Ads by Google X

رواية الملتزمة الصغيرة الفصل الثاني والثلاثون 32 بقلم سمر ابراهيم

الصفحة الرئيسية

        رواية الملتزمة الصغيرة الفصل  الثاني والثلاثون بقلم سمر ابراهيم


رواية الملتزمة الصغيرة الفصل  الثاني والثلاثون 

الجد:- نفس لمي هدومك ومش عايز أشوف وشك هنا تاني 
الكل عينة لتحت في اللي زعلان من نفس واللي زعلان عليها بس ولا وأحد يقدر يتكلم أحترم لجدهم 
نفس:- حاضر بس أنا جيت هنا من غير حاجة وأمشي زي ما جيت من غير حاجة بس في ليا حاجة وحدة ممكن أطلع أجيبها بعد أذنكم 
نفس طلعت أوضتها أو اللي كانت تعتبر أوضتها ودموعها نزلت وفضلت تصبر نفسها 
نفس:- وبعدين ي نفس ما أنتي كنتي عارفه أنه هيجي يوم وتبعدي وتفارقي بس بعد ما تحبي وتتعلقي بعد ما قلبك يتعلق بيهم وبالمكان بتبكي ليه عشان الظلم صعب ما أنتي سترتي عليها لازم تتحملي جزاء الخير اللي بتعمليه ولا عشان خيبة الأمل وقلت الثقة ولا لأنه خلاص وقتك معاهم خلص وجه وقت الفرق ما أنتي كنتي عايزة تمشي بمزاجك أمسحي دموعك ويلا بقى بلاش وضعف أنت قوية وقدامك رحلة طويلة لوحدك 
فضلت تبص على سريرها ودلابها على لبسها كل حاجة لعبها الشكولاته اللي مش خلصتها سابت كل حاجة ومسكت صندوق صغير ونزلت وهي بتتأمل المكان لأخر مرة تشوفه 
مريم:- وايه دا كمان خدتي الدهب بتاعنا يـ حرامية 
نفس بصت ليها بحزن وسكتت 
مريم أتعصبت وضربت الصندوق من أيدها وقع على الأرض ونزل منه كل اللي فيه تحت رجلين الكل  كان فيه كمام وقطع من قميص أويس ورسايل كتبتها من البيت كله في ورق الوان كل عيد يكتبوا ليها زكريات قلم جدها المفضل اللي خدته منه بعد عذاب حمالت مفاتيح بتاعت عامر وأنسيال فضة من مريم كانت شوية حجات قديمه من كل وأحد في العيلة بس نفس أحتفظت بيهم من صغرها وهي بتجمع ذكريات لليوم دا لما يبقوا من الماضي بالنسبة ليها  
نفس نزلت لمتهم وجات تمشي وقفها صوت مريم :- مفكرة كدا تصعبي علينا حسبي الله ونعم الوكيل فيكي ي نفس ذي ما كسرتي قلبي على بنتي يكسر قلبك 
نفس فاض بيها:- حسبي الله ونعم الوكيل في كل حد ظلمني ومش مسامحة على وجع قلبي اللي سببته ليا وأنت ي جدو أول وأحد على قد ما كنت عارفه أني اليوم دا جاي وأنت طمنتني وعلى قد حبي ليك كسرت قلبي والبت الصغيرة اللي فكرتكم عيلتها ومستحيل تتخلوا عنها ظلمتوها والظلم وحش اوي  كسرني فراقكم اكتر من موت ماما ومش مسامحة حد كسر قلبي منكم كلكم 
ومشيت بحزن الجد قعد بتعب وعيونه فيها دموع ايوه الكبير بيبكي على فرقها وقدام الكل بيبكي على كسرتها اللي حسها من كلامها بيكي على ضعفها اللي في عيونها بيبكي على بعدها بعد العمر دا نفس كانت أغلى من كل أحفاده كانت اللي بتهتم بيه تراعي السن بتاعه تفهمه من غير كلام ترفع معنوياته وطمنه في سن يأس فيه من الحياة علمته حاجات اكتر من اللي أتعلمها في حياته كلها 
