رواية تزوجت ولم ادري الفصل الثالث بقلم نورا نور
رواية تزوجت ولم ادري الفصل الثالث
مالك جاتله مسدج خلته اتصدم واتعصب وبعصبيه وغضب وشكله لا يبشر بالخير قال:مايااااااااااان
مايان اتفزعت وقالت يالهوى يالهوى فى ايه هو لحق عرف انا بفكر فى ايه ولا ايه ربنا يستر وراحت وماشيه بسرعه وقالتله بتوتر:مالك يا يا مالك هو هو ايه اللى حصل
مالك وراها الفون واتصدمت هى كمان وقالت ايه ده دا دا ازاى دا كدب والله يا مالك كدب انت اكيد ظابط وعارف ده دقق فى الصوره كويس بس وهتعرف وبتبعد قرب منها ومسكها من شعرها وقالها بقا بتخوني*نى انا بتستغفلينى وقاعده فى حضن واح*د تانى يا خاين*ه اقسم بالله لوريكى ومسكها عمال يلطش فيها بالقلم وهى عماله تعيط وتحاول تبعد عنه وقالتله لا لا والله محصلش مش انا سيبنى يا مالك اه سيبنى والله هتندم
مالك بعصبيه وبيض*رب فيها برجل*ه وهى على الأرض:دانتى اللى هتندمى وهندمك على اليوم اللى جيتى فيه الدنيا بقا عامله نفسك بريئه وانتى كداب*ه
مايان بعياط ووجع وصدمه:طل..قن..ى يا مالك واغمى عليها
بقا مالك عمال يكسر فى كل حاجه وبيقول مش هطلقكك انا هوريكى ازاى تعملى كدا وازاى تضحكي عليا كويس جدا
قلبه:اسمعها يمكن هى فعلا معاها حق اوعى تحكم على اللى شوفته لاخر مره اديها فرصه
عقله:لا تسمعها ليه اكيد هتكدب وتقول انها متفبركه
قلبه:بس انت فعلا ممكن تكون ظالمها وتبقى فعلا متفبركه
قام مالك وشك انه فعلا ممكن تكون كدا وجاب الفون وفتح الصوره وركز وطلعت فعلا كدب وان اللى بعت كدا قاصد انه يخليه يعمل كدا وندم فعلا وخبط ايده فى الحيط وعمال يقول انا غب*ى ازاى غضبى اتحكم فيا ازاى مصدقتهاش طب ازاى مشوفتش الصوره كويس دانا حتى المفروض كنت عرفت من اول ما شوفتها انه كدب ليه مركزتش ولو ثانيه ازاى اشك فيها وكل ده وسايب الغلبانه دى سايحه فى دمها من كتر الاقلام اللى خدتها خلى وشها جاب دم
ودا يبين ان وقت غضبنا مناخدش قرار ابدا ولا حتى نتسرع بالحكم على مجرد حاجه شوفناها عشان ممكن يكون فيه حاجه غلط ولازم نفهم الاول وبعدين نحكم
نرجع اخيرا افتكر ان البت مرميه على الأرض وشالها بسرعه وجرى بيها ركبها العربيه وجرى بالعربيه وكل شويه يقولها اصحى يا مايان اصحى يا حبيبتى والله كان غصب عنى اصحى وانا هصالحك عمرى ما هشك فيكى تانى اخر واول مره فوقى يا حبيبتى ووصل بسرعه وشالها ودخل بسرعه وقعد يقول دكتوره انتوا يا بنى ادمين ياللى هنا دكتوره بسرعه مراتى بتموت
الدكتور جه وقال دخلوها بسرعه ومالك ماخدش باله انه دكتور عشان كان مركز مع مايان وعايز ينقذها بأى طريقه
ودخلوا وهو رايح جاى رايح جاى
لحد ما طلع الدكتور وقاله هى كويس دلوقتى بس هى متعرضه للضرب بعنف جدا وحالتها كانت صعبه ووشها كله وارم ولازم ليها راحه مين الهم*جى اللى عمل فيها كدا المفروض نبلغ البوليس
مالك مسكه من لاياقته بعصبيه وقاله:ملكش دعوه وانت ازاى اصلا دخلت جوه انا مش قولت دكتوره ولا ايه هسامحك بس عشان خاطر انها بقت كويسه لكن دى اخر مره ولو شوفتك تانى مش هعتقكك ومشى ونقلوها غرفه عاديه بس هى لسه نايمه دخل مالك وقعد على كرسى جنبها وبص عليها وقال بقا انا شوهت الوش البريئ ده ويا ترى انا هقولك ايه اما تقومى وهتصرف ازاى يارب خليك معايا انا عارف انى غلطان بس انا مش عايز اخسرها يارب ولقى ايدها بتتحرك وبتفتح رموشها براحه قامت شافت هى فين ودمعت وقعدت تعيط وتقوله:والله ما عملت حاجه والله انا بس كنت وسكتت وقالت فى سرها يالهوى اومال لو كنت عملت اللى كنت هعمله كان عمل ايه يمكن دى اشاره يارب استر وخليك معايا
