Ads by Google X

رواية التوأم الفصل الرابع 4 بقلم ايمان

الصفحة الرئيسية

   رواية التوأم الفصل الرابع بقلم ايمان


رواية التوأم الفصل الرابع

يلا يا ضحى خدى أختك وطلعيها اوضتها عشان ترتاح اكيد محتاجة تنام بعد التعب بتاع انهاردة 
حاضر يا بابا
توفيق
أيوة يا سعاد
انا عوزة اتكلم معاك
وانا كمان  محتاج اتكلم معاكى تعالى نقعد فى أوضة المكتب ونتكلم براحتنا
دى اوضة سهى على فكرة
بجد
ايوة استنى كده
وفتحت ضحى أحد الادراج وأخرجت برواز صغير وناولته لرغد وهى تقول شوفى دى
ايه ده دى أنا
شوفتى بقه ان كان عندى حق اقول انكم فوله واتقسمت نصين
واخذت منها الصورى مره اخرى واعادتها مكانها واغلقت عليها 
انتى شلتيها تانى ليه
رغد انتى خلاص حتعيشى معانا على طول فلازم تعرفى حاجة مهمه
ايه هى
ياريت يعنى ما تجبيش سيرة سهى نهائى ولا تسألى عنها . بابا مش بيحب سيرتها فياريت ما تضيقهوش
طب ولا حتى انتى ممكن تكلمينى عنها
ولا انا ولا اى حد تانى احنا كلنا مجروحين منها اوى 
بس واضح ان اكتر واحد اتجرح منها هو عمر اكتر من بابا نفسه
فقالت ضحى بشك : عرفتى ازاى
من مقبلته ليا مش عوزة ذكاء يعنى
بصى انا مش حقدر ولا مسموح ليا اتكلم فى اى شىء دلوقت لكن يمكن فى يوم من الايام اقدر اقولك كل حاجة
ليه !!!! ليه يا توفيق ماقولتلهاش كل حاجة
انا لازم ارتب افكارى الاول وبعدين ابقه اقولعا كل حاجة لكن دلوقتى لا ومش عاوز حد منكم كمان يقول لها حاجة
بس ضحى معاها فوق واكيد يعنى حتسألها عن اختها 
انا قولت لضحى ما تقولش حاجة وانا عارفها ذكية وحتعرف تخلص من أسألتها
خلاص يا توفيق اللى تشوفه . انا بس قلبى وجعنى على عمر
سعاد عمر راجل وحيعدى الازمة دى بخير ان شاء الله
كان ابتدا يعديها فعلا لولا ظهور رغد المفاجأ لينا كلنا ده
رغد غير سهى يا سعاد صحيح انا مقضتش معاها غير اسبوع واحد بس  . سبحان الله مع ان سهى اتربت معايا ورغد مع امها لكن الحكاية اتعكست
ازاى
رغد طلعه زى بالظبط وخده نغس طبعى اما سهى فنسخة طبق الاصل من أمها
مقولتيش بقه حتنامى على طول ولا نرغى شوية
لااااااا فى الحقيقة انا محتاجة انام
طب خلاص يا حببتى اسيبك تنامى والايام جاية كتير للرغى يلا تصبحى على خير 
وانتى من اهله
بمجرد ان خرجت ضحى واغلقت الباب اخذت رغد تحادث نفسها : ايه يا رغد مش كنتى ميته من التعب وعوزة تنامى قلقانه اوى كده ليه دلوقتى ، يمكن عشان غيرت مكان نومى ولا عشان العيلة الجديدة اللى انضميت ليها ، عادى ما انتى متعودة طول عمرك على تغير مكان نومك وكمان العيلة بتعتك ، بسبب جوزات ماما يلا الله يرحمها ، بس شكل بابا طيب اوى ومن اول يوم وانا حسه معاه بالامان أحساس كنت مفتقداه طول عمرى كمان طنط سعاد شكلها ست طيبة اوى وضحى مسلية جدا وشكلها هى كمان طيبة زى بابا وطنط سعاد .  مفيش غير عمر اللى مش عارفة بقه موقفة منى ايه لانى اصلا ملحقتش اتعرف عليه او اتكلم معاه بتمنا يارب تكون حياتى الجديدة دى احلى حياة وأكون أخيرا وسط العيلة اللى بتمناها طول عمرى
صباح الورد ياقمر
صباح الخير يا ضحى
شكلك معرفتيش تنامى
فى الحقيقة أيوة لسه مش وخده على المكان
طب يلا عشان انا وماما حضرنا الفطار يلا بقه انزلى بسرعة عشان نفطر سوا
نزلت رغد على الفور مع ضحى وكان توفيق قد سبقهم الى السفرة فتحلق الجميع حوله 
صباح الخير يارغد
صباح النور يا بابا
ثم قال : هو عمر لسه نايم ولا ايه
سعاد : عمر صحى من بدرى وقال انه حيسبق على الشركة
فأجابها توفيق متفهما : اه طب كويس . وانتوا يا بنات ناوين تقضوا يومكم ازاى انهارده
ضحى : انهاردة حنقضيها رغى مع بعض احنا لسه متعرفناش على بعض كويس 
نفسى يا ضحى تقوليلى مرة حتعملى حاجة مفيدة غير الرغى 
يا بابا ده الرغى ده افيد حاجة صدقنى
فضحك الجميع من حديث ضحى
طب يلا بقه اسبكم والحق شغلى انا كمان
بقولك يا رغد ايه رايك نقعد بره فى الجنينه قبل ما الشمس تحمى القعدة فى الوقت ده حلوة اوى
كده خلاص موافقة
خلاص حدخل اعمل كوبايتين شاى بلبن وجرى على الجنينة ولا انتى ملكيش فى الشاى بلبن
