Ads by Google X

رواية فجر جديد الفصل السابع والعشرون 27 - بقلم إيمــــان

الصفحة الرئيسية

  رواية فجر جديد الفصل السابع والعشرون 27 - بقلم إيمــــان

رواية فجر جديد  - بقلم إيمــــان

*  رواية فجر جديد الفصل السابع والعشرون


ارتبك الجميع فأشار شادى بسرعة لمسعود ودرويش للصعود برفعت الى غرفته واتصل على الفور بالطبيب

فى الوقت الذى ذهبت شهيرة ونادرة بندى الى غرفتها وقاما بإفاقتها فهبت فزعة

رفعت هو فين جراله ايه

نادرة: الدكتور عنده وربنا يستر بقه

ندى: انا حقوم اطمن عليه

شهيرة: انتى فيكى حيل خليكى مرتاحه

ندى:  لالا مش حرتاح الا لما اطمن عليه انا السبب فى اللى حصل ده كله

شهيرة: لا مش انتى السبب الزفته اللى مشيت هى السبب الحمد لله انه طردها

ندى: لا انا السبب لو كنت سمعت كلام دادة سيدة ومامشتش ما كنش كل ده حصل

نادرة : ان شاء الله حيقوم بالسلامة وحتعدى على خير رفعت قوى وربنا معاه

صممت ندى على النهوض والذهاب اليه وبمجرد اقتربها من غرفته وجدت الطبيب يخرج منها وبمجرد ان رأها قال لها

انا مش منبه عليكى يا مدام ندى ما يتعرضش لاى انفعال او توتر نهائى

قال شادى على الفور : معلش يا دكتور الموقف كان خارج ارادتنا كلنا ومعرفناش نتصرف وانا اوعدك ان ده مش حيتكرر تانى بس طمنا عليه دلوقت

الطبيب : هو الخطر الحمد لله مش كبير وانا اديته حقنه حتنيمه لحد الصبح فاق ولاقتوه كويس يبقه الحمد لله لكن لو اشتكى من اى وجع تاخده يا أستاذ شادى ع المستشفى فورا مفهوم

شادى : خلاص يا دكتور مفهوم

شادى : عم درويش لو سمحت وصل دكتور محسن

ندى : انا حقعد جنبه

شادى : وحياتكم كلكم عندى ما حد مهوب نحيته ولا قاعد جنبه للصبح غيرى ، يلا روحوا شوفوا حتناموا ولا حتعشونى ولا حتعملوا ايه

مسعود: حالا ياشادى بيه حيكون عندك العشا ، والهوانم مش حيتعشوا

نادرة: حضر لنا احنا كمان حاجة خفيفة يا عم مسعود من فضلك

ندى : انا مليش نفس

نادرة : انا طلبت العشا عشانك انتى مخصوص وحتتعشى ولا اسيب عليكى شهيرة تعمل فيكى اللى كانت ناوية تعمله فى سالى

فضحكت شهيرة وقالت : ايوة والله دا انا كنت ناوية أجبها من شعرها ده اللى هرياه صبغات وكرياتين وبروتين وقصات وكوفيرات كنت حندمها عليه ندم

فنظرت نادرة لندى وقالت : هاا تتعشى ولا شهيرة

ندى بضعف: خلاص حتعشى

احضر مسعود العشاء لشادى فأخذة منه واغلق عليه الباب هو ورفعت وجلس على الكرسى المقابل له ينظر اليه بإشفاق وهو يقول 

ياااااه كل ده حب بتحبه ليها وكل ده حب هى كمان بتحبه ليك وسكتين طول الفترة دى والنعمه انتو الاتنين احمر من بعض بس ودينى ما انا سيبكم الا لما اجوزكم لبعض يا حمار منك ليها

استيقظت ندى على اذان الفجر فقامت وتوضئت وصلت وجلست تدعو له

فكرت ان تقوم لتطمئن عليه ولكنها تذكرت ان شادى جالس معه فى الغرفة فتراجعت عن الفكرة فجلست تكمل له الدعاء الى ان غلبها النوم على سجادة الصلاة

