Ads by Google X

رواية يا انا يا انتي الفصل الثاني 2 - بقلم ملك محمد

الصفحة الرئيسية

رواية يا انا يا انتي البارت الثاني 2 بقلم ملك محمد

رواية يا انا يا انتي كاملة

رواية يا انا يا انتِ الفصل الثاني 2

صحيت على صوت الباب بيخبط جامد قعدت شويه تفتكر هي فين وبتعمل اي هنا قالت لنفسها
: الاخ دا بيخبط كدا ليه ع الصبح
ادهم بيكلم نفسه بره : معقوله تكون ماتت انا كنت عارف ان دي مصيبه اي ال خلاني ادخلها البيت
ملك فتحت الباب وقالت بتعجب : حضرتك بتخبط كدا لي اي الإزعاج داه
ادهم بعصبيه : لما انتي صاحيه مبتفحتيش ليه
ملك بتعجب : كنت نايمه مش سامعه
ادهم : نايمه ولا ميته دانا ايدي ورمت من الرزع ع الباب
ملك ببرود : بجد معلش حطها ف مايه ساقعه
ادهم وهو كاتم غضبه : ربع برودك دا بس وصدقيني هحكم العالم ربعه بس
ملك : اووف بقى انت صاحي بتزعق كدا ليه عايز اي مني دلوقتي
ادهم : عايزك تتفضلي تمشي
: بس انت قولت هتسبني يومين استخبى عندك
: كنت بسايسك لحد النهار مايطلع ممكن بقى تتفضلي تروحي بيتكوا

بتعجب: انت يابني عندك انفصام مانت كنت كويس امبارح اي ال حصل
: طول مانتي هنا انا مش مرتاح حاسس ان في مصيبه معايا ف البيت 
: مصيبة اي هو انا جيت جمبك انت بتجر شكل وخلاص 
: ايوا بالظبط ممكن تمشي بقى 
قالت بعند: طيب ثواني بس هفتح موبايلي اكلم بابا
ادهم اخد نفس وقال : أخيرا هتغور
ملك وهي بتفتح الفون: هقوله اني مخطوفه واوصفله البيت وابقى دافع عن نفسك ف النيابه بقى
ادهم استوعب ال هي بتقوله راح شد الفون منها وقال
: هو ال انا سمعته دا صح 
: ايوا صح هات الموبايل بقى 
ومدت ايدها علشان تاخده بس هو رفع دراعه لفوق فضلت تنط لفوق وتقوله 
: هات الموبايل بقولك
ادهم : يعني انا خاطفك مش انتي ال هربانه
ملك وهي بتنط لفوق:ايوا هات الموبايل بقى
ادهم اداها الموبايل وقال : تمام خليكي بس عند بعند بقى استحملي ال هيجرالك
ملك بسخريه : استحمل انت 
ادهم بص ف عيونها بحده : تمام يانا ياانتي ف البيت داه 
ملك بخوف رجعت لورا : تمام وانا هخاف من اي يعني
سابها ودخل اوضته يلف حوالين نفسه ويقول

