رواية فجر جديد الفصل الثامن عشر 18 - بقلم إيمــــان

الصفحة الرئيسية

   رواية فجر جديد الفصل الثامن عشر 18 - بقلم إيمــــان

رواية فجر جديد  - بقلم إيمــــان

*   رواية فجر جديد الفصل الثامن عشر 


وعلى الافطار قال رفعت لندى

احنا حنفطر وحخدك انتى ودادة سيدة وحتصل بالشركة يبعتولى عربيه كبيرة وكام عامل كده ونروح على بيتك تلمى حاجتك وننقل ع الشقة اللى قال عليها شادى 

طب ما اروح انا انهاردة الم حاجتى براحتى وابات هناك والصبح ننقل 

مش حتقعدى هناك يوم واحد مفهوم

خلاص اللى تشوفه

طب انا حطلع اجهز بقه واغير هدومى

وفى أثناء لفها لطرحتها وجدت طرقات خفيفة على الباب أدخل

فدخلت سيدة والدموع تملاء عينيها 

ايه يا دادة فى ايه بتعيطى ليه

هو انتى خلاص حتمشى صحيح

أيوة هو انا مليش بيت ولا ايه

لا يا بنتى بس خلاص انا اخدت عليكى وحبيتك من كل قلبى والله والبيت كمان بقه له طعم من يوم ما دخلتيه

طب وهو انا خلاص حموت

الف بعد الشر عليكى يا حببتى 

يا دادة انا حروح بس حبقه اجى ازورك انا كمان اتعلقت بيكى وبعتبرك زى ولدتى الله يرحمها

كتر خيرك يا بنتى

يلا بقه امسحى دموعك دى عشان نمشى انتى مش حتيجى معايا ولا ايه رفعت بيه قال انك جايه معانا

ايوة جاية ثوانى بس البس الحته اللى ع الحبل

أيوة كده يا جميل

وذهبوا جميعا الى شقتها وساعدها الجميع فى لم كل شىء ثم ذهبوا الى شقتها الجديدة ورتبوا معها كل شىء ايضا حتى شادى انضم اليهم 

وفى هذة الاثناء رن جرس الباب فتوجه رفعت اليه وفتحه ليدخل عامل من عمال الدليفيرى ووضع كومه من الشنط البلاستيكيه على السفرة ثم غادر فقال رفعت

يلا يا جماعة نتغدى الاول وبعدين نكمل لحسن حموت من الجوع واكيد انتوا كمان

فترك الجميع كل شىء وذهب لرفعت الذى قام بتوزيع الوجبات عليهم وهو يقول

انتشروا بقه كده كل واحد يقعد فى الحته اللى تعجبه وياكل بروقان

فنهمك الجميع فى الطعام وبعدها اكملوا ترتيب الشقة الى ان تمت المهمه على احسن وجه

شكر رفعت العمال ووعدهم بمكافأة كبيرة نظير ما أنجزوه معه بالاضافة لأنه اخرج من جيبه بعض المال ووزعه عليهم وهو يقول لهم

دى حاجة بسيطة كده دلوقت عشان تجيبوا بيها حاجة حلوة لاولادكم وانتوا مروحين

فأخذ العمال النقود ودعوا له بالبركه وطولت العمر ثم انصرفوا ولم يتبقى مع ندى غير رفعت وشادى وسيدة

رفعت : عندك شاى وسكر

طبعا

طب كوباية شاى لحسن دماغى فيها شواكيش بتدق الله يكرمك

شادى: خليهم اربعة بقه يا ندى.

طبعا من غير ما تقول يا استاذ شادى ثوانى ويكون الشاى جاهز

نظر شادى لسيدة وقال مداعبا : بس ايه الجمال دة يا سيدة والشياكة دى كلها انا شكلى كده ممكن اطلب ايدك من رفعت

فلم تتمالك سيدة نفسها وانفجرت ضاحكه وهى تقول : حقه ياسى شادى ونعمل فرح بقه واحط ايدى فى ايدك ونتزف كده

قال رفعت على الفور : تتزفوا ايه اتزفتوا اسكتوا انا مش طايق اسمع صوت

فأشار الاثنان لبعضهما بالسكوت دخلت ندى حاملة صينية الشاى ووضعتها امامهم وهى تقول

مالكم قاعدين سكتين كده ليه

شادى: اوامر رفعت بيه ياستى

فندهت عليه رفعت بيه  رفعت بيه

فأجاب وهو مغمض العينين : نعم

مالك

مصدع يا جدعان مصدع

طب اجيب لحضرتك حاجة للصداع



لالا مش واخد على الحاجات دى انا دلوقتى اروح ارتاح وكله حيبقه تمام

طب اتفضل الشاى

وبعد ان شربوا الشاى هم الجميع بالانصراف فتفاجأ رفعت بسيدة تقول : ممكن يا رفعت بيه ابات انهارده مع ندى عشان اونسها فى اول يوم فى بيتها الجديد

