رواية عاصفة القدر الفصل التاسع بقلم إيمان المهدى
رواية عاصفة القدر الفصل التاسع
صباح جديد على مركب أدهم
أدهم مالك يابنى انت جايبنى هنا عشان تقعد ساكت كدا
خالد. مش عارف أقول إليه او أبدأ بإيه
أدهم. مالك يا خالد أول مرة تبقى مكتئب كدا
خالد. أدهم انت هتعمل إيه مع نور بالنسبة لعلاقتكم
أدهم نعم انت عبيط يالا جايبنى هنا عشان تسألنى عن علاقتى بنور وبعدين انت مالك يعنى خالد اوعى تكون ...
خالد مسرعا. اهدى اهدى يابنى أنا مقصدش أنا بس عندى كلام كتير ومش عارف ارتبه
أدهم. بردوا ايه داخلى أنا ونور
خالد كل مرتبط ببعضه
أدهم. خالد متجننيش احكى واخلص
خالد طيب طيب. فاكر لما كنت ف اولى جامعة وقولتلك ان معجب ببنت وكدا
أدهم. نهارك إسود. تقصد ان نور هي نفس البنت وربى اقتلك
خالد اعقل ياأدهم ووحد الله مش نور خالص
أدهم. ولا أنا جبت أخرى معاك هتنطق ولا انطقك بطريقتى.
خالد. ياعم إهدى اول مرة أحب واتكلم بالشكل دا
أدهم. اللهم طولك ياروح
خالد. البنت ال كنت اقصدها. تبقى بنت فايد سليمان ال... لم يكمل حتى تلقى ضربه ف وجه.اه ياحيوان وتقولى مش نور
خالد يمسك بوجهه بألم الله يخربيتك على نور بتاعتك. مش نور يا أهبل مش نور. سيبنى أكمل كنت فهمت ان أقصد أختها الكبيرة سارة
أدهم. بصدمة يليها ضحكاته المستمرة. مع آهات خالد من شدة اللكمة
خالد كان ينظر لأدهم بعصبيه ايه قولت نكته يخربيتك دى صحوبيه أخدتك عليا
أدهم من وسط ضحكاته. . آسف والله ياخالد
خالد آسف ايه الله بس حرام عليك .. ضربه كمان وهتكسر دروسى حرام عليك انت مركب في إيدك ايه
أدهم. ضربه ف صدره بهزار ما قولت خلاص انت هتعملها زعله
خالد بتأوه. يابنى ابوس إيدك ارحمنى. أنا مش حمل الحديد ال إستبدلته بإيدك
أدهم. ههههه معلش وبعدين انت اتعودت يا خلود
خالد. بس بلاش خالود دى كفايه عليا سلمى
أدهم. بضحك. حاضر اخالود. .. قولتلى بقا ان حبيبت القلب بتاعى زمان تبقى سارة أخت نور
خالد. أه هيا.
أدهم. بتفكير. استنى خالد دى نفس البنت ال باباك سمعك بتكلم سلمى عليها ولما سألك قولته أنك بتحبها ولما سألك عرفتها منين عرف انها معاك ف الكليه سنه رابعة ووقتها رفض موضوع ارتباطك بيها نهائى
خالد. بحزن. أه هيا
أدهم. طيب وانت ايه فكرك بيها انت كنت نسيت يابنى
خالد. عمرى ما نسيت يا أدهم طول عمرى بحبها وانت عارف
أدهم. خالد. أنا فاكر أنك قولت ان حبيبتك اتجوزت. صح
خالد. أه
أدهم. طيب يابنى ازاى وبتذكر. استنى سارة أنا عرفت ان زوجها متوفى من فترة. اااه عشان كدا قلت تجدد الوصال
خالد. وياريت ينفع.
أدهم. عشان أبوك صح. مهو أكيد رفض ف الأول عشان أكبر منك. ودلوقتي بقت أرمله كمان. مع ان محبتش تفكيره. بس فعلا صعب يوافق
خالد. المشكله مش بس ف أبويا
أدهم. ايه غير أبوك
خالد. سارة كانت مرات شريف ابن عمى
أدهم بصدمة انت بتكلم جد معقول بس أنت عمرك ما قولت انها نفس البنت ال اتجوزها ابن عمك
خالد. لما عرفت ان شريف اتقدملها محبتش اتكلم مع أي حد عشان شريف ميعرفش بالصدفة ان كنت بحبها. وانت عارف ان شريف كان غالى عليا قد إيه
أدهم. مش عارف اقولك ايه يا خالد. بس مش يمكن يكون القدر خلاها أرمله عشان ....