استيقظت دادة سيدة من نومها لتجد ندى على هذة الحال فقد اصرت على عدم تركها بعد ما حدث لها فى الليلة السابقة فقامت لتوقظها ولكنها تذكرت رفعت فذهبت اولا لأطمئنان عليه ففتحت الباب بهدوء شديد وخرجت فتحت باب غرفة رفعت بهدوء ايضا كى لا تزعجه 


هو وشادى فنظرت اليه لتجده يغط فى سبات عميق هو وشادى ولكن تظهر على ملامحه الراحة فحمدت الله وهمت بالانصراف الا انها سمعت صوتها خلفها

عامل ايه يا دادة

نايم يا بنتى بس شكله كده وشه راق يعنى ان شاء الله يصحى بخير

يارب يا دادة يارب يقوم بالسلامة

خايفة عليه

انا حاسه انى السبب

عشان كده بس

ندى بارتباك : ايوة عشان كده وعشان افضاله وجمايله عليا كفاية بس حكاية أمير اللى خلصنى منها

كده طب

فسكتت ندى هى الاخرى ولم تستمر فى الحديث خشية ان تشعر سيدة بما تكنه له فى قلبها ولا تستطيع البوح به لمخلوق



خرجت نادرة وشهيرة ليجدا ندى وسيدة امام باب غرفته

شهيرة : صحى ولا لسه

ندى : لا لسه بس دادة سيدة بتقول شكله كويس

نادرة : ان شاء الله انا صحية مبسوطة اوى وقلبى بيقولى ان كل شىء تمام

سمع الجميع صوته وهو يصيح على شادى فتسابقوا جميعا الى الداخل وفى صوت واحد

الف حمد لله ع السلامة

فقال بصوت واهن الله يسلمكم كلكم

رفعت : صحوا الاستاذ ده اللى مش عارف مقتول ده ولا ايه خليه يروح ينام فى بيتهم

ووسط دهشة الجميع رد عليه شادى : تصدق انا غلطان انى ضحيت بسريرى وفضلت قاعد جنبك طول الليل

قاعد تقصد نايم دا انا صحيت على صوت شخيرك

اهو ده الكدب بعينه لانى عمرى ما كنت بشخر وانا نايم

والجميع  يضحك على الحوار الدائر بين رفعت وشادى الى ان قال شادى

بدل يا هوانم ما انتوا وقفين تضحكوا ما تحضرولنا فطار انا والراجل الغلبان التعبان ده اللى مطلع عينينا

رفعت: طيب يا شادى طيب ، بس فعلا انا جعان جدا

فنطقت هى أخيرا وقالت : ثوانى والفطار حيكون جاهز



رد رفعت بطريقة لم تعجب الجميع : دادة سيدة انا عوزك انتى اللى تحضرى الفطار ليا انا وشادى مفهوم

فندفعت شهيرة بمجرد خروج ندى من الغرفة وقالت له: ايه ده انت بتعاملها كده ليه

رفعت بحزم : محدش له دعوة

شادى: يلا يلا كله يخرج دلوقت انا عاوز اقعد انا واللى مغلبنى ده شوية

فخرج الجميع وجذبت نادرة شهيرة من امام رفعت وهى تقول يلا يا شهيره مش وقته الدكتور منبه ما ينفعلش تانى ابدا

فانصرفت معها على الفور بعد ان ذكرتها بذلك

وبمجرد خروجهم بدء شادى الكلام فى اى شىء ليخرجه من صمته: بس تعرف يا واد يا رفعت تجربة النومه على الكرسى دى حلوة موت

كل هذاو هو غارق فى صمته بعد ان شعر داخله انه قد احرجها امام الجميع 

افاق رفعت من شروده على صوت شادى وهو يصيح به : اااايه يا عم انت ما ترد عليا ما تعبرنى عمال اكلم نفسى مالصبح

احرجتها جامد صح.

