رواية معاناة الحب الفصل التاسع بقلم مارينا عبود
رواية معاناة الحب الفصل التاسع
امير بعصبيه؛نعمممممم
اللواء رفعت؛ف ايه يا امير من امته وانت بترفع صوتك وانت بتكلمنى
امير وهو ينزل راسه فى الارض "انا اسف يا فندم مش قصدى بس اشمعنا انا إللى اخترتنى فى المهمه ديه انت عارف انى مش بحب المهمات إللى زى ديه
رفعت:امير انت من اكفاء الظباط عندى والمهمه ديه محدش يقدر عليها غيرك وانا واثق فى اخلاقك ومتاكد انك قدها وعلشان بثق فيك اتمنه انك مترفضش طلبى
امير "حاضر يا فندم أوامرك
رفعت ؛تمام انا هكلم سياده المستشار وهقوله يجهز بنته وبكره يجيبها معاه وانت خبيها بس خلى بالك منها
امير :حاضر يا فندم بس لو سمحت ارجو المهمه ديه تخلص فى اسرع وقت علشان انت عارف انا بكره البنات
رفعت بضحك:مش هتتغيرر يابن الباشا
امير بابتسامه:انا لازم امشى دلوقتى بعد اذنك
رفعت:اتفضل
♡♡♡♡♡♡♡♡♡♡♡
فى فيلا عمر
تاج كانت واقعه على عمر ونايمه فوقه وشعرها كله نازل عليه ومحدش منزل نظره
من على التانى
عمر:احمم هتفضلى كده كتيررر
تاج باحراج قامت بسرعه من عليه وجريت على الحمام
عمر بضحكه خبيثه:لا ديه شكلها واقعه ومش هضطر اعمل اى حاجه
عمر قام ولبس بنطلون اسود وتيشيرت ابيض وراح قعد على السرير
تاج دخلت الحمام وبصت فى المرايه
تاج معقوله حبيتيه يا تاج طيب ولو طلع زى بابا هعمل ايه معقوله يعاملنى زيه بس انا اوقات بحسه عكس بابا فى كل حاجه بس هو بيكرهنى علشان فاكر انه بابا قتل ابوه يووو انا تعبت
تاج تعبت من التفكير وغسلت وشها ولبست بجامه لونها موف وطلعت كان عمر قاعد على السرير
تاج باحراج:انا اسفه على إللى حصل من شويه
عمر بابتسامه:عادى انا زى جوزك يعنى
تاج ضحكت
عمر :مش هتنامى
تاج؛انام فين
عمر بعصبيه :اكيد جنبى على السرير هو كل يوم نفس السؤال
تاج بزعل:حاضر مش هسأل تانى
عمر: تعالى هنااا
تاج قربت وقعدت على السرير وعمر ساب تليفونه وبصلها:كنتى خايفه ليه امبارح ومين ده إللى بتترجيه ميحبسكيش
تاج بتوتر :لا مفيش حاجه
عمر بشك:متاكده
تاج :ااه ممكن انام
عمر فى نفسه:هعرف يا تاج صدقينى هعرف كل حاجه بس الصبر
تاج غطت نفسها ونامت وعمر نام جنبها على حافه السرير
♡♡♡♡♡♡♡
فى المستشفى
سليم اخد البنت وراح بيها المستشفى
بعد وقت الدكتور طلع من الاوضه
سليم بتوتر :هاا طمنى عليها
الدكتور:الحمد لله يا سليم بيه متقلقش خبطه بسيطه تقدر تشوفها
سليم ؛يعنى هى فاقت
الدكتور:اااه
سليم دخل لقاه قاعد سرح فى جمالها فاق على صوتها
ريتال:انت إللى خبطنى
سليم :انا بجد اسف مكنش قصدى
ريتال:حصل خير
سليم؛ممكن اعرف ايه مخليكى تنزلى الشارع فى وقت متاخر زى ده
ريتال :كنت راجعه من الشغل
سليم:تمام اتفضلى قومى معايا هوصلك البيت
ريتال :لا شكرا مفيش داعى
سليم؛لو سمحتى الوقت متاخر مينفعش اسيبك
سليم مسك ايدها وسندها وركبها العربيه
سليم:هو انتى اسمك ايه
ريتال؛ليه
سليم:فضول عادى
ريتال:ريتال
سليم "يعنى البنت قمرر واسمها قمرين
ريتال:انت قولت ايه
سليم؛بقول عنوان بيتك فين 😂
ريتال:العنوان ......... ووصفتلها العنوان
بعد وقت سليم وصلها قدام العماره
ريتال:شكررا تعبتك
ريتال نزلت من العربيه وطلعت العماره وسليم كان بيبص عليها وبيتامل فيها وكأنها اخدت عقله اخد عربيته وراح شقته
بقلم :مارينا عبود 🌷❤
فى صباح يوم جديد على ابطالنا 💥
عمر قام من النوم وبدا يفرك فى عيونه وكانت تاج لسه نايمه بص عليها وفضل يتأمل ملامحها ويشيل خصلات شعرها النازل على عيونها قرب منها وطبع قبله على خدها واتكلم بوجع :مش هاين عليه اكسرك بسببه بس برضوا مش قادر انسه الماضى مفيش حل اكسر ابوكى بيه غيرك مش عارف ليه مبقدرش استحمل دموعك قلبى بحسه بيتقطع لما بشوفك زعلانه بس انتى الكارت الاحمر ونقطه ضعف عبد الحميد السويسى واللى هقدر ادمره بيه
عمر كان بيفكر فى الانتقام من تاج وكان بيفكر انه لو كسرها كده بيكسر ابوها مكانش يعرف انه تاج اصلانا عمرها ما فرقت مع ابوها ولا عمره كان ليها امان وسند وديما كان بيعذبها
تاج فاقت لقت عمر قاعد بيبصلها ويمشى ايده على شعرها قامت وفضلت بصالها
عمر بابتسامه:صباح الخير يا تاجى
تاج حست بفرحه من طريقه معاملته ليها وقلبها بدا يدق بسرعه
تاج بتوتر:صباح الفل انت صاحى من امته
عمر:من شويه
تاج:طيب انا هقوم اغير هدومى واقولهم يجهزو الفطار علشان تفطر
عمر:ماشى
تاج قامت لكن وقفها صوت عمر
عمر:جهزى نفسك النهارده علشان معزومين على حفله النهارده هخلص شغل واجى اخدك
تاج ؛حاضر
تاج قامت غيرت هدومها ونزلت لقت الفطار جاهز وعمر لبس بدلته ونزل قعد جنبها على السفره
تاج:هو ماما بسمه امته هتيجى
عمر بابتسامه ؛انتى اتعودتى عليها بالسرعه ديه
تاج :اااه بصراحه بحب اتكلم معاها
عمر "النهارده او بكره
تاج :تمام
بعد عدة دقائق
عمر خلص اكل وقام :انا رايح الشركه عاوز ارجع القيكى جاهزه
تاج :حاضر خلى بالك من نفسك
عمر بابتسامه:حاضر وانتى كمان
♡♡♡♡♡♡♡♡♡
فى فيلا على الباشا
امير قام من النوم وخد شاور ولبس بدلته ونزل لقه مامته قاعده
امير بابتسامه:صباح الفل يا ست الكل
فريده :صباح الفل يا حبيبى
- يلاه علشان تفطر معايا
امير:عيونى يلاه بينا
سعاد :الفطار جاهز يا امير بيه
امير:ماشى يا سعاد
امير سند امه وقعدها على الكرسى وقعد جنبها
بعد وقت خلص فطار
امير:انا هروح شغلى يا امى
فريده:خلى بالك من نفسك يابنى
امير:حاضر يا حبيبتى ادعيلى علشان عندى مهمه جديده
فريده:ربنا يبارك فيك يا حبيبى ويحميك ويرجعك ليااا سالم يارب
امير:تسلميلى يا قمر انت يلاه سلام
فريده :سلام يابنى ربنا معاك ويفرحلك قلبك
بقلم / مارينا عبود
