رواية حب خارج ارادتي فصل خاص بمشهد عز وغرام بقلم ماهي احمد
رواية حب خارج ارادتي مشهد عز وغرام
مشهد اضافي من روايه حب خارج ارادتي 💞
ولاء رجعت بضهرها لورا ومن غير قصدها خبطت في شريف
ولاء( بتوتر ) : انا .. انا اسفه مكنتش اقصد
شريف : لا عادي ولا يهمك
شريف مد ايده عشان يتعرف علي ولاء
شريف: هاي انا شريف اخو عز العريس
ولاء مدت ايدها
ولاء : بجد بتهزر😍
وانا ولاء اخت العروسه
شريف : لا انتي بتهزرى بقي
ولاء : لفت راسها يمين وشمال من غير كلام بمعني انها مابتهزرش
طيب ممكن تسمحيلي بالرقصه دي ياولاء .. ولاء وشها احمر جدا واتكسفت
شريف : ( بابتسامه ) انا شوفت الوش الاحمر ده فين قبل كده
ولاء رجعت بأيديها شعرها ورا ودنها وبصت في الارض
شريف : اه افتكرت
ولاء رفعت راسها وبصتله باستغراب
شريف : دي نفس الوش الاحمر بتاع غرام لما تتكسف
ولاء : ما احنا زي بعض في كل حاجه انت نسيت ان احنا اخوات
شريف ( مد ايده لولاء مره تانيه بابتسامه ) : طيب مش هتسمحيلي بالرقصه دي معاكي ياولاء
ولاء مدت ايدها لشريف وطلعت علي الاستيج مع عز وغرام ومراد وايمان ورقصوا سوا هما السته كان يوم من اجمل ايام عمرهم وعز اخد غرام بفستان فرحها وكانوا محضرين الشنط
وغرام بتودع ولاء
غرام : هتعملي اي ياولاء من غيري
ولاء : ماتقلقيش عليا ده انتي كلها شهر بالكتير وهترجعي عيشي انتي حياتك بقي وفكري في نفسك شويه
عز : يلا بقي ياغرام
غرام: مش هاين عليا اسيبها ياعز ترجع لمرات ابونا تاني وابويا الله يسامحه
شريف : ومين قالك انها هترجعلهم
غرام : يعني ايه .. يعني سافري انتي بالسلامه وولاء هتفضل معايا هنا انا وعم حسين
عم حسين : سافري انتي يابنتي واطمني ولاء في عنيا
ولاء : شوفتي خلاص بقي ماتقلقيش عليا
غرام حضنت ولاء والدموع في عنيها
عز حط ايده علي كتف شريف وخبط علي كتفه وقرب من ودنه بهمس
عز : مش هوصيك علي ولاء ارجع الاقيها متصانه زي ما ما هي
شريف : ماتقلقش عليها ولاء في عنيه
عز وغرام ركبوا عربيه
ومراد وايمان عربيه تانيه
وكل واحد واخد عروسته ومش قايلها هو مسافر انهه بلد
عز مسك ايد غرام وطلعوا الطياره وكان مشبك ايده بأيديها واول ما قعدوا رفع ايديها وهي متشبكه في ايديه وراح باس ايديها
غرام ( اتكسفت ) : عز بطل عشان الناس
عز : ما طظ في الناس انا الناس ولا انتي ليكي راي تاني
غرام : ( بابتسامه عريضه ) تؤ .. تؤ .. لاء ماليش
بقلمي ماهي احمد
غرام : مش هتقولي بقي رايحين فين
عز : انتي مش عز القدرى
غرام : اه
عز : خلاص عايزه تعرفي ليه كفايه انك معايا
غرام : هتفضل طول عمرك مغرور
عز : المغرور وقع في جمال عنيكي
غرام : اي .. اي .. اي ده في ايه
عز : ايه ياغرام في اي
غرام : انت بتقول كلام حلو زي الناس العاديين كده عادي
عز : الكلام ده مابيطلعش لأي حد ياغرام ليكي انتي وبس .. انتي ماتعرفيش انتي غيرتيني ازاي
غرام بصت جنبها يمين وشمال ومسكت بأيديها التانيه دراع عز واتعدلت علي جنبها وبصتله وباسته بوسه من خده
عز بص يمين وشماال بسرعه
عز : غرام.. الناس
غرام: طظ انا الناس
عز : مغروره 😍
غرام وعز بقوا يضحكوا سوا وفجأه كابتن الطياره قال في الميكرفون
الكابتن : معانا علي الطياره عريس وعروسه نحب نهنيهم بجوازهم عز القدرى وحرمه غرام القدرى الف مبروك للعروسين
بقلمي مآآهي آآحمد
كل اللي في الطياره بقي يسقفلهم والمضيفه جابتلهم تورتايه صغننه وبقي عز باصص للتورتايه كده والمضيفه بقت تقطع التورتايه
غرام غمزتله انه يأكلها في بوقها
عز ابتسم وبقي يأكل غرام في بوقها ومره تانيه الكل سقفلهم بغرحه كبيره ليهم
بقلمي ماهي احمد
(وبعد ساعتين )
غرام : احنا بقالنا ساعتين في الطياره مش ناوي بقي تقولي رايحين فين
عز : احسنلك تنامي عشان ماتحسيش بالوقت
غرام : يعني برضوا مش راضي تقول
عز : دي مفاجئه 😍
غرام سندت علي كتف عز وهي مكلبشه في دراعه ومش عايزه تسيبه
غرام : وانا بحب مفاجأتك مع ان قلبي وقع مني ساعتها بس عمرى ما هنسي المفأجأه اللي عملتهالي يوم ماطلبت مني الجواز
