Ads by Google X

رواية يا انا يا انتي الفصل الثامن 8 - بقلم ملك محمد

الصفحة الرئيسية

رواية يا انا يا انتي البارت الثامن 8 بقلم ملك محمد

رواية يا انا يا انتي كاملة

رواية يا انا يا انتِ الفصل الثامن 8

بعصبيه: بقولك اي انتي تاخدي شنطتك وتتكلي ع الله من هنا فاهمه ولا لا
بعصبيه أيضاً:اتكل ع الله اي هو انا بشحت انا بشتغل هنا يااستاذ وال قصادك دا مكتبي 
: لا واضح ان خيالك وسع اوي وبقيتي بتتخيلي حاجات محصلتش 
: اه ملكش دعوه بقى
وراحته سابته وماشيه
مسكها من قفاها شدها ليه وقال : تعالي هنا واقنعيني المدير عينك ازاي عملتي في اي علشان يعينك عايز اعرف 
بخوف طب نزل ايدك وانا اقول
نزل ايده وقال: اتفضلي قولي
ملك عدلت هدومها وقالت : بصراحه يعني هو اعجب بيا وبمؤهلاتي وانزاجاتي  ف الحياه 
بتعجب: اي انزجاتك دي اسمها انجازاتي

بإبتسامه مصطنعه : ايوا هي انجازات دي اصل معنديش انجازات فمعرفش بتقولها ازاي بصراحه
بعصبيه : ولما انتي معندكيش انجازات ولا مؤهلات بتههبي اي هنا
: لا مسمحلكش انا عليا نفس ف الطبخ تحفه 
: نفس اي انتي جايه تشمي كله ولا مقدمه ع برنامج طبخ 
: يووه بقى انت عايز اي دلوقتي
: عايز اعرف انتي اتوظفتي هنا بجد ولا بتشتغليني زي كل مره
: تؤ تؤ خلاص بطلت اشتغلك وقررت اشتغل معاك ممكن تسبني بقى اروح ع مكتبي
فجأه بتيجي موظفه ناحيتهم وبتقول
: حضرتك الموظفه الجديد مش كدا
ملك بفرح: ايوا انا
البنت: طب تعالي اعرفك على شغلك وافهمك اي المطلوب منك بالظبط

ادهم بذهول : انتي متأكده ياسيهام ان دي الموظفه الجديده
سيهام : ايوا ياادهم في حاجه
ملك بصت لأدهم بإحتقار وقالت : يلا يلا سيبك منه دا واحد مجنون
أدهم بعصبيه : انا بردو ال مجنون 
سيهام : انتو تعرفوا بعض ولا اي
أدهم : لا طبعاً معرفهاش هعرفها منين
ملك بضيق : ولا انا اعرفه هي دي اشكال تتعرف
سيهام : طب اهدو شويه مش للدرجادي يلا ياادهومي ياحبيبي روح ع مكتبك وانتي ياانسه ملك يلا ع مكتبك معايا
ملك بضحك وسخريه : ادهومي! الطول دا كله ادهومي  امال فارد عضلاتك عليا ليه مانت ادهومها اهوه والدنيا حلوه
ادهم بعصبيه: سيهام قولتلك كام مره مبحبش الطريقه دي ف الشغل 
ملك بعصبيه : وبره الشغل عادي يعني ولا اي بالظبط
أدهم بعصبيه : وانتي مالك انتي
سيهام : خلاص ياجماعه في اي اهدو انا اسفه ياادهم 
واخدت ملك وراحت ع مكتبها
تامر صديقه مكتبه جمب مكتب ادهم ع طول 
: مالك يابني عمال تتخانق ع الصبح ليه كدا 
ادهم بضيق وهو بيبص ع ملك : معرفش البلوه دي طلعتلي منين دي كمان 
تامر بص ناحية ملك : انت تعرفها 

أدهم بإرتباك : هعرفها منين يعني 
بتعجب : امال متعصب منها كدا ليه 
وهو باصصلها : شكلها لوحده بيعصبني يااخي سبحان الله
تامر بتعجب وهو بيبص عليها وهي بتتتكلم مع سيهام : مش شايف كدا خالص يعني دي باين عليها بنت لطيفه
أدهم : تامر تسمحلي اقولك ان لطيفه دي تبقى خالتك 
تامر : للدرجادي
: يابني انت جرب تروح وتتكلم معاها مره واحده بس واراهنك انك هتخاف تقرب منها تاني دي مصيبه
: ليه هي بتعض
: بالظبط 
تامر بتعجب : انت متأكد انك متعرفهاش
أدهم : قولتلك معرفهاش انا بس قابلتها صدفه وكانت صدفه سودا ع دماغها 
تامر لاحظ ان سيهام مشيت قاله : طيب هروح اجرب حظي
ادهم بسخريه : روح روح ربنا معاك
تامر  قام وراح ناحيتها قعد ع طرف المكتب وقال بإبتسامه 
: ازيك 

ملك بإبتسامه : الحمدلله 
: انتي الموظفه الجديده مش كدا
: اه انا اسمي ملك
تامر مد ايده وسلم عليها وهو بيقول: وانا تامر
: الله اسمك حلو اوي 
تامر بإبتسامه : اسمك احلى بكتير 
ملك بخجل : شكراً 
أدهم من بعيد بيبص عليهم
تامر : اطلبلك نسكافيه معايا
: لا لا مش عايزه اتعب حضرتك
: ولا تعب ولا حاجه انتي تؤمري
: متشكره جدا ليك
تامر : ثواني بالظبط ويكون عندك 
وبعدين راح ناحية ادهم 
ادهم : اي عضتك ولا حاجه
: عضتني اي ياعم انت بطل أفوره
بتعجب: أفوره 
: ايوا افوره قولي اجبلك نسكافيه معايا
ادهم وهو باصص ناحية ملك: لا مش عايز نفسي اتسدت مره واحده
ملك قاعده ع مكتبها عماله تلف ب الكرسي يمين وشمال
ادهم راحلها وقال  : ممكن اعرف جايه الشركه هنا تعملي اي
بغرور: عايز الصراحه ولا اختها
: بنت خالتها ياخفه انجزي اخلصي احنا هنهزر
بغرور وهي حاطه رجل ع رجل : بصراحه كدا انا جايه اطفشك وازهقك وافقعلك مرارتك 
: دا كله علشان اتقدمتلك امبارح مش كدا 
اتعدلت ف قعدتها وقالت : بالظبط بس انا ممكن اعمل معاك ديل حلو 
بتعجب : اي هو 
:روح اتصل ب بابا وقوله انك صرفت نظر عن موضوع الجواز داه وانا هسيبلك الشركه وامشي وكأن مفيش حاجه حصلت
:ااه انتي بتتحديني يعني وجايه هنا تلوي دراعي
بثقه: ايوا وبعدين انت مبطقنيش اساسا جي تتقدملي ليه 
بحده: كيفي كدا ومش انا ال يتلويليراع وخليكي ف الشغل براحتك ونشوف مين هيطفش التاني ويا انا يا انتِ تمام
بغرور وهي بتلف بالكرسي : براحتك خالص معنديش مانع 
بعصبيه : مستفزه 
ببرود : بارد
فجأه بيجي تامر ومعاه النسكافيه : اي مالكوا بتتخانقوا تاني
ملك : هو ال جي يتخانق معايا وانا معملتلوش حاجه
تامر : أدهم بعد اذنك ملكش دعوه بيها واتفضل ع مكتبك لأن شكلك بقى بايخ اوي
ادهم : نعم !
: ايوا انت البنت لا تعرفها ولا تعرفك ومدايق منها من وقت ماجت وعمال تتخانق معاها بدون سبب
بعصبيه : مش هي ال مصيبه ورمت نفسها عليا
ملك ببكاء مصطنع: هو مش حضرتك ال واقف عند مكتبي دلوقتي رميت نفسي عليك فين ولا هو ظلم وخلاص العالم جرا في اي بس حسبي الله ونعم الوكيل 
أدهم : انتي هتمثلي
تامر : بصراحه موقفك وحش اوي سيبها ف حالها بقى عاجبك كدا خليت البنت تعيط بدون ذنب
ادهم  بضيق : يابني دي بتمثل مبتعيطش 
ملك ببكاء مصطنع : كمان بتفتري عليا منك لله ياشيخ انا معرفش انت ليه بتكرهني كدا دانا حتى معملتلكش حاجه خالص
أدهم : مثلي مثلي شوفي مين هيصدقك
تامر : ادهم كفايه كدا بقولك روح ع مكتبك بقى
ادهم : انت صدقت ولا اي يابني دي بتمثل
تامر : ياعم روح بقى متبقاش غتت
أدهم : بقى كدا طيب ع العموم شويه كدا هتعرفها على حقيقتها 
وسابهم وراح ع مكتبه 
لسه بيقعد وبيبص عليها راحت مطلعاله لسانها بدون ماتامر ياخد باله 
أدهم شاورلها على رقبته كأنه بيقولها : هقتلك بس اصبري
تامر شد كرسي وقعد يشرب النسكافيه جمبها
ملك بإبتسامه :متشكره جدا  مساعدتك 
تامر بإبتسامه: مفيش داعي للشكر ولو دايقك ف اي وقت عرفيني
ادهم باصص ف اللاب بعين ونص وعمال يبص عليهم من تحت لتحت
كانوا قاعدين بيتكلموا ويضحكوا سوا 
بضيق قال بصوت عالي : واضح انك ناسي انك عندك شغل ياتامر ولا القعده عندك عجبتك
