رواية لماذا هذا الفصل التاسع بقلم اسراء أحمد
رواية لماذا هذا الفصل التاسع
ليان فضلت تتمشي في الجنينة وفجأة حد حط ايدو علي بقها... ليان حاولت تفلت ايدو عشان تصرخ بس مقدرتش
بهمس:ششششش اهدي انا شادي
_ليان برقت بعنيها وخافت اوي منه
في الجانب الاخر كان عبدالله واقف زي م هو وبيسأل نفسه :_هي أختفت راحت فين دي
وفضل يدور عليها بعيونه مش شايفها خالص
_فقرر ينزل في الجنينة يشوفها
ليان كان بتحاول تشيال ايد شادي ونجحت في كده ... بعدت عنه وفضلت تكح وبصتلو بخوف
ودموع: ان انت عايز ايه
_بهدوء: اهدي بس وانا هفهمك
_ابعد عني انا مش عايزه اشوفك
_ليان انا اتغيرت والله وعايزك ترجعي معايا البيت
_بدموع:لا انا مش هاجي معاك... انا بكرهك ياشادي بكرهك
_انا عارف وحقك تكرهيني والله... بس انا سبت الشغل واتغيرت عشانك ..انا مستحيل اسيبك تشتغلي هنا
_ليان كانت بتبعد وبتعيط:لا لااا انا مش هاجي معاك
في الوقت ده كان عبدالله واقف مستخبي ورا شجرة وسمع كل حاجه...
راح عند شادي ومسكو من هدومه بغضب:انت مين ودخلت هنا ازي
_وانت مالك انا جاي اشوف ليان
_عبدالله اتعصب اوي وراح ضربه بالبونه علي وشه ووقع علي الارض وأنفه بينزف :قوم ياروح امك انت يومك اسود.
_ليان جريت علي شادي:شادي انت كويس
_بغضب:انتي تعرفيه ياليان
_اه دا دا اخويا
_اخوكي
_ايوه وكان جاي ياخدني معاه البيت
_بغضب:لا مش هتروحي معاه
شادي قام من الارض ومسح الدم :وانت مين اصلا عشان تقولها كده
_عبدالله قرب منه بغضب :هعرفك انا مين دلوقتي
عبدالله كان هيضربة بس ليان وقفت في النص :خلاص يا عبدالله بيه متضربوش انا ..انا هخليه يمشي دلوقتي.
_لا مش همشي غير لما تيجي معايا
_لا مش هاجي معاك انا مصدقت خلصت منك
_ليان عشان خاطري
_امشي يا شادي ..ومتجيش هنا تاني
شادي قرب منها ومسك ايديها جامد:قولتلك هاتيجي معايا
_عبدالله اتعصب اكتر لما مسك ايديها:انت زودتها اوي وشكلك مش هتعديها ع خير.
_بغضب :انت بتتدخل ليه دي اختي
_ليان:خلاص ياشادي قولتلك انا مش جايه معاك
_امشي دلوقتي بدل م هندمك ع اليوم الي اتولد فيه
شادي بص علي ليان بغضب:مش هسيبك يا ليان
شادي خرج من الفيلا... وعبدالله واقف هو وليان
بدموع:انا اسفه يا بيه علي الي حصل
عبدالله لما شاف خوفها ودموعها قلبه وجعو شويه :خلاص ياليان متعيطيش عشان خاطري
_طيب ياعبدالله بيه بعد الي حصل هتخليني اشتغل هنا
_اكيد طبعا ياليان
_متشكره جدا يابيه
_مفيش داعي للشكر.. بس انا عايز افهم حاجه هو انتي مكنتيش عايزه تروحي مع اخوكي ليه
_اتوتر:انا انا عايزه ادخل انام يابيه
_عبدالله حس انها بتتهرب :اممم ماشي ياليان
_تصبح علي خير
_وانتي من اهل الخير
ليان مشيت ودخلت اوضتها...وافتكرت الي حصل وفضلت تسأل نفسها:هو عرف مكاني ازاي... تكون خالتي قالتلو.. انا خايقه اوي انا مصدقت خلصت منو.. خليك معايا يارب ..
