رواية فجر جديد الفصل الحادي عشر 11 - بقلم إيمــــان
* رواية فجر جديد الفصل الحادي عشر
مر يومان وجاء ادهم الى رفعت ليتحدث معه بشأن المشكلة الواقع بها ولم يجد لها حل
اتفضل ياسى ادهم قولى ايه المشكلة
بص يارفعت ياحبيبى انا كنت دخلت مناقصة لبناء شاليهات فى العين السخنه مشروع ايه لوز اللوز ومكسبه حلو وكله كان تمام
ماشى وبعدين
فجأة الدنيا اتلغبطت معايا مش عارف ازاى ومبقاش فيه سيولة اكمل ومقدرش انسحب لانى حخسر كتير جدا
طب والمطلوب منى
فيه تلات حلول بص ياسيدى ياتدخل شريك معايا ياتوفر ليا السيولة اللى انا محتاجها وانا اسددها من اقساط الشاليهات اللى حتدنفع او تاخد انت المشروع تكمله وتدينى الفلوس اللى دفعتها فيه لحد دلوقت مع ان المشروع طالع من عينى
أمممممم بص حكاية الشراكا دى انت عرفنى مش بحب الشغل الشرك و
فقاطعة ادهم ليقول: طب بص قبل اى كلام او موافقة ورفض ايه رايك نطلع سوا بكرة على العين السخنه وتشوف المشروع ع الطبيعة وبعدين تقرر وانا واثق انه حيعجبك اوى
خلاص مفيش مانع اصل انا عارف انى مش حخلص من ذنك
طب اروح اشوف وراى ايه بقه
نعم يا استاذ انت مش متفق معايا انك حتتغدى هنا
ايه هو انت صدقت دا انا كنت بهزر ياراجل
بس انا بقه مكنتش بهزر
يعنى ايه عاوز تفهمنى ان اللى طلبته منك موجود
اى نعم
طب هو فين
فرن رفعت الجرس لندى وطلب منها تحضير الغداء ، فجهزت ندى كل شىء ثم قالت : الغدا جاهز يارفعت بيه
فاشار رفعت الى ادهم بالنهوض واخذه وتوجه لمكان الطعام ليتفاجأ ادهم بمنظر الطعام المعد له وشهق شهقه عاليا ثم قال
دهب ياقوت مرجان احمدك يارب
ايه يابنى انت دخلت مغارة على بابا
امال اللى انا شايفه ده بعينى ايه اقرصنى كده يارفعت عشان اصدق
لا انا حرزعك الم يفوئك احسن
فمد ادهم يده وأخذ اصبع ممبار وقطم قطمة كبيرة وقال وهو يأكل
لالا دا بجد وبحق وحقيقى يا جدعان
طب اقفل بؤك الله يقرفك
لا اقفلة دا ايه دا انا حفتحة على الاخر كمان واهجم على المغارة كلها
طب سمى سمى
فقال ادهم بسم الله وانطلق يتذوق جميع الاصناف
ورفعت يقول له براحة يابنى محدش بيجرى وراك
سبنى يابنى سبنى فين وفين على ما الواحد بيلاقى الاصناف دى بالشكل ده والطعامه دى
قام رفعت وترك ادهم يكمل طعامه وطلب من ندى الحضور
افندم يا رفعت بيه
ادهم بيه بيقولك اكلك وحش وحش جدا
فنظرت ندى الى ادهم وهو يأكل وفطست من الضحك ثم توجهت بنظرها لرفعت وقالت
لا ما هو باين اهو ان اكلى مش عجبه
فنتبه ادهم على جملة اكلى مش عجبه فنظر لها متعجبا
ايه ده هو انتى اللى عمله الاكل دا كله
ايوة
ايه ده يارفعت انت مش قولت انك جبت الاكل من مسمط جديد
ما هو ده
مش فاهم
يابنى مدام ندى باقلها مدة هنا هى اللى بتعملى الغدا ما انت لو بتيجى ولا تسال كنت عرفت اخبارى
معلش بقه اديك شايف اللى انا فيه اهو ، بس بجد بجد انتى اللى عمله الاكل ده
والله أنا
طب بقولك ايه اديكى اد اللى بيدفعه رفعت اربع مرات وغدينى انا كل يوم
فضحكت ندى وقالت : لا طبعا انا خلاص اخدت على الشغل مع رفعت بيه
