رواية احببت مصارع الفصل التاسع عشر 19 بقلم يوستينا سامي
رواية احببت مصارع الفصل التاسع عشر 19
عند شاهندة ...
خالد: يا بنتي كلي اي حاجة ..مينفعش كدة
شاهندة بتعب: قولتلك لا ..وطالما رجعتوا في كلمتكوا معايا وما اديتونيش حريتي وسيبتوني ابعد عنكم وعن قرفكم يبقي افضلي اني ام*وت من الجوع ..
خالد بتريقة: ت*موتي من الجوع مرة واحدة يا شاهي
ولا تكوني عرفتي الي حصل لحبيب القلب فعلشان كدة يحرام نفسك تحصليه ... وبعدين لو قدرتي توقفي اكل طب ومزاجك هتقدري توقفيه ....معتقدش
شاهندة بقلق : انت السبب في كل الي انا وصلته يا خالد انت الي عرفتني طريق القرف الي انا بخده ده .. وبعدين.حبيب القلب مين ...انت بتتكلم عن مين يا خالد ...
خالد :هههه اي ده هما كتير ولا اي بقي .. مش عارفة مين حبيب القلب ....تؤتؤ طب اول حرف الف
شاهندة قامت بعصبية ومسكته من الجاكت بتاعه وبدأت تتكلم بصوت مهزوز :انطق ادهم ماله اوعوا يكون حد فيكم قربلوا اوعوااااا ..أما والله ورحمة ابويا حسابكم هيبقي معايا انا ... وعمري ما هرحمكم سامع ....
خالد زق ايديها بضحك :يا بت بقي انت يا بتاعة مش هت*رحمينااا ..لا يا شاهندة انت من ساعة الواد ده ما دخل حياتك ..أو اقصد من ساعة ما زقيناكي عليه
وانت اتغيرتي اوي وبقيت غبية كدة ..
شاهندة: قصدك نضفت لما عرفته واحد طيب بجد يمكن اه في عيوب بس ده الطبيعي مافيش حد كامل لكن هو بقي احلي حاجة فيه أن قلبه ابيض مش زيك قلبك اسود
انطق ماله ادهم .... ولا انت بتقولي كدة بس علشان تخوفني انا عارفة ....
خالد بغيض: لا يا حلوة ابو قلب ابيض في المستشفي بعد ما سامح ض*ربه بالس"كينة الف ضربه يعني اطمني يا شاهي .. ادهم م*اااات ....
شاهندة وقفت مصدومة من الكلام الي بتسمعه
خالد بغل زق ايديها وخرج برا الاوضة .....
شاهندة كانت واقفة مصدومة وفاجاه لقت دموعها بتنزل لوحدها ومبقتش مصدقة الي سمعته
وبدأت تفتكر كل حاجة ادهم عملها معاها ....
فلاش بالك...
شاهندة صحيت من النوم لقيته قاعد قدامها ...
شاهندة: اي ده يا عم ..خضتني .
ادهم بضحك :انت بتسبهبلي وربنا ..بقي انا قاعد قدامك وجايبلك فطار ومستنيكي تصحي علشان اقولك كام كلمة رومانسية... اي يا معدومة الدم
شاهندة :هههه بقي كدة يا عم ادهم .. وبعدين انا معرفش ابقي رومانسية اصلا ..
ادهم قرب منها .:.اعلمك واي يا عني ..علي الاقل تتعلمي الرومانسية علي أصولها ...
شاهندة :طب ما انت هتزهق مني ..
ادهم بضحك :اه برضو احتمال وربنا ...
يا بت يا عبيطة انا عمري ما ازعل منك أو حتي ازهق..ده انت الوحيدة الي حركتي ده بجد وشاورها علي قلبه
..بااااااك ...
فاجأه شاهندة فاقت من صدمتها وفضلت تصرخ ...
شاهندة :اعاااااااااااااا ادهم ..لاااااا يارب ادهم ....
وفضلت تصرخ ... ...
في فيلا ابراهيم ..يوسف رجع متأخر اوي
اول ما يوسف دخل الفيلا ..... نور جريت عليه حضنته جامد ....
ابراهيم :حبيبي كويس انك جيت شوية ...
يوسف :قولت اجي اطمن عليكو ...
اهدي بقي يا نور انا اهو يا حبيبتي وجيت اهو علشان بس تتاكدي اني كويس .. وخرجها من حضنه. اهدي بقي ممكن
نور: انت كويس صح يا يوسف ..
يوسف: يا بنتي ما انا قدامك .هيكون مالي يعني ...
