رواية ملجأي الفصل الثامن 8 - بقلم ايه سلامه الجابري
* رواية ملجأي الفصل الثامن 8
الصبح الساعة 7
منال: انتي صحيتي ولا اي
قمر: اه بس مكدبش عليكي معرفتش انام
منال: تب فرفشي كدا وانا هقوم اجهزلك احسن فطار واعملك شاي
قمر وهي بتضحك: ماشي
في القصر..
احمد: صباح الخير يا عمي عمر
عمر وهو حزين: صباح النور
احمد:اي مالك يا عمي
عمر: معرفتش انام بفكر في نور
احمد: انشاء الله تكون هي البنت
عمر: هي البنت اللي شوفتها دي كانت فين
احمد: شوفتها في الشارع وانا سايق العربية وخبطها
عمر: بتقول اي تب هي بخير طمني يابني
احمد: ايوا بخير هي بس عندها كسر بسيط في رجلها وانا جبتها في بيتنا هي وصحبتها
عمر: تب يالا نروحلها والنبي اشوفها
احمد: بلاش دلوقتي خلينا نستني شوية
عمر: هي اسمها اي
احمد:اسمها قمر وكانت في الملجأ وبتحكي انها كانت مخطوفة وعرفت مين بباها
عمر: مسألتش علي اسم بباها اي وسنها كام
احمد: لا مسألتش بس متقلقش اما تخف وتروق هسألها
عمر: متحكيش حاجة لرقية مراتي متخليهاش تعرف حاجة عشان متقلقش
احمد: حاضر يا عمي
عمر: تعرف يابني انك اصيل انت الوحيد اللي واقف جنبي وعايش معايا ومحسستنيش ان معنديش ولاد بعد ما بنتي اختفت
احمد: بعد ما والدي ووالدتي ماتو ملقتش حد حنين غيرك انا بعتبرك ابويا وطنت رقية امي
عمر: ربنا يخليك لينا يابني واقدر اعوضك واعرف مين قتل اخويا ووالدتك
احمد: خلاص كفاية جو الاحزان دا ويالا نفطر انا جعان
عمر وهو بيضحك: انت علطول همك بطنك
احمد: ايوا مانتي عارفني
احمد: امال فين طنت رقية
عمر: خرجت من بدري بتجيب طلبات وجاية
احمد: ماشي انا هخلص اكل واروح لقمر
عمر: انا هاجي معاك
احمد: بس يا عمي
عمر: متقلقش هشوفها واطمن
ودخل مدحت..
ازيك ياخويا عامل اي واحشني
عمر: الله يسلمك تعالي افطر معانا
مدحت بضحكه سخيفة: ماشي
مدحت: كنتوا بتقولوا رايحين فين
عمر: كنا رايحين..وقطع احمد كلاموا
احمد: رايحين الشركه
مدحت بخبث: واخويا الدكتور بيفهم حاجة في الشركه
احمد: انا واخده معايا اتباهي بيه كفاية وقفتو جمبي
مدحت بيكلم نفسو: لو طايل اخلص منكوا وارتاح
عمر: بتقول حاجة يا مدحت
مدحت : بقول ربنا يخليكو لبعض
عمر: يارب يا مدحت ويخليك لينا
تليفون مدحت بيرن وبيتوتر..
عمر : مالك في اي
مدحت : مفيش مفيش انا همشي دلوقتي عشان عندي شغل
عمر: ماشي
مدحت: الو دورتي عليها ولا لسة
المديرة: بدور عليها بس عرفت انها عملت حاثة وشخص اخدها
مدحت: ياريت نخلص من الموضوع دا
* يتـبـــــــــــــــــــــــع الفصل التاسع اضغــــــــط هنا
* الفهرس يحتوي على جميع فصول الرواية " رواية ملجأي " اضغط على اسم الرواية