Ads by Google X

رواية روح الفصل الخامس 5 - بقلم ريم احمد

الصفحة الرئيسية

رواية روح البارت الخامس 5 بقلم ريم احمد

رواية روح كاملة بقلم ريم احمد

رواية روح الفصل الخامس 5 بقلم ريم احمد

روح:الله يسلمك يا استاذ أنس،عن اذنكو ي جماعه انا هضطر امشي دلوقتي عشان ورايا مشوار بكرا الصبح بدري.
ام روح استاذنت ومشيو وكان جواها شك كبير جدا لان روح كانت طول القاعده سرحانه واول ما جه أنس عنيها لمعت بحزن وقررت تمشي ف ساعتها.
ف الاوضه عند روح
قاعده علي سريرها وباصه قدامها ف الفراغ..نفسها تعيط بس مش عارفه،جواها حاجه بتقولها مينفعش..هتعيطي ليه وعلي ايه؟..
هو مش ليكي.

ودا كان صوت عقلها بس ف الاخر انتصر صوت قلبها وعيطت..عيطت كتير اوي عيطت بكل وجع وخوف وحزن وخذلان شافتو الايام ال فاتت..عيطت علي الشخص ال حبته وهو اصلا مش حاسس بيها.
وبعد صراعات كتير اوي بين قلبها وعقلها نامت...نامت ودموعها علي خدها زي كل ليله
(خارج الروايه)
مفيش حد يستاهل نعيط عليه ابدا ايا كان صاحب،حبيب..وهكذا

كل دول علاقاات يعني فيه احتمال للفشل واحتمال للنجاح
متخليش حبالك كلها متشعلقه ف الشخص دا
خلي حبل كرامتك وعزة نفسك وقوتك معاك انت خلي مفتاح قلبك معاك..مش من حق اي حد انو يعرف نقطة ضعفك...ونقطة قوتك وليه ف طبعا كلنا عارفين ويمكن كمان كلنا مرينا بتجارب مش لطيفه بس اتعلمنا منها كتير ودي حاجه ف صالحنا)
نرجع للروايه
وبتمر الايام علي ابطال روايتنا ومفيش جديد يُذكر
بعد ٦شهور
أنس وامنيه قربو يخلصو حاجتهم واحتمال كبير يكون فرحهم ف الشهور الجايه. 
عند روح 
روح بدات تنزل الكليه وتفوق ل نفسها شويه. 
ف الكليه. 
روح: يلا يا دينا هنتاخر
دينا: بقلك ايه.. بلاش نحضر خالص بيقولو فيه دكتور جديد جاي انهارده بس رخم اوي وشكله هيقرفنا.. بقلك ايه؟؟  بلاهاا محاضره خالص. 
روح: دا انتي معدل الاستعداد للفشل عندك عالي اوي وخلينا يلا نخلص عشان نتخرح بسلام. 
ودخلت روح ودينا القاعه ولسوء حظهم دخلو بعد الدكتور ب٥دقايق 
د/عماد: ايه يا اساتذه ما لسا بدري و.. و.. و.. وفضل يتكلم كلام الدكاتره ال احنا عارفينو دا وكان كل كلامه موجه ل دينا ولسا مشافش روح ال حاطه  وشها ف الارض وبتفرك ف ايدها بتوتر وكسوف لانها اول مره تتحط ف موقف زي دا.. واول ما روح رفعت وشها. 
د/عماد بصوت مسموع نوعا ما: بسم الله ماشاء الله
روح ودينا استغربو اوي وقالو ف نفس الوقت: ننعمم؟ 
د/عماد بتوتر: هه لا لا ابدا مافيش حاجه يلا اتفضلو عشان وقت المحاضره وبلاش تاخير تاني. 
د/عماد طول المحاضره كان بيشرح لكن باله وقلبه ف مكان تاني خاالص، قلبه كان عمال يدق جامد اوي وهو مستغرب دا جدا... معقول يكون حبها من اول نظره؟ 
ممكن ليه لا... روح فعلا جميله  ك شكل و ك روح وتخطف قلب اي حد خصوصا د/عماد لانها تشبه والدته جدا. 
ومن اليوم دا ودكتور عماد بيحاول يقرب من روح بأي طريقه واي حجه ودايما بيخترع حجج سخيفه عشان يقف يتكلم معاها ونسي انو دكتور ف الجامعه مش شاب مراهق مستني اي فرصه عشان يتكلم مع البنت الِ بيحبها.. وروح كانت واخده بالها وحست ب تصرفاته دي نوعا ما وكل مره كانت بتحاول تصده وتلمح ليه انها مش حابه كدا لانها مكنش ينفع تقولها صريحه.. مهما كان هو برضو الدكتور بتاعها ومضطره تعاملو بإحترام. 
د/عماد كان معجب جدا بروح.. ادبها، اخلاقها، جمالها، وعيونها ال خطفوه من اول نظره وبعد ما فشل بكل الطرق انو يتقرب منها... 
عند روح ودينا
دينا كانت ماشيه ف طريقها لقاعة المحاضرات عشان نسيت ورقها هناك وسايبه روح لوحدها ف الكافتريا. 
د/عماد شاف دينا خارجه من الكافتريا وطبعا استنتج ان روح موجوده جوه لوحدها  ف قرر انو يروح يكلمها ف موضوع الجواز وانه حابب يتقدم ويدخل الباب من بيتو وفعلا دا حصل والحوار دار بينهم كالاتي. 
د/عماد: احم... انسه روح اخبارك؟ 
روح اتخضت واستغربت شويه بس ردت باحترام: تمام الحمد الله
د/عماد: تسمحيلي اقعد؟ 
روح: ااه اكيد اتفضل. 
د/عماد: بصي يا روح انا هكلمك بكل صراحه انا معجب بيكي جدا  ومش هقولك نرتبط ولا نتصاحب لا انا عايز ادخل البيت من بابه وتكوني ليا ف الحلال وطبعا المشاعر ال جوايا تجاهك اكبر من الاعجاب بكتير ان شاء الله لم يكون بينا حاجه رسمي هتعرفيها ودا لاني مش حابب اوترك اكتر من كدا...  ياريت اعرف رايك ايه ف الموضوع دا دلوقتي واتمني اني اجي اقابل والدتك ف اقرب وقت... ها يا انسه روح رايك ايه؟؟ 

google-playkhamsatmostaqltradent