هنا :يوسف .احنا عايزين نطمن علي ادهم وانت مانع النزول. ..
يوسف :تماما ... يا هنا ممنوع النزول تماما ..
هنا :ليه بس يا يوسف ..احنا برضو لازم نطمن عليه
هو لوحده في المستشفي.
ابراهيم: أيوة يا يوسف انا قلبي واجعني عليه اوي
وبصراحة عايز اروح اطمن عليه
يوسف :يا جماعة مينفعش والله ..الموضوع خطير واكيد المستشفي متراقبة و بس انتوا ممكن تكلموه تطمنوا عليه وبعدين فهد معاه وعليه برضو حراسة فمتخفوش
منال :طيب يا ابني تعالي كل لقمة تلاقيك جعان
روحي يا نور جهزي لجوزك اكل
يوسف مسك ايد نور قبل ما تتحرك. :لا يا طنط انا بس طالع ارتاح ساعة واحدة و لازم انزل تأني ..
وفعلا طلع يوسف ونور الاوضة ....
________________________________
في المستسفي عند ادهم ...
ادهم فاق علي كابوس بخضة ...
ادهم :لااااا ...
فهد بخضة فاق من نومه . اي ده ..ادهم ..
ادهم فوق يا حبيبي انت كويس ...
ادهم :فهد ..انا فين
فهد :اهدي يا حبيبي. .اهدي انت في المستشفي .اطمن مافيش حاجة...اهدي انت تلاقيك كنت بتحلم بس ..
ادهم: كلملي يوسف بسرعة يا فهد ...
فهد: يوسف طيب حاضر ...
__________________________________
في أوضة نور ويوسف ...
اول ما دخلوا الاوضة يوسف قعد علي السرير بتعب ..
نور قربت منه بخوف: انت كويس صح ...
يوسف شدها جمبه وحضنها :...خايف اوي يا نور
القضة صعبة اوي ... اول مرة احس اني مش قادر أقاوم تعبي وصعبان عليا اوي ادهم ..هو ميستهلشى كل الي بيحصله ده ...ادهم بجد مظلوم اوي
نور قربته لحضنهااا: يوسف انت لازم تهدي شوية مش كدة ..انا بجد واثقة فيك اوي وواثقة انك قدها انت بس من كتر المشاكل الي وقعنا فيها انت تعبت
يوسف :خايف علي كل الي حواليا مش علي نفسي
امير كدة كدة برا القضية وبرغم ذلك طلب من ابوه ندي انها تيجي عنده البيت و بيقول مش هيخليها تمشي وهو برا القضية اصلا ...اما أنا بقي الي القضية قائمة علي اسمي
انا خايف اوي واول مرة احس بالخوف ده بجد يا نور اول مرة احس اني ضهري مكسور ...
في كتير اوي خايف عليهم احسن يتاذوا بسببي
وأولهم انت يا نور ... انت لو حصلك حاجة..انا ممكن
اموت فيها ...
نور :يا حبيبي اهدي بقي ..صدقني مش هيحصل حاجة ..صدقني ربنا هيعدي كل حاجة وحشة انت ممكن تتخيلها ..بس تعالي ارتاح شوية وبطل تفكير يا يوسف.
يوسف ....
نور: تعالي قوم معايا ....وفعلا نور اخدت يوسف وخلته يرتاح شوية .....
___________________________________$$
في القسم ... علي كان قاعد في مكتبه مستني اي معلومة يقدروا يوصلوا بيها للصفقة أو حتي لشاهندة
وفجاه باب مكتبه افتح ودخلت تمارا ...
علي بصدمة: اي ده انت بتستهبلي ولا اي انت لي جابك هنا. ..
تمارا بخوف: اي يا علي ..انا غلطانة. اني جيت اطمن عليك ..
علي بعصبية: اه غلطانة وستين غلطانة ..ابوكي عارف انك خرجتي من بيتك .
تمارا: أيوة والله وجاية كمان في حراسة
علي: برضو لا ممكن حد يعملك حاجة . تعالي قدامي يلا اروح ..يلااا
تمارا مسكت أيده: ..علي انا خايفة عليك اوي علشان كدة ضحيت بكل حاجة وجيت .اطمن عليك كدة برضو تعاملني كدة .
علي شدها من ايديها : اه غلطانة يا تمارا لأن علشان انت اغلي مني بكتير . فلو حصلك حاجة بعد الشر انا ممكن اموت فيها .. .
تمارا قربت منه وحضنته ..
علي بادلها الحضن بحضن اكتر و أعمق ...
تمارا بكسوف: خلاص يا علي بابا ممكن يدخل في اي لحظة ...
