Ads by Google X

رواية يا انا يا انتي الفصل الرابع 4 - بقلم ملك محمد

الصفحة الرئيسية

رواية يا انا يا انتي البارت الرابع 4 بقلم ملك محمد

رواية يا انا يا انتي كاملة

رواية يا انا يا انتِ الفصل الرابع 4

ملك كانت عايزه موبيلها ضروري فضلت طول اليوم ترن عليه وهو عامله سايلنت وحاطه ف جيبه 
بعد ماخلص شغل وروح طلعه من جيبه ومسكه ف ايده لقاها عماله ترن 
قال لنفسه : مبقاش أدهم لو مخلتكيش تقولي حقي برقبتي
فتح الفون وقال 
: عايزه اي 
محدش رد عليه وبعدين سمع صوتها وهي بتكلم صحبتها وبتقول
: من الصبح برن عليه ومش عايز يرد الحيوان هو فاكر نفسه مين يعني 

صحبتها ال قاعده معاها ف الأوضه : طب اهدي طيب يمكن سايبه ف البيت 
: ويسيبه ليه ف البيت انا ههزقه بس يرد بس
ادهم فاتح الأسيبكر وقاعد بيسمع 
صحبتها: تهزقي تاني مش كفايه ال عملتيه فيه
ملك بتمثيل : هو انا عملت اي يعني طب انتي تعرفي انه حبسني ف أوضه ضلمه فيها فيران وكان بيقعد يتسلى بالليل ويطفي سجاير ف وداني دا مأكلنيش لقمه واحده وكنت  هموت م الجوع ولما قولتله جعانه رمالي لقمة عيش ع الأرض
صحبتها : يلهووي اي داه دا مش بشر لا
ملك ببكاء مصطنع: انتي عارفه كمان انه عنده قبو بيخلص ع الضحايا ويرميهم فيه 
ادهم قال لنفسه بذهول: قبو كمان 
وبعدين سرح بخياله وافتكر وهي قاعد حاتطه رجلها ع التربيزه وبتاكل فاكهه وبتتفرج ع التلفزيون 

صحبتها حضنتها وقالت بحزن: ياحبيبتي دا كله حصلك ربنا ينتقم منه
ملك بحزن : بس بس متفكرنيش دي كانت ليله مايعلم بيها الا ربنا
ادهم بصوت مرتفع : ردي ياحيوانه
ملك بتعجب : هو انتي سمعتي حاجه
صحبتها : تقريبا صوت الموبايل 
ملك كانت رمياه ع وشه عدلته لقت ادهم فاتح المكالمه قالت بتعجب
: استاذ ادهم معايا
ادهم : دلوقتي استاذ مش كدا امال مين ال هتهزقيه وكان بيطفي سجاير ف ودانك داه
قالت برفعة حاجب: لا معرفش بصراحه هو حضرتك بتتكلم عن اي !
وبعدين قالت لصحبتها
: يلهووي سمع كلامنا يلهووي يلهووي
ادهم : انتي عايزه موبايلك مش كدا
ملك بصوت لطيف: اه عايزاه دا بعد اذنك يعني والله انا غلبانه وسارقه فلوسه 
ادهم : نعم
ملك : سالفه فلوسه سالفاها والله ياباشا ربنا مايوقعك ف ضيقه روح ربنا يجبر بخاطرك ويبعد عنك ولاد الحلال قادر ياكريم 
ادهم : بس بس انتي هتشحتي حددي مكان نتقابل فيه وهدهولك
ملك بتمثيل: اااه رجلي 
ادهم : خير رجلك اتخضت ولا اي
ملك : لا اصل انا جالي مغص شديد ف رجلي وبيقعد حوالي اسبوع عما يروح
ادهم : والله مغص ف رجلك ودا مرض نادر دا ولا اي
بحزن :  اه نادر جداً للأسف 
: طيب نستنى اسبوع عما تخفي براحتك
: لا لا اسبوع اي البت ميار هتيجي تاخده منك بس قولي المكان 
ميار صحبتها بصتلها وقالت بتعجب: اله وانا مالي 
أدهم : بقولك اي محدش هيستلم الفون غيرك تتشقلبي كدا تتنططي محدش هياخده مني غيرك 
ملك بعصبيه : يابار ....
ادهم قاطعها : ها الفون ف ايدي وربنا ارميه من الشباك
ملك : خلاص خلاص شوف الوقت والمكان وهاجي اخده منك وحسبي الله ونعم الوكيل ف طنط ساميه
ادهم بتعجب : طنط ساميه مين
ملك : معرفش قولتلك متركزش معايا ف التفاصيل وقول عايز نتقابل فين
ادهم ادالها العنوان وحدد المعاد وقالها
: صحيح انتي قولتلي رقم الباسورد اي
قالت بتلقائيه : من واحد ل وبعدين سكتت وقالت اه حضرتك فاكرني غبيه وهقلهولك دا بعينك يااستاذ
ادهم : يعني مش من واحد لتسعه
بتعجب: اي دا عرفت ازاي 
ادهم ببرود: متنسيش معادنا بكره
وراح قافل الفون 
ملك : الو انت ياكابتن انت قفلت ولا اي
صحبتها : اي هتعملي اي
قالتلها بثقه
: انا هروح اقابله بكرا واخد الفون منه ولو مرجعتش وزعي قرص بعجوه ع روحي اوعي توزعي الساده علشان مبحبهاش ونحن فدا الوطن 
وبعدين راحت معيطه 
__________
ادهم مسك الفون وقال لنفسه نشوف بقى الموبايل بتاع الهانم في اي 
دخل الباسورد وبدأ يقلب فيه فتح الصور لقا كوارس جوه ولقاها متصوره صور عبيطه جدا فضل يقلب ف الصور ويضحك 
____ اضغط ع الهاشتاج هيظهرلك الأكونت بتاعي  #Malak_mohamed  __
ملك كانت نايمه ع رجل صاحبتها ع السرير وعمال تعيط وحواليهم مناديل كتير
: تفتكري هيقتلني على طول ولا هيعذبني الأول
ميار: يابنتي قتل اي يعني واحد هيضيع حياته عشانك دانتي هبله
ملك بفرح: اه صح يعني هيتسجن علشان واحده زي 
وبعدين رجعت تعيط تاني وتقول
: لا دا اكيد بيجهز الخنجر ال هيقتلني بيه دلوقتي
صاحبتها وهي بتقلب ف موبيلها قالت بتعجب
: بت ياملك هو انتي نشرتي ع الفيس ازاي
ملك قامت بخضه : نشرت اي مش فاهمه
ميار وهي بتضحك: اهوه شوفي كدا
ملك لقت نفسها ناشره صوره ليها وهي عامله حوله ولابسه بجامه والزعبوت بتاعها على شكل أرنوب وشبب بلاستيك ف رجلها 
ومكتوب عليها : شاهد اول ظهور لكائن الزومبي 
كانت مصدومه ودخلت تقرأ التعليقات لقت الناس كلها عماله تضحك عليها 
ملك لصحبتها : هو ال حصل دا بجد ولا لا اقرصيني كدا يمكن اكون بحلم
ميار قرصتها وهي بتضحك
ملك بعصبيه وصوت مرتفع : ااااااادهااااام 
ادهم كان قاعد على سريره وعمال يتابع التعليقات ويضحك وهو بيقول لنفسه 
يا انا يا انتِ ياملك 
______________
نهار يوم جديد 
جه معاد المقابله علشان تاخد الفون بتاعها منه 
خدت موبايل والدتها علشان تعرف تتواصل معاه
رنت عليه 
ادهم : انتي فين يامصيبه
ملك لابسه نضاره شمس وحاطه الكاب ورافعه لياقة القميص مخبيه نص وشها وبتتكلم بصوت واطي قالتله
: انا موجوده ف نفس المكان ال انت فيه بس انا متخفيه لأن عليا قضايا ومطلوبه للعداله ومش عايزه اورطك معايا فحط الفون ع التربيزه وقوم امشي وانا هاجي بالراحه اخده
ادهم : لا ياشيخه انجزي اظهري وتعالي بدل مااخد الموبايل وامشي 
ملك بضيق : اووف بقى انت عايز اي دلوقتي 
: تيجي تاخدي الموبايل مني
: طب اديني الأمان وانا اجي
: تاخديه بالكيلو ولا فرط
: ظريف ظريف
ادهم وهو بيبص حواليه : انتي شيفاني دلوقتي مش كدا
:اه شيفاك سيب الفون بقى وامشي
ادهم : طب بصي كدا
وراح رافع الفون كأنه هيسقطه ف كوباية المايه ال قدامه 
ملك شافته من بعيد قالت بلهفه: لا لا خلاص انا جايه بس وربنا لو عملت حاجه فيا مش هعمل حاجه خالص
ملك قفلت الموبايل واخدت نفس وراحت ناحيت التربيزه ال هو قاعد عليها وقالت بصوت منخفض
: يوم ورا يوم حبيبي ماجاني نوم 
 ادهم بتعجب : نعم
ملك : انطق كلمة السر 
ادهم وقف من مكانه وقال 
: انتي هبله يابت
وهي رافعه لياقة القميص ومخبيه وشها : احترم الإجرام ال احنا فيه ياابو موته
:  هو انتي شوفتي اجرام دانا هشعلك بس اصبري بقى انا كنت وبعذبك وقبو اي داه ال بخبي فيه الضحايا ها 
ملك ببكاء مصطنع : انا اسفه وربنا انا عيله اساسا
ادهم: ال مش فاهمه منين انا بحبك وعايز اتجوزك ومنين كنت بعذبك انت اهلك ال عايشين معاكي دول مبيركزوش ف كلامك
: لا انا محدش بيركز معايا أساساً معرفش انت قفوش كدا ليه قولتلك عديها وادي دقني اهيه لو شوفت وشي تاني
: بسهوله كدا
: اه الموضوع سهل جدا انت تديلي الموبايل وامشي وانت تمشي وكأن مفيش حاجه حصلت 
: لا ياراجل
: اه وربنا
ادهم شدها من ايدها وقالها : دانا مصدقت مسكتك
طب سيب ايدي طيب وربنا اصوت واقول انك خاطفني 
: صوتي وربنا لو عملتي اي ماهسيبك بقى انا تقرطسيني دا طول ال 24سنه ال عشتهم محصلتش معايا
ببكاء: اسفه وربنا كان لازم انقذ نفسي
شدها غصب عنها وركبها العربيه وهو بيقول
: وفري دموع التماسيح دي علشان مش هصدقها
ملك ببكاء : طب واخدني ع فين طيب
شغل العربيه ومشي وهو بيقول: ع القبو يااختي ال بخبي فيه الضحايا بتاعتي اصل انا مقولتلكيش مش انا بتاجر ف الأعضاء
بخوف: اعضاء يانهار اسوح طب ع فكره بقى انا شايله كلى وكبد وطحال وقلب معنديش غير المعده 
ببرود: مش مهم هنبيع لسانك هو كفايه
: طب خلاص تعالى نتساوم تحب اكتبلك شيك

