رواية قوة امرأة الفصل الخامس بقلم جهاد محمد موسى
رواية قوة امرأة الفصل الخامس
قطعت سيلا كلام الجد ومحمود وهدى
سيلا بصدمه / يعنى اى الكلام اللى سمعته يعنى انتو اللى كتبتوا فى الوصيه ان جميله لازم تتجوز زين ومش عموا الله يرحمه هو اللى عمل كده انتو عارفين لو جميله عرفت الحقيقه دى هتعمل ايه
محمود بتوتر / احم كان لازم نعمل كده يبنتى اول سبب ان مكنش ينفع زين يبقى عايش بعيد عننا علطول وتانى سبب انتى شايفه ان جميله عصبيه جدا ومبتحبش حد يفرض رأيه عليها وكان لازم ندخل حد فى حياتها يقدر يغيرها
الجد / طبعا حبيبت جدو مش هتفتن علينا صح
سيلا / احم لا طبعا لازم اقولهم
محمود / اه يبنت ال* ك* ل* ب
سيلا / احم اكيد طبعا معاكو يحج بس لزمته اى التهزيق يعنى
هدى / تعرفى لو قدرنا نخلى زين وجميله يحبوا بعض دى تبقى معجزه
سيلا / امممم بس فى مشكله
الكل اى هى يفيلسوفه
سيلا / البت اللى اسمها ميان دى نظراتها لزين مش مريحانى
الجد / ودى نعمل معاها اى شكلها مش مريحنى
محمود / سهله يحج نراقبها
الكل تسدق فكره
الجد / طب يلا كل واحد يطلع على اوضته عشان ينام وبكره يبقى يحلها ربنا
الكل تصبح على خير
الجد / وانتو من اهله يحبايبى
طلع كل واحد اوضته ينام
اما عند ميان كانت فى اوضتها عماله تفكر فى الكلام اللى زين قالوا لجميله اما كانوا فى الجنينه و ازاى متخليش زين وجميله ميقربوش من بعض وتعبت من كتر التفكير
ونامت
تانى يوم اشرقت الشمس نورها معلن عن يوم جديد ملئ بالمفاجأت
عند جميله صحيت من النوم على صوت المنبه بنشاط لتبدا شغلها فى الشركه بعد اجازه ليست طويله دخلت الحمام اخدت شاور لقت زين لسه نايم
جميله / احم زين زين زين زيييييييييين
زين قام من النوم مفزوع
زين / اى يبنتى حرام عليكى فى حد يصحى حد كدا
جميله / منت اللى نومك تقيل اعملك اى وكفايه صوت المنبه لوحده
زين / امم صاحيه بدرى كدا لي
جميله / انت ناسى ان احنا نازلين الشركه النهارده عشان نتابع الشغل
زين / امممم وبعدين انتى اى غيتك انت تقفى قدامى بالبرنص
جميله / احم نسيت انا هلبس على متاخد الشاور بتاعك عشان ننزل نفطر
زين بخبث وهو بيقرب منها / متيجى تعيدى الشاور بتاعك مره كمان
جميله كانت مبرقه من جرأته
جميله / ها
زين بضحك على شكلها اللى متنح وقرب اكتر / بقولك خدى الشور بتاعك كمان مره
جميله وركزت فى كلامه
جميله بعصبيه / انا هروح اللبس عشان لو كسرت الزهريه دى على دماغك هيبقى قليل عليك
زين افتكر لما كانوا صغيرين
فلاش باااااااااااك
زين وجميله كانوا صغريين
جميله / زين جيب اللعبه بتاعتى عشان معوركش
زين / لا اعتزرى الاول وانا اديهالك
جميله / بقولك جيب اللعبه بتاعتى وإلا متعرفش انا ممكن اعمل فيك اى
زين / باه ده كلام طفله بس يشيخه
جميله / بحذرك لأخر مره جيب العربيه بتاعتى