: عيله متر ونص تهددني انا وف بيتي ماااشي اصبري عليا 
ملك ف اوضتها بتكلم نفسها : يلهووي من لسانك داه لو معملتيش مشاكل تموتي ماكنتي سايستيه بدل شغل العند داه 
وبعدين قالت بخوف : هيعمل فيا اي دولوقتي اكيد هيقتلني ويحطني ف الأوضه التالته
 أفضل حل امشي بكرامتي احسن
: طب انا لو رجعت دلوقتي البيت هيجوزني غصب عني ولو فضلت ف الشارع هتبهدل والكلاب هتاكلني ولو فضلت هنا الكائن المتخلف داه هيقتلني ويدفني ف القبو اروح فين بس
شالت شنطتها وخرجت بالراحه لسه بتفتح الباب لقت ال بيقفله ووقف قدامها
قالت ببإبتسامه مصطنعه : انا كنت ماشيه بس ومحبتش اقولك علشان مزعجش حضرتك
ادهم : ماشيه ! طب ودي تيجي وبعدين اي حضرتك دي امال فين التهديد والبت الشبح ال كانت بتكلمني من شويه جوه
: لا ماهو انا مش قولتلك مش انا عيله وبرجع ف كلامي بسرعه 
 : اه بس انا مش قولتلك ان انا مش عيل ومش برجع ف كلامي واحنا بينا اتفاق
: اتفاق اي ياراجل انا كنت بهزر انا هروح دلوقتي وان شاء الله نشوف موضوع الأتفاق دا بعدين
: هتروحي بجد يعني انا مش خاطفك ولا حاجه واجهز نفسي للنيابه
بإبتسامة توتر: خاطفني اي بس دا لساني لساني ال يتشل داه بيموت ف المشاكل واوقات بيقول حاجات غريبه بس اطمن انا عقلته خلاص وبقول يعني لو تبعد بعيد عن الباب علشان اروح وكدا 
: ااه ياحرام لسانك هو ال بتاع مشاكل مش كدا 
بنظرت استعطاف: حصل ياباشا
: طب مانقصهولك ونريحك
ابتلعت ريقها : لا تقص اي بس انا مش عايزه اتعبك انا هروح دلوقتي واعفيك من كل حاجه ممكن بقى تبعد بعيد عن الباب بليز
ادهم بغرور وهو متكئ ع الباب: ليه هو انتي فاكره دخول الحمام زي خروجه 
قالت بتعجب : هو مش انت كنت عايزني امشي وبتقول اني مصيبه انا بقولك اني همشي بنفسي اهوه واريحك مني
رد بغرور: لا ماهو مش بكيفك لما تحبي تقعدي تقعدي ولما تحبي تمشي تمشي
بخوف : يعني اي
شد الفون من أيدها وقفل الباب بالمفتاح وحط المفتاح ف جيبه 

