رواية بحبك يا بنت عمي الفصل الثالث عشر بقلم مصطفى كامل يوسف
رواية بحبك يا بنت عمي الفصل الثالث عشر
هو احنا ليه بنجرح ناس بنحبها ، ناس مننا و علينا عشان بس عقلنا رافض يصدق قلبنا
مي : صحيت بدرى عشان تعوض الأيام إلى راحت منها وبما أنه كمان الجمعة اجازة من الشغل ، مي قعدت تذاكر لمدة ساعتين وحست بالجوع خدت الكتب وحطيتها في الجنينة وخرجت تجيب أكل
مازن كان صاحي وواقف في البلكونة وشافها حطت الكتب وخرجت وقال لنفسه رايحة فين دى هستنا اشوف يا مي
مازن خد شاور وطلع بص من البلكونة لقي مي جايبة أكل وقهوة من برا اتغاظ اوى ونزل يكلمها
مازن : ايه ده
مي : الناس تقول صباح الخير الأول ولا احنا مش قد المقام
طبعا مازن متكبر ورافض يكلمها بأسلوب احسن
مازن : بقولك ايه ده
مي : ايه فطار
مازن : و خرجتي جبتي من برا ليه ما احنا هنفطر بعد شوية
مي : بس انا مش بأكل معاكم
مازن: ليه مش قد المقام حضرتك
مي : لا يا بشمهندس ، انا عندي كرامة ومش بحب حد يحسسني اني بشحت منه حتي الأكل
مازن لسا هيتكلم موبايل مي رن
مي : الو صباح الخير يا دكتور
حسام : صباح الخير يا مي عاملة ايه
مي : الحمد لله وانت اخبارك ايه
طبعا مازن متغاظ اوى ومش عارف هو ليه مدايق ماتكلم اللي تكلمه
حسام : انا تمام انا بس حبيت اطمن عليكي مكنتيش مركزة في السيكشن امبارح
مي : فيك الخير والله يا دكتور حسام مهو محدش بيسال عليا غيرك انت وسارة
مازن واقف وعاوز يضربها ومي حست بكدة فكانت بتغيظه اكتر
حسام : انتي تستاهلى كل خير يلا مش هعطلك
مي : أوك يا دكتور وشكرا على سوالك
حسام : مفيش شكر بينا ، سلام
مي : سلام
مازن : مين ده
مي : وانت مالك
مازن : يعني ايه وانا مالى ، وايه محدش بيسال عليا غيرك دى
مي : ما دى الحقيقة محدش بيسال عليا غيره هو وسارة عمرك ما كلفت نفسك وسالتني انا محتاجة ايه يا ابن عمي ولا أه فعلا انا نسيت انت مش معتبرني بنت عمك اصلا
مازن : أه مش معتبرك بنت عمى ولا هعتبرك ، مي غصب عنها نزلت منها دمعة
مازن حس أن قلبه وجعه اوى اول ما شاف دموعها لسا هيتكلم
مي : ممكن تسيبني لوحدي عاوزة آذاكر ، مازن مشي ومنطقش ولا كلمة
مي مسحت دموعها وقعدت تذاكر
مازن كان مخنوق وخد عربيته وخرج وهو سايق بيكلم نفسه
انا قلبي وجعني كده اول ما شفت دموعها ، انا ادايقت أوي كده لما سمعتها بتكلم واحد ، ومين حسام ده كمان يا ترى يامي بتحبيه ولا ايه
مازن قعد يفكر كتير وقرر انه يتجاهل مي و يسبها تعمل إللي تعمله
عدا أسبوع ومي في الكليه للشغل وكانت ترجع للبيت متاخر
ومازن كان بيستنا يوشفها كل يوم ، ويطمن عليها من غير ما يسالها ، لأنه مكنش بيعرف ينام من غير مايشفها ومكنش عارف لية هو بيضعف كده
فيوم كان اجازة مي بتتكلم مع سارة ومازن عدا من قدام الباب وسمع كل الكلام
سارة : ها يا بنتي ماما عزماكي النهاردة على الغدا هتيجي
مي : طبعا جاية انا بقالى 15 يوم عايشة على الشيبسي والجبنة وحشتني اللحمة
سارة : هههههههه يا حرام ليه مش بتاكلى في المطعم
مي : لا والله مش بأكل ، والله شغل المطعم ده تاعبني أوي وايديا ورجليا بتوجعني ومش بعرف آذاكر
سارة : معلش يا حبيبتي ، ومازن مش عمل حاجة
مي : مازن لو عليه يطردني من البيت ، وميعرفش أي حاجة عني ولا بيسال نفسه انا بصرف منين ولا بأكل منين
طبعا مازن سامع الكلام ده وزعل أوي
سارة : معلش هانت عمك هيجي ويريحك
مي : امتي بس يجي عمي انا تعبت انا مليش غيره اصلا
سارة : وانا روحت فين ياختي
مي : ربنا يخليكي ليا يارب
سارة : طيب انا هقفل عشان أساعد ماما في المطبخ
مي : ايون.. ظبطي صحبتك جعانة هههههههههه
سارة : هههههههههه من عنيا يلا سلام
مي : سلام
مازن راح على اوضته وهو زعلان اوى ، ايه إلى انت عملته ده يا مازن ، مي بتشتغل معقول عشان تصرف على نفسها بقالها 15 يوم ومش بتاكل ، وفجأة لقي دمعة من عينه نزلت
ايه ده ، انا بعيط لا مستحيل ويرد على نفسه خلاص يا مازن استسلم انت بتحبها بقالك اسبوع هتتجنن عشان هي مش بتكلمك ده انت حتي لما أما كانت بتتخانق معاك بتحس بفرحة أنك بس شفتها أوهي تكلمك
طب وبعدين يا مي شكلي كده بحبك يا بنت عمي ولا ايه ..
يتبع الفصل الرابع عشر اضغط هنا
- الفهرس يحتوي على جميع فصول الرواية كاملة :"رواية بحبك يا بنت عمي" اضغط على اسم الرواية