خالد بس متمنتش موت ابن عمى عشان اخد مكانه
أدهم. عارف. اقولك انت حاول مع باباك يمكن يوافق
خالد. حتى لو بابا وافق. وسارة وافقت مع ان دا أصعب. تفتكر فايد سليمان هيوافق يجوز بنته لطالب لسه هياخد شهادته بعد شهرين
أدهم. بس أنت شركة باباك موجودة وهتشتغل فيها وحالاكم المادية كويسه جدا
خالد. بس فايد سليمان الغول المصرى ومن أكبر رجال اعمالها لا وكمان دا ليه مركزه ف الدولة هيبص الشركة أبويا ال بنسابله لا تغادر 2 بالميه من شركاته.
أدهم يعنى أنت بالرغم من تعلميك العالى ومستواك المادى. وخايف تطلب بنته الجواز. اومال أنا أعمل ايه وانا مش حيلتى غير حته مركب بستقبل عليها حفلات وبصطاد عليها لما الدنيا تزنق
خالد أنا آسف يا أدهم مقصدش ال وصلك
أدهم. عارف أنك متقصدش. أنا ال مش عارف القدر ليه بيعمل معايا كدا. وعدت نور ان هروح النهاردة اتقدملها أنا اصلا مش عارف هقول ايه او أعمل ايه. لأول مرة أخاف كدا .. خايف أخسر نور اخسر حلم تانى من أحلامى خايف أخسر حبها ليا ابتسامتها جنانها اهتمامها ليا.
خالد كان حزين على صديقه. ال وضعه أصعب منه بمراحل.
أدهم. أنا ماشى عايز اقعد أرتب أفكارى. وأشوف أقدر اقول ايه لفايد كمحاوله ان ميبعدنيش عن نور
ف المساء بأحد الكافيهات على النيل يجتمع محمد ومايا
محمد. هااا ياستى قوليلى بقا ايه ال كان خانقك ومضايقك طول الليل
مايا. .....
محمد. طيب بلاش قوليلى ليه افتكرتينى دلوقتى مع ان رقمى معاكى من شهور
مايا مش عارفة
محمد. مايا. أنا مش هضغط عليكى بس زي ما وعدتك قبل كدا. أنا مستعد أسمعك ف أي وقت وأقدم المساعدة لو حبيتى
مايا. ليه
محمد هو إيه ال ليه ان اساعد حد محتاجنى يبقى ليه
مايا. منكرش ان لأول مرة أنام مرتاحة بعد سماعك وانت بتتلو القرآن كنت مطمئنة جدا
محمد. خلاص يبقى أقرأ لك قرآن دايما لو تحبى
مايا حتى لو عرفت حقيقتى هتفضل تساعدنى بالشكل دا
محمد أي كان يا مايا لازم تفهمى ان من الطبيعى يكون الإنسان بيغلط. دى طبيعة بنى البشر. بس ال مش طبيعى ان يتكرر الخطأ ونقع ف شباك أخطائنا ولا نتعظ بمعنى ان يحصلنا شئ من ورا غلطنا دا ومنرجعش بل نكمل ف الخطأ لما ربنا يعطينا أكتر من فرصة ان نتوب ونرجع إليه مستغفرين. واحنا لسه بنعاند نفسنا ونضيع فرصة بعد فرصة ..
مايا كلامك جميل ومريح محمد أنا عايزة اتعلم اكتر وافهم حاجات كتير متأكدة ان جهلاها بس قبل كل دا لازم اقول الأول ال جوايا تحب تسمعنى
ف المساء أمام فيلا فايد سليمان كان أدهم بيستأذن الدخول لمقابلة فايد.
