رواية لن تغفر لك الجزء الثاني 2 الفصل الثاني بقلم الاء محمد
رواية لن تغفر لك الجزء الثاني 2 الفصل الثاني
صباح يوم جديد ملئ بالاحداث
صحيت فرح وهي مبسوطه علي غير العاده دخلت تحضر الفطار و هي بتغني دخلت عليها تهاني وهي فرحان ان بنتها اخيرا رجعت تاني زي الاول
تهاني .. صباح الخير يا حبيبتي
فرح وهي بتضحك راحت علي امها و حضنتها و راحت مقاعدها علي الكرسي اللي في المطبخ
فرح .. يا صباح الفل يا ست الكل الفطار ثواني ويكون جاهز
تهاني .. ارتاحي انتي يا قلب امك وانا أحضر الفطار علي متلبسي عشان تروحي المستشفى
فرح .. لسه بدري يا ماما و بعدين مرا من نفسي أحضر أنا بقا الفطار كفايه دلع لحد كدا
تهاني .. انتي تدلعي زي منتي عايزاه هو انا ليا غيرك عشان ادلعك
فرح .. ربنا يخليكي ليا يا ماما و ميحرمنيش منك ولا من دلعك يا تهاني يا عسل
تهاني .. ربنا يسعد قلبك يا حبيبتي اي ركان عامل ايه معاكي طمني قلبي
فرح بسعاده .. اطمني يا ماما ركان رجع تاني زي زمان اللي مستحيل يزعلني ولا حتي يبعد عني تاني و كمان هو هيعدي عليا عشان نروح المستشفى مع بعض
تهاني .. ربنا يسعدكم يا بنتي
بقلمي الاء محمد
★★★★★★★★★★★★★★
عند ركان صحي من نومه و لبس البدله بتاعته وبقا شكله يجنن و نزل ركب العربيه و بقا يسوق وهو مبسوط اخيرا بعد كل اللي حصل معا رجعة تاني الدنيا تضحك لي من تاني و قدر يخلي فرح ترجع تنور حياته و قف بعربيته قدام بوتيك بتاع ورد ونزل اختار الورد اللي فرح بتحبه و جاب بوكيه شكله جميل ورجع ركب العربيه تاني و راح ساق لحد موصل عند بيت فرح راح نازل و ركب الاسنسير وصل عند الباب وراح ران الجرس
مفيش ثواني و كانت فرح بتفتح الباب و هي لبسه فستان لونه ابيض في ورود حمراء و جايبه شعرها علي جنب اللي شكل الليل ركان لما شاف فرح كدا بقا واقف سرحان فيها وفي جملها راح قرب منها اووي وبقا في دنيا تانيه مفيهاش غيرهم وبس
ركان .. تصدقي لو قولتلك أن الورد جنبك هيكون ولا حاجه
فرح وهي تايه في عيونه اللي شبه الليل بس كلها حب ليها .. انا مش مصدقه أن انت رجعت تاني ركان بتاع زمان
ركان .. ولي مرجعش وانتي بقيتي بين أيدي تاني انا عمري مضيعك من أيدي تاني يا فرحه عمري
فرح .. ياااا وحشني اوووي أن اسمعها منك الكلمه دي عشان كدا بقا انا محضره فطار ملوكي
ركان وهو بيضحك .. والله فصيله انا وانا معاكي بنسي اي حاجه حتي نفسي
دخل ركان و فطر في جو أسري جميل اخير بعد كل العذاب الدنيا رجعت تضحك لي من تاني
وهما قاعدين ومالك قاعد بينهم و بقوا اجمل عيله
بقلمي الاء محمد
★★★★★★★★★★★★★
عند زين بقا صحي من بدري ولبس البدله الميري بتاعته وبقا شكله يجنن فيها بعيونه اللي شبه البحر دي اللي تسحر وراح راكب عربيته و راح عند حبيبت القلب في المستشفى بعد شويا وصل المستشفى وسط نظرات الإعجاب من الممرضات وراح عند كنزي في المكتب وراح داخل
زين .. صباح الورد علي دكتورة قلبي ♥️
كنزي .. صباح الخير يا حضرت الظابط
زين .. أي يا دكتوره انتي مش ناويه تغيري الكلمه القاموس مليان كلام تاني
كنزي .. وانت بلبسك ده عوزني اقول ايه اخاف اغلط ترميني في التخشيبه
زين .. انت اغلط بس يا جميل و انا وانت نتحبس سواء بس مش في التخشيبه دي لا في التانيه
كنزي بكسوف .. لا يا باشا ربنا ميجيب غلط وانت اقدر بردو اغلط معاك
زين .. اغلط انت بس يا جميل وسيب الباقي عليا ولا يهمك وراح غامز بعينه
كنزي .. ماشي يا حبيبي اقعد نشرب قهواء سواء
زين .. يا نهار غلط اني قولتي ايه
كنزي .. وربنا مقصد وبعدين هي طلعت كدا مرا وحدا
زين .. عشان الكلمه دي لازم تتعقبي وراح قرب اوووي من كنزي اللي قلبها بقا يدق من قربه ليها
كنزي بكسوف و وش احمر .. زين مينفعش كدا حد يدخل يبقا شكلي مش حلو