تعبت من كتر التفكير ونامت
عبدالله كان قاعد ع السرير وبيفكر في ليان وخوفها من أخوها :انا حاسس ان في حاجه مش كويسه حصل مع ليان.. اصل مش معقول وحده تبقي خايفه من اخوها بالطريقه دي.. مسيري هعرف كل حاجه ....غمض عينه ونام
***************************
تاني يوم الصبح عند ادهم في المستشفي
كان صاحي وحاول يقوم من ع السرير وكان هيقع... بس حد مسكه من دراعه في اخر لحظه
_أدهم اتألم شويه وبص وراه: انتي
_ادهم بيه انت مش شايف نفسك تعبان بتقوم ليه
_انا اتخنقت وعايز اخرج
_طب اهدي انا هتكلم مع الدكتور
_لا كلمي عبدالله
_ح حاضر هكلمو
_انتي جيتي هنا تاني ليه
_عشان اطمن عليك
_شكرا
_تاني يا بيه ..انا قولتلك ده وجبي
_بجد انت إنسانه جميله ومحترمه اوي .
_شكرا يابيه ..انا هكلم عبدالله بيه وهجيلك
_بأبتسامه:تمام
حبيبه خرجت عشان ترن علي عبدالله ومبيردش عليها ...ف راحت تكلم مع الدكتور
دكتور هو ممكن ادهم بيه يخرج من هنا انهارده
_اها ممكن ... بس بشرط لازم يكون في حد معاه ياخد بالة منه الفتره دي
حبيبه فكرت ان ادهم بيه قاعد لوحده ومفيش حد بياخد باله منه.
_تمام ي دكتور اكتبلو ع خروج
_تمام
حبيبة راحت عند ادهم
_عبدالله رد عليكي
_لأ مردش
_بحزن :طيب
_بس انت هتخرج انهارده
_ازاي
_انا كلمت الدكتور.. وقالي انك ممكن تخرج انهارده
_بجد
_اه بس لازم يكون معاك حد عشان ياخد باله منك
_حد مين !انا عايش لوحدي
_م نا عارفه بس ممك.....
_خلاص ياحبيبه.. انا هتصرف المهم اخرج من هنا
_تمام يا أدهم بيه
ادهم وحبييه فضلو يتكلومو في الشغل
***************************
في فيلا عبدالله
قام الصبح خد الشاور بتاعو ولبس بنطلون لون رمادي وتيشرت اسمر وكوتش ابيض وراح علي اوضه حور.. فتح الباب براحه وبص عليها لقها نايمه زي الملايكه... دخل الاوضه براحه ومسح
علي شعرها واتنهد بحزن:متقلقيش يا حببتي هتعملي العمليه بتاعتك وهتقومي بسلامه ونا هعمل اي حاجه لحد متسامحيني... قبّل دماغها وقام
نزل وركب العربيه بتاعتو ومشي
في الاوضه عند حور...كانت حاسه ان في حد بس مش عارفه مين ...قامت براحه وفضلت تتمشي وتسند علي الحيطه لحد م وصلت للباب خرجت وفضلت تنده علي سوسن ...
ليان كانت مع سوسن في المطبخ.. فجأه سمعو صوت حور
_ليان روحي شوفي حور هانم بسرعه
_ليان سابت كل حاجه وراحت عندها بسرعه:محتاجه حاجه يا حور هانم
_انتي ليان
_ايوه انا...
_اعمليلي نسكافيه وهاتيه وتعالي عشان عايزاكي
_حاضر يا هانم
ليات عملتلها النسكافيه وطلعت فوق
_حور هانم النسكافيه اهو
_تمام حطيه جمبي هنا
_حاضر ...تؤمريني بحاجه تاني
_تعالي اقعدي هنا جمبي
_حاضر
_بصي انا معنديش صحاب ونا بزهق وبتخنق من الوحده ونا حاسه انك صغير وقريبه من سني... ف ممكن نبقي صحاب.
