رواية لم انوي الوقوع في حبك الفصل الحادي عشر 11 بقلم منة حنفي

الصفحة الرئيسية

         رواية لم انوي الوقوع في حبك الفصل الحادي عشر بقلم منة حنفي


رواية لم انوي الوقوع في حبك الفصل الحادي عشر

ملقاش منها رد ف كسر الباب فضل وقاف كام ثانيه ف حاله زهول لما لقها واقعه ع الأرض وفاقده الوعي جري عليها وضمها ف حضنه وبدا يفوقها
ادهم : رهف قومي .. انا اسف والله اني زعلتك 
لسا هيطلع فونه عشان يتصل بدكتور افتكر أنه فاصل ف شالها ونزل بيها حطها في العربيه وطلع بيها ع المستشفي عدا وقت وهما بيكشفو عليها جوه وبعد وقت مش كبير طلع الدكتور
ادهم : طمني ي دكتور هي كويسه صح؟ 
الدكتور : كويسه بس واضح أن ف حد مزعلها اوي وكمان واضح انها طول اليوم ماكلتش حاجه مع الزعل هو دا اليه سبب فقدان الوعي انا كتبتلها  ادويه وياريت تبعدو عنها اي حاجه ممكن تزعلها
ادهم : طيب ي دكتور شكرا جدا
ادهم دخل الغرفه المستشفي رهف  اول ما شفته دمعه نزلت من عينيها 
ادهم : هتفضلي زعلانه مني كدا 
رهف :..........
ادهم : حقك عليا  ميبقاش قلبك اسود بقا
رهف : ممكن تروحني 
ادهم ابتسم : ممكن ي روح قلبي 
 رهف طول الطريق سانده رسها ع ازاز العربيه وادهم  كل ما يتكلم مبيلقيش منها رد ف سكت هو كمان. وصلو لحد البيت  رهف طلعت أوضتها وقفلت عليها الباب  من غير ولا كلمه 
ادهم : ممكن تفتحي بقا 
رهف : لو سمحت ي ادهم سبني دلوقتي 
ادهم : طيب ي رهف 
دخل أوضته  عمل أوردر  ودخل ياخد شور 
_____________________
رهف بصوت متقطع : مريم انت ف البيت صح 
مريم : اه حبيبتي  مال صوتك فيكي اي  
رهف: هو انا ينفع اجيلك البيت ابات معاكي انهارده بس 
مريم : دا بيتك ي رهف تيجي ف الوقت اليه تحبيه ي حبيبتي 
رهف : تسلميلي ، كمان نص ساعه هكون عندك سلام 
مريم : سلام
رهف لبست وماخدتش حاجه معاها طلعت من البيت ركبت تاكس وراحت عند بيت مريم 
________________
ادهم سمع صوت الجرس رن ف نزل اخد الاكل من الراجل وطلع عند اوضه رهف : ممكن تفتحي بقا عشان ناكل 
رهف :......
ادهم مع اول خبطه الباب اتفتح بيبص ملقاش رهف ف الاوضه دور عليها ف كل مكان ف الفيلا بس ملقهاش 
ادهم : انت شفت رهف ي عم عبده 
عم عبده: اه يبني طلعت من شويه  
ادهم : وازاي تسبها تمشي 
عم عبده: انا كنت ف الحمام لما طلعت لقتها ماشيه ناحيه البوابه ناديت عليها مردتش 
ادهم بغضب : طيب تمام انا هتصرف 
ادهم طلع فونه واتصل بحسن 
حسن : خير مدام بتتصل بيقا ف مصيبه 
ادهم : مريم سكنه فين ي حسن 
حسن :معرفش ليه ؟ 
ادهم بغضب : 5 دقائق والقيك جايبلي عنوان بيتها انت فاهم 
حسن :  طب فهمني ف اي
ادهم: رهف سابت البيت واكيد هي عند مريم دلوقتي اتمني اني اكون ريحت فضولك 
قفل ف وشه السكه وبعد ربع ساعه حسن اتصل بيه : انا قدام البيت انزل يالا
ادهم نزل ركب العربيه  