فى الحقيقة صح وهى ما تستاهلش منك كده

بس كان لازم تتعاقب على اللى عملته

هى مغلطتش على فكرة 

ايه ازاى .  ازاى تسيب البيت وتمشى كده من نفسها

انا قاعدت امبارح مع دادة سيدة وحكت ليا كل شىء من اول لما سالى شرفت البيت لحد الكلام الجارح المهين اللى سمعته ليها امبارح عاوز وحدة عندها كرامه بعد كل اللى حصل ده تفضل قاعدة كده معاها فى نفس البيت ولا كأن اى حاجة حصلت

اكتر من مرة قولتلها لو سالى عملت ليكى اى حاجة قوليلى وانا حوقفها عند حدها



ما كنتش تقدر تقولك حاجة والدكتور منبه ومشدد عليها ما تعرضكش لاى انفعال

كانت تقول لنادرة او شهيرة وهما يتصرفوا

دادة سيدة فعلا اشتكتلهم لما لقت ندى مش حبه تعمل مشاكل وهما جم وظبطوها بس انت عارف بنت عمك بقه

بس برضو لازم اعقبها

هو انت ليه محسسنى انها مراتك وسابت لك البيت من غير ما تقولك ندى مجرد موظفة عندك فى الشركة وان كانت قعدت جنبك وانت تعبان فده عشان بس هى بنت ناس وعوزة ترد لك جميلك واعتقد انك الحمد لله اهو بقيت كويس ومش محتاجها وانا ماشى اخدها معايا وانت تفضل فى بيتك هادى ويادار ما دخلك شر تعرف البيت وحش اوى من غيرها

قال بفزع : تاخدها لا مش حيحصل وهى كمان مش حترضى تسبنى وانا تعبان

لا كان فى الاول لكن بعد ما اتنزلت عن خدماتها وقصاد الكل مش حتمانع انها ترجع معايا والكل حيبقه فى صفهاولا ما شوفتش شهيرة كلمتك ازاى

ايوة اول مرة تهاجمنى كده

طيب شوفت بقه

شادى ما تستهبلش اوعى تقولها ترجع معاك انا لسه محتاجها هنا

ايوة كده اتعدل



فى هذة الاثناء دخلت سيدة بالافطار

شادى: يلا بقه حقوم اغسل وشى واجى افطر

رفعت : دادة ندى راحت فين

دخلت اوضتها وقفلت على نفسها ورفضت تفطر ، ليه بس يابنى كده دى كانت حتموت نغسها عليك امبارح

خلاص بقه دادة روحى كده حولى تطيبى خاطرها وتفطريها وانا حبقه اصلح اللى حصل ده

كل هذا وشادى يسمعه من الداخل ويضحك

فطر شادى معه وغادرة بعد ان اطمئن عليه وكذلك اخوته غادرت كلا منهما الى بيتها 

يا بنتى قومى افكرى دانتى حتى ما تعشتيش كويس امبارح

مش عوزة اكل يا دادة مليش نغس

لتتفاجأ بصوته يقول : حتى لو قولتلك عشان خاطرى

فهبت واقفة وكانت ستعنفة لقيامه من فراشه ولكنها تراجعت فى اخر لحظة عندما تذكرت موقفه منها فى الصباح

دادة سيدة لو سمحتى قولى لرفعت بيه انى حروح بيتى لانى خلاص مليش لازمه هنا مهمتى خلاص خلصت

رفعت: مين اللى قال ان مهمتك خلصت

ندى : انا اللى قولت وحروح يعنى حروح

دادة سيدة قولى لمدام ندى عوزة تمشى امشى والمرة دى بقه حجبها من شعرها

فوجهت له الكلام مباشرة هذة المرة : ايه تجيب مين من شعرها

انتى ما يغركيش ادبى وذوقى واخلاقى بس لما اقلب انتى ما تعرفنيش

لا ما خلاص عرفتك امبارح وانهاردة  الصبح ودلوقتى كمان وقالت وهى تمنع دموعها كفاية كده انا اتهانت واتبهدلت الفترة دى كتير هنا واظن من حقى احافظ على كرامتى

سيدة : ما عاش ولا كان يا بنتى اللى يهينك ولا يجرحك كرامتك انتى مش عرفة غلاوتك عندنا اد ايه

