رواية ويشاء القدر الفصل السادس والعشرين بقلم أية محمد
رواية ويشاء القدر الفصل السادس والعشرين
ياسمين هتكمل كلامها .
ياسمين : ساجدة اوعي تنشري حاجه زي دي في المقال دا ممكن يترفد من شغله لو اكتشفوا أن فيه تزوير جامد زي دا .
عمرو : انتي عارفه المشكله فين ؟
ياسمين : فين ؟
عمرو : أن ازاي يكون فيه تزوير ورق زي دا و أحمد مش دريان بـيه و تكتشفي أن الورق كله اصلا مهما تعملي هيطلع سليم في الاخر مش مزور .
ياسمين بقلق : يعني تقصد تقولي أن الشهاده اللي معموله بـ اسم الأم سوزان مش مزوره ؟
عمرو : اه ، الورق صح ميه في الميه يعني اللي عامل الورق دا دافع دم قلبه عشان الورق يكون سليم و محدش يقدر يشك فيه .
ياسمين : دي كارثه ، احنا لازم نثبت دا بنفسنا .
عمرو : بقولك اي ؟
ياسمين : اي ؟
عمرو : قبل ما تروحي المستشفى لـ أحمد عدي الأول على بيته و اتكلمي مع سوزان و واجهيها لحد ما تعترف بنفسها .
ياسمين : انا شكلي هضطر اعمل كدا .
ساجدة هتبص لـ عمرو و كأنها عايزه تسأله سؤال .
عمرو هينتبه ليها .
عمرو : فيه حاجه يساجدة ؟
ساجدة : بعدين يعني مش وقته .
عمرو : عن إذنك يـ ياسمين انتي و أيه هشوف ساجدة عايزة ايي .
أيه : من أمته و فيه أسرار بتتخبي علينا يـ ساجدة .
عمرو هيغمز لـ أيه و كأنه بيقولها بعدين و ياسمين مشغوله في الورق و مش مركزه معاهم .
عمرو و ساجدة هيدخلوا البلكونه .
ياسمين : الورق دا لازم اطلع منه غلط علي الاقل أقدر أواجه بيه سوزان عشان متنكرش .
أيه : شهاده ميلاد سوزان مش موجوده ؟
ياسمين : اشمعنا ؟
أيه : ممكن تحتجيها ؟
ياسمين : لحظه لما ادور عليها .
و تدور في الورق هتلاقي صورة لـ شهادة ميلاد سوزان .
___________________
عمرو و ساجدة هيدخلوا من البلكونة و يقعدوا و كان مفيش اي حاجة .
أية : كنتي بتقوليله اي ؟
ساجدة : بعدين مش وقته .
أية : طيب يختي .
ياسمين و هي بتبص في الورق بقلق : اي دا ؟
عمرو : اي لقيتي حاجه ؟
ياسمين : تواريخ الميلاد ، عقد قران الزواج بتاع عمو رفعت و سوزان التاريخ بعد يوم ميلاد أحمد بسنتين .
عمرو : و بـ كدا هتقدري توقعي سوزان لحد ما تعترف بـ دا .
ياسمين : كان عندي شك أنها مش مامته من طريقه كلامه عنها و انها لحد دلوقتي مرحتش المستشفى تشوفه و طول الوقت بنكدب عليه .
عمرو : انت بقى اللى عليكي دلوقتي تروحيلها لكن مش هتاخدي ورق معاكي صوريه بالموبايل بس و انا جاي معاكي و هستناكي تحت عشان نرجع المديرية سوا نرجع الورق دا من غير ما حد ياخد باله .
ياسمين : طب ما انا كدا هتاخر على أحمد .
ساجدة : ما هو المشوار اللي انتي هتروحيه دلوقتي عشان أحمد مش عشان حد تاني برضو .
عمرو : لازم انتي اللي تيجي معايا .
ياسمين : انتو شايفين كدا ، تمام .
____________________
ياسمين و عمرو ياخدوا الورق و يمشوا سوا ، ياسمين هتصوره بالموبايل بتاعها و هي في العربية .
ساجدة و أية هيمشوا يروحوا المستشفى و ساجدة هتحكي لـ أية كانت بتقول اي لعمرو .
____________________
ياسمين و عمرو هيوصلوا و هيقفوا قدام البيت .
عمرو : يلا اطلعي انا هستناكي هنا .
ياسمين : اوك .
ياسمين هتطلع و عمرو هيستناها في العربية .
هترن الجرس واحده هتفتحلها و بعدين تدخل .
____________________
ياسمين : مدام سوزان موجودة ؟
رحمه : اه موجوده انتي مين ؟
ياسمين : ياسمين .
رحمه بضيق : معرفش حد بالاسم دا بس ادخلي لحد ما اناديلها .
ياسمين : اوك .
رحمه هتدخل تنادي سوزان و ياسمين هتقعد و هي مضايقة من طريقه كلامها .
____________________
سوزان هتروح لـ ياسمين
سوزان : اهلا و سهلا .