زين .. خلي بس حد يفكر يهوب نحيت الباب و شوفي انا هعمل في ايه وراح نزل علي خد كنزي وطبع عليه قبله وقال .. دي بس حاجه كده بسيطه وراح غمز بعينه 😉
بقلمي الاء محمد
★★★★★★★★★★★★★
في قلب الصعيد في بيت كبير شبه القصور دخلت واحده كبيره في العمر الأوضه و اتكلمت بخوف
هي .. انت صاحي يا حج ابراهيم الفطور جاهز
ابراهيم .. ايوا صاحي يا تفيده تعالي لبسيني العبايه
قربت تفيده وهي خايفه من الحج ابراهيم اللي سكوته بقا غريب اليومين دول
تفيده .. مالك يا حج ابراهيم زي ميكون بالك مشغول يا خويا
ابراهيم .. خليكي في حالك يا حجه و متشغليش بالك انتي
تفيده .. حاضر يا حج
ابراهيم .. البشمهنز قرب يرجع من بلاد برا
تفيده بفرحه .. ابني ادهم راجع وراحت زغرطت من فرحتها برجوع ابنها اللي بقالو اربع سنين في بلد الخواجات
ابراهيم .. قصري حسك انا قولتلك عشان تكوني عارفه مش تعملي أكده وراح طالع برا الاوضه
دخل اوضت السفره وهي ورا قابل في وشه جميله اتكلمت وقالت .. بتظغرتي لي يا عمه
تفيده .. البشمهنز ادهم راجع من بلاد برا
جميله بفرحه معرفتش تخبيها .. ادهم راجع وكانت هتظغرت
ابراهيم .. اسمه البشمهنز ادهم انا مش صارف ده كله عشان تيجي واحده زيك تقول اسمه أكده
جميله بصت علي عمتها وراحت طالعه برا الاوضه اللي فيها جوز عمتها ابراهيم
تفيده .. لي كده ياحج تكسر فرحتها لي
ابراهيم .. عشان تفوق انا عارف كويس هي عاوزه أي بس مش هيحصل طول منا عايش
تفيده .. جميله بتحب ادهم وادهم كمان بيحبها
ابراهيم قام بعصبيه وضرب الأرض بلعصاييه
ابراهيم .. اخر مره هقول الحديت ده ادهم مهيتجوزش غير بنت عمه فرح و خلاصنا
بقلمي الاء محمد
★★★★★★★★★★★★
عند خالد راح عند مكان شغل انجي اللي بتشتغل في شركه كبيره سكرتيرة فضل مستني في العربيه لحد متوصل بعدها بشويا وصلت انجي ونزلت من التكسي وهي مضايقه من معكست المعلم حسن اللي مهما قالت وعملت برضو زي مهوا نزل خالد وجي من وراها وقال
خالد .. انسي انجي
انجي وقفت مرا واحده و هي كانت ماشيه وبصت ورا واول ما شافت خالد قلبها بقا يدق جااامد
انجي .. بشمهندس خالد خير في حاجه
خالد .. ابدا مفيش انا كنت عاوزك في موضوع
انجي بصت في الساعه
خالد .. مش هعطلك انا بس كنت عاوز أشوفك وقت متكوني فاضيه عشان اعرف اكلمك
انجي .. اكيد انا بخلص شغل الساعه اتنين
خالد .. حلو اووي هعدي عليكي عشان نتكلم في أي مكان
انجي .. اكيد يا بشمهندس
خالد .. اتفقنا الساعه اتنين وربع هكون مستنياكي هنا في نفس المكان
وراح ماشي ركب عربيته في وسط حيرة انجي اللي قلبها حتي من بعد ما خالد مشي وهو بيدق انجي و هي حاطه ايديها علي قلبها
انجي .. اهدي يا انجي مش كدا وراحت طالعه تشوف شغلها
★★★★★★★★★★★★
عند جميله وهي مخبيه وشها في المخده عشان تكتم صوت عياطها دخلت تفيده اللي هي عمتها واللي ربتها زي بنتها من بعد موت ابوها و أمها وراحت تحضنها وقالت
تفيده .. لي البكاء يا بتي ده بدل متفرحي
جميله بعياط .. هو لي بيعمل أكده معايه انا عملت له ايه
تفيده .. انتي عارف الحاج ابراهيم هو طبعه أكده
جميله .. انا معرفاش هو لي مش متقبلني خالص انا عملت اي او زنبي ايه لده كله
تفيده بحزن علي بنت اخوها .. كفاياكي بكاء عاد
جميله .. هو لي مش قابل حبي ل ادهم مع أن ادهم هو كمان بيحبني لي مصمم يبعدنا عن بعض
تفيده .. بتحبي ولدي يا جميله
جميله .. انتي اللي بتسئلي يا عمه انا بعشق ادهم دنا اموت من غيره
تفيده .. وهو كمان بيعشقك يا بتي خاليكي واثقه أن اللي ربنا عاوزه هو اللي هيكون حتي لو ابراهيم لساته مصمم علي جواز ادهم و فرح ده مش هيحصل
جميله بصدمه .. ايه جواز ادهم وفرح 😳
تفتكرو ايه اللي ممكن يحصل
والحج ابراهيم هيلقي فرح
و خالد يعمل ايه مع انجي
و ايه رائيكم في زين و كنزي
وجميله هتعمل ايه
- تابع الفصل التالي عبر الرابط: "رواية لن تغفر لك" اضغط على اسم الرواية