رفعت : دادة سبينا لوحدنا

ندى: لا يا دادة خليكى

رفعت : ندااااااا خلاص كفاية دلع بقه لحد كده يلا يا دادة سبينا لوحدنا

سيدة : طب براحة عليها

رفعت : يلا ياختى مهو دلعك فيها ده هو اللى مقويها علينا

فتركتهم سيدة وانصرفت



رفعت : ممكن ترجعينى اوضتى

ندى: هو انا اللى جبتك عشان ارجعك

كده طب

فخطى خطوتين ثم وضع يده على صدره وبدء يتأوه فنطلقت اليه على الفور وسندته الى ان وصل الى فراشه فقال وهو مازال ممسكا بصدرة 

اترزعى هنا

ايه اترزعى دى

اترزعى بقولك

بلاش عصبية الدكتور منبه علينا ماتنفعلش تانى . انت بجد حاسس بتعب اتصل بالدكتور

فانفجر فى الضحك



كل ده كنت بتمثل عليا

اعملك ايه ما انتى سايقة فيها مالصبح ومش عوزة تهمدى وقال ايه اروح اروح ايه هو انا خطفك

انت الحمد لله بقيت كويس ومش محتاجنى وكمان مش طايقنى

من ناحية مش طايق سيادتك فدى حقيقة

شوفت يبقه اروح بقه

ينفع اللى انتى عملتيه ده تخرجى من بيتى بالطريقة دى من غير ما اعرف وفى عز الليل ولوحدك طب لو كان حصلك حاجة كنت حورى وشى ازاى لعم شوقى وانتى امانه عندى ردى ما تردى عليا

انا ما فكرتش اساسا فى اى حاجة بعد اللى سمعته من بنت عمك واللى اكيد دادة سيدة قالتهولك

انتى هنا فى بيتى انا وهى ملهاش اى صفة عشان حضرتك تسمعى كلمتين هايفين تفهين منها تقومى سيبه البيت وماشية

هى بنت عمك انا بقه ايه

انتى دراعى اليمين سواء فى الشغل او هنا ينفع دراعى اليمين يتخلى عنى 

ودق الجرس لسيدة

بس اللى اعرفه كمان انها يعنى وسكتت

تعرفى ايه كملى

ندى بارتباك: اللى اعرفة ان كان فى قصة حب بينكم

فانفجر فى الضحك



ايه اللى بيضحك دلوقت انا عوزة افهم

عشان كلمة قصة وحب دى هو اساسا كان مجرد اعجاب ومن طرف واحد بس استنى انتى عرفتى الكلام ده منين اه اه عرفتى من سيدة اكيد وانا اللى فكرها كاتمة اسرارى طيب يا سيدة

وعلى العموم ياستى ...................قص رفعت قصته مع سالى على ندى

فى هذة الاثناء دخلت سيدة : ايوة يا بنى

رفعت : حضرى الفطار لندى وهتيه هنا 

يسلاااام من عينية

يسلام يا سيدة على الدلع

وفيها ايه لما ادلع حبيبة قلبى

اوبااااااا حبيبة قلبك كده مرة واحدة يا سوسو انا بغير امال انا ابقه ايه

انت نور عينية الاتنين والله ربنا ما يحرمنى منك ودمعت عينيها

قام رفعت وأخذها فى حضنه وقبل رأسها وقال : ولا يحرمنى منك ابدا لولا حبك وحنيتك عليا مكنتش عارف حكمل حياتى ازى

ندى : احم احم طب انا بقول اقوم انا عشان تخدوا راحتكم بقه

فنظر لها رفعت وقال : انتى بتغيرى ولا ايه

فارتبكت ندى بشدة وقالت على الفور : وانا ايه اللى يخلينى اغير يعنى وبعدين انت عمال تتنطط مالصبح روحت عندى الاوضة وكمان قومت دلوقتى والدكتور قال ترتاح فى سريرك 

انتى بتزعقى فيا انا

اه

طب خلاص حنام اهو فى سريرى


* يتـبـــــــــــــــــــــــع الفصل الثامن والعشرون اضغــــــــط هنا

* الفهرس يحتوي على جميع فصول الرواية " رواية فجر جديد " اضغط على اسم الرواية


google-playkhamsatmostaqltradent