_ليان فرحت اوي:اكيد طبعا
..انا كمان معديش صحاب ونفسي يكون ليا صحاب
_تمام ياليان من انهارده احنا صحاب
_تمام.يا حور هانم
_لا متقوليش هنام دي انا بضايق منها اوي قوليلي حور
_حاضر يا حور
ابتسمت لها
_طب بعد اذنك انا رايحه اكمل شغل عشان طنت سوسن متزعقليش
_ماشي ي قلبي
ليان نزلت وفضلت تنضف في الفيلا
وفجأه يوسف دخل ومعاه شنطته
(يوسف سافر عند واحد صحبة قبل م حور تفوق من الغيبوبه)
_بالهفه :ليان هي حور فين
_في اوضتها فوق
_يوسف طلع يجري علي الاوضه وفتح الباب بسرعه لقي حور كانت قاعده في البلكونه واول م سمعت الباب بيتفتح كده قامت مفزوعه:مين الي في الاوضه
_جري عليها وخدها في حضنه بدموع:حورر وحشتيني اوي
_يو يوسف.. وحشتني اوي اوي
_انتي كويسه طمنيني عليكي
_انا كويسه الحمدلله ...المهم انت طمني عليك
_انا كويس...وحشتني رخمتك اوي
حور ابتسمت:لسه زي م انت رخم... المهم عامل ايه في المذاكره
_الحمدلله كلو تمام
_امتحاناتك امتي يافالح
_بعد شهر
_ده قرب اوي.. وانت رايح تتصرمح عند صحابك
بضحك:كنا بنذاكر يا حور
_اها م نا عارفه المذاكره بتاعتكو دي
_خلاص بلاش فضايح
_امممم ماشي بس اهم حاجه تركز في المذاكره بتاعتك
_حاضر
**************************
في الشركة
عبدالله كان قاعد مع حازم
_ها يا حازم عملت ايه في الصفقه
_كسبنها
_بتتكلم بجد
_ايوه يا عبدالله بيه
_طب ومصطفي عمل ايه
_كان هيقتلني...طول الرقت بيهددني
_مش هيقدر يعمل حاجه
..بس كويس اوي ان احنا كسبنها.. والبركه فيك ياحازم
_انا تحت امرك يا عبدالله بيه
_ليك مكافأه
_ربنا يخليك يا عبدالله بيه.. صحيح أدهم بيه بقا كويس
_بحزن:لا انا هكلمو وبعدين هاروحلو المستشفي
_تمام ي عبدالله بيه ...انا هقوم هكمل شغلي
_تمام.
..
حازم خرج وعبدالله فضل يرن علي أدهم
_بحزن:عامل ايه يا أدهم
_بضيق:كويس
_انا هجيلك المستشفي دلوقتي
_لا متجيش.. انا في البيت
_بأستغراب:انت خرجت امتي وازاي
_انهارده الصبح ...حبيبه كانت عندي واتكلمت مع الدكتور وخرجت
_طيب انا هجيلك
_تعالي
عبدالله قفل معاه وطلب حبيبه تجيلو المكتب
_نعم يا عبدالله بيه
_انتي كنتي عند أدهم الصبح
_اه كنت بطمن عليه وانا رنيت عليك عشان تيجي
_ليه أدهم كان تعبان اوي
_لأ كان عايز يخرج من المستشفي.. وقالي ان اكلمك
_امممم والدكتور قالك ايه
_قالي لازم يكون حد معاه يخاد باله منو ويساعدو
_طيب اتفضل كمل شغل
_حاضر يافندم
حبيبه خرجت وعبدالله نزل وركب العربيه ومشي راح عند أدهم
*************************
ليان كانت قاعده مع حور في الجنينه
_ليان احكيلي عن نفسك وحياتك شويه
_ليان بصت في الارض بحزن:
بابا وماما ماتو وكنت عايشه مع مرات ابويا واخويا... كانو معملتهم ليه وحشه اوي كأني كلبه عندهم...لحد م مرات ابويا ماتت وخالتي خدتني اعيش معاها وبعدين جيت اشتغل هنا
_بحزن: ربنا يرحمهم.. متزعليش ربنا هيعوضك عن اي حاجه وحشه شفتيها
_يارب يا حور
_انتي في سنه كام
_انا المفروض اكون رايحه اوله كليه بس مكملتش تعليمي
_ليه بس كده
_اخويا موافقش تشان المصاريف ..بس عبدالله بيه قالي انه هيقدملي علي مدرسه
_عبدالله قالك كده
_اها
_ماشي.. ممكن اطلب منك طلب
_اتفضلي اكيد
_انا زهقت من قعدت البيت وعايزه اخرج ف ممكن تيجي معايا
_اكيد... انا وطنت سوسن رايحين نجيب شويه حاجات ناقصه هنا في الڤيلا ممكن نروح سوا
_تمام ي ليان قبل م تروحي ابقي تعالي عندي في الاوضه عشان انزل معاكي
_حاضر
************************
عند ادهم كان قاعد في الصاله ونايم ع الكنبة وفجأه سمع حد بيخبط ع الباب
_ايوه ثواني
قام بكل صعوبه وفتح الباب لقي عبدالله مسلمش عليه وسابو واقف
_عارف انك زعلان مني بس غصب عني يا أدهم
_عادي ولا يهمك
_حور فاقت من الغيبوبه وعشان كده مجتش عندك
_اييه فاقت امتي
_من يومين
_هي كويسه ..واحكيلي عملت معاك ايه
_اها كويسه...هبقي احكيلك بعدين ..المهم طمني عليك
_انا كويس
_طب دلوقتي مين هيقعد معاك وانت في الحاله دي وهياخد بالو منك
_اتنهد بحزن :انا هتصرف
_انا هبقي اشوف وحده كده تبقي تيجي تاخد بالها منك
_لا متعملش كده ...احم ممكن تخلي حبيبه
_واشمعنا حبيبه!