مالك:مايااااان وهى انتبهت قالها ايه يا بنتى بنادى عليكى من الصبح روحتى فين وبعدين انتى ايه كنتى هتقولى ايه
مايان بتوتر:لا ولا حاجه كنت هقولك انك هتشوف على اللى عملته ده انا مش هسكت وكملت عياط
مالك ضحك وقالها:حتى وانتى تعبانه بتهددينى يا بنتى اتهدى
مايان:اه انا كدا وهتشوف ثم انت ازاى بتضحك وبتكلمنى عادى كدا انت عندك شيزوفرونيا يابنى
مالك بتوتر:بصى انا عارف انى غلطت بس انا اللى شوفته عمانى وخلانى اتعصبت ومركزتش خالص بس متزعليش منى وانا عارف انك حقك تعملى اللى عايزاه فيا بس حقك عليا وآخر مره وانا هجيب اللى عمل كدا ومستحيل اشك فيكى تانى
هى بعياط اكبر وبصوت عالى قالتله:شوفت ومسحت دموعها وقالتله وعشان كدا بقا طلقنى يا مالك
مالك:اخذى الشيطان يا حبيبتى واهدى
مايان بإصرار:بقولك طلقنى يا مالك ومتقوليش يا حبيبتى حبك برص
مالك:بت انتى انا اه غلطان واعترفتلك بس تقلى ادبك هزع*لك واوى كمان اعقلى كدا
مايان بعصبيه:وهو انت كان فين عقلك لما بهدلت*نى وشلفط*ت وشى وشكي*ت انى ممكن اعمل كدا انت مفكرنى هسكتلك بعد كل ده لا دانت بتحلم انا هرجع بيتى ولا يمكن تشوف وشى تانى وورقتى توصلى
مالك ببرود:طب انا مش هرد عليكى عشان انتى دلوقتى تعبانه وحقكك تعملى كدا بس طلاق مش هطلق ولو قولتيها تانى هدفن*ك حيه وصوتك يوطى بدل ما اوريكى دلوقتى ممكن اعمل فيكى ايه ومش هيهمنى حد
مايان خافت بس فى نفس الوقت مبينتش وقالتله:انت يابنى مفكرنى هروح بيتى اللى هو فيه عمى تؤ تؤ تؤ بيتى اللى هو بيتك اللى هو من حق الزوجه وانت هتطلع منه وتروح تباتلك فى حته تانيه
مالك بصدمه:بقا انتى بتقوليلى انا اطلع بره بيتى وعايزه تاخدى البيت منى وحق زوجه مين يا حبيبتى انتى عارفه انتى بتكلمى مين
مايان بثقه:اه عارفه ولو معملتش كدا هتندم وهتعرف بقا انت اللى بتكلم مين
مالك بضحك:مين يعنى يا بنتى انتى اصلا من قلم وقعتى اسكتى اسكتى وبعدين مش مالك اللى يتلعب معاه يا حلوه ويلا عشان نروح واهدى كدا واعقلى
مايان بغموض:تمام انت اللى اخترت يا حضره الضابط يلا عشان نروح عشان مبحبش قاعده المستشفى
مالك عارف انها هتعمل حاجه بس هو مستعدلها وخلص بقيت الإجراءات والدكتور قالها خروج بس اهم حاجه الراحه ومشيوا وهما ماشين بالعربيه الاتنين بيبوصوا لبعض بتحدى ومايان فى سرها بتقول انا هندمه انه يعمل معايا كدا وهعمل حاجه مش هيتوقع انى هعملها هخليه يكره انه اتجوزنى وانه لعب معايا بقا انا يتعمل فيا كدا انا بس عارفه انى غلطانه عشان فكرت اعمل حاجه فيه منيله ودى اشاره الحمدلله انى معملتهاش يمكن انا مكانش ينفع افكر فى كدا بس بردوا هطفشه وهيشوف
مالك فى سره ربنا يستر على الهدوء ده اكيد هتعمل مصيبه كبيره داحنا لسه مكملناش يومين وعملنا كدا اومال بعد كدا هنعمل ايه بس تمام انا هعلمها الأدب وهخليها تعرف ازاى ترد عليا كويس اوى مبقاش انا مالك
يا ترى مالك ومايان هيعملوا ايه ومايان كانت هتعمل ايه قبل المصيبه دى ومين اللى بعت الصوره دى هنعرف البارت الجاى متنسوش تقولوا رأيكوا ولاف وكومنتات عشان الجديد ينزل بسرعه
يتبع الفصل الرابع اضغط هنا
- الفهرس يحتوي على جميع فصول الرواية كاملة :"رواية تزوجت ولم ادري" اضغط على اسم الرواية