: يعني هتمشي بس بمزاجي انا مش بمزاج حضرتك مش عيله متر ونص هتمشي كلامها عليا 
سكتت وبصتله بحزن ونظرت استعطاف وبراءه
قال بغرور: انا هخليكي ترجعي لأهلك تبوسي رجليهم بس اصبري عليا 
فضلت ساكته وبتبصله 
: فاكره هتصعبي عليا صح بس مستحيل 
فضلت ساكته وبتبصله بنفس النظره
ادهم بضيق لخبطلها شعرها على وشها وقال : يخربيت كدا عليكي نظره تخلي الواحد يبيع كليته عشانك
وسابها ومشي
عدلت شعرها وقالت بعصبيه : انسان مستفز اهو بعد ماكنت هربانه بقيت مخطوفه زغرتي ياما على خيبت بنتك بتوقع نفسها ف المشاكل وهي مش قدها
لقت ال بيرد عليها من بعيد ويقول : امك مش هنا ممكن ازغرتلك انا لو عايزه
قالت بعصبيه : سمعني ازاي داه
واخدت بعضها وراحتله
: قوم افتحلي الباب
بغرور: مش فاتح 
: لو مفتحتش الباب انا هصوت وألم الناس عليك فاهم ولا لا
قام من مكانه وراح فتح الشباك وقال 
: تعالي صوتي هنا يمكن صوتك يوصل
راحت ناحية الشباك بصت منه لقت نفسها وسط صحرا وبيوت لسه بتتبني قالت بصدمه 
: هو انا فين بالظبط
ادهم : انتي ف منطقه سكنيه تحت الإنشاء اسألي  نفسك بقى انتي جيتي هنا ازاي
ملك بذهول : يعني انا فعلاً دلوقتي مش هربانه لا انا مخطوفه
رد بإبتسامه مصطنعه : تخيلي
قعدت ع الأرض واتفتحت ف العياط: انا عايزه اروح مليش دعوه 
وفضلت تدب برجلها زي العيال الصغيره
رد ببرود : انا داخل المطبخ اجهز فطار لما تخلصي عياط ابقى تعالي يا سترونج اندبندت وومان
ردت بعياط : انا سترونج اندبندت عيوطه انا عيله والله العظيم وعايزه اروح
بعد مرور شوية وقت قامت وراحتله ع المطبخ 
: ممكن تفتحلي الباب 
وهو بيقطع الخضار بالسكينه بحده
: لا 
بصت ع السكينه وحطت ايدها حوالين رقبتها
: طيب براحتك متتعصبش كدا
رفع ايده لفوق وهو ماسك السكينه ومسح وشه عادي
هي شافت المنظر بلعت ريقها وقالت بخوف
: هو انت ليه عايش لوحدك ف منطقه زي دي
: علشان البيت قريب من شغلي وبصراحه يعني انا مبحبش البشر 
بخوف: ليه بس دا البشر حلويين اوي 
:انا مبحبهمش انا حر
: براحتك طبعاً حتى انا كمان مبحبهمش 
بسخريه : انتي معانا معاهم عليهم عليهم 
بتوتر: ماتخليني اروح وانسى انك شوفتني اساسا
: قولت مش بمزاجك انا جهزت الفطار هتاكلي ولا لا
بعصبيه: لا 
ببرود: وفرتي 
واخد الأكل وخرج قعد وبدأ ياكل
قالت لنفسها : ماشي انا هخليك تفتحلي الباب بنفسك 
خرجت وراه فضلت تلف قدامه رايحه جايه
بضيق : بطلي بقى واقعدي 
: افتحلي الباب الأول
: دا بعينك
وقعد يدايق فيها ويقول: ياسلام الأكل لذيذ اوي
وهي بتبلع ريقها : انت عارف انك مستفز
: لا حضرتك لسه معرفاني حالا
قام يجيب مايه راحت قعدت بسرعه ع الأكل وفضلت تاكل 
بص عليها من بعيد ابتسم وسابها تاكل ودخل اوضته 
بعد شويه لقاها بتخبط على باب اوضته
فتحلها بتعجب وقال : عايزه اي
قالت بثقه : انا بصراحه مخبيه عليك حاجه ولازم اعترفلك بالحقيقه
: اتفضلي قولي 
:  الحقيقه ان والدي شغال ف امن الدوله فكون انك خاطفني وكدا دا هيسببلك مشاكل ف انا علشان خايفه عليك بقولك ممكن تفتحلي الباب اروح وانا صدقني مش هقوله حاجه ويادار مدخلك شر