_عادي انا واثق فيها وهي محترمه وعارفاني.. واحسن الغريب
_ماشي براحتك
بعد وقت طويل وعبدالله مشي و راح البيت وهو في الطريق تلفونه رن وكانت مامته
_الو يا ماما في حاجه
_لا ي بني.. بس حور كانت عايزه تخرج هي. ليان
_ماشي.. انا هكلم إبراهيم ياخد العربيه ويوصلهم ويبقي معاهم
_ماشي يابني
عبدالله فصل مع مامتو وكلم إبراهيم السواق
_الو يا ابراهيم.. عايزك تاخد العربيه وتروح مع حور هانم وليان توصلهم للمكان الي عايزينو وتبقي معاهم ع طول متسبهمش ثانيه
_حاضر يابيه
عبدالله قفل معاه وكل سواقه
*******************************
عند ليان كانت في اوضتها بتلبس (دريس ازرق وطرحه اوف وايت) وطلعت فوق عند حور
_حور
_تعالي ياليان اي رأيك في الطقم ده
(كانت لابسه دريس بيبي بلو وطرحه زرقه زي لون عيونها وكوتشي ابيض وكانت جميله اوي .)..
_جميله اوي مشاء الله
_بأبتسامه:تسلمي ..المهم خدي الفلوس دي عشان لو احتاجتي حاجه هاتيها
_لالا ياحور انا مش عايزه حاجه
_هزعل منك ي ليان
_انا مش محتاجه حاجه يا حور
_عشان خاطري خديهم
_ماشي
حور ابتسمت لها... طب يلا ننزل عشان اتأخرنا
_حاضر
ليان مسكت ايد حور ونزلت
مامت حور:ليان خدي بالك من حور كويس وخليكي ماسكه ايديها ع طول
_حاضر ياهانم
_إبراهيم مستنيكم بره ...يلا ياسوسن تعالي
_حاضر يا هانم انا خلصت اهو يلا يا حور
كلهم خرجو وركبو العربيه ومشيو
بعد وقت قصير وصلو المول وإبراهيم كان معاهم
_طنت سوسن انا رايحه اجيب حاجه من المحل ده انا وحور
_طيب متتأخريش ..وإبراهيم هيكون معاكو
_حاضر
ليان وحور راحو المحل وليان حابت واشترت دريس لونه نبيتي.. .. ورجعت عند سوسن
_خلصتي ياسوسن
_اها ياحور هانم جبت كل حاجه
_طب يلا عشان نرجع البيت
_ماشي تعالي
_إبراهيم:انا هاروح اجيب العربيه وهاجي
كلهم خرجو وإبراهيم راح يجيب العربيه وليان وحور كانو واقفين مستنين
فجأه ظهرت عربيه قدامهم نزل منها تلات شباب خطفو ليان وحور وسوسن فضلت تصوت وواحد منهم ضربها علي دماغها ..واغمي عليها
يتبع الفصل العاشر اضغط هنا
- الفهرس يحتوي على جميع فصول الرواية كاملة :"رواية لماذا هذا" اضغط على اسم الرواية