عز : عجبتك
غرام : عجبتني بس دي كانت تحفه وتموت في نفس الوقت
(Flash back)
في المستشفي
ظابط دخل علي غرام وهي طالعه من النبطشيه بتاعتها ومعاه اتنين عساكر كانوا واقفين وراه
الظابط : انسه غرام شاكر
غرام : ايوه انا مين حضرتك
الظابط : انتي مطلوب القبض عليكي حالا
غرام : انا 😳
بتهمه اي
الظابط : بتهمه السرقه الممرضه امنيه بلغت عنك انك سرقتي خاتم جوازها والموبايل بتاعها
غرام : ( بخوف وخضه بصت لامنيه )
غرام : انا يا امنيه سرقت منك انتي اتجننتي
امنيه : ايوه ياحضره الظابط دي حراميه وسرقه مني الموبايل والخاتم حتي فتش شنطتها
الظابط شد شنطه غرام من علي كتفها وبيدور فيها بيبص لقى الخاتم والموبايل
الظابط : ولما انتي مش حراميه دوول بيعملوا معاكي اي في شنطتك
غرام : والله ما اعرف وحياه ربنا ما اعرف
الظابط : قدامي
الظابط شد غرام وحطها في البوكس والبوكس كان لي باب اتقفل عليها من ورا
غرام : انا مش حراميه والله ما حراميه حرام عليكم افتحولي الباب ده
غرام بخوف وتوتر بسرعه طلعت تليفونها من شنطتها وبقت تتصل بعز بس عز مابيردش عليها تتصل بمراد او ايمان او ولاء اختها مكانش في حد بيرد فيهم حرفيا
غرام ( بتوتر وخوف ) : اعمل اي بس ياربي انا والله ما اخدت حاجه
غرام فضلت في العربيه اكتر من اربع او خمس ساعات والليل ليل عليها
غرام: دوول اكيد مش بوليس اكيد في حاجه غلط رد بقي ياعز رد لحد ما اخيرا لقت العربيه وقفت وحد بيفتح القفل بتاع الباب لغرام وساب الباب موارب
غرام قامت بسرعه من مكانها وهي مرعوبه وزقت الباب وطلعت ونزلت رجليها ورجليها غرزت في الرمله ومع اول خطوه لاقت الرمله
غرام : ( بخوف ورعب ) اي ده انا فين
بتبص لاقت نفسها ما بين ممر طويل مقفول من فوق بالورد بالورد وكله بلالين من عالجانبين
غرام مابقيتش مصدقه ومش فاهمه وبقت كل علامات الدهشه علي وشها وكل ماتمشي خطوه الممر ينور حته ولاقت قدامها بلونه مكتوب عليها افتحيني
غرام بسرعه فرقعت البلونه ولاقت جواها ورقه صغيره مكتوب فيها
طبعا انتي دلوقتي مستغربه واكيد مش فاهمه اللي بيحصل
غرام بتبص في الورقه تاني مالقيتش حاجه مكتوبه في الورقه غير كده وبس اتقدمت خطوه كمان
لاقت بلونه تانيه مكتوب عليها
فرقعتها بسرعه بتبص لاقت جواها ورقه بتقول
وعشان عارف انك حماره ياغرام عمرك ما هتتوقعي اللي بيحصل
غرام ابتدت تفهم وابتسمت ومشيت خطوه كمان ولاقت بلونه تانيه واول ما فرقعتها لاقيت جواها علبه صغيره بتاعت الخةاتم فتحتها بسرعه والدموع في عنيها ونبضات قلبها بقت تزيد اكتر واكتر وهي بتفتح العلبه عشان تشوف الخاتم لاقت جواها ورقه مكتوب فيها
ايه مالقتيش الخاتم ولا ايه 😂
راحت غرام اتنهدت تنهيده كلها يأس واحباط وراحت قالت
غرام : فينك ياعز
عز جه من وراها وغمض وحط ايده علي عنيها وهمس في ودنها
عز : انا هنا ياغرام وشاور بأيده علي ضهرها هبقي دايما هنا سندك وضهرك اللي دايما هتبقي مسنوده عليه
وبرضوا هنا وشاور علي قلبها في قلبك وهبقي امانك وحبك
غرام ابتسمت اكتر واكتر وفجأه عز شال ايده من علي وش غرام وخلاها تبص للسما بتبص لقت طياره ووراها يفطه كبيره اوي مكتوب عليها تتجوزيني ياغرام
غرام وهي بتبص للطياره وفرحانه جدا من كتر فرحتها مابقيتش عارفه تعمل اي
زي ما تكون الدنيا بتعوضها عن كل العذاب اللي شافته في حياتها ولسه بتبص لعز لاقيته قاعد علي ركبه ومطلع الخاتم وبيقولها
عز : لو تقبلي تتجوزيني هبقي اسعد انسان في الدنيا واوعدك انك عمرك ما هتندمي علي جوازك مني في يوم
غرام : ( ودموع الفرح في عنيها ) موافقه .. موافقه ياعز
عز قام بسرعه ولبس غرام الخاتم واخدها في حضنه ولف بيها واول ما لف بيها السما كلها بقت بتنور والالعاب الناريه بقت بتفرقع في السما جنب كلمه تتجوزيني وجنب النجمه البعيده اللي غرام دايما بتختارها
وهي دي مفاجأه عز لقدرى الغرام
حاجه بسيطه كده من الجزء التاني حبيت اشاركم فيها معايا ويتبع الجزء الثاني عبر الرابط اضغط هنا