♡♡♡♡♡♡♡
بعد وقت فى الشركه
عمر :ايمى سليم وصل
ايمى السكرتيره:لا يا فندم لسه
عمر:ماشى جهزيلى ورق المناقصه وهاتيه ليه على المكتب
ايمى:حاضر يا فندم
عمر دخل المكتب ومسك تليفونه ورن على سليم
♡♡♡
فى شقه سليم المنشاوى
سليم كان نايم وتليفونه مش مبطل رن
سليم بنعاس قام ورد:الو يا زفت
عمر:زفت اصحه يابا انت عارف بتكلم مين
سليم؛يأدى النيله ف ايه يا عمر باشا عاوز ايه
عمر:قوم يلاه عندنا اجتماع
سليم:يعنى انت مصحينى من احلى نومه علشان تقولى عندنا اجتماع منا سايبك ياجدع بقالك شهر ورجعتلى متجوز شيل شويه
عمر بضحك:طيب اخلص بس علشان عندنا حفله بليل
سليم:طيب اقفل يابن الهوارى بدل ماجى ارتكب جر**يمه
عمر بضحك:متتاخرش
سليم:اقفل ياض ابو شكلك
سليم قفل الفون وفضل يفرك فى عيونه وفضل يفكر فى ريتاال وياتره الصدفه هتجمعه بيها مره تانى ولا لا قام ودخل خد شاور ولبس ونزل ركب عربيته وطلع على الشركه
♡♡♡♡
فى مكتب عمر
عمر كان قاعد بيقراء ملف فجا امير رزع الباب ودخل
عمر:ف ايه ياعم مالك
امير؛امال سليم فين
عمر بضحك:لسه مصحيه من النوم علشان الاجتماع
امير:هههههههه ده بيكره حد يصحيه تلاقيه شايط وعاوز يق*تل حد
بعد عدة دقائق لقوه سليم داخل وبيصفر وعلى وشه الابتسامه
عمر وامير فى صوت واحد :ف ايييه
سليم بخضه:ف ايه يخرب بيوتكم حته قولوا صباح الخير
عمر:انا قولت هتيجى متعصب وعاوز تق*تل حد بسبب انى صحيتك
سليم بضحك:ههههههه اااه ولله بس يلاه سماح
أمير:هههه ف ايه مخليك مروق كده اكيد بنت قووول
سليم قعد على المكتب وفضل يفتكر ريتااال وسرح وابتسم
امير فضل يبصله وعمر قام وبص لامير وضحك
عمر بضحك :شكله واقع
امير بصحك:اووى
امير بزعيق:سليييييييييم
سليم فاق من سرحانه:يخرب بيتك ف ايه
عمر:انت إللى فيه ايه
سليم بضحك:ولا حاجه ياجدعان
امير بضيق:طيب انا هسيبكم دلوقتى علشان عندى مهمه
عمر:مالك مضايق ليه
امير:فى الحفله هقولك بس قولى مراتك هتيجى معاك
عمر:ااه ليه
امير:عاوزين نشوفها ياجدع يلاه انا ماشى ونتقابلوا بليل
سليم:اشطاا خدنى معاك على مكتبى علشان مش طايق صحبك ده
عمر:هههه لا على فين انا لازم اعرف ايه الحوار وغمزله
سليم باستنكار؛حوار ايه ياعم
امير:ههههه اعرف وقولى
يتيم:انتوا هتتفقوا عليه ولا ايه انا ماشى
سليم. سابهم وطلع وعمر وامير فضلوا يضحكوا عليه
امير:سلام انا بقااا
عمر:ماشى نتقابل بليل
امير:اشطااا
امير نزل واخد عربيته وراح يشوف اللواء رفعت
♡♡♡♡♡♡♡
بعد وقت فى مكتب اللواء رفعت
المستشار أحمد سليمان كان قاعد وكانت معاه ماسه وكانوا بيتفقوا وفجاه الباب خبط
رفعت :اتفضل
امير:صباح الخير يا فندم
ماسه بصدمه:اااااانت
يتبع الفصل العاشر اضغط هنا
- الفهرس يحتوي على جميع فصول الرواية كاملة :"رواية معاناة الحب" اضغط على اسم الرواية