ادهم. لوسمحت عايز أقابل فايد بيه
الحرس كانوا عارفين أدهم من وقت ما ضربوه بقدر زعلهم عليه بقدر ما هما محبورين على هذا
أحد الحرس ثوانى أكلم الباشا. ورفع سماعة الهاتف أقل من دقيقتين اغلقها. أستاذ أدهم. اتفضل الباشا منتظرك
وأتمنى تسامحنا على ال حصل احنا عبد المأمور
ادهم. كان متضايق لانه رجع لنفس المكان ال اتهان فيه مسبقا ولكن رسم ابتسامه فما ذنب هؤلاء الحرس. ولا يهمك ان مش زعلان منكم
واتجه إلى القصر لتفتح إحدى الخادمات. اتفضل الباشا منتظرك ف غرفة المكتب
أدهم كان مصدوم ومنبهر أيضا بجمال هذا القصر الفخم ملئ بالتحف والحيطان والأعمدة المطليه بماء الذهب
لتقف الخادمة وتتحدث له. عارفة ان مبهور بيه محدش داخله الا وعمل زيك كدا حتى اغنى ناس فى الدوله من شدة جماله واللون الذهبى ال مزين كل ركن فيه وكأنه قصر لملك من ملوك زمان عشان كدا يطلق عليه القصر سليم الذهبى
أدهم بإستغراب. سليم مين
الخادمة. سليم اخوه الباشا الله يرحمه. معرفش إيه سبب ان القصر اتسمى كدا وليه ولاد سليم مش عايشين فيه
أدهم كان بيسمعلها بس للأسف توتره كان مغطى على أى كلام. افكار كتير متضاربه ف دماغه وملامح لحاجات كتير ملهاش معنى حتى أمله الوحيد بقى شبه مستحيل بعد رؤيه هذه العظمه أمامه يمشى خطوات متثاقله ناحيه باب المكتب الذهبى يتصبب عرق ولكن زال كل هذا الخوف والتوتر عند رؤيته لها تقف هناك أعلى الدرج بإبتسامه لتشجعه على الدخول
أدهم ف نفسه يارب حقق لى مبتغاي ودبر لى وقونى ولا تضعفنى امامه
محمد. احكى أنا سامعك
مايا تحب أبدأ منين. من طفولتي أفضل
عند مايا ومحمد
أنا إسمى مايا سليم سليمان. بنت أطيب شخص ف الدنيا. وامى أحن سيدة. أمى مريم
عيلتنا من خمس أفراد
بابا وماما حسام. يبقى اخويا الكبير وانا
محمد بس انتوا أربعة.
مايا لأ كان ليا أخ توأمى واتوفى مع ماما وبابا ف الحادثة. كان عمره وقتها سبع سنوات
بعدها عمى اخدنا وربانا لحد ما بقى أحمد عنده 20 سنه وانا 16 بس عمرى ما ارتحت وسطهم لان حسيت انهم اقتحموا حياتنا وامتلكوا قصرنا القصر الذهبى بابا بناه لماما بطريقة خرافيه من كتر حبه ليها. حاولت كتير اقنع حسام نبعد عنهم وفعلا وافق وعيشنا لوحدنا. بس للأسف عدم راحتى معاهم كانت اهون مليون مرة من وحدتى حسام كان دائما مشغول ف الشركة وانا بعد خسرتى لإهتمام مرات عمى ال كانت بتحبنى زي بناتها وانا دايما كنت متمردة شقيه بسبب احاسيس مش قادرة اميز معناها.
وبدأت أشرب وأسكر وأسهر وعشتها زي ما بيقولوا كدا بالطول والعرض لحد ليله ما قبلتنى كان أحمد بن عمى بيحبنى لما شافنى ف البار بشكل ال كنت عليه. كرهنى. وبعدنى عن حياتهم وكمان فكرنى ان رخيصة وببيبع .... وأكملت ببكاء أنا عارفة أنت عملت أخطاء كتير صعب تغتفر بس والله يا محمد محدش لمسنى أنا عارفة ان مقرفة بس أنا حافظت على نفسى
فيلا فايد
بعد أكثر من ساعة. يخرج أدهم من مكتب فايد. لتتقابل عينيه بعين نور القلقة. تقترب منه فتمسكها سميرة
نور ثوانى ياماما أرجوكى
أحمد. نور اصبرى نشوف بابا قال إيه
نور عشان خاطرى يا احمد ... وتقترب من ادهم ببطئ وخوف من القادم. وما يخبئه قدرها
أدهم بصوت مبحوح. انسينى يانور انسى أنك كنت تعرفى صياد بسيط إسمه أدهم.
نور. بدموع وعدم تصديق لالالالا أدهم إيه ال حصل جوا ارجوك. انت مستحيل تسيبنى مش كدا
ليخرج صوت فايد العالى. نووور.
يلتفت أدهم ليخرج بقلة حيلة من القصر الذهبى
نور أدهم ارجوك انت مش هتتخلى عنى أرجوك متسبنين أنا أموت من غيرك
فايد. بصوت يرج أرجاء القصر أحمد طلع أختك أوضتها.
ثم يتجه لغرفة مكتبه. ويقوم بإتصال بأحدهم. أدهم البحيرى يختفى بأي طريقة
المجهول. لحد امتى هتفضل تأذيه مع أنك متأكد ان أدهم ليه الحق ف نور بل ف حياتك كلها
فايد. لو أدهم مبعدش انت عارف العواقب ال هتحصله وهتحصلك. لازم يبعد مش بس عن بنت فايد سليمان لأ عن مصر كلها واتذكر لما فكرت تعصينى قبل كدا أنا عملت فيك إيه
المجهول الا أدهم وكفايه ال عملته فيه وانا هبعده عنك وعن بنتك لإن قربه منك لعنه
يتبع الفصل العاشر اضغط هنا
- الفهرس يحتوي على جميع فصول الرواية كاملة :"رواية عاصفة القدر" اضغط على اسم الرواية