حسن : مش هتقولي  سابت البيت ليه 
ادهم : ممكن تخليك ف حالك 
حسن : طيب  برحتك 
بعد شويه وصلو تحت بيت مريم 
ادهم : خليك هنا وانا هطلع 
حسن : نعم لا هطلع معاك
ادهم بصله بغضب وسابه وطلع خبط ع الباب فتحتله مريم  اليه اول ما شفته هو وحسن اتصدمت 
ادهم : فين رهف ي مريم 
مريم : جوه بس مش هتطلع غير لما تقولي انت عملت فيها يخليها جيالي منهاره كدا 
ادهم : لو سمحت سيبني اشوفها واطمن عليها بس وبعد كدا هقولك كل حاجه 
ام مريم : مين ع الباب ي بت 
مريم : دا ادهم جوز رهف ي ماما 
حسن : طب وانا أي مش شيفاني 
مريم لسا هتتكلم 
ام مريم طلعت : يا الف نهار ابيض نورت اتفضلو 
حسن بص لمريم بانتصار : دا نورك ي ست الكل
ام مريم : تشربوا اي 
ادهم: ولا اي حاجه ممكن اخش اشوف رهف لو مش هيضيقك 
ام مريم : اتفضل يبني بيتك ومطرحك 
حسن : ممكن كوبايه ي مريم 
مريم بصتله بقرف : طيب 
حسن قرب من ام مريم : بقولك ي ست الكل 
ام مريم : اي يبني 
حسن : هو لو واحد زي اتقدم لبنتك هتوافقي 
ام مريم : طبعا يبني 
حسن : طب  الصراحه كدا انا عايز اطلب ايد الانسه مريم  لو وافقتي هنقرا  بكرا الفاتحه بس ممكن متحبش سيره لمريم عايز اعملها مفجاءه
ام مريم :  طبعا موافقه ي ابني وانا هلاقي احسن منك فين 
حسن : تسلميلي ي ست الكل 
___________________
ادهم دخل ع رهف الاوضه لقها نايمه ع السرير وبتعيط 
رهف : انت اي اليه جابك 
ادهم بغضب : تعرفي اني هاين عليا اقتلك دلوقتي 
رهف : لو سمحت وطي صوتك ولاحظ أننا مش ف بيتك ي سياده المقدم
ادهم : بتنا مش بيتي ي رهف ، انتي ليه بتعملي فيا كدا عايزه توصلي لاي 
رهف بصوت متقطع : مش عايزه اوصل لحاجه ، ممكن تسبني لوحدي
ادهم : طب انتي بتعيطي ليه دلوقتي 
رهف : عشان انت ع طول بتكلمني وحش وعشان ع طول محسسني اني حمل تقيل عليك واني مفروضه عليك ، وانا بعفيك من الحمل دا ي ادهم 
ادهم : انا عارف اني اتعصبت عليكي وان مكنش ينفع اكلمك كدا بس انا والله مضغوط الفتره دي ، ممكن تستحمليني ، رهف البيت من غيرك وحش اوي عشان خاطري ارجعي بقا 
رهف : اسفه ي ادهم مش هقدر ارجع معاك 
ادهم بغضب: يعني اي ؟
رهف : يعني اتفضل ي ادهم انا مرتاحه هنا 
ادهم بغضب وكسره : تمام ي رهف 
_________________
حسن وأم مريم كانو قاعدين يتكلمو ويهزرو ومريم قاعده ف صمت مراقبه تصرفاته فجاء ادهم وفتح باب الشقه وطلع 
ام مريم : صحبك مالو 
حسن بص لمريم : قولي لمريم ي ست الكل تعقل صحبتها 
وسبها وطلع يجري وراه 
حسن : ما تهدي ي عم حصل اي 
ادهم : مش عايز اتكلم ف حاجه ممكن نروح 
حسن : تمام 
وصلو قدام الفيلا 
ادهم : حسن عايزاك توقفلي كام واحد يراقب الوضع عند بيت مريم 
حسن : اعتبره حصل ، ريح نفسك انت بس 
__________________
مريم : انتي قولتيله اي خلتيه ماشي متعصب اوي كدا 
رهف : قولتله مش هروح معاك 
