رواية حورية الفارس الفصل الواحد والعشرون بقلم أمل السقا
رواية حورية الفارس الفصل الواحد والعشرون
&_______في بيت فارس وتحديدا في غرفه فارس، شاهي خبطت على الباب ودخلت.
شاهي بابتسامه : ممكن ادخل يا أبيه؟
فارس بتبادل الابتسامه : اكيد يا حبيبتي عايزه حاجه.
شاهي وقفت قدامه وايدها ورا ضهرها : بصراحه يا ابيه انا كنت جايبه هديه لحور بس انا مش بعرف اقدم الهدايه عشان كدا عايزه حضرتك تديهالها وكأنك انت اللي جبتها ماشي.
فارس لف وشه وبص في المرايا وكان بيلبس الساعه : لا اديهالها انتي اشيك وهتفرح بيها جداً انما انا مش هعرف او اقولك اديها لماما.
شاهي بتوتر :لا يا أبيه مهي ماما جابتلها هديه هي كمان اكيد مش هتديها هديتين يعني
.
فارس بخبث لف وشه ليها وبصلها بنص عين : انتي عايزه ايه يا شاهي بالظبط قولي عشان انا اخوكي الكبير واكيد حركاتك دي مش هتخيل عليا.
شاهي لوت شفايفها بحركه عشوائيه : بصراحه انا حاسه ان حور زعلانه وانت برضه حساك مش مبسوط كأنكم مغصوبين على الجوازه دي مع انكم لايقين على بعض جداً والله وعايزاكم تقربوا من بعض اكتر وانت يا ابيه مش بتعرف لا تجيب هدايا ولا رومانسي أصلا ودا غلط.
فارس اتنهد بعمق و مسك كتف شاهي وقعدها على طرف السرير و قعد جنبها : بصي يا شاهي انا جايز فعلا زي ما انتي ما قولتي دلوقتى اني مش رومانسي ومليش في حوارات الهدايه والكلام ده بس حتة اننا مش مبسوطين دي لا احنا مبسوطين جداً جداً ممكن توتر بس وبعدين شويه شويه هنتعود "وباس راسها وقام من مكانه" انا همشي بقا علشان زمانها مستنياني عشان الفستان والدهب وانتو طبعاً هتروحوا على بيتها عشان فيه بارتي صغيره كده بمناسبه الخطوبه "و خد مفاتيحه وخرج"
شاهي وهي قاعده مكانها لنفسها : اممممممممم بتخبي عليا يا ابيه طيب بس برضو لازم تتقرب منها" وقامت من مكانها متجه خارج الغرفه" اما اقوم اجهز حاجتي بقا ميتأخروش بسببي.
&_________عند أحمد وسها في بيت سها وسجى معاه على التليفون.
سجى بصوت مرتعب : ماتت ازاي يا أحمد انطق؟
أحمد : قطعت شراينها بالسكينه وغرقانه ف دمها انا مش عارف اعمل ايه.
سجى بسرعه : اطلع على أقرب مستشفي عندك يا أحمد بسرعه قبل ما تموت هي اكيد لسه فيها الروح خدها بسرعه وانا هحصلك على هناك.
(وبالفعل أحمد شال سها وركبها عربيته وانطلق بيها على أقرب مستشفى و لحسن الحظ انها كانت قطعت شراينها من وقت قريب يعني ملحقتش تموت وسجي لحقت أحمد علي المستشفى وكان واقف قدام أوضة العمليات، سجى طلعت تجري عليه.
سجى بنهجان : ايه اللي حصل يا أحمد سها عامله اي وليه عملت كده ف نفسها.
أحمد بحزن : والله يا سجى ما عارف انا دخلت لقيتها سايحه ف دمها وجنبها الورقه دي هي اللي كاتباها بس اكيد حصل معاها حاجه كبيره وصعبه جدا وصلتها للمرحله دي.
سجى مسكت منه الورقه وقرت اللي فيها "الجميع خدعه......... لن يبقى أحد....... الثقه هي خطأي..... الوداع للجميع"
سجى قفلت الورقه وبصت للفراغ بتفكير : انا مش فاهمه حاجه من كلامها بس بيتهيألي انها اتعرضت لحاجه صعبه جداً "وبعدين بصت لأحمد بسرعه" : ممكن يكون........
أحمد بترقب : ممكن يكون ايه كملي.
سجى بهمس وبصدمه : إغتصاب......
&_______جاسر كلم ندى واتطمن على والدها وقالتله انه الحمدلله كل يوم بيتحسن عن اليوم اللي قبله بكتير جداً وجاسر طلب منها طلب.
ندى بكسوف : تتقدملي؟
جاسر: ايوه يا ندى انا بصراحه مش قادر اصبر اكتر من كده انك تكوني خطيبتي وبعدها على طول مراتي انا بحبك يا ندى.
