قصة انت اسلام ونسمة كاملة بقلم هاجر مو (تمت قصة مكتملة)
قصة انت كاملة بقلم هاجر مو
قصة انت
الجزء الأول
بكتم عياطى بالعافيه
.. واحشنى اوووى
بقالي شهر مش عارفه اصدق اللى حصل 😞
صحيت من النوم لاقيته خاطب صاحبتى !!
لا ومش اى واحده
لا صاحبة طفولتى !
كنا ف حضانه واحده وديسك واحد 🙂 .. كنا بنقسم السندوتشات سوا ♥
كانت بتصالحنا ع بعض ههه
وهو !!
كان ابن الجيران بحبه من وانا 10 سنين 😀
من اول ما بنوا بيتهم قدامنا
كان بيقولى انه هيبقي سندى ف اى وقت .. وعمره ما هيسبنى 🙂
كان باين انه بيحبنى اوووى ..
وكان بيحلف ب ده ..
ماهو عارف ان بابا بيتعب كتير وانا معنديش اخوات يسندونى ..
كان يحاول ع قد ما يقدر يطمنى ف وقت خوفى ع بابا 🙂
انا مش عارفه انا زعلانه عليها هى
ولا عليه هو !!
ولا عليهم هما الاتنين 😞
طب هى انا كنت بحكيلها كل حاجه معنديش اخوات والله كنت بقول لاى حد دى اختى .. ❤
كنت باخدها معانا ف خروجتنا ف خطوبتى انا وهو كل مره ..
كنت بحكى عنها كتير ..
كنا بنختار كل حاجه سوا ♥
كان رايها مهم عندى اوى 🙂
كنت بثق فيها اكتر من نفسي ..
مين دلوقتى بقي هيسمعنى غيرها مين هيختار معايا ..
هى كمان وحشانى ..
طب مين هقسم معاه السندوتشات 😞
يارب والله قلبي وجعنى اوووى .. حاسه انى مش عارفه اتنفس براحه زى الاول 😞
انا عارفه يارب ان بقالى 30 يوم بالظبط من ساعه اللي حصل وانا بحكيلك نفس الحاجه كل يوم 🙂
بس انا مش قادره استحمل .. هون عليا بعوضك يااارب ..
شيلت سجادة الصلاه ^^
وخرجت اقعد مع ماما ..
لاقيت الباب بيخبط ..
فتحت الباب
لاقيت طنط ؟؟ " مامته "
معرفتش اقولها ايه ..!
قالتلى ايه مش هاتدخلينى ي نسمه ؟؟
قولتلها لا ي طنط ادخلى طبعا
اول ما دخلت وقفت ع الباب و قالتلى .. انا اسفه ي بنتى ع اللى حصل
قولتلها لا ي طنط مفيش حاجه وحضرتك معملتيش حاجه 🙂
قالتلى والله انا ما كنت هتمنى واحده احسن منك لابنى ..
بس هو مالهوش ف الطيب نصيب 😞
بصى ي بنتى ابنى هيعمل كتب الكتاب انهارده ..
وانا عايزاكى متكسفنيش وتيجى ..
قولتلها ان شاء الله ي طنط ..
وراحت ماشيه ..
روحت لماما وقالتلى مين اللى جه ؟؟
قعدت وحكتلها
قالتلى وانتى هتروحى ؟
دموعى اتجمعت ف عينى ف الوقت ده ..
قولتلها مش عارفه ي ماما ..
انا حاسه انى مكسوره من اللي هما عملوا فيا 😞
اهم اتنين عندى ي ماما اكتر ناس اذتنى .. انا مكنتش متوقعه منهم ده ي ماما 😞
بس والله ف حاجه جوايه مش مخليانى اعرف اكرهم ..
انا عايزاهم يبقوا مبسوطين فعلا ❤
بس قلبي وجعنى اوى ..
فاكره ي ماما لما خطبنى ..
مش قالى قدامكم كلكم ان عمره ما هيسبنى !؟
بس هو سبنى .. وانا كنت صدقت 🙂
هو كان بيطلب منى كتير مجبهاش معانا ..
بس انا مكنتش بوافق !!
وكنت بقوله دى اهم حاجه عندى 💙
ماما انا هروح بكره كتب الكتاب .. بس تعالي معايا
جه تانى يوم ولبست فستان طويل بحبه اوى وماما خدتنى ونزلنا 🙂
روحت وهما بيقولوا بارك الله لكما وبارك عليكما وجمع بينكم ف خير ...
انا سمعت الكلمه دى قلبي دق اوووى
الناس كانت بتزغرط وهما كان شكلهم فرحان
مكنتش عارفه مالى !
بس انا كنت مستغربه هما ناسين اللى عملوا معايا .. عايشين عادى كده !!
خدت نفسي قوى وروحت سلمت عليهم
مبروك ي نرمين ♥
مبروك ى محمود .. ❤
هو بصلي اووى
اكيد مستغرب انى موجوده 😀
ماما سلمت عليهم هما كمان
ومشينا ..
ع فكره ي نسمة انا بحبك ♥
ايه ؟!
والله بحبك من اول يوم شوفتك فيه 😀
فاكره ايه اللى حصل وقعتى ف الشارع قدام الناس .. ههههه كان شكلك يضحك اوى والله 😛
كنتى لسه 13 سنه ونازله ع الدرس ❤
من ساعتها وانا بقول انى لما اكبر هتجوزك
واهو انهارده بقينا مخطوبين ..
المشهد ده مش قادره انسي شكله من دماغى بجد مكنتش بسيب فرض غير وانا بدعى فيه ان ربنا يجمعنا ..
الحمدلله يارب 🙂
نمت من التعب وحلمت حلم حلو اوى اليوم ده .. بس مش عارفه مكنتش فاكره ايه هو .. بس حاسه انى فرحانه ♥
قومت وقولت لماما يلا عشان نروح لبابا المستشفى ..
روحت لاقيتهم بيقولوا انه يقدر يخرج انهارده .. بس هيبقي محتاج راحه جدااا 🙂
كنت مبسوطه انه هيخرج خلاص هيبقى معايا ❤
رجعنا البيت وقالى " مدام خلاص رجعنا انا عايز اتكلم معاكى ف حاجه ي نسمه "
سالته ايه هى قالى بليل هتعرفى 🙂
جه بليل وقالى تعالى ي نسمه .. يتبع الجزء الثاني اضغط هنا