بتعجب : شيك اي انتي عندك رصيد ف البنك
: لا بس هكتبلك شيك بيهم
: ازاي يعني
طلعت ورقه بيضا من شنطتها وقالت : اقر انا ملك محمد بدفع مبلغ مليون جنيه ل أدهم 
وبعدين بصتله وقالت اسمك ادهم اي
بتعجب: انتي مجنونه يابت انتي هو دا شيك
: ايوا هما مش بيكتبو كلام ف ورق ابيض وخلاص انا هكتبهولك 
: لا دانتي لاسعه ع الآخر بس الكهربا ال هتاخديها هترجع السلك الفاصل جوه اطمني
بخوف: اي دا انت هتكهربني
: هكهربك بس دا وحياة القلم ال خدته داه هعمل منك شاورما 
فضلت تصوت وتعيط وتزعق وتقول بصوت عالي : الحقوني انا مخطوفه
ادهم : هتقعدي ساكته ولا انزلك
ملك : لا خلاص هقعد ساكته 
وبعدين بصت حواليها وقالت 
: اي الطريق المقطوع داه انت فعلاً هتقتلني 
ببرود : اه 
قعدت ساكته شويه وبعدين قالت 
: انا هتصل ب بابا اقوله انك خاطفني 
وطلعت الموبايل من شنطتها 
راح واخده من ايدها حاتطه معاه وهو بيقول
: اتصلي وريني 
: اوووف بقى دا كان يوم مايعلم بيه الا ربنا يوم ماشوفت وشك
: ايوا انا عايز كدا عايز اندمك ع اليوم ال شوفتيني فيه ويا انا يا انتِ بقى انا بعد العمر داه كله عيله زيك تعلم عليا اصبري اصبري
قعدت تعيط 
: مهما تعيطي مش هصدقك خلاص
: يعني هتضيع مستقبلك علشان واحده زي طب انا مرضاش ليك حاجه زي كدا راجع نفسك صدقني مستقبلك اهم مني 
: ششش بطلي كلام بقى علشان زهقت منك 
ملك قعدت تفكر تنقذ نفسها ازاي فضلت تتخيل وهو بيقتلها وبيدفنها قالت بصوت عالي 
: لااا انا مش عايزه اموت دلوقتي 
و راحت مخلياه سايق ومسكت طارة العربيه ولفاها
ادهم : يخربيتك هنتقلب
فضلت تلف ف الطاره لحد العربيه ماخبطت ف شجره وعملوا حادثه

google-playkhamsatmostaqltradent