جرا ايه ياسى ادهم انت جاى تسرق الموظفين بتوعى لا وكمان اهم وحدة فيهم
يعنى انت كنت شوفتها وفقت ياسى رفعت يلا انا كده حظى كده
فنفجر رفعت وندى بالضحك
ثم نظر رفعت لندى وقال : فين الشاى الاكلة دى محتاجة كوبيتين شاى مظبوطين
طب بس مش لما ادهم بيه يخلص اكل
لالا ادهم بيه شكله حياكل الاطباق بالتربيزة كمان
فضحكت ندى وقالت الف هنا وشفا
ادهم : مدام ندى ممكن سؤال
اتفضل
هو مفيش تانى من الحاجات دى جوا
فصرخ رفعت يالهووووووى مش بقولك حياكل التربيزة
لالا يا جماعة انا شبعت الحمد لله بس عاوز شوية ابقه انقنق فيهم على العشا اصلى حاسس انى اكلت نص بطن
فانفجرت ندى فى الضحك فانصرفت على الفور من الخجل
فى الوقت الذى كان رفعت ميت من الضحك عليه
ايه ده هى جريت كده ليه وما جوبتش على سؤالى
سؤال ايه الله يكسفك مكفكش الاكل ده كله وعاوز تاخد معاك كمان ، فكرتنى بالناس اللى كانت بتروح الافراح زمان وتاخد معاها اكياس بلاستيك تحول فيها الجاتوه والاكل وهى مروحه
فنظر له ادهم وانفجر فى الضحك وقال بقه كده يارفعت انا كده الله يسامحك طب مش عاوز حاجة
وفى هذه الاثناء عادت ندى وهى تحمل فى يدها علبه كبيرة نوعا ما ووضعتها امام ادهم وهى تقول اتفضل حضرتك دا كل اللى كان فاضل جوه
رفعت : لا ياندى هو قال انه خلاص مش عاوز
لالا ازاى انت عوزنى اكسف مدام ندى انا حخدهم بس عشان خاطر هى اتحايلت عليا
والنبى ايه هى لا اتحايلت ولا حاجة
فتدخلت ندى على الفور فى الحوار: ايوة فعلا يا ادهم بيه انا ما تحيلتش اساسا على حضرتك
لا بقه انتو متفقين عليا والنعمة مهما تعملوا لاخد العلبة دى وانا ماشى
فنظرت ندى لرفعت وماتوا على نفسهم من الضحك
ثم غادرت ندى المكتب حاملة الاطباق وعادت بعد دقائق بالشاى تناول ادهم رشفة من الشاى وقال بمنتهى الانسجام
يسلااااام شوية شاى يارفعت مظبوط ظبطة محصلتش ندى دى ماشاء الله عليها ما تكلمهالى يارفعت
يابنى ما انت كلمتها بنفسك ورفضت انت غاوى احراج
لا ما خلاص عرفت انها رفضه تسيب الشغل معاك امال عوزنى اكلمهالك فى ايه
اتجوزها عشان تطبخ لى
ينهارك مش فايت انت عاوز تتجوز على اختى طب ادينى حتصل بيها ابلغها
لالا ياراجل انا بهزر انت عوزها تدبحنى ولا ايه
ايوة كده اتعدل
طب يلا بعد ماخلصتلك على الاكل والشاى امشى انا بقه ومستنيك بكرة ان شاء الله الساعة 8 الصبح عشان نروح سوا
خلاص ماشى يلا سلام وسلملى على نادرة والولاد
يوصل يلا سلام
وبعد ان غادر ادهم رن رفعت الجرس لندى فجاءت على الفور فأخبرها انه لن ياتى الشركة غدا
مش جاى بكره ليه خير
ابدا بس مسافر مع ادهم فى شغل اه وعلى فكرة بكرة خديه اجازة انتى كمان واهو تريحى من المجهود بتاع انهارد ده
خلاص ماشى
قوليلى انتى حطيتى لادهم باقى الاكل كله
ايوة
وبتقوليها كده بكل براءة
ليه فى ايه بس
فى ايه طب مش تعملى حسابى هو انا مليش نفس
انا اسفة اوى فاتت عليا دى بس حضرتك ليه ما نبهتنيش
يلا خلاص منك لله يا ادهم
خلاص حضرتك ابقه اعملك الاكله دى مخصوص ليك لوحدك