علي: الله ما انت اللي جيتيلي مكتبي و لا اي يا عسل
عارفة اول ما القضية دي تخلص فرحنا هيتعمل مافيش كلام ...
تمارا: يارب يا علي تعدي علي خير الاول ...
علي: خير باذن الله يا تيتو....يلا تعالي اروح يلااااا ..
وفعلا عدي وقت طويييل .... ويوسف كلم فهد وعرف أن ادهم يعرف معلومات عن مخزن كانت شاهندة قالت عنه ... ..
وفعلا يوسف كلم امير وعلي و راحوا القسم اتجمعوا
وقدروا يوصلوا للمكان ده واتفاجوا من كم الحراسات الي عليه .. واتاكدوا أن اكيد المكان ده حتي لو شاهندة مش فيه فأكيد ده مخزن ليهم. .
وفعلا بدوا يخططوا للدخول ... قرروا أنهم يهجموا علي المكان دفعات ..ويوسف أصر أن هو يبقي اول واحد يدخل برغم اعتراض كل الظباط ....
وفعلا تم الهجوووم المخازن والفيلا الي كانت جمب الفيلا كمان .....
________________________________
في المخزن ...
يوسف بصوت واطي : انتوا هتتعاملوا مع الي هناك دول .يلا بسم الله ..
وفعلا بدأت الضباط تهجم علي الرجالة... ويوسف وعلي كانوا بيحاول يفتحوا اي أوضة في طريقهم بحيث يلاقوا شاهندة..أو أي حد من العصابة فيمسكوهم .....
وفعلا بعد وقت طويل .. اضطرت الفرقة التانية من الضباط تدخل المخزن ...
علي شاف واحد بيحاول يحدف علي يوسف حاجة
علي بصوت عالي :حااسب يا يوسف ..
وعلي ضربه بالرصاص
يوسف وطي .... ووقع علي الارض ..
وعلي قرب منه ...
علي بخوف: انت كويس ...
يوسف بيحط أيده علي بطنه فبيلاقي جرح :.متخافش انا كويس ..انا سامع صوت صريخ من الناحية دي ..
علي: اه وانا كمان دي شاهندة تقريبا ... قوم معايا يلا .... وفعلا قدروا يفتحوا الاوضة ...
وشاهندة اول ما شافتهم .جريت عليهم
يوسف :انت كويسة ..
شاهندة بارهاق: اه كويسة. مسكتوا خالد و سالم
يوسف :جون امك اسمه سالم ..
شاهندة : اه..ومتخافوش انا عارفة مكانهم. يلا بينا ..
علي شد ايد شاهندة :يلا بينا فين ..انت لازم تخرجي من المخزن ده ..تعالي انا هامنك علشان تخرجي انت شكلك تعبانة اوي ...
يوسف: انت بتتعاطي حاجة مش كدا ..
شاهندة بوجع :مش وقته ...انا مش خارجة من هنا
ويا قاتل يا مقتول ...
وفعلا خرجت شاهندة برا وكان يوسف مش عارف يتصرف معاها بس في نفس الوقت اتفاجاه انها كانت يتضرب باحتراف كأنها محاربة معاهم في الجيش ....
شاهندة جمب يوسف وقفت في ضهره .. شايف الفيلا اللي جمب المخزن ...
يوسف :اه الضباط محاوطينها من كل ناحية ..
شاهندة :محدش هيقدر يدخلها. ولو حد حاول بس يقرب هيموت الفيلا متحتصنة .
يوسف :طب والحل اي .. ما كدة ممكن يهربوا ..
شاهندة بتعب :لا انا هقولكم علي مكان تدخله منه ...
وفعلا شاهندة قالتلهم علي دخلة الفيلا و فعلا قدروا يدخلوا الفيلا وشاهندة كمان دخلت هناك ..
بس الي حصل كان صعب اوووي ..
تفتكروا شاهندة ممكن يحصل ليها حاجة ...فكروا ؟؟
يلا نكمل مش وقت تفكير ..😂
في الفيلا ...
علي والضباط قدروا يمسكوا خالد ورجالته ....
بس مكنوش لاقيين سالم بس شاهندة كانت عارفة مكانه وفعلا طلعتله و يوسف طلع وراها .....
وفعلا دخلت في مكان أشبه بممر كدة ..
يوسف رفع الس*لاح في وش سالم :اثبت مكانك لو اتحركت
سنتي....
يوسف بصدمة 😳
- تابع الفصل التالي عبر الرابط: "رواية احببت مصارع 2" اضغط على أسم الرواية