رواية يا انا يا انتي الفصل الأول 1 - بقلم ملك محمد

الصفحة الرئيسية

رواية يا انا يا انتي البارت الأول 1 بقلم ملك محمد

رواية يا انا يا انتي كاملة

رواية يا انا يا انتِ الفصل الأول 1

بيركن عربيته وينزل لسه بيقفل الباب لقى بنت ف وشه بتقوله
: ينفع كدا يااحمد بقالي ساعه واقفه مستنياك اي التأخير داه 
رد بتعجب : احمد مين يافندم انا ادهم
قالت بعصبيه: نسيب بقى وقفتي ف الشارع الوقت داه كله ونقعد ندور انت احمد ولا ادهم 
رد بتعجب : انتي مجنونه ولا اي انا معرفكيش أساسا
قالت بصوت واطي ونظرت استعطاف : ساعدني بليز قول انك تعرفني

رد بذهول : واقول اني اعرفك ليه انتي مين اساسا واي جابك تحت بيتي
قالت بصوت عالي : ع فكره دي مش معامله حد يعاملها لمراته انت طلعت انسان غير مسؤل بس ع العموم لينا بيت نتكلم فيه 
ومسكت دراعه وقالت يلا اتفضل
شدها وقفها وقال : يلا فين ومرات مين احنا هنستعبط!
قالت بصوت واطي وخوف : بص بعيد هناك عند العمود في تلات شباب بيلحقوني بقالهم ساعه ارجوك ساعدني 
ادهم بص لقاهم فعلاً 
ادهم : مين دول ومين انتي
قالت بخوف : طب نتكلم ف البيت ممكن 
ادهم بتعجب : ليه وانتي فاكره اني هدخلك البيت عندي بدون مااعرف انتي مين
قالت بجديه : لا طبعاً ودي تيجي 
وراحت ماده ايدها ومسلمه عليه وقايله : انا ملك 

ها عرفت انا مين ممكن ندخل بقى 
ومسكت ايده علشان تمشي لقدام شدها تاني وقالها
: انتي غبيه ولا بتسغبيني
ملك بضيق : اووف بقى انا زهقت هتساعدني ولا لا
ادهم : لا 
ملك : شكراً جدا كنت عارفه انك هتساعدني يلا بينا بقى 
شدها من قفاها وقال: يلا فين انتي مجنونه

فجأه بيقرب احد الشباب ناحيتهم قائلا 
: هي البنت دي مديقاك ف حاجه يافندم
ملك برعب مسكت ف دراعه واستخبت وراه
ادهم بص ليها وهي وواقفه وراه مرعوبه قال
: بنت مين دي مراتي وبنتناقش ف مسأله عاليه ممكن اعرف اي دخلك انت
الشاب : اه تمام انا اسف 
وسابهم ومشي
ادهم بصلها وقال بيأس : امري لله اتفضلي امشي 
واخدها وفتح البيت ودخلوا 
ملك اول لما دخلت طلعت تجري ع الشباك بسرعه تشوفهم لسه موجودين ولا لا بس لقتهم مشيو
قعدت واخدت نفس وقالت : أخيراً مشيو الحمدلله
ادهم : طب كويس اتفضلي شوفي انتي رايحه فين بقى
ملك بصوت واطي : فعلا الرجاله ماتوا ف الحرب
ادهم : بتبرطمي بتقولي اي
: بقول يعني لو تخبيني عندك اسبوع دا بعد اذنك يعني
بصلها بنظره حاده
قالت : يومين هما يومين بس
فضل باصللها بنفس النظره
قالت بضيق : يوم هو يوم واحد بس

ادهم وهو واقف : هي اليلله دي وبس ولو طلع في حد زاقك عليا صدقيني هندمك ع اليوم ال شوفتيني فيه 
ملك بسخريه: اي ياعم جو الدراما داه مش شيفاك شخصيه مهمه يعني
ادهم : انجزي قولي انتي مين وبتعملي اي هنا
ملك : طب ممكن تقعد طيب اصل طول مانت واقف كدا عاملي رعب وكأني ف تحقيق
ادهم راح قاعد وقايل: ها اتكلمي 
ملك : بص ياااحما انا ..
ادهم قاطعها : قولت ادهم اسمي ادهم 
ملك : هتفرق احمد ولا ادهم يعني كلكوا مصطفى ابو حجر
ادهم بحده : نعم !
ملك : خلاص خلاص ادهم بص يااوستاذ ادهم انا بصراحه هربانه من أهلي
ادهم : انا كنت عارف ان الشكل داه وراه مصيبه
ملك : اي مالوا شكلي ع فكره دا تنكر 
ادهم : تنكر اي !
ملك شالت الشامه ال حطاها فوق بوئها وقالت : دي علشان التنكر ومحدش يعرفني 
ادهم كتم ضحكته وقال : انتي متأكده انك كدا كنتي متنكره 
ملك بثقه : اه طبعاً بس مش دي بس بص كدا وراحت لابسه نضاره شمس كانت ف ايدها وقالت 
شكلي اتغير صح 
ادهم : هي النضاره الشمس بقت تنكر 
ملك : ايوا اصل انا عيوني ملونه ف اكيد بابا هيقولهم دوروا على بنت عيونها ملونه
ادهم بتعجب ركز ف عيونها وقال : بس انتي عيونك بني مش ملونه ولا حاجه 
ملك : وهو البني دا مش لون ها 
ادهم : ثواني ثواني يعني انتي عايزه تقنعيني انك لما تحطي شامه فوق شفايفك وتلبسي نضاره شمس انك كدا متنكره ومحدش هيعرفك
ملك بثقه : اها طبعاً وكمان نسيت الكاب ال انا لابساها 
وراحت شايله الكاب وفارده شعرها وقالت
: شوفت حد فكر ف التنكر الخارق داه قبل كدا
أدهم بتعجب: بصراحه ولا هشوف المهم كملي هربانه ليه من أهلك
ملك : عايزين يرتكبوا جريمه ف حقي وحق الإنسانيه عايزين يدفنوني بالحيا عايزين يخلصوا مني عايزين يجوزوني ي ي
ادهم بذهول : هما عايزين يجوزكي ولا يدفنوكي ويخلصوا منك
ملك : ماهما لما يجوزوني كدا هيدفنوني ويخلصوا مني
ادهم : اه يعني انتي هربانه علشان مش عايزه تتجوزي 
ملك : بالظبط
ادهم : طب وليه مش عايزه تتجوزي 
ملك : بقى انا يتقفل عليا باب بيت واحد مع راجل معرفوش دا مستحيل يحصل طبعاً
ادهم بص ناحية الباب وهو مقفول وكح : احم احم
ملك بصتله بذهول وقامت من مكانها وقعدت بعيد عنه وهي حاضنه شنطتها وقالت 
: انت شخص محترم مش كدا
ادهم بإبتسامه : اه اطمني اطمني انا قولت افكرك بس  المهم كملي مش عايزه تتجوزي ليه بقى
ملك : يعني يرضيك الاقي واحد كل يوم الصبح يصحيني ادورله ع شرابه ال ضايع ولا يرجع الضهر يقولي فين الغدا وانا اساسا بصحى العصر لا وكمان يقولي اعملي محشي وانا مبعرفش ويمنعني أكل اندومي ويقعد يتغزل ف عيوبي بالساعات لما اعمل حاجه غلط ها يرضيك
ادهم : لا لا خالص دا اي العدوانيه دي بس
ملك : طب يرضيك يخلوني البس حاجات بريش يرضيك ابقى بطه
ادهم وهو كاتم ضحكته : بطه ! هي حصلت لا لا طبعاً معندهمش حق 
ملك : بس يامؤمن انا بقى زهقت اقنع فيهم فقومت سيبالهم البيت ومشيت
ادهم : اه فهمت طب وحضرتك ناويه ترجعي امتى بقى ان شاء الله
ملك وهي بتبص حواليها ع البيت 