ياسمين : اهلا بحضرتك .
سوزان : انتي مين بقى يقمر .
ياسمين : مش مهم تعرفي انا مين انا جاية لك في موضوع هكلمك فيه و همشي على طول .
سوزان بقلق : موضوع اي ؟
ياسمين : أحمد ؟
سوزان : ماله ؟
ياسمين : لا هو ملوش بس حبيت أعرفك أن أحمد لو عرف أنك مش مامته الحقيقه ممكن وقتها يجيله انهيار عصبي و انا مش عايزه دا يحصل بس انا مش متأكده من الموضوع دا ، فـ قولت اجي اتأكد منك بنفسي عشان ميعرفش كلام غلط و لا انتي اي رايك ؟
سوزان بتوتر : انتي بتهدديني ، طب بقولك ايي مش عشان انتي جايه تقوليلي الكلمتين دول يبقى انا هسكتلك عارفه لولا انك في بيتي كان زماني مخليه وشك دا وش شوارع .
ياسمين هتقف و تقولها بثقة : أولا انا بهددك ايوا و مبخافش و السر دا أحمد هيعرفه يعني هيعرفه و هوديكي في داهيه انا عامله احترام ليكي لأنك أكبر مني غير كدا انا عمري ما اسمح لحد أن يهزقني بالطريقه دي .
سوزان : امشي اطلعي برا .
ياسمين : انا ماشيه بس عايزه اعرفك حاجه ، عمرك ما هتقدري يعني اي كلمه أم و حنيه على ابنك أو بنتك لأن الأشكال اللي زيك متعرفش يعني اي معنى الأمومة ، عن اذنك .
و تمشي ياسمين و تنزل لـ عمرو في العربية و هي مضايقه .
____________________
ياسمين : خافت مني و القلق بان عليها هتكلم مع عمو رفعت أحسن و أفهم منه ، الأشكال اللي زي دي مينفعش نعملها تقدير و لا احترام حتى .
عمرو : فكك هي كدا من زمان اصلا ، المهم يلا نطلع على المديرية عشان نرجع الورق و بعدين نرجع المستشفى .
ياسمين : أوك بس استعجل .
عمرو : طيب .
هيمشوا و يوصلوا لـ المديرية عمرو هيطلع يرجع الورق مكانه و هو نازل هيرن على ساجدة .
____________________
عمرو : ها اجي ؟
ساجدة : ساعه بالكتير أقل من كدا اتحجج بـ أي حجه عشان يدوب نلحق .
عمرو : تمام يلا سلام .
عمرو هيقفل مع ساجدة و يوصل عند ياسمين في العربية .
ياسمين : ها خلصت .
عمرو : اه تمام .
ياسمين : ساجدة اللي كانت بتكلمك ؟
عمرو : اه ، هي فيه حاجه ؟
ياسمين : لا مفيش ، يلا عشان منتاخرش .
عمرو : انا كنت عايز احكي معاكي في موضوع ممكن و بالمره ناكل اي حاجه انا جعان .
ياسمين بزعيق : بعدين مش وقته .
عمرو : الموضوع في غاية الخطورة يغالية يحبيبة الغالي يـصديقة الغالية .
ياسمين : اي دا في اي ، اي كل دا .
عمرو : شوفتي بقى .
ياسمين : أنجز يلا عشان منتاخرش .
عمرو : اوك حاضر .
هيمشوا و يروحوا كافية و يقعدوا و يطلبوا اكل .
____________________
ياسمين : ها عايزني في اي ؟
عمرو : ناكل الأول طيب .
ياسمين بزعيق : اللهم طولك يروح ياخي انا زهقت أنجز احنا في مصيبه و الولا نايم في المستشفى و انا قاعده باكل يعني عيب اوي .
عمرو : انا غلطان يستي أن انا عازمك على أكل حلو زي دا .
ياسمين : و في الاخر هدبسني في الحساب زي ساجدة بالضبط .
عمرو بتوتر : اي دا عرفتي منين ؟
ياسمين : دا بقى اللى بيحصل معايا على طول .
عمرو : طب الحمدلله مطلعتش لواحدي .
ياسمين : انت هتنجز في يومنا الأسود دا و لا امشي و اسيبك .
عمرو : لا خلاص هقول اهو .
ياسمين : ها .
عمرو : انا بحب ساجدة .
ياسمين : يادي النيله انت مش قولتلي الموضوع دا اكتر من مية مره انت اي ياخي مبتزهقش .
عمرو بزعيق : لا مبزهقش المهم حدديلي ميعاد مع حد من أهلها عشان اروح أتقدملها ياسمين هتمسك الطبق اللي قدامها .
ياسمين : هاين عليا اجيب الطبق دا و اجيبه في دماغك .
عمرو : وحدي الله و اطفحي و اخرسي خالص .
ياسمين : لا إله إلا الله ، هقوملك و الله لو ما سكت .
عمرو : انا مبهزرش كلمي حد دلوقتي يلا من أهلها و قوليلي عشان نعملها مفاجأه .
ياسمين بتريقه : مفاجأه ؟ قوم يالا يلا قوم .
عمرو : انا قومت اهو خلاص الواحد غلطان أنو بيدردش معاك في موضوع .
ياسمين : اه و الله فعلا غلطان .
عمرو : اخلص اكل و نقوم .
ياسمين : انا هقوم استناك في العربيه خلص و تعالا
عمرو : حاضر يختي .
ياسمين هتمشي و تروح تقعد في العربية و عمرو هيخلص اكل و يكلم ساجدة .
___________________
عمرو : انا خلاص معتش لاقي اي حجه اقولها .
ساجدة : غير الطريق و طوله اكتر هتعرف ؟
عمرو : لا تمام كدا بس يارب متفضحنيش .
ساجدة : تفضحك ليه ؟
ياسمين هتدخل الكافيه لـ عمرو
عمرو : طب سلام لأنها شكلها كدا هتتخانق معايا .
تضحك ساجدة : حاضر ياسيدي .
و يقفل التليفون و يقوم من مكانه لـ ياسمين .
ياسمين بزعيق : لازم اجيلك يعني عشان تحس على دمك و تقوم .
عمرو : احنا اسفين يريس يلا نمشي .
ياسمين : يلا عشان انا اتخنقت .
هيمشوا سوا و هيطول في الطريق اكتر من نص ساعه و اول ما يوصلوا هتتخانق معاه قدام المستشفى .
___________________
ياسمين : اي كل دا حسبي الله ونعم الوكيل انا استحاله اركب معاك تاني اي دا .
عمرو : يووه ما تهدي هما اللي طلبوا مني اعمل كدا اقولهم اي يعني .
ياسمين : لا ثانيه معلش ، هما مين دول ؟
عمرو بتوتر : مين دول ؟
ياسمين : متستعبطش انت عارف .
عمرو : يلا ندخل انتي مش من شويه كنتي عمالا تزعقي و تقولي يلا اتاخرنا يلا يختي ادخلي .
ياسمين : حسابك معايا بعدين انت و هما اللي سيرتهم جات في الموضوع و انا معرفهمش .
عمرو : أن شاء الله ندخل بقى من غير دوشه الكل عمال يتفرج .
ياسمين : ورايا .
هيدخلوا المستشفى ، ياسمين هتلاقي تغيير في المستشفى و هتلاقق فيه ورد في الممر اللي موجود في المستشفى .
ياسمين هتلاقي سوزان بتنادي عليها .
سوزان : ياسمين .
ياسمين هتبص لـ عمرو
ياسمين : اي اللي جابها هنا دي ؟
عمرو : مش عارف روحيلها و انا هدخل لـ أحمد جوا .
ياسمين : اوك .
عمرو يدخل أوضه أحمد و ياسمين تروح لـ سوزان .
___________________
ياسمين : خير فيه حاجه ؟
سوزان : عايزه اعرفك أن الهبل اللي ابني بيعمله عشانك فـ اللي في دماغك مستحيل يحصل .
ياسمين : هبل اي و دماغ اي ، انتي وليه عبيطة و هبله و لا بتستعبطي ؟
سوزان بزعيق : فين أخلاقك يدكتوره .
ياسمين بتريقة : للأسف اللي زيك مينفعش أن حد زي يتكلم معاهم بطريقه كويسه ، و بعدين يسوزان انتي مش كبيرة و لا حاجه دا انتي سنك قريب جدا من عمو رفعت ؟
سوزان بقلق : انتي عرفتي منين ؟
ياسمين : أسرار المهنه يسوزان هانم ، عن اذنك .
ياسمين هتمشي و تسيبها و بعدين السكرتيره هتنادي عليها .
____________________
السكرتيره : دكتوره ياسمين
ياسمين : ايوا نعم ؟
السكرتيره : ممكن تاخدي مني بوكيه الورد دا .
ياسمين هتاخد منها البوكيه و هي فرحانه
ياسمين بفرحة : الله اي الورد الجميل دا ، بس دا مناسبة اي ؟
السكرتيره : دا من أحمد بيه يـدكتوره .
ياسمين : اي دا بجد دا حلو اوي .
السكرتيره : لما عرف ان البوكيه اللي جابه باظ بعت دا ليكي على طول .
ياسمين : حقيقي انا مش عارفه اشكره ازاي بجد .
السكرتيره : و كمان صاحبتك أيه دا ذوقها .
ياسمين : انا قولت كدا برضو ، شكرا جدا ليكي ، عن اذنك
السكرتيره : اتفضلي ياحبيبتي .
تدخل ياسمين الأوضه و هي مبسوطه و هتتفاجيء اول ما تدخل
يتبع الفصل السابع والعشرين اضغط هنا
- الفهرس يحتوي على جميع فصول الرواية كاملة :"رواية ويشاء القدر" اضغط على اسم الرواية