رواية بنت أصول البارت التاسع 9 بقلم ملك محمد
رواية بنت أصول الفصل التاسع 9
مريم ورنا مشيو وكملوا طريقهم معاذ لما شافهم بعدوا لبعيد راح لعلا
علا بغضب : بقى انا استخبى من دي هي دي اخرتها يامعاذ
معاذ : ياحبيبتي افهمي دي جردل فلوس وهي ال هتحقق كل احلامنا والبيت ال هنعيش فيه
علا هديت وقالت : طب واحنا هنتجوز امتى
معاذ : اتجوزها بس الأول علشان احط ايدي ع كل حاجه وشويه شويه هشتري البيت ال بنحلم بيه ونتجوز انا وانتي
علا بتنهيده : بس انا مش عايزه اتجوز ف السر انا بقيت حاسه اني بسرق
معاذ: ياروحي افهمي لازم ف الأول الجواز يكون ف السر بعد كدا اخد ال عايزه بس منها وهطلقها وهعلن عن جوازنا ونعيش براحتنا
علا : وافرض خلفت منك ف الفتره دي حضرتك هتعمل اي بقى
معاذ : يابنتي مبتخلفش انتي جاموسه مانا قايلك
علا بإبتسامه : اه صحيح انا كنت نسيت دا كدا تمام اوي
معاذ : يلا نمشي من هنا بقى علشان انا مش مطمن ممكن يرجعوا ف اي لحظه
_______________
بعد مرور الوقت معاذ راح يصلي مع والد مريم ف المسجد
بعد الصلاه
معاذ بتردد: عمي بصراحه انا عايز اتكلم معاك ف موضوع
والد مريم : اتفضل يابني في اي
معاذ : بصراحه احنا مش هينفع انا ومريم نتجوز دلوقتي
والد مريم وشه اتخطف وحس أن معاذ فكر كويس وقرر ميكملش حياته مع مريم قاله بحزن
: براحتك ياحبيبي مفيش اي مشكله اعتبر محصلش حاجه وكل شئ قسمه ونصيب
معاذ : لا ياعمي انا مقصدش كدا انا شاري مريم وعايزها وانت عارف كدا كويس
والد مريم بتعجب: امال في اي بس يابني انا مش فاهم
معاذ وهو بيمثل الحزن: بصراحه انا فكرت ولقيت ان مش هينفع نتجوز انا ومريم وانا عليا دين لحضرتك
والد مريم بتعجب : دي اي انا مش واخد بالي
معاذ : الفلوس ال كانت والدتي اخدتهم من زوجة حضرتك المبلغ كان 20الف
والد مريم : ايوا ايوا افتكرت
معاذ : هو بصراحه انا فكرت وقولت مش هينفع الجواز دلوقتي خالص الا لما اسد الدين ال عليا علشان اكون مرتاح انت مش عارف ياعمي انا بتألم ازاي كل يوم بسبب الموضوع داه
والد مريم : بص معاذ يابني انا عارف انك راجل وجدع كمان وممكن متقبلش كلامي داه بس اتمنى انك تعتبرنا اهل وتتقبل كلامي الدين ال عليك داه خلاص اعتبره ادفع والفرح هيتم ف معاده متشغلش بالك بحاجه
معاذ وهو بيداري سعادته : لا لا ياعمي مينفعش ال انت بتقوله داه انا لا يمكن اقبل حاجه زي كدا ع نفسي
والد مريم : قولتلك خلاص احنا بقينا أهل ومفيش بينا الكلام داه وبعدين مريم بنتي هي كل حاجه ليا وانا مبسوط انها وافقت أخيراً تتجوز وممكن ادفع عمري كله واشوفها مبسوطه وانا عارف انك قد المسؤليه دي فموضوع الدين داه سيبك منه وانساه خالص احنا اهل يامعاذ يابني
معاذ : بس ياعمي
والد مريم : مبسش يابني والفرح ان شاء الله ف معاده الا لو كان عندك اسباب تانيه
معاذ : بصراحه هو في مشكله كمان صغيره
والد مريم بتعجب : خير في اي
معاذ : انا بصراحه ممعيش حاليا اجيب شبكه تليق ببنت حضرتك والموضوع داه مدايقني جدا ومش عارف ابطل تفكير فيه
والد مريم : شبكة اي بس انت عارف انا جايب دهب لمريم بنتي بكام انا جايب لمريم بحاولي 100الف جنيه دهب ومريم عينها مليانه مبتبصش للكلام داه انت بس كل ال عليك تجبلها محبس علشان بردو يكون حاجه منك ف ايدها وكدا يبقى كتر خيرك والمهر والحاجات الباقيه متشلش همها احنا بنتنا بنت أصول ميفرقش معاها كل داه
معاذ بتعجب : بصراحه انا كنت حاسس ان فكرة الزواج دي صعبه جدا بس بعد ماعرفت حضرتك حسيت ان الموضوع أسهل مما تخيلت
والد مريم: يابني التيسير ف الزواج من هدي النبي صل الله عليه وسلم ففي مسند الإمام أحمد أن النبي صلى الله عليه وسلم قال: إن أعظم النكاح بركة أيسره مؤنة.