: ع حسب ممكن اسبوع ممكن شهر ممكن اكتر لسه بفكر
ادهم : انتي  هتعملي فيها علي ربيع انجزي هترجعي امتى
ملك : لما العريس يطفش اكيد 
ادهم : طيب انا هقولك حاجه وانتي حره بس ال انتي بتعمليه غلط تمام ياريت النهار يطلع تاخدي بعضك وترجعي لأهلك زي الشطوره ياإما انا هوديكي بنفسي
ملك ببكاء مثل الأطفال: كنت عارفه ان الطعنه هتيجي من اقرب الناس ليا ليه بس كدا ليه دايما بتخدع ف الناس 
ادهم : انا عايز مصلحتك مش أكتر بطلي جو الدراما داه
ملك ببكاء : كداب انت عايزني اتجوز زيهم وانا مش عايزه 
ادهم : طب اهدي خلاص متتجوزيش انا كان مال اهلي انا 
ملك سكتت: يعني خلاص مش هتوديني لبابا
أدهم : لا انتي هتروحي لوحدك 
ملك : هما يومين بالظبط العريس يطفش وهرجع 
ادهم بصلها بسكوت
ملك بنظرة استعطاف : يومين بس بليز
ادهم بتنهيده : أمري لله 
وقام  من مكانه وقال 
: انا هنام 
ملك بتعجب : طب وانا
ادهم : ماتنامي انتي كمان 
ملك : هو مش مفروض انت تنام ع الكنبه بره وانا انام جوه ع السرير
ادهم بتعجب : وليه انام ع الكنبه والبيت فيه اربع أوض
ملك بتعجب : اه صحيح امال ليه ف الدراما بينيموا البطل ع الكنبه مع ان بيكون فيه أوض كتير
ادهم : لا فوقي دراما اي احنا ف الواقع 
ملك شالت شنطتها وقالت 
: طيب ممكن اعرف هنام فين
ادهم شاورلها : عندك الأوضتين دول نامي ف اي واحده تعجبك بس اهم حاجه الأوضه التالته دي متدخلهاش تمام
ضحكة بخبث وقالت : تمام
ادهم بصلها بحده : لا انا بتكلم جد اياكي تدخليها فاهمه
خافت من نظرته وقالت : طيب خلاص 
مشي خطوتين لقدام
 قالتله: لو سمحت هو مفيش هدوم هنا 
بصلها بتعجب 
: هدوم اي
ملك : هدوم بنات 
ادهم بتعجب : يعني انتي شايفه اني راجل وعايش لوحدي اي هيجيب هدوم البنات هنا مش فاهم
ملك بإبتسامه: كنت بختبرك بس نجحت ف الإختبار شطور 
وسابته ودخلت الأوضه
ادهم ابتسم وقال : هبله اوي دا ربنا نجده العريس 
ودخل اوضته وقفل الباب 
 ملك قفلت الباب وراها بالمفتاح وشالت الكرسي حطته ورا الباب واترمت ع السرير وهي بتقول 
: أخيراً هنام كان يوم صعب اوي
 وبعدين قالت بخوف اكيد بابا هيقتلني لما اروح بس ولو انا لازم اثبت اني سترونج اندبندت وومان
 ‏بقى انا تجوزوني غصب عني دا على جستي
خدت شنطتها ف حضنها وغمضت عينها علشان تنام فجأه افتكرت ادهم وهو بيقول الأوضه دي لا اياكي تفكري تدخليها 
فتحت عينها بسرعه وقعدت ع السرير وقالت لنفسها : ليه الأوضه دي بالذات لأ 
لفت وشها ناحية اليمين وقالت : معقوله يكون ادهم سايكو وبيخبي ضحاياه ف الأوضه دي 
لفت وشها ناحية الشمال وقالت : او ممكن يكون نصاب كبير وشايل الفلوس جوه علشان كدا مش عايزني ادخل 
بصت لقدام وقالت : قومي يابت 
وبعدين قالت : لا اقعدي يابت اليوم كان متعب النهارده اوي كونان سيكتشف الغامض والمثير ولكن غدا 
ورمت نفسها ع السرير ونامت 

رواية يا انا يا انتي الفصل الأول 1 - بقلم ملك محمد
أيمن محمد

تعليقات

ليست هناك تعليقات
إرسال تعليق
    google-playkhamsatmostaqltradent