أبتسم واتكئ ع الباب وهو بيقول : قلبك حنين اوي ياملك بس معلش ابقي قولي لوالدك ال شغال ف امن الدوله اني خطفتك انا هستحمل عادي
: هيعذبوك وانا خايفه عليك
: طب اعيط ع الحنيه دي ولا اعمل اي بس ع العموم متشليش همي انا قدها
قالت بعصبيه : بارد 
وسابته ومشيت
قفل الباب ورجع قعد وهو بيضحك عليها
بعد شويه لقاها بتخبط تاني قام وفتحلها
: ها
: انا خلاص قررت اقولك الحقيقه 
:  اتفضلي 
: بصراحه انا هربانه من مستشفى المجانين واوقات بتحول زومبي و..
قاطعها:وبتتغذي على دماء البشر مش كدا
بلهفه : ايوا بالظبط 
أدهم قرب من وشها وقال بصوت واطي : متخفيش انا اساسا بشتغل مصاص دماء بعد الضهر انا ف الحقيقه خفاش
رجعت راسها لورا وقالت : اه تمام طلعنا زمايل ف المهنه يعني
ادهم ببرود : تخيلي
ملك بعصبيه : بارد وسابته ومشيت
بعد شويه لسه هتخبط لقت ال بيفتح الباب قالها
: في اي تاني
ملك : أنا بصراحه بحب واحد وهو بيحبني ومفروض اننا نتجوز النهارده بعد الساعه 12 ممكن تسبني اروح احضر فرحي اصل مش معقوله فرحي يتم وانا مش موجوده هقول لعيالي اي ف المستقبل
ادهم : اه طبعاً وماله 
ملك بفرح  : شكراً جدا ليك ممكن تفتحلي الباب بقى
: ثواني بس هلبس واجي اوصلك تحبي احجزلك فستان فرح واشوفلك عريس بالمره ولا هتروحي فرحك كدا
ملك : لا لا انا هتصرف مش عايزه اتعب حضرتك انت بس افتحلي الباب ممكن
ادهم : لا خالص تعبك راحه ياملك هانم ثواني هلبس واجيلك دانا لازم اوصلك لعريسك بإيدي
ملك بعصبيه : بارد وثابته ومشيت
ادهم : اي خلاص مش هتروحي فرحك ياحضرة الزومبي 
ملك بصوت مرتفع وهي ماشيه : لا احضره انت بدالي يازعيم مصاصين الدماء
ادهم ابتسم ودخل اوضته 
بعد شويه خرج وهو لابس هدومه وشكله خارج
قالت بتعجب : انت رايح فين
ادهم ببرود : رايح احضر فرحك 
ملك  : ماشاء الله دمك يلطش متنساش تسلملي ع العريس 
ادهم : من عنيا عايزه حاجه تاني
ملك بتعجب : هو انت خارج بجد
:ايوا النهارده اجازه واكيد مش هضيع اليوم داه مع واحده مجنونه زيك
وقفت من مكانها وقالت: انت عايز تسبني هنا لوحدي
: اه وفيها اي انتي مش هربانه من بيتكوا لوحدك
وهي بتبص حواليها: لا بس المكان هنا يخوف
: مليش فيه اقعدي ساكته لحد ماااجي
: ولو مقعدتش ساكته وولعتلك ف البيت داه
: ولعي اهو ع الأقل هتريحي اهلك والبشريه كلها منك دانتي مصدر ازعاج للكون بحاله
ملك بعصبيه : نينينيني
ادهم بضيق: مستفزه
وسابها وخرج وقفل عليها الباب
ركب عربيته وهو مبتسم وبيفكر فيها ويقول: عنيده ولسانها طويل ومستفزه ومجنونه بس عسل 
فضلت هي تلف حوالين نفسها وحاولت تفتح الباب معرفتش قعدت تعيط وتقول 
: انا اسفه يابابا مش هعمل كدا تاني بس تعالى خدني انا خلاص موافقه اتجوز بس حد ينقذني 
وهي بتلف ف البيت جه ع بالها الأوضه التالته ال قالها متفتحهاش 
ابتسمت وقالت : أخيرا هعرف الأستاذ مخبي اي ف القبو بتاعه اصبر عليا انا هكشفك واسلمك بنفسي للعداله
لقت كشاف صغير ع التربيزه نورته وفتحت الباب ودخلت بالراحه والباب كان بيعمل صوت كأنها داخله مكان رعب