ندى بفرحه ما أن تلاشت وفور تذكرها لحاله والدها : بس يا جاسر انا مش هينفع اتجوز خالص دلوقتى.
جاسر بعدم فهم: ليه بقى ان شاء الله.
ندى بحرج : انت عارف ان بابا تعبان وانا بقا عندي اخوات دلوقتى مين هيراعيهم انا مش هقدر اسيبهم ابدا.
جاسر بابتسامه: ندى انا طول عمري عايش لوحدي ومليش حد غير فارس ووالده و والدته و والدك دا هيبقى اكتر من اي ليا واخواتك هيبقوا زي اخواتي بالظبط واغلى كمان.
ندى بحزن : بس يا......."وسكتت اول ما سمعت حد جاي من وراها بيقول ك وافقي يا بنتى ومتحمليش همي أنا واخواتك.
ندى حطت التليفون جنبها وقامت سندته و قعدته؛ انت ايه اللي قومك من سريرك بس يا بابا.
يحيى؛ زهقت من النوم في السرير قولت امشي شويه" ومسك التليفون بتاعها وكلم فارس هو ".
يحيى : تعالي ف الوقت اللي يناسبك يا بني نقرأ فاتحه انا موافقك اديلك بنتي أمانه معاك..
جاسر فرح جداً واتطمن على والدندي تاني وشكره وقاله انه هيروح بعد شبكه فارس ما تخلص بيومين وقفلوا على كدا.
&________الدكتور خرج من عند سها واحمد وسجي جرو عليه يطمنوا على حالتها.
الدكتور باطمئنان : الحمدلله جبتها في الوقت المناسب احنا خيطنا الجرح بس هنحتاج نقل دم فاحنا عايزين متبرع ضروري لأنها خسرت دم كتير وللعلم الانسه عندها انهيار عصبي نتيجه ضغط نفسي حاد فأتمنى تاخدو بالكم منها وتمحو اي اداه حاده من قدامها سواد سكينه او موس او قزاز لان وارد جداً انها تحاول تنتحر مره تانيه.
Aml Elsaka, [١٨/١٢/٢٠٢١ ١١:١٧ م]
أحمد :تمام يا دكتور انا هتبرعلها بدم انا فصيلتي O موجب.
الدكتور بابتسامه : تمام اوي اتفضل معايا.
&_______عند حور فارس وصل وطلع الشقه فوق لأنها مكانتش لسه خلصت وقعد فتره مش طويله وبعدين خرجت وكانت لابسه فستان جميل اوي بس كان بحمالات رفيعه اوي وملفت جداً.
حور؛ مش كنتي جيتي معانا يا ماما هو فيه عريس و عروسه بيجيبوا الدهب مع نفسهم بس؟
حنان بحنان امومه : يا حبيبتي عشان تبقوا براحتكم وبعدين انتي معاكي فارس اهه احسن من الكل يلا بقا امشو عشان متتأخروش.
حور لفت لفارس عشان يتحركوا.
فارس باقتضاب؛ انتي هتنزلي بالفستان دا كدا؟
حور بصت لنفسها باستغراب لان دي طريقه لبسها دايماً ومش متعوده حد يقولها البسي دا ومتلبسيش دا؛ ايوه انا بلبس كدا على طول هو فيه حاجه ولا ايه.
فارس : ايوه طبعاً انتي مش شايفاه مبين جسمك ازاي مش هينفع تنزلي كدا.
حور؛ بس انا.
فارس بمقاطعه : مبسش لو سمحتي البسي فوقيه شال او اي حاجه تداري جسمك مش كل اللي هيشوفك يفضل يبصلك انا مش بقرون يلا.
حور فرحت جداً باحساس الغيره وفعلاً لبست فستان تاني عالسريع ومان نص كم وتحت الركبه بكتير بس خلاها أجمل واجمل " الفستان كان اسود وعليه ورده حمرا من على الصدر"
فارس انبهر بكلامها وقال في نفسه؛ يادي النيله دي شكلها مش هتجيبها لبر ربنا يستر (واتحركوا ناحيه الباب وفارس لسه بيفتح بس لقى مجموعة رجاله لابسه جلاليب و واقفين قدام الباب ومعاهم راجل كبير في السن وشكله الكبير بتاعهم و باين عليه الوقار بس عيونه جاحده)
الراجل بصوت أجهش؛ عتدخلي راجل غريب بيتك انتي وبنتك من غير ما يكون حداكم راجل تاني يا حنان بجا هي دي الوصيه.
يتبع الفصل الثاني والعشرون اضغط هنا
- الفهرس يحتوي على جميع فصول الرواية كاملة :"رواية حورية الفارس" اضغط على اسم الرواية