فأجابت ندى على الفور : يااااااريت

نععععععععععععم وانتى من امتى بتباتى بره البيت يا سيدة

اهو مرة من نفسى اصلى مش هاين عليا اسبها لوحدها

ولا عشان تهربى مع شادى وتتزفتوا سوا

فانفجر الجميع فى الضحك حتى ندى والتى لم تكن تدرى ما القصة

ثم قالت ندى برجاء : والنبى والنبى سيب دادة معايا



خلاص بس الصبح تكونى فى الفيلا حخلى عم محمد يجى ياخدك انتى وهى يوصل ندى الشغل ويرجع سيادتك ع البيت مفهوم

قال شادى على الفور: ايه دا يا دادا شكل صاحبنا مش قادر يعيش من غيرك انا كده حبدء  أغير

تصدق ياسى شادى ولا انا وربنا يعلم انا بحبه اد ايه

شادى: شاهده يا ندى على اللحظة الرهيبة دى دادة سيدة ورفعت بيعترفوا لبعض وقصادى بحبهم خلت بيا بعد ما وعدتنى بالجواز

انفجرت ندى وسيد بالضحك من اسلوب شادى 

فقال رفعت : ايه ياض الفيلم الابيض واسود ده حظك انى مش فايق الليلة دى يلا بينا عشان نسبهم يرتاحوا 

وبعد ان كان خارجا عاد سريعا للداخل موجها كلامة لسيدة : الصبح تكونى فى الفيلا سمعه

حاضر يا رفعت بيه

اتجهت ندى لسيدة واخذتها فى حضنها واتجها سويا لحجرة النوم فقالت ندى

اخ فى مشكلة حتنامى بأيه

فأجابتها على الفور : ولا يهمك

تفاجأت ندى وهى ترها تخلع فستانها امامها لتجد تحته جلباب

شوفتى انا جهزة ازاى

فضحكت ثم قالت لها انتى كنت مرتباها بقه

ابدا والله بس انا طول عمرى كده بلبس حاجتين فوق بعض تعود يعنى

بس انا مبسوطة اوىاوى انك حتقضى معايا اول يوم فى بيتى الجديد وحقوم بقه اعملك احلى عشا ياروح قلبى



يابنتى انتى اتهديتى طول انهار تعالى ارتاحى

لا ازاى لازم اعشيكى احلى عشوة

وذهبت الى المطبخ وسيدة من وراءها فأخذت ندى تعد العشاء وسيدة كعادتها ترغى معها

وعلى الجانب الاخر كان رفعت ممددا  فى سريره لم يغمض له جفن فأخذ يتجاذب اطراف الحديث مع الصوت الذى يسمعه دائما فى مثل هذة الاوقات

ايه مالك مش عارف تنام ليه

مصدع ومش جاي لى نوم

مش جايلك نوم ولا مش عارف تنام بعد ما بعدت عنك

تقصد دادة سيدة فعلا البيت من غيرها كئيب وملوش طعم

دادة سيدة برضو مش عاوز تعترف انت حر خليك فى كدبك على نفسك

انت عاوز تقول ايه تقصد ايه

يعنى انت زعلان وقلقان عشان سيدة مش عشان ندى اللى اتعودت تفطر وتتغدى وتتعشى معاها ومشكستها ليك ومشغبتك معاها ليل ونهار

عندك حق فعلا انا اتعودت الكام يوم دول على وجودها بس عادى يعنى ماهى كده كده هى معايا فى الشغل كل يوم

ماشى ماشى طب يلا نام انت مفيش منك فايدة

صباح الخير يا رفعت بيه اتفضل القهوة


وضعت القهوة وهمت بالانصراف الا انه امرها بالجلوس

فى حاجة ولا ايه

هاا عجبتك الشقة

الحمد لله هى كويسة دا غير انى حقيقى حسيت فيها بالامان والراحة

طب الحمد لله يعنى خلاص حنفضى لشغلنا 

تنبه على رنين الهاتف فنظر له ليجد اتصال من نادرة

الو صباح الخير يا حببتى

ايه ده هو انت

عاوز مين يا حبيبى

اتفضلى ياست ندى لا كده شكلنا مش حنفضى للشغل

أخذت ندى الهاتف وهى فى ذهول فمن ياترى الذى يتصل بها على رقمه

السلام عليكم

وعليكم السلام يا طنط نادو ايه مش عارفه صوتى انا مازن

فقالت بفرح أيوة يا حبيبى



لم يدرى لماذا اصابته الرعشة عند سماعها تنطق بهذه الكلمه ولم يفيق الا عليها وهى تقول رفعت بيه اتفضل نادرة عاوزة تكلمك

ايوة صحيح دا عيد ميلاد سيادته كمان يومين

لا ازاى طبعا جاى يلا سلام

هو بقه بيتصل عشان يعزم حضرتك بنفسه

طبعا مش احنا اصحاب

طب ومكلمش حضرتك على تليفونك ليه

اصل احنا نسينا نتبادل الارقام قبل ما امشى من عندهم

نتبادل الارقام طب ياست المثقفة انتى لسه قاعدة قومى شوفى وراكى ايه

على فكرة انا كنت ماشية على طول حضرتك اللى  فضلت ترغى معايا

خلاص ياستى انا غلطان يلا اتفضلى على شغلك وعاوز غدوة محترمه انا ما أكلتش من امبارح

ليه مفيش فى بيتكم أكل

الحقيقة بليل كنت عاوز انام من الصداع ولما صحيت الصبح وملقتش لادادة سيدة ولا سيادتك فى البيت نفسى اتسدت

عشان تعرف قيمتنا على العموم دادة رجعت الفيلا الصبح

وانسى انك تاخديها تانى انتى فاهمه

خلاص خلاص ما انا عرفت قصة الحب اللى بينكم



ندى أيه رأيك بدل حكاية الشقة الايجار دى وبهدلت رايحة الشغل وجاية من الشغل ، أيه رايك يعنى لو تشتغلى معايا نفس الشغلانه بس فى الفيلا

ظهر الانزعاج الشديد على وجهها وبدا عليها التردد ولكنها استجمعت شجاعتها وقالت : رفعت بيه انا هنا اسمى موظفة فى شركة حضرتك لكن اسمح لى يعنى فى البيت حيبقى اسمى 

وخانتها شجاعتها فسكتت

فقال على الفور : انا اسف اسف اوى يا ندى صدقينى انا عمرى ما فكرت فيها كده ولو كان خطر على بالى الكلام ده مكنتش عرضت عليكى العرض ده من الاساس كل الحكاية ان اليومين اللى قضتيهم معانا فى البيت فعلا كلنا اخدنا على وجودك وسطنا انا لما رجعت الفيلا امبارح لاقيت الكل زعلان ع الاخر لانك مشيتى انا اسف مرة تانيه واعتبرينى ماقولتش حاجة

خلاص انا نسيت يلا بقه حروح اشوف شغلى

فى اليوم التالى قدمت له القهوة وهو منهمك تماما فى العمل ولكنه تنبه الى انها وضعت الصينية ولم تغادر فرفع رأسه ونظر اليها 

فى حاجة ولا ايه يا ندى

كنت عوزة اسأل حضرتك سؤال

خير اسألى

يعنى مش حعطلك



ادامك لحد لما اخلص القهوة

طيب هو يعنى حفلة عيد الميلاد دى عندكم بتبقه ماما وبابا وعمتو وخالتو ولا زى بتاعت رجال الاعمال اللى بنشفهم فى التلفزيون

ااااه صحيح دا عيد ميلاد مازن بكره بصى لو الحفلة كانت عند رأفت جوز شهيرة كانت تبقه خالتو وعمته ويمكن من غيرهم كمان رأفت بيحب الاحتفالات دى تكون خاصة جدا أما أدهم باشا بقه فبيموت فى الفشخرة

اه يعنى من بتاعت التلفزيون

ايوة كده بالظبط بس بتسألى ليه

لا مفيش

مفيش ايه قولى بتسألى ليه

عشان يعنى النوع ده من الحفلات بيكون عاوز لبس وهيئة معينه الواحد لازم يليق بالمكان اللى حيكون فيه عرفت خلاص امشى انا بقه

شعر رفعت بأنها تورطةبسبب هذة الدعوة فنده عليها قبل ان تخرج ندى

نعم

مش محتاجة فلوس

لا ابدا الحمد لله اه بمناسبة الفلوس انا قولت احاسب صاحب البيت قالى ان كل الفلوس اندفعت ولما سألته مين اللى دفع قالى حضرتك

طب وفيها ايه دى

لا فيها طبعا انا مش بحب انى اكون عاله على حد او بقبل الصدقة وعشان كده صممت اعيش لوحدى واشتغل عشان اصرف على نفسى وماستناش حسنة من حد



شكلك حتترفدى دلوقتى حالا

لا انا بتكلم بجد يارفعت بيه موضوع الفلوس ده مفهوش مناقشة 

ولا حتى تقبليهم هدية منى

ولا حتى هدية انا مقدرش اردها ولا قد انى اردها

كده يا ندى طب تحبى اخصمهم على اقساط من مرتبك الشهر الجاى كده تستريحى لانه مش حينفع اخصمهم مرة واحدة وانتى برضوا حيكون عليكى ايجار الشقة واكل وشرب وباقى المصاريف

خلاص موافقة ومتشكرة اوى لكرم حضرتك وبالنسبة بقه لحساب نقل العفش من الشقة القديمة للجدي--------

وقبل ان تكمل

قال هو بصوت عالى : انتى تقومى تمشى من ادامى دلوقت بدل والله ما اقوم اسفخك الالم اللى ليكى عندى من ايام نمتك على الكرسى ورى الباب

لالا دا انا مش حمشى دا انا حجرى ااقولك حطير

فنظر لها وهى تجرى بالفعل من امامه كالاطفال وانفجر فى الضحك

* يتـبـــــــــــــــــــــــع الفصل التاسع عشر اضغــــــــط هنا

* الفهرس يحتوي على جميع فصول الرواية " رواية فجر جديد " اضغط على اسم الرواية


author-img
DoOoBy

تعليقات

ليست هناك تعليقات
إرسال تعليق
    google-playkhamsatmostaqltradent