مريم : طب ممكن تفهميني اي اليه حصل لكل دا ؟
رهف حكتلها اليه حصل 
مريم : عايزاني اقول رائى بصراحه ولا اكذب 
رهف : قول بصراحه يختي 
مريم : انا شايفه إن كان المفرود تروحي معاه وتعدي الليله  ادهم جالك لحد عندك وكمان اتاسف انتي لو تشوفي شكله كان عامل ازاي وهو واقف ع الباب وهيموت ويدخل يشوفك مكنتيش عملتي كدا 
رهف : بس هو جرحني ب كلامه اوي 
مريم : ادهم بيحبك  واكيد غصب عنه  روحي بيتك  بدل ما تخسريه ي رهف 
رهف : طيب ي مريم بكرا الصبح هروح ف حاجه تانيه ي ست مريم 
مريم مبتسمه: لا ي قلب مريم ربنا يهدي سركو
_______________
ادهم طلع أوضته حاول ينام بس معرفش  قام وفضل يروح ويجي ف الأوضه ومره واحده كسره كل حاجه حوليه  
عم عبده سمع الصوت ف طلعله 
عم عبده: ادهم بيه انت كويس 
ادهم اتنهد : اه ي عم عبده  سبني لوحدي لو سمحت
"ف صباح يوم جديد" 
رهف : انا همشي بقا 
مريم : هامشي دلوقتي انتي شايفه الساعه كام 
رهف : عايزه اروح قبل ما ادهم يصحي احضرله الاكل  عشان زمانه ماكلش حاجه من امبارح 
مريم ابتسمت: ايوه بقا الله يسهلك يابا 
رهف : يالا ي بت سلام وسلميلي ع طنط
طلعت بره باب الشقه وبعد كدا رجعت حضنت مريم جامد 
رهف : انا لو كان عندي اخت مكنتش هتعمل  معايا زي ما عملتي ، بجد شكرا اوي 
 _________________
 فون ادهم رن فصحي بص حوليه لقي ازاز متكسر ف كل حته  وافتكر امبارح ف اتنهد ورد ع الفون 
 احمد : هفضل مستنيك ف المطار كتير 
ادهم : اوبس معلش خمس دقائق واكون عندك اسف راحت عليا نومه 
احمد : طيب 
لف أيده مكان الجرح ولبس ونزل 
________________
حسن : خير ف حد يتصل ع حد الصبح كدا 
_ ي فندم البت اليه حضرتك قولتلنا أننا نراقبها نزلت من شويه ووصلت قدام فيلا 
حسن : قولي العنوان 
- العنوان (.....)
حسن ابتسم : طيب روح انت 
قفل واتصل ب ادهم بس مردش 
___________
رهف داخلت الفيلا  وطلعت ع اوضه ادهم واتصدت لما شافت دم ع الارض وكل حاجه متكسره  طلعت الفون واتصلت بيه بس مردش نزلت تجري ع عم عبده اليه اول ما شفها حكلها كل حاجه 
طلعت فوق أوضته وفضلت تعيط  وبعد شويه سمعت صوته ف نزلت تجري اول ما شفته حضنته فضلت تعيط 
رهف بصوت متقطع :  انت كويس صح اي الدم اليه فوق دا 
بصت ع أيده لقيته لففها بشاش 
أيده ملها ي ادهم بتوجعك صح 
ادهم قطع كلمها بأنها ضمها لحضنه : هششش اهدي انا كويس 
رهف بعياط : بتصل بيك مش بترد ليه هاا، انت كدا يعني عامل نفسك مخصمني 
ادهم : لا مش مخصمك بس الفون مشفتوش 
احمد : احممممم مش هتعرفنا ي ادهم 
رهف طلعت من حضن ادهم بدأت تمسح دموعها 
ادهم : دي مراتي ي عمي ، ودا عمي ي رهف 
احمد : دا انت اتجوزت كمان طب مش تقولي دا انا عمك حتي 
ادهم : دا كتب كتاب بس فرحنا الاسبوع الجاي  باذن الله 
احمد : طيب 