تامر : اه صحيح نسيت الشغل خالص
وبعدين بص لملك وقال : بصراحه القعده معاكي جميله وروحك حلوه جدا اتمنى نكون اصدقاء
ملك : دا شئ يشرفني طبعا
تامر : ثواني هجيب موبايلي من ع المكتب اخد منك نمرة تلفونك
وراح جابه ورجع اخد منها نمرة موبايلها ورجع مكتبه
رن عليها راحت ماسكه فونها وبصاله ومبتسمه وهو ابتسملها وقال 
: سجليها بقى ها
ادهم بيبص عليهم الأتنين والغضب باين ع وشه قال لنفسه بصوت واطي: لا والله دول بيبتسموا لبعض عادي
وقال لتامر بصوت مرتفع : واضح انكوا اخدتوا ع بعض بسرعه
تامر بإبتسامه: بصراحه اه
أدهم سرح بخياله وراح لعالم تاني 
( ملك : تامر حبيبي انت جيت
: اه ياروح قلبي وحشتيني
: وانت كمان اوي ياحبيبي اجهزلك الغدا 
: اه ياريت اصل انا ميت من الجوع صحيح الولاد فين
: يس وحمزه بيذاكروا جوه ثواني اندهملك)
ادهم فاق من شروده وبص لملك وتامر وقال بصدمه 
:  يس وحمزه هي حصلت 
وبعدين قال لنفسه: ركز ف شغلك ياادهم البت دي جننتك ولا اي 
بعد انتهاء العمل 
كل الموظفين بيلموا حاجتهم 
ادهم قام من على مكتبه ولسه هيمشي وقف دقيقه فكر ف حاجه ورجع قال لتامر 
ممكن موبايلك دقيقه اعمل مكالمه لأن موبايلي فاصل شحن 
تامر وهو بيلم الورق ال قدامه : اه اكيد اتفضل
أدهم اخده ولف وشه وفتح الفون ودور على رقم ملك ومسحه من عنده وبعدين اداهوله وقاله 
: شكراً 
تامر : اي مرنتش ليه
: لا خلاص هبقى اعمل المكالمه لما ارجع بقى 
وسابه ومشي 
ملك كانت خارجه عدى من جمبها وقال
: هستناكي عند العربيه
وكمل طريقه ومشي 
بتعجب : ماله داه 
خرجت وراه ووقفت قدام الشركه مستنيه تاكسي
ادهم كان ف العربيه مستنيها وعمال يقول الغبيه دي مبتجيش ليه 
وبعدين بعتلها رساله مكتوب فيها 
: هو انا مش قايلك تعالي عند العربيه 
فتحت فونها وردت عليه 
: مش جايه 
بعتلها 
: بقى كدا
بصتله من بعيد وهو قاعد ف العربيه وراحت مطلعاله لسانها وقفلت الفون وحطته ف الشنطه
ادهم بضيق وهو بيتمالك اعصابه : الصبر الصبر يارب بدل ماارتكب جنايه دلوقتي
وبعدين ساق عربيته ومشي 
____بقلم ملك محمد #Malak_mohamed  ______
ف المنزل 
ملك دخلت وهي بتجر رجلها بالعافيه وبتقول
: منك لله ياادهم يللي مشحتطني وراك انا لا بتاعت شغل ولا زفت 
اترمت ع الكرسي
والدتها : اي دا انتي جيتي
: لا لسه بره افتحيلي الباب 
قعدت وهي بتقول : يخربيت لماضتك 
:مانتي بتقولي كلام مش منطقي بصراحه
: طب يابتاعت المنطق عملتي اي ف الشغل ال قولتيلي عليه
بثقه: طبعاً وافقوا واستلمت الشغل النهارده
بتعجب : وافقوا عليكي انتي!
: دا المدير بذات نفسه جابلي كرسي وقعدني وعزمني ع عصير وفضل يحلف عليا اشتغل معاهم طبعاً مش عايزين يضيعوا فرصه زي دي من ايديهم هو انا اتعوض
والدتها: ايوا ايوا كملي ياختي
بغرور: ولا حاجه تنازلت بقى وقبلت اشتغل معاهم مانتي عارفه بنتك قلبها رهيف
: اه انتي هتقوليلي
فجأه بيجي اخوها الصغير من وراها ويقول
: خلف انت كداب ياخلف
قامت بسرعه من مكانها وجريت وراه وهي بتقول
: هو مين دا ال كداب يلا تعالالى هنا 
لؤي طلع يجري منها ودخل ع أوضته وقفل ع نفسه الباب بسرعه
ملك : ماشي اما تطلعلي 
وراحت ع أوضتها 

google-playkhamsatmostaqltradent