وفي البخاري عن سهل بن سعد أن النبي صلى الله عليه وسلم قال لرجل: تزوج ولو بخاتم من حديد.
وفي النسائي عن ابن عباس أن عليا رضي الله عنه قال: تزوجت فاطمة رضي الله عنها، فقلت: يا رسول الله ابن بي، قال: أعطها شيئاً، قلت: ما عندي من شيء! قال: فأين درعك الحطمية؟ قلت: هي عندي، قال: فأعطها إياه.
وقال الله تعالى: وَأَنكِحُوا الْأَيَامَى مِنكُمْ وَالصَّالِحِينَ مِنْ عِبَادِكُمْ وَإِمَائِكُمْ إِن يَكُونُوا فُقَرَاء يُغْنِهِمُ اللَّهُ مِن فَضْلِهِ وَاللَّهُ وَاسِعٌ عَلِيمٌ {النور:32}،
ومش معنى كدا ان بنتي قليله لا بنتي كنوز الدنيا كلها متكفهاش بس انا عارف انها قنوعه ومتربيه صح وعمرها مابصت لزينة الدنيا هي كل همها تتزوج واحد ياخد بإيدها للجنه ويتقي الله فيها
معاذ كان مبهور بكلام والد مريم ومكنش متخيل انه ممكن يقابل شخص بيتعامل بالطريقه دي في حين ان معظم الأهل بقوا بيعقدوا الشباب من الزواج قال بفرح : انا متشكر جدا لحضرتك
والد مريم : لو في حاجه تانيه شاغله بالك قول ومتشلش هم
معاذ: لا لا مفيش حاجه بإذن الله الفرح هيتم ف معاده ومتشكر جدا ياعمي انا بجد مش عارف اقول لحضرتك اي جميلك دا هيفضل فوق دماغي ومريم بإذن الله هحطها جوه عيوني
والد مريم : ودا كل ال انا عايزه تحط بنتي جوه عنيك وتاخد بالك منها مريم طيبه اوي يامعاذ طيبه وبنت أصول ولما تعيش معاها هتكتشف حاجات كتير جميله فيها
_____________
في منزل معاذ
لسه داخل من الباب
والدته استقبلته بلهفه : ها كلمت الراجل
قعد وقال : اه كلمته
والدته قعدت هي كمان وقالت
: مالك كدا وشك متغيير هو قالك حاجه
معاذ : لا مقلش دا بالعكس انا مشوفتش حد زي الراجل داه
والدته: امال مالك في اي
مروان دخل عليهم وشد تفاحه من قدامهم وقعد وهو بيقول
: يمكن بدأ يحس على دمه شويه
معاذ : بقولك اي يامروان انا مش طايق نفسي فخليك خفيف كدا ياتقوم تذاكر
مروان : يابني انت مش مكسوف من ال بتعمله لا حول ولا قوة الا بالله ع العموم كله هيتردلك
وسابهم ومشي
والدته : متسمعش كلام المتخلف داه يامعاذ وطمني كل حاجه ماشيه تمام
معاذ بضيق : اطمني ياماما الفرح ف معاده والفلوس ال عليا الراجل قال مش عايزها وقالي كمان ممكن اجيب محبس وخاتم بس كشبكه
والدته بفرح : بجد ياولا
معاذ بضيق: انا داخل اوضتي
دخل أوضته واترمى ع سريره بيفكر ف كلام والد مريم عنها اتنهد وقال
: اول مره أحس اني متردد كدا هو اي ال انا بعمله داه
_____________
ف اوضة رنا كانت بتفكر ف كلام مريم ليها عن الحجاب وحست بحاجه جواها بتقولها انها لازم تغير لبسها وف نفس الوقت حاجه تانيه بتقول لا مش دلوقتي انتي لسه صغيره ع اللبس الواسع داه
قعدت ع سريرها وفتحت الموبايل بتاعها لقت صحابها ف الجروب بيقولوا البقاء لله صحبتنا هند اتوفت
اتفزعت وقلبها اتخلع اول لما شافت الخبر وقالت لنفسها ازاي تكون ماتت دي لسه كانت معانا ف الدرس
بدأت تكلم صحابها بسرعه وتفهم منهم في اي
قالولها انها ماتت بدون اي سبب مامتها كانت بتصحيها الصبح عادي لقتها مبتردش للأسف
رنا ببكاء : ازاي طيب دا يحصل
احد اصدقاء رنا : اي يابنتي في اي وحدي ربنا الموت علينا حق
رنا : مقصدش بس ازاي تموت صغيره
صديقتها: وهو الموت من امتى بيفرق بين كبير وصغير ما دي سنة الحياه
رنا ببكاء : بس هند مكنش ينفع تموت دلوقتي هند مكنتش بتصلي ولا لابسه حجاب صح وفي حاجات كتير كانت بتعملها غلط
صديقتها : دا قدر ربنا يارنا ادعيلها انتي بس وربنا يرزقنا جميعا حسن الخاتمه
قفلت مع صحبتها وقعدت تعيط بحرقه لأنها مكنتش عامله حساب للموت خالص وكأنها لاغياها من دفاترها
مع إن الرسول صل الله عليه وسلم قال
أكثروا ذكر هادم اللَّذات: الموت
ومفروض ان محدش ينساه لأن الموت هو الحقيقه الوحيده ف حياتنا
رنا معرفتش تنام طول اليلل وعندها رعب لأحسن تموت وهي على معصيه
اتصلت بمريم
مريم صحيت مخضوضه وردت ع الفون
: رنا في اي انتي كويسه
رنا : مفيش حاجه اطمني انا بخير
مريم : امال مصيحاني ف نص الليل ليه خضتيني يابنتي
رنا مقدرتش تمسك نفسها وقالت بعياط : مريم انا خايفه اموت
مريم : ليه بتقولي كدا ربنا يبارك ف عمرك
رنا ببكاء : قوليلي اتوب ازاي انا خايفه اموت قبل النهار مايطلع والحق اغير لبسي والتزم ف الصلاه
مريم : اهدي ياحبيبة قلبي انتي مجرد ماتنوي التوبه فدي في حد ذاتها توبه
رنا : يعني ينفع اتوب دلوقتي حالاً
مريم : اه طبعاً ينفع
(وَهُوَ الَّذِي يَقْبَلُ التَّوْبَةَ عَنْ عِبَادِهِ وَيَعْفُو عَنِ السَّيِّئَاتِ وَيَعْلَمُ مَا تَفْعَلُونَ (25
رنا : طب في شروط للتوبه
مريم : اهم حاجه الندم يعني متبقيش فخوره بال كنتي بتعمليه والعزم ع إنك مش هترجعي للذنب دا تاني
رنا : طب وافرض ضعفت ورجعت
مريم : توبي تاني
وَالَّذِينَ عَمِلُوا السَّيِّئَاتِ ثُمَّ تَابُوا مِنْ بَعْدِهَا وَآَمَنُوا إِنَّ رَبَّكَ مِنْ بَعْدِهَا لَغَفُورٌ رَحِيمٌ. {الأعراف: 153}.
رنا : وربنا هيقبل توبتي
مريم : اه هيقبلها فقد قال الله تعالى في الحديث القدسي: إِذَا تَقَرَّبَ الْعَبْدُ إِلَيَّ شِبْرًا تَقَرَّبْتُ إِلَيْهِ ذِرَاعًا، وَإِذَا تَقَرَّبَ مِنِّي ذِرَاعًا تَقَرَّبْتُ مِنْهُ بَاعًا، وَإِذَا أَتَانِي مَشْيًا أَتَيْتُهُ هَرْوَلَةً. متفق عليه.
رنا : يعني لسه في فرصه
مريم : طول مانتي مع ربنا في فرص كتير
ونختم البارت داه بحديث رسول الله صل الله عليه وسلم
في الصَّحيحين عن أبي هُرَيْرة عن النَّبيِّ - صلَّى الله عليْه وسلَّم - فيما يَحكي عن ربِّه - عزَّ وجلَّ - قال: «أذْنب عبدٌ ذنبًا، فقال: اللهمَّ اغفر لي ذنبي، فقال - تبارك وتعالى -: أذنب عبدي ذنبًا فعلِم أنَّ له ربًّا يَغفر الذَّنب ويأخذ بالذَّنب، ثمَّ عاد فأذنب فقال: أي رب، اغفر لي ذنبي، فقال - تبارك وتعالى -: عبدي أذنبَ ذنبًا فعلِم أنَّ له ربًّا يغفِر الذَّنب ويأخذ بالذَّنب، ثمَّ عاد فأذنب فقال: أي ربِّ، اغفر لي ذنبي، فقال - تبارك وتعالى -: أذنب عبدي ذنبًا فعلِم أنَّ له ربًّا يغفر الذَّنب ويأخذ بالذَّنب، اعمل ما شئت فقد غفرتُ لك».وقوله: «اعمل ما شئتَ فقد غفرتُ لك»؛ أي: ما دمتَ على تلك الحال، تذنب ثمَّ تتوب.يعني محدش فايته حاجه المذنب ممكن يتوب وربنا يغفرله كل ذنوبه ف لحظه ويبقى شخص ملتزم الموضوع مش كبير اهم حاجه العزيمه💙
- تابع الفصل التالي عبر الرابط: "رواية بنت أصول" اضغط على أسم الرواية