فضلت تبص بالكشاف ف كل مكان لقت كتب كتير ولوح رسومات قربت عليهم ولسه هتمسك لوحه منهم لقت ال بيقول
: كنت عارف انك هتعملي كدا
اتخضت والوحه وقعت ع الأرض والكشاف كمان
قرب منها وقال : هو انا مش قايل متدخليش هنا 
بخوف : خضتني 
: هو انتي ال زيك يتخض دانتي ترعبي بلد بحالها
فضل يقرب منها وهي بترجع لورا لحد ماخبطت ف الحيطه
قالت بخوف : هو في اي بالظبط انت بتقرب كدا ليه حضرتك مش بتاع بنات صح
: ليه انتي فاكره حضرتي بتاع ولاد
تنحت : ها!
: ها انتي
فضل يقرب منها ومد ايده ناحية شعرها غمضت عينها بسرعه بخوف 
ابتسم ومد ايده ع الحيطه وداس ع الزرار ال جمب راسها وفتح النور وهو بيقول 
: داخله بالكشاف ليه وفي نور للأوضه انا مشوفتش محقق غبي كدا قبل كدا بصراحه
فتحت عيونها لقته فتح النور اخدت نفسها وقالت
: انا كان عندي فضول اعرف في اي جوه مش اكتر انا خارجه
ولسه هتمشي شدها من ايدها تاني وقفها قدامه
: رايحه فين 
بخوف : انا عايزه اروح 
: طب مش انا منبه عليكي متدخليش الأوضه دي
: قولت فضول مش اكتر ثم مفهاش حاجه يعني خايف عليها ليه 
ادهم بص ع الوحه ال وقعت منها ع الأرض وقال
: خايف علشان عارفك مصيبه وهتعملي كدا
ملك بصت ع اللوحه وقالت : انا هرجعها مكانها وكأن مفيش حاجه حصلت 
راحت علشان تشلها راح شاددها تاني موقفها مكانها
قالت بخوف : في اي 
بحده: مبتسمعيش الكلام ليه ليه دايما عايزه تعاندي وتعملي ال ف دماغك هيجرالك اي لو سمعتي الكلام هتتشلي مثلا 
: بعد الشر ان شاالله انت وال بيكرهوني والى بيحبو ال بيكرهوني
: يابت لسانك داه عايز قطعه صدقيني
: دا كله علشان دخلت الأوضه خلاص اسفه مش هدخل تاني وبعدين طالما انا عملالك ازعاج سبني اروح
سكت شويه وهو بيبص لعيونها
قالتله : اي سرحت ف اي
بإرتباك : لا مفيش المهم قوليلي اتعلمتي الدرس كويس ولا لسه
هزت راسها يعني ( اه)
: عايز اسمع صوتك ولا اتخرستي
: اه اتعلمته ممكن اروح بقى
: هتهربي من بيتكوا تاني
: لا
: هتسمعي الكلام بعد كدا
: اه
هتبطلي عناد
: اه 
هتوافقي ع العريس
: اه
: لا دي بالذات لا 
بتعجب : اشمعنا يعني
: بصراحه صعبان عليا ذنبه اي يقع ف مصيبه زيك
: طيب تمام عايز حاجه تاني 
: لا خلاص
: طب ممكن اروح بقى
: اطمني كلها ربع ساعه ووالدك هيكون هنا 
بصدمه : انت قولت لبابا اني هنا
: ايوا موبايلك معايا وكلمته 
بعصبيه: انت واحد حيوان 
بحده : لسانك رجع يطول تاني اهو
بعصبيه : انت مالك اساسا تقول لبابا ليه اي دخلك ف حياتي وسع خليني اخرج قبل مايجي
حط ايده الأتنين ع الحيطه وقال: مفيش حركه من هنا لحد مايجي ياخدك 
قالتله بدموع : ارجوك سبني امشي
بتعجب: انتي بتعيطي بجد ولا بتمثلي
بدموع : انا لازم امشي لو بابا جه هيجوزني غصب 
بتعجب : انتي ليه خايفه من الجواز اوي كدا داه بعيداً عن انهم عايزينك تبقي بطه والكلام العبيط داه
بدموع :طب ممكن كوباية مايه اشرب ونقعد نتكلم
طيب حاضر بس بطلي عياط
وهي بتمسح دموعها : ماشي
راح يجبلها المايه رجع ملقهاش ف الأوضه
افتكر انه سايب المفتاح ف الباب راح بسرعه ناحية الباب لقاه مفتوح 
عرف انها هربت 

google-playkhamsatmostaqltradent