عامر:- بابا كلنا متأكدين أن نفس عملت كدا لسبب قوي أرتاح وبكره نعرف السبب وهي ترجع زي الأول قلبها طيب وبتسامح بسرعة  
الجد:- نفس  
وأغمي عليه الكل جري واتصلوا بالدكتور وبعد دقائق فاق وفضل ساكت بعد ما نقلوه اوضته
،،،،،،،،،،،،،،،،،،سمر إبراهيم إبتسامة عابرة 
عند نفس خرجت الجنينة المكان اللي كانوا يتجمعوا فيه ديما وتعمل مسابقات يحضروا مطشات وفضلت دموعها تنزل وراحت على اوضة الچيم اللي قضت فيها معظم وقتها المسبح هنا كانت تفضفض لمريم كل أسرارها مريم اللي كسرتها لما جات على بنتها رفعت رأسها لفوق شافت أويس وقف في البكونه كان نفسها تقوله أنزل بعدني عنهم كلهم خدني بعيد عن العالم كله أحميني من الليل أنا خايفة مش قوية زي ما بظهر للكل حست الدفئ والأمان راح والشتاء بدأ من دلوقتي شاورت ليه بأيدها سلام ⁦👋
أويس:- نفس 
وجري على تحت شاف جده الكل متجمع حوليه وهو تعبان 
أويس:- جدو هو حصل ايه 
منال:- جدك تعبان ي أويس بسبب نفس 
أويس:- هي مشيت ليه مين قالها تمشي منكم  
عامر:- جدك ولو كسرت كلمته أو عرفنا أنك كلمت نفس أو رحت ليها لا أنت ابني ولا أعرفك 
أويس:- وتعبان ليه بقى لتكون زعلان عليها مثلاً ي جدو وأن كان عليا مش رايح ليها ي بابا لأني خلاص خصرت نفس بسببكم بس من اللحظة دي لا أنا عايز أكون أبنكم ولا أعرفكم أنا تعبت قد ايه عشان أوصل ليها تمن سنيني اليوم يعدي عليا بسنة كل يوم أحلم تكون معايا حرمت نفسي من لمست أيدها من أني أكلمها كلمة حرام وفي الأخر بسبب غلطة صغيرة قد كدا تحرمني منها ليه حرام عليكم 
عامر:- أنت مش شايف جدك تعبان جاي تزود عليه 
أويس بسخرية:- لا ألف سلامة عليه ألف سلامة على اللي كسر قلبي ألف سلامة على اللي حرمني منها لأنه كبير العيلة أحنا المفروض نسمع كلامة كلنا 
عامر ضرب أويس بالقلم والجد ساكت وبيسمع كلام أويس زي السكاكين بينزل على قلبه الضعيف بحكم السن 
عامر:- أنت بترفع صوتك على جدك ي أويس نسيت نفسك 
أويس:- أنا أسف مش قصدي بس أسمح لي أشوفها أنت عارف أن كلامك سيف على رقبتي مستحيل أكسره أسمح لي أخدها لمكان بعيد أسمح لي أحميها أكيد خايفة لوحدها الوقت أتأخر وهي لوحدها في الشارع أرجوك خليني أقف معاها في وقت ذي دا محتاجه ليا  
عامر:- خالد أخوها خدها ي أويس هي معاه دلوقتي أتصلت على الحراس وهما قالولي كدا 
أويس طلع اوضة فضل يكسر كل حاجة ويصرخ أنه بيكرهم كلهم حتى نفس بيكرها لأنها بعدت عنه قلبه كان حاسس أنها هتمشي وهو عاجز يرجعها 
،،،،،،،،،،،،،،،،،سمر إبراهيم إبتسامة عابرة 
نفس خرجت من الفيلا تحت نظرات الحراس لقيت خالد وقف منتظرها لوحده شكلة رجع فرح بيته 
خالد:- تعالي ي نفس 
نفس بصت ليه بتوهان:- أجي فين  
خالد:- تيجي بيتك وبيت أخوكي 
نفس:- أنا مليش حد أنا وحيدة لا أب ولا أم ولا سند أنا طول عمري وحيدة 
خالد حضنها بحزