رواية فجر جديد الفصل الحادي والعشرون 21 - بقلم إيمــــان
* رواية فجر جديد الفصل الحادي والعشرون
صباح الخير يا رفعت بيه
صباح الخير ياندى
وضعت صينية القهوة أمامه وهو منشغل فى عمله لكنه انتبه الى انها لم تنصرف
فى حاجة
بصراحة يعنى لما لاقيتك مبسوط امبارح محبتش يعنى اقولك على موضوع كده يزعلك
خير فى ايه؟؟؟؟
اصل يعنى بالنسبة لعزومة امبارح دى
اه مالها
فى الحقيقة انهارده حتقضيها جبنة وزتون
ليه إن شاء الله
فقالت ببساطة شديدة
ماهو العزومة بتاعت امبارح خلصت مصروف الشهر
فانفجر وبأعلى صوته أيه نعععععععععععععم
أحنا فى الشركة ومش حلو الصوت العالى على فكرة وحتلم علينا الموظفين
هو مش حضرتك اللى كنتى عزماهم ولا انا سمعت غلط امبارح
لا عداك العيب انا اللى عزمتهم بس على حساب حضرتك
ينهارك مش فايت طب وحنقضى بقيت الشهر ازاى دا احنا لسه فى نص الشهر يا هانم
لالا ما فى مفاجأة تانية عملاها لحضرتك
خير وسكت قليلا ثم اكمل ياجلابت الخير
هو حضرتك يعنى لو وفقت ليا على أجازة اسبوع حتبقى كده وفرت اسبوع والاسبوع التانى تقضيه جبنه وزتون برضو
انزعج رفعت بشدة لطلب الاجازة ولكن لم يبدى لها انزعاجه هذا
ندى انتى عوزة اسبوع أجازة
أيوة
ليه خير فى حاجة
اه يعنى حضرتك احنا فى الصيف وأبيه قصدى الاستاذ شوقى حجز لينا اسبوع فى فندق فى مطروح
وأنتى عوزة تسفرى معاه
ايوة يعنى مليش نفس اصيف زى الناس اللى بتصيف دى
طب وانا والغدا بتاعى
ابقه اتغدى فى بيتكم لان كده كده مفيش اكل هنا
طب والقهوة افضل اسبوع من غير قهوة
ربنا يخليلك عم صبحى واهو تسترجع ايام زمان
كده
ايوة كده
طب ايه رأيك حمضى بالرفض على أجازة أبيه شوقى لما تجيلى
طب ليه طب
غلاسه بقه مش انا مدير غتت
مين حيوان قال كده
وحدة معندهاش دم
طب خلاص بقه ما يبقاش قلبك اسود فوتهالى المردى
بس بجد اسبوع كتير انا اخدت على وجودك هنا
دا اسبوع حيطير هوا وارجعلك تستفزنى زى ما انت عاوز
يعنى مصممه
بجد نفسى اغير جو حقيقى والله
طب خلاص عشان خاطرك حوافق ع الاجازة وتروحوا وترجعوا بالسلامة ان شاء الله
مر الاسبوع سريعا وتفاجأت ندى فى أخر يوم بصراف الشركة يتصل بها ليخبرها بأنه يريدها ان تمر عليه لامر هام فذهبت له على الفور لتجده يخرج لها ظرف ويعطيها ورقه لتوقع عليها
ايه ده!!!!!
رفعت بيه امرلك بمكافأة.
فوقعت على الورقة واخذت الظرف وعادت الى مكتبه فطرقت طرقات خفيفة ليقول هو أدخل
أيه ده يا رفعت بيه
ده اللى هو ايه
هو حضرتك امرت لى بمكافأة ليه
ااااه تقصدى المكافأة هو مش حضرتك رايحة تصيفى قولت يبقه معاكى مبلغ كده بسيط عشان لو احتاجتى حاجة مش كفاية طلعه الرحلة على حساب الراجل الغلبان
بس انا معايا فلوس والحمد لله
فقال وكأنه تذكر شىء هام: ااقولك اعتبريهم مكافأة بعزقة المصروف وانى حقضيها نواشف باقى الشهر
اااه ان كان كده انا ممكن اقبلهم
بقه كده
هو كده
الحمد لله يارب انى حرتاح منها اسبوع أشكرك يارب
شكرا يا رفعت بيه ثم قالت على استحياء رفعت بيه انا يعنى ممكن استأذن بدرى انهاردة لو ممكن يعنى
كمان مش كفايه وخده اسبوع اجازة
خلاص بلاش انا اسفة
طب خلاص انا كده كده اتغديت ومش فاضل غير ساعتين فممكن تروحى مع الف سلامة يا هانم
بجد انا متشكرة اوى اوى لحضرتك
وانصرفت سريعا وهو معلق نظره عليها وقلبه يقول "حتوحشينى"
فى اليوم التالى توجهت عائلة شوقى ومعهم ندى الى مطروح للاستمتاع بالاجازة
وعلى الجانب الاخر مر يوم الجمعة على رفعت طويل كئيب فقد جلس يتذكر الجمعة الماضية وكيف كان البيت يعج بالفرح لوجود اخوته وأزواجهم وأطفالهم والضحكات التى كانت تملاء اركان البيت وووووندى نعم هى السبب الاساسى فى جمال هذا اليوم وتذكر انه غدا لن يراها ولن يستمتع بفنجان القهوة ولا الغداء من يدها ليفيق من سرحانه على صوت دادة سيدة
سبحان الله اللى يشوف البيت الجمعة اللى فاتت ما يشوفهوش انهاردة
عندك حق يا دادة انا لسه كنت بفتكر الجمعة اللى فاتت والضحك والمهرجانات اللى كانت فى البيت
هى ندى سفرت انهارده خلاص
ايه ده عرفتى منين انها مسفرة
ماهى عدت عليا امبارح عشان تسلم عليا قبل ما تسافر
اااه عشان كده استأذنت بدرى امبارح
ايوة دى بنت حلال مصفى ربنا يكرمها ويرزقها بابن الحلال اللى يقدرها
ونظرت له بخبث لترى وقع كلامها عليه لتجده غارق فى سرحانه
ايه يا رفعت بيه اللى واخد عقلك يتهنابه
بقولك ايه يا دادة ما تقومى كده تعمللنا اتنين شاى فى الخمسينه
كده طيب وقالت وهى تنصرف بصوت واطى وبغيظ يارب تفهم بقه
فى اليوم التالى ذهب رفعت الى مكتبه وأخرج أوراقة وملفاته وهم بأن يبدء فى العمل الا انه ودون قصد وقع نظره على باب البوفيه ليتمنى فى نفسه ان تدخل عليه الان وفى يدها صينية القهوة
أيه يا رفعت خلاص ما بقتش قادر تستغنى عنها
فأجاب على نفسه ولأول مرة : فعلا عمله فراغ كبير فى الشغل
فراغ بس يعنى مش وحشاك
أسكت اسكت يلا ورانا شغل كتير
وانهمك فى عمله حتى لا يفكر بها الى ان انتهى يوم العمل وعاد الى البيت فوجد نفسه لا يطيق الجلوس بالبيت فتصل بشادى كى يخرجوا سويا لاى مكان
يعنى انت فاضى دلوقت نخرج كده طيب حفوت
عليك دلوقت يلا سلام
أغلق شادى الهاتف وقال: ماله ده شكله زهقان ومضايق ع الاخر ع العموم أدينى حقبله واعرف منه كل شىء دلوقت
ارتدى رفعت ملابسه سريعا وخرج على الفور وفى منتصف الطريق اعطى لشادى رنه على موبايله كى يكون جاهزا حتى ينطلقوا سريعا بمجرد وصوله
وصل رفعت الى عمارة شادى ليجده منتظره امامها
شادى تعالى سوق انت انا مش فايق اسوق
لالا مش بعرف اسوق غير عربيتى
خلاص حسيب عربيتى هنا وناخد عربيتك ولما نرجع ابقه اروح بيها
ماشى تمام يلا حطلعها من الجراج وحط بتعتك بدلها
وابدلوا العربات ثم انطلقوا على الفور
هااا تحب تروح فين يا رفعت بيه
مش عارف بقولك ايه ما تلف بينا كده شوية بالعربية
ماشى زى ما تحب مالك كده شكلك مش عجبنى ايه مزعلك
مفيش بس حاسس كده انى زهقان انهاردة مش عارف ليه
وكان قد مر وقت ليس بالقصير على ركوبهم السيارة والسير بها وبعد ان كان رفعت يتحدث اليه سكت فاجأة وبدا عليه التركيز الشديد فى شىء ما
فى ايه يابنى انت مركز كده ليه فى المراية اللى جنبك
شادى العربية الكحلى اللى ورانا دى ورانا من اول لما مشينا من عندك
معقوله يا رفعت يمكن بيتهيألك
لالا انا متأكد
خلاص أتأكد أنا كمان
وبدء شادى يدخل يمين فى يسار ويهدء تاره ويسرع أخرى الى ان تأكد تماما ان هذه السيارة تتبعهم وانتبه سائق السيارة الاخرى انهم قد لاحظوه فأسرع بسيارته فجأة الى ان وصل بجانبهم تماما وخبط سيارته فى سيارتهم مرتين فقال رفعت على الفور
مجنون ده ولا ايه
وفاجأة فتح زجاج السيارة الاخرى فنظر شادى ليرى من يكون هذا الذى يتبعهم فقال
هو انت
ولم يمهله فأخرج مسدسا وصوبه اليه فدفعه رفعت على الفور حتى لا يصيبة فستقرت الطلقة فى صدرة فأخذ شادى يصرخ فى فزع رفعت رفعت وهو غير منتبه للطريق فأصتدمت السيارة بشجرة كبيرة جدا فصمت كل شىء
* يتـبـــــــــــــــــــــــع الفصل الثاني والعشرون اضغــــــــط هنا
* الفهرس يحتوي على جميع فصول الرواية " رواية فجر جديد " اضغط على اسم الرواية