رواية حب الصدفة الفصل الخامس عشر 15 - بقلم ملك عتمان
رواية حب الصدفة الفصل الخامس عشر
ألين أول مدخلت البيت لقت بباها مرمى على الأرض طلعت تجرى عليه بسرعة
ألين بعياط: بابا يبابا مالك وقعدت تنادى على كريم بس مكنش موجود ساعتها فى البيت جابت ميه ونقطت على وشه شوية مصحاش برضوا معرفتش تعمل ايه
اتصلت على فارس بسرعة
فارس كان راكب العربية ومروح لقى ألين بتتصل عليه
فارس رد عليها: معقول لحقت أوحشك
ألين بعياط: فارس الحقنى
فارس لما لقاها بتعيط : مالك يحبيبتى فى ايه
ألين: تعالى بسرعة بابا مش عارفة ماله لما دخلت البيت لقيته مرمى على الأرض
فارس: ثانية واحدة أنا جاى أهوه
فارس دير العربية وراحلها علطول وطلعلها وأول مطلع لقاها قاعدة تعيط وقاعدة جنب بباها راح عليها بسرعة
فارس: وسعى يألين وقام شايل بباها ونزلوا دخلوه العربية وطلعوا على المستشفى
فى المستشفى
ألين كانت بتعيط مستنية الدكتور يطلع كانت خايفة الا يكون جراله حاجة
فارس راحلها وقعدها على الكرسى وقعد جنبها وخدها فى حضنه وقعد يطبطب عليها : إهدى يحبيبى هيبقى كويس
ألين: خايفة الا يحصله حاجة يفارس انا مليش غيره هو ال فاضلى فى الدنيا
فارس: خير يحبيبتى انشاء الله هيبقى أحسن من الاول وفجأة الدكتور طلع
الدكتور اول مطلع ألين طلعت تجرى عليه
ألين: خير يا دكتور بابا ماله
الدكتور: اطمنى يبنتى هو جاله حالة إغماء بس كان السكر مرتفع عنده واديتله حقنة وهو بقى تمم دلوقت تقدروا تدخلوله
ألين طلعت تجرى على أوضتة بسرعة ودخلت
ألين: ايه يا حج يرضيك كدا تقلقنى عليك
محمد: معلش يحبيبتى بس تعبت فجأة وملحقتش أتصل عليكى لقيت نفسى وقعت على الأرض
ألين: متعملش كدا تانى قلقتنى عليك ولو فى يوم حسيت انك تعبان قولى وهقعد معاك مش نازلة الشغل
وبعدين الباب خبط
فارس : أدخل
ألين: تعالى يا فارس ده فارس يبابا صاحب الشركة إل شغالة فيها وهو ال جابك المستشفى
محمد: شكرا يبنى
فارس:العفو يعمى على ايه وبصراحة أنا كنت عايز أقولك حاجة بس مش عارف هو وقتها ولا ايه
محمد: حاجة ايه يبنى
فارس: أنا كنت عايز أطلب منك أيد ألين ومش عايز منك رد دلوقت انشاء الله لما تقوم بالسلامة هنيجى أنا وبابا البيت أطلبها منك أنا بقى همشى دلوقت عشان عايز اروح الشركة ورايا شغل كتير وراح طلع بره الأوضة ألين طلعت وراه
ألين: فارس
فارس: نعم
ألين: شكرا على مساعدتك ليا ولبابا
فارس: مفيش شكر ما بينا وكمان ده هيبقى حمايا المستقبلى كان لازم أعمل كدا
ألين قامت مقربة منه وراحت قيلاله فى ودانه: بحبك وموافقة على ال قولته جوه
وقامت طلعت تجرى بسرعة راحت لبباها
فارس كان فرحان جدا انها وأخيرا هتبقى ليه وقام ماشى طلع على الشركة
فى شركة المحرقاوى
عمر :فارس بيه موجود
شهد السكرتيرة: أيوة يعمر بيه ثوانى هقولك انك هنا
وهى ماشية إتكعبلت وقعت على وشها الموظفين قعدوا يضحكوا عليها
عمر بزعيق: انتوا بتضحكوا على ايه وطلع يجرى عليها وقفها
عمر: إنتى كويسة
شهد: أيوة هدخل لفارس بيه أقوله انك هنا
شهد دخلت لفارس: فارس بيه عمر بيه هنا
فارس: دخليه
عمر أول مدخل
فارس: جاى ليه لو جاى تسأل على ألين فأحب أقولك انها مجتش وكمان أنا مش قولتلك ابعد عنها يا عمر
عمر: أنا مش جاى عشانها ألين قالتلى انها بتحبك يفارس وأنا أتمنالكوا انكوا تتجوزوا وتبقوا مع بعض أنا مش هجبرها تحبنى انا جاى
عشان الصفقة بس ال ما بينا مش أكتر
فارس: اتفضل اقعد
وبعد شوية كانوا خلصوا كلام
: عمر: امال ألين مجتش ليه
فارس: بباها كان تعبان شوية فمجتش
عمر: تمم انا همشى بقى دلوقت
فارس: طيب
تانى يوم ألين صحيت من النوم حضرت الفطار
ألين: كريم النتيجة هتطلع امتى
كريم: مش عارف وآلله بيقولوا أخر الاسبوع
ألين: طيب متخافش انشاء الله خير وهتجيب مجموع حلو
وبعدين دخلت تلبس عشان تنزل الشغل
لقت فارس بيرن عليها
ألين : ألو يفارس
فارس: بقولك ايه يألين هاتى نهى صحبتك معاكى
ألين بإستغراب: ليه
فارس: لقتلها شغل يستى فى الشركة مش هى خريجة هندسة زيك برضوا
ألين: اه
فارس: طب هتيها معاكى بس متقوليلهاش انى عايزها فى ايه
ألين: حاضر
ألين اتصلت على نهى وقالتلها ان فارس عايزها
نهى: مش عارفة عايزنى فى ايه يألين
ألين: لا مقاليش
نهى: طيب هلبس وأجيلك
وبعد شوية نهى كانت جات لألين ونزلوا مع بعض راحوا الشركة
فى الشركة ألين خبطت على الباب
فارس : أدخل
ألين دخلت هى ونهى
فارس: اقعدى يا نهى
فارس: أنا زياد كان قايلى انك خريجة هندسة زى ألين وبتدورى على شغل فأنا لقيتلك شغل عندنا
نهى بفرحة: بجد يفارس بيه طب هشتغل ايه هنا
فارس لسه هيرد عليها لقى زياد دخل
زياد: هتبقى سكرتيرتى
نهى: نعم مستحيل أشتغل سكرتيرة ليه أنا مش بطيقة أصلا
زياد: متحترمى نفسك يبت انتى انتى تطولى تشتغلى عندى أصلا
نهى: فارس بيه انا مستحيل أشتغل مع الكائن ده دورلى على شغل تانى
فارس: والله يا نهى ده الشغل الوحيد ال موجود حاليا فى الشركة تقدرى تشتغلى معاه فترة لغاية منلاقى سكرتيرة جديدة وساعتها نشوفلك حاجة تانية
ألبن: أيوة يا نهى فارس بيكلم صح اشتغلى معاه لغاية منلاقيلك حاجة تانية
نهى بحزن: طيب
* يتـبـــــــــــــــــــــــع الفصل السادس عشر اضغــــــــط هنا
* الفهرس يحتوي على جميع فصول الرواية " رواية حب الصدفة " اضغط على اسم الرواية