اللي بقا تايه في ضحكتها وراح راكب وفضلو ساكتين راح حاتم مشغل اغنيه رومنسيه وفضل يراقب حور طول مهو سايق وحور كانت قاعده مكسوفه وقلبها بيدق جاامد لحد ما وصلو تحت العماره راح حاتم قفل الاغاني حور لسه هتنزل راح حاتم اتكلم بسرعه 

حاتم .. فكرتي يا حور احب اسمع ردك قبل مسافر

حور فضلت ساكته وهي مكسوفه مش عارفه تعمل ايه او تقول ايه 

حاتم .. ماشي يا حور انا كدا فهمت وبقا مضايق ووشه بأن عليه الزعل حور استجمعت شجعتها و نسيت كسوفها وراحت اتكلمت بصوت واطي حاتم يسمعه بالعافيه وقالت 

حور .. انا كمان

حاتم من بعد ما كان مضايق بقا مش مصدق نفسه وبقا يبص عليها كدا وهو متنح 

حاتم .. انتي قولتي ايه 

حور بكسوف .. انا كمان بحبك ❤️

حاتم بفرحه .. هو سراج باشا فوق مش كدا 

حور بستغراب .. اكييد فوق لي 

حاتم .. عشان اطلب ايدك منه 

بقلمي الاء محمد

   ★★★★★★★★★★★★★★★★

ابراهيم كان قاعد هو وادهم وركان في المندره مستني الباقي عشان يروحو الفرح بعد شويا دخلت تفيده وهي لابسه عبايه سمره جميله و بعدها دخلو فرح اللي كانت لابسه فستان احمر في ورد ابيض صغير وبعدها جميله اللي كانت هي كمان لابسه فستان جولد في اسود راح قام ابراهيم طالع برا هو والباقي وراه ركان وادهم كانت عنيهم علي فرح وجميله وبقيو مشين وبعد شويا وصلو البيت اللي كان متزين بفروع النور الملونه والاغاني الشعبيه بتاعة اهل البلد والرجاله كلهم قاعدين في الصوان اللي كان مليان أضاء جميله واغاني وأهل البلد كلهم قاعدين والأكل طالع داخل والحريم كانو قاعدين جوا بيهيصو ويغنو والبنات بترقص وست كبيره بتغني والباقي بيسقف والشربات بيتوزع عليهم وصوت الزغريط مالي المكان راحت وام العريس قامت ترحب بتفيده مرات الحاج ابراهيم وسلمت علي جميله اللي هي تعرفها من الاول واتعرفت علي فرح ان هي بنت الحاج اسماعيل  اخو ابراهيم وراحو قاعدين وسط الناس وعلي وشهم فرحه واستغراب للأجواء اللي اول مره كانت فرح تحضرها بعد شويا تفيده ام العريس خدتها عشان تتعرف علي أهل العروسه وبقت جميله وفرح وحديهم وسط الناس راحت فرح بصت علي جميله 

فرح .. متيجي نطلع برا شويا من الدوشه دي 

جميله .. برا هتلقي الرجاله تعالي نقف ورا البيت في نور بس مفيش ناس كتير 

قامت فرح هي وجميله عشان يشمو هوا ويرتاحو من الدوشه شويا وهما وقفين جت عليهم واحده راحت واقفه قصدهم جميله و فرح خافو منها 

الست .. انتو مين و واقفين هنا بتعملو ايه 

جميله .. انا جميله بنت اخو مرات الحاج ابراهيم ودي فرح بنت اخوه 

الست .. هو انتو وراحت مشاوره ل اتنين ستات جم عليهم وراحو مسكين جميله و فرح اللي قلبهم بقا يدق من الخوف حاولوا كتير ان هما يهربو بس الستات كانو ضخمين ومسكتهم جاامد راحت واحده منهم طالعت بخاخه رشت في وشهم راحو في دنيا تانيه محسوش بنفسهم خالص 

عند ابراهيم كان قاعد مع الرجاله وادهم قاعد جنبه هو وركان وكل الرجاله كانو بيسلمو عليه وبيحاوله يتقربو منه عشان هما عارفين مين ابراهيم الدهشوري كويس وهو فجاء وهو قاعد وماسك العصايه وساند عليها ادي الاتنين حت لي رساله راح مطلع التلفون واول ما بص في راح ضحك ضحكه خبيثه وراح قام استأذن منهم وقام ادهم جي يقوم راح مشوارله أن هو هيعمل تلفون وهيجي تاني راح قاعد جنب ركان اللي مكنش مرتاح لي من ساعة ما قام ابراهيم راح ركب عربيته ومشي راح نفس المكان اللي اخد في هديه عشان هو مكان معزول عن الناس واول ما وصل راح مطلع فلوس كتيير اداها ل الستات اللي اول ما اخدو الفلوس اختفوا راح هو داخل علي اوضه لقي فرح وجميله مرمين علي الارض متكتفين و مش حسين باي حاجه راح جاب قزازة المياه اللي كانت علي التربيزه وراح فاتحها وبقا ينزل المياه عليهم عشان يفوقو جميله وفرح أول ما المياه جت عليهم راحو فاقو مخضوضين وبقيو ياخدوا نفسهم بالعافيه واول ما فتحو عنيهم وشافو ابراهيم قدامهم قلبهم وقع فرجليهم

ابراهيم .. جي وقت الحساب ليكو 

بقلمي الاء محمد

   ★★★★★★★★★★★★★★★★★

تفيده رجعت مكانها ملقيتش فرح ولا جميله فضلت تدور عليهم ملقيتش والفرح خلاص خلص العريس والعروسه طالعو اوضتهم والناس ابتدأت تمشي راحت طالعه وهي مخضوضه راحت عند ابراهيم وادهم عشان تقولهم واول ما طالعت لقيت ركان وادهم وقفين وحديهم راحت عليهم وهي مش عارفه تعمل ايه من بعد ما دورت عليهم وسائلة عليهم ومحدش شافهم زي ميكون فص ملح ودأب ادهم اول ما شاف أمه كدا راح عليها بسرعه وركان راح ورا 

ادهم بقلق .. مالك يا امي في ايه 

تفيده بخوف وقلق .. الحق يا ادهم جميله وفرح مش لقياهم دورت عليهم جوا كأنهم فص ملح ودأب ركان اول ما سمع كدا كان واقف قدام تفيده وبقا خايف علي فرح 

ركان بعصبيه .. هتكون راحت فين فرح 

ادهم بقلق .. كيف ياما مش هما دخلو معاكي هيروحو فين تفيده كانت واقفه خايفه عليهم وركان بقا يلف حولين نفسه وادهم كان قلقان 

ركان مرا واحده اتكلم بصوت عالي 

ركان .. هو مفيش غيره لي مصلحه أن هي تختفي 

ادهم .. انت تقصد مين يا دكتور 

ركان .. هو في غيره ابوك طبعا اللي معرفش ياخد ورث فرح من بعد ما انت اتجوزت جميله اكيد هو اللي خطفها اللي يقتل يعمل اوسخ من كدا 

ادهم بصدمه .. يقتل ايه يا دكتور 

ركان .. ايو يقتل ابوك قتل اسماعيل عشان ياخد الجمل بما حمل ودلوقتي فرح واقفه في طريقه عشان يعرف يتصرف في كل حاجه بس وديني لو لمس شعره واحده منها لكون قتله  ركان قال كلامه وراح راكب العربيه بتاعته ورجع علي البيت وادهم وتفيده هما كمان ركبو عربيتهم عشان يروحو ادهم لتاني مره كان مصدوم في أبو اللي بقا قتال قتله هو طلع مش قاتل خالو ومرات خالو بس ده حتي اخو كمان مسلمش من شرو وتفيده كمان كانت مصدومه هي صحيح من ساعة متحوزت ابراهيم وهو عصبي وطبعه قاسي بس مكانتش تتخيل أن هو ممكن يقتل ولا يقتل مين اكتر حد قريب منه قتل اخو اللي من لحمه ودمه محستش بنفسها غير والعربيه وقفت قدام البيت راحت نزلت دخلت جو ركان اول موصل البيت طلع علي اوضته وراح مطلع المسدس اللي كان جيبه معا عشان لو حد اتعرضلو يقدر يدافع بيه عن نفسه وراح حاطه مخبيه تحت التيشيرت ورا ضهرو وراح نزل تحت عند ادهم وتفيده وراح مطلع الفون 

ركان .. الو اسمع يا حاتم فرح اتخطفت بس المره دي غير اللي فاتت المره دي ممكن يحصلها حاجه 

حاتم .. اهدا طيب يا ركان وانا هعمل اتصالاتي لحد ما اجيلك 

ركان قفل مع حاتم وراح بص علي ادهم 

ركان .. احنا هنفضل قاعدين كدا لحد ميعمل فيهم حاجه وراح طالع برا ادهم طلع ورا 

ادهم .. انا مش عارف هيكونو فين دلوقتي 

وراح عند الرجاله اللي كانو بيحمو البيت عشان يعرف منهم ممكن يلاقي ابراهيم فين 

بقلمي الاء محمد

   ★★★★★★★★★★★★★★★★

فرح وجميله أول ما شافو ابراهيم قدامهم بقو خايفين زي ميكون شافو عزرائيل بقيو خايفين منه راح ابراهيم قرب منهم وعيونه بطق شرار 

ابراهيم .. انا هحاسب كل واحده فيكو وهصلح غلطي في نفس الوقت ايو غلطي منا اللي قتلت اهليكو بس ملحوقه وراح مطلع المسدس اللي كان شايله في جيب الجلبيه من جوا فرح وجميله بقيو مصدومين من كلام ابراهيم اللي بيقولوا وبقيو يعيطو ويهزو رأسهم بمعني لا 

ابراهيم .. ايوا انا اللي قتلت ابوكي يا فرح عشان كان هياخد كل حاجه حتي وهو بعيد ابوي بردو كتبله البيت والأرض وانا اللي كنت بشقه واتعب يجي هو ياخد علي الجاهز 

فرح بقت تعيط وهي مصدومه أن ابوها اللي كان كل همها ميكون ميت وهو زعلان منها طلع ميت مقتول لا ومين اللي قتله اخو وعشان الفلوس 

بقت تعيط وتهز رسها جميله فرح بقت صعبانه عليها وبقت تعيط علي عياطها راح ابراهيم بص عليها وهو بيضحك بشماته 

ابراهيم .. وانتي كان المفروض تكوني موتي في العربيه لما قطعت الفرامل بتاعتها بس طلعتي زي القطط بسبع ارواح وفوق كل ده عينك علي ولدي فكرك هسيبك تكوني مرات ولدي لو هو عايزك انا مش عاوزك وهقتلك زي مقتلت ابوكي 

جميله بعياط .. عمالك ايه عشان تقتله هو وأمي لي تحرمني منهم وتيتمني 

ابراهيم بعصبية .. عشان شافني وانا بقتل ابوي 

جميله و فرح في صوت واحد .. ايه تقتل ابوك 😳

ابراهيم .. ايوا انا قتلت ابوي عشان مرضيش يكتب كل حاجه ليا ولما اعترضت كان هيحرمني من الورث طول عمره وهو ميال ل اسماعيل كل حاجه اعمل زي اخوك اتصرف زيه لحد ما بقيت مكرهش في دنيتي دي غير اخويا وهو كمان 

واديني قتلته هو وإسماعيل وايوكي وامك 

فجاء الباب انفتح ودخل ركان وادهم اللي اول ما دخل جري علي جميله اللي كانت منهاره وفكها هي وفرح فرح فضلت واقفه قدام ابراهيم وهي مصدومه وإبراهيم كان مصوب المسدس بتاعه عليها وركان طلع المسدس بتاعه وبقا مصوبه علي ابراهيم راح فجاء دخل واحد ماسك بندقيه وراح مصوبها علي ابراهيم وعيونه كلها غل 

عوض .. وهديه نستها يا ابراهيم مش هي كمان انت قتلتها هي وابني الكل بقا وقفين وكل واحد مصوب مسدس علي التاني راح ركان شد فرح لحضنه وفي ساعتها خرجت رصاصتين جم فيهم 

ادهم و جميله .. 😳😳

تفتكرو مييين اللي جت فيهم الرصاصتين 

يتبع الفصل الرابع والعشرون  اضغط هنا

• تابع الفصل التالي عبر الرابط: "رواية لن تغفر لك" اضغط على اسم الرواية