خلاص ماشى اتفاقنا
هو حضرتك حتسافر امتى بكرة ان شاء الله
الصبح بدرى على 8 حكون عند ادهم
كده تمام وغادرت المكتب
فى السادسة والنصف صباحا دق جرس الباب فى فيلا رفعت فستغربت سيدة وقامت لتفتح الباب وهى تقول خير يارب مين جاى لينا ع الصبح بدرى كده وفى هذة الاثناء كان رفعت يجهز ملابسه التى سيرتديها وقد سمع جرس الباب فقال باستغراب
ايه ده يكونش ادهم غير رايه وقال يفوت هو عليا
وخرج من غرفته ليستطلع الامر فوجد عم محمد يتحدث مع سيدة واعطى لها شنطة كبيرة وانصرف فنزل رفعت سريعا ليعرف ما الامر
ايه دا يا دادا وعم محمد ايه جابه بدرى كده
عم محمد قالى ان دى شوية حاجات بعتاهم لحضرتك مدام ندى عشان السفر
ورينى كده حاجات ايه دى اللى بعتاها ندى
وفتح الشنطة الكبيرة ليجد بها علبتان واثان ترمس شاى وظرف ابيض مغلق ففتح الظرف على عجل ليعلم ما الامر
السلام عليكم ورحمة الله وبركاته
صباح الخير يا رفعت بيه
توصل بالسلامة ان شاء الله انا عمله لحضرتك ترمس شاى والتانى نسكافيه لان مكنش حينفع اعمل قهوة لانها مابنتشربش الا بوش لاقيت البديل الانسب النسكافية كمان عملت لحضرتك علبه فيها كيك برتقال اللى بتحبه وعلبة تانية عبارة عن ساندونشات جاهزة على طرقتى يارب تعجبك
وتروح وترجع بالف سلامة
ندى
اااااه عشان كده كانت بتسألنى حمشى الساعة كام
هى مين دى وفى ايه الجواب ده
لا دى حاجات للكبار يا سيدة لما تكبرى حبقه اقولك
كده كده يكونش جواب غرامى
فضحك رفعت ضحكه مدوية لم تسمعها سيدة منذ وفات هيام فقالت ايوة كده يابنى فرح قلبى بضحكتك اللى كانت مالى البيت سعادة وهنا ربنا يفرح قلبك كده على طول
يارب يا دادة يارب
بس برضو مقولتش الجواب فيه ايه
ياساتر ماتبطلى الفضول بتاعك ده
مقدرش يابنى ماخلاص فات الاوان قول بقه
دى ندى اللى شغاله معايا فى المكتب بعتالى شوية حاجات لزوم السفر والجواب ده عشان تفهمنى كده لانها ماكنتش قالت لى امبارح ارتحتى كده
والله كتر خيرها شكلها بنت حلال اوى ندى دى
والله شكلك حتأخرينى على معادى
طب مش تتصل يابنى بيها تشكرها
عندك حق يادادا اول مرة تقولى حاجة صح
كده يارفعت يعنى انا كل كلامى غلط طب زعلانه منك
لالا مقدرش على زعلك ياجميل وبعدين انا مسافر لحسن تجرالى حاجة
بعد الشر عليك تروح وترجع بالف سلامة يارب
بس مش يمكن بعتت الحاجة ونامت دى اجازة انهاردة
لالا اكيد منتظره تليفون منك
طب حشوف بس لو طلعت نايمه واتحرجت حخصم منك تلت سنين وضحك
طب يلايلا لحسن تتاخر
ماشى
فتصل رفعت بندى فاجابته على الفور
صباح الخير يا مدام ندى
صباح الخير يا رفعت بيه
انا متشكر جدا على الوليمة دى
وليمة ايه بس دى حاجة بسيطة
على العموم متشكر ليكى اوى سلام
سلام
واغلق الموبايل ونظر لدادة سيدة وقبل ان ينطق قالت هى
مش قولتلك
فصعد سريعا الى غرفته وابدل ملابسه وخرج على الفور كى لا يتاخر على ادهم
* يتـبـــــــــــــــــــــــع الفصل الثاني عشر اضغــــــــط هنا
* الفهرس يحتوي على جميع فصول الرواية " رواية فجر جديد " اضغط على اسم الرواية