زين/ اعتزرى الاول
جميله / حاااضر
جميله / اللى وراك ده
زين بص وراه وجميله استغلت الموقف وخبطته بالزهريه على دماغه ونزف دم وفضل مكان التعويره معلم
باااااااك
زين حط ايدو على راسه مكان التعويره
جميله وعرفت هو بيفكر فى اى
جميله / ها هتبعد ولا نعيد المشهد تانى
زين بقلق / لا الطيب احسن
دخل زين اخد شاور ودخلت جميله غرفه الملابس طلعت جيبه لغيط الركبه لونها ازرق وبليزر نفس اللون و شميز ابيض قصير وجزمه كعب لانها قصيره وروج احمر تقيل
وفضلت مستنيه زين
اما زين خرج من الحمام ولبس بنطلون جينز ازرق وتيشرت ابيض وحط بيرفن وخرج لجميله وفضل متنح لجميله من جمالها
زين / احم يلا
نزلوا تحت لقوا الكل قاعد قعدوا على السفره
الجد/ صباح الخير يولاد
زين وجميله صباح الخير يجدو
سيلا / زين ممكن تاخدنى فى طريقك الجامعه بتاعتى
زين / طبعا يروحى خلصى فطارك وانا مستنيكى فى العربيه ونده على ميان اللى كانت مركزه معاه جدا
زين / ميان ميان مياااااان
ميان / احم نعم يفندم
زين / احمد نازل مصر بكره انتى وهو هتابعوا الثفقه وانا هتابع الشغل مكان بابا
ميان بمياعه / حاضر يفندم هو حضرتك هتسافر امتا
رد محمود بسرعه / زين حبيبى مش هيسافر تانى صح
زين / بفكرفعلا انقل شغلى فى مصر
جميله بغيظ/ احم انا فطرت
زين / يلا يسيلا عشان اوصلك وانتى يميان يلا عشان تيجى معايا
ميان بفرحه / حاضر يفندم
جميله بغيظ / انا هروح بعربيتى وانتو تعالوا ورايا
ركبت ميان وسيلا مع زين وجميله فى عربيتها وصل زين سيلا الكليه وراح على الشركه عن طريق ال الابلكيشن بتاع مكان الشركه
وصلت جميله الشركه ودخلت كانوا الموظفين مش شايفين شغلهم واول ما شافوا جميله كل واحد راح على مكتبه وباركوا لها على الجواز
جميله مكنتش بترد على حد ودخلت مكتبها
اما زين هو وميان وصلوا الشركه واول ما دخلوا الموظفين البنات تنحوا من جمال
زين
زين دخل لجميله المكتب
زين / احم شكلى هشرفك هنا فى مكتبك على ميعملولى مكتب
جميله / انا مش قولتلك متجبش البتاعه الملزقه دى معاك
زين بخبث / ميان دراعى اليمين فى كل حاجه ومقدرش استغنى عنها حتى خليتها تنزل معايا مصر
جميله / طيب طبعا انا مش هستحمل انك تقعد معايا فى المكتب انا هروح مكتب بابا الكبير وانت تقعد فى مكتبى اهو على قدك
زين بغيظ / طيب انا هنزل كافيه الشركه اشرب قهوتى على ما تنقلى حاجتك
جميله / طيب
بعد فتره كانت جميله نقلت الحاجه اللى كانت فى مكتبها الى مكتب بباها كان مكتب فخم جدا ورتبت كل حاجه فيه
جميله فى نفسها اما اروح اشوف استاذ زين راح مكتبه ولا لسه مع البت الملزقه بتاعته دى
كانت ماشيه لمكتب زين وفتحت الباب فجاه اتصدمت من اللى شافته
يتبع الفصل السادس اضغط هنا
- الفهرس يحتوي على جميع فصول الرواية كاملة :"رواية قوة امرأة" اضغط على اسم الرواية