________________
ام مريم : بت ي مريم تعالي اقعدي جمبي عايزه اكلمك ف حاجه 
مريم : خير ي ماما 
ام مريم : في عريس جاي انهارده 
مريم : جاي لمين 
ام مريم : هيكون لمين يعني اكيد ليكي 
مريم : امي انا قولتلك مليون مره انا مش عايزه اتجوز ريحي نفسك وريحيني بقا 
ام مريم بغضب : لو مقبلتيش العريس دا انتي لا هتبقي بنتي ولا اعرفك وبعدين ما يمكن توافقي متسبقيش الأحداث 
مريم : طيب ي ماما 
دخلت اوضتها واتصلت ب رهف حكتلها عن اليه حصل  وفضلت تعيط الوقت عدا دخلت لبست فستان اسود وطرحه سوده 
________________
ادهم : رهف خشي البسي 
رهف : ليه 
ادهم: كدا رايحين مشوار 
رهف: طيب 
دخلت لبست ونزلو
احمد : رايحين فين كدا ي عيال 
ادهم: مشوار هخلصه انا ورهف وجاين 
احمد : تيجو بسلامه 
ادهم مسك ايد رهف وطلعو ركبو العربيه 
رهف :مش هتقولي رايحين بردو
ادهم: لما نوصل هتعرفي 
رهف : ف عربيه ماشيه ورانا ي ادهم من ساعت ما طلعنا 
ادهم : عارف 
رهف : طيب
بعد شويه وصلو قدام عماره مريم 
رهف : انت جايبنا هنا ليه 
ادهم : هتعرفي 
رهف: يوووه بقا
حسن دخل رأسه من الشباك : طب اي مش هنطلع 
رهف كل دا مش قادره تستعوب اليه بيحصل 
: حسن اوعي تقول انك انت العريس 
حسن بصلها وضحك : بضبط كدا يالا بقا 
رهف صرخت : عاااااا بجد ي حسن الف مبروك بجد مبسوطه اوي مريم كمان هتتبسط اوي 
ادهم : فرجتي علينا الناس ممكن ننزل بقا 
رهف : ممكن ي قلبي 
____________
ام مريم : اي اليه انتي لبساه دا  
مريم : هو دا اليه عندي 
ام مريم : يا بنتي عيب انت عايزه تكسفينا قدام الناس 
مريم : واكسفك ليه خلاص مش طالعه 
ام مريم : خلاص خلاص يالا يكسفاني 
طلعت واتصدمت لما شافت حسن 
مريم ف نفسها : يارب كنت اتشليت قبل ما البس كدا بصت لرهف اليه كانت واقعه ع نفسها من الضحك 
حسن : ممكن اقعد اتكلم شويه مع انسه مريم 
خال مريم : طبعا ي ابني  طلعوا وسبوهم لوحدهم 
حسن : ف حد يلبس ف قرائه فتحته اسود كدا 
مريم :هو دا اليه عندي عجبك ولا مش عجبك 
حسن : عجبني طبعا 
مريم : للعلم انا مش موافقه عليك 
حسن : يا ولا دا ع اساس انك مش فرحانه دلوقتي أن طلعت انا اليه جاي اتقدملك مش حد تاني 
مريم : لا طبعا 
حسن مسك أيدها وعنيهم اتقبلو : بحبك 
مريم : هاااا 
حسن ضحك جامد: بموت فيكي وبعشقك ، حقك عليا مكنش قصدي اضايقك أو ازعل وصدقيني هكون اسعد انسان ف الدنيا لو وافقتي عليا ... ها موافقه 
مريم بكسوف : مواف....
قطع كلمها صوت الباب بيخبط جامد مريم لسا هتقوم 
حسن : اقعد انا هشوف مين 
فتح الباب زق حسن شاب ف اوئل العشرينات 
مريم أول ما شفته وقفت متنحه وقعدت ف وحطت أيدها وحولين رأسها

يتبع الفصل الثاني عشر اضغط هنا 
رواية لم انوي الوقوع في حبك الفصل الحادي عشر 11  بقلم منة حنفي
ranosha

تعليقات

ليست هناك تعليقات
إرسال تعليق
    google-playkhamsatmostaqltradent