بالعكس انا بحبه اوى
هاا بقه ياستى احكى لى عنك عن هوياتك حياتك حكاياتك كده يعنى 
انا ياستى طبعا بما انى خريجة فنون جميلة فمن هوياتى الرسم وبحب اسمع مزسيقى وبحب القراءة
ييييييه بتحبى القراية زى بابا وعمر 
ليه انتى مش بتحبيها
لا مليش غير فى المجلات عشان فيها صور
فانفجرت رغد فى الضحك ثم قالت : كلمينى بقه انتى عنك
انا ياسيتى من اعز واهم واحلى هواياتى
اسرعت رغد بقول : الرغى
صح مين قالك
وهى دى محتاجة حد يقولى عليها ما هى باينه لوحدها
تصدقى عندك حق
وانفجر الاثنان فى الضحك 
المهم ايه تانى غير الرغى بتحبيه
الشوبينج انزل الف كده ع المحلات والمولات انا وسميرة وجميلة اصحابى . اننى بتحبى الشوبنج 
لااااا الحقيقة انا مش من محبى اللف فى المولات والمحلات
سبحان الله شكلكم شبه بعض فى الشكل بس مش فى الطبع انتى طبعك ميال لبابا اكتر
ليه هى سهى كانت بتحب الشوبينج
جدا دا غير انها كمان كانت بتكره القراية وكانت بتقول على الشاى بلبن ده بتاع العيال الصغيرة وكانت بتضحك عليا لما تشوفنى وانا بشربه
ااااااه
ووجدتها شردت قليلا فقالت ضحى مغيرة الموضوع حتى لا تسألها مرة اخرى عن سهى  : على كده بقه حتستمتعى بالمكتبة اللى هنا
ايه هو هنا فى مكتبة
ايوة مش بقولك بابا وعمر بيحبوا القراية وعملين بقه ياستى مكتبة كبيرة فى اوضة المكتب فيها كتب متنوعة 
بجد
تعالى معايا وشوفى بنفسك
وأخذتها ضحى من يدها الى حجرة المكتب وقالت وهى تشير الى المكتبة : اتفضلى يا ستى شوفى بنفسك
فقالت رغد بفرح : الله المكتبة فعلا جميلة جدا وضمه مجموعة كتب شيقة
اه بس بقولك ايه اوعى الكتب تاخدك منى انا ما صدقت حد ارغى معاه
خلاص ياستى حبقة اخلى ساعة كده قبل النوم للقراية وباقى اليوم للرغى اتفاقنا
حلو كده اتفاقنا
فى مكتب توفيق بالشركة 
ايوة يا بابا فى حاجة فى الشغل
طب اقعد الاول كده وارتاح
فجلس عمر وهو لا يريد النظر لوالده
مش عاوز تبص فى وشى ليه زعلان منى ولا مخصامنى
ايه انا ازعل منك يابابا او اخصمك دا مش ممكن ابدا
طب امال بتكلمنى وعنيك بتهرب من عينية ليه
عشان مش عاوز اشوف فى عينيك انى صعبان عليك
عمر انت عارف انى طول عمرى بتعامل معاك مش معاملة الاب احنا طول عمرنا اصدقاء ولا ايه
طبعا حضرتك طول عمرك اعز اصحابى كمان
طب ممكن بقه اقولك ان حالك ده مش عجبنى 
ولا عجبنى انا كمان بس اعمل ايه
تخرج يابنى ترحع لاصحابك تخرج وتتفسح وتنبسط زى اى شاب فى سنك انا وامك نفسنا ترجع عمر بتاع زمان اللى الضحكة الحلوة مش بتفارق وشه
كنت بحاول استرد نفسى لحد لما ظهرت تانى فى حياتى
يابنى ارجوك فرق اللى فى البيت دى رغد رغد مش سهى
بحاول اقنع نفسى يا بابا بس مش قادر
طب تحب تاخد اجازة من الشغل كام يوم كده وتسافر اى مكان تغير جو
لا الشغل ليا احسن 
طيب يا حبيبى اللى يريحك
بتعملى ايه يا رغد مش قولتلى القراية بليل
اصلى مقدرتش امنع نفسى عن الكتب دخلت اتفرج عليها تانى واختار الكتاب اللى حبدء بيه
وفاجأة وجدا الاثنان عمر يدخل عليهم المكتب وقد اصابه ارتباك شديد عندما تفاجأ بها امامه فقال : السلام عليكم
وتوجه على الفور الى المكتب ليبحث عن شىء
رد الاثنان السلام . ثم قالت ضحى : ايه اللى رجعك بدرى يا عمر وبتدور على ايه
انا فى ورق مهم كنت حطه هنا امبارح ومش لاقية
فقالت رغد على الفور : اه كان فى ورق مش مترتب رتبته وحطيته فى الدرج ده
واشارن له على الدرج الذى وضعت به الاوراق
ففتح عمر الدرج بعصبية وأخذ الاوراق وتأكد من انها هى ما كان يبحث عنه ثم اتجه اليها وهو يقول بغضب : انتى ايه اللى خلاكى تشيلى اوراقى وايه اللى خلاكى ترتبى المكتب اصلا انتى مالك اوعى تقربى من اى حاجة تخصنى تانى انتى فهمه
كل هذا وهى تنظر له فى ذهول ولا تستطيع النطق 
وبعد ان اكمل كلامه تركهم وانصرف على الفور 
فانطلقت رغد الى حجرتها وهى تبكى

يتبع الفصل الخامس اضغط هنا
  • الفهرس يحتوي على جميع فصول الرواية كاملة :"رواية التوأم" اضغط على اسم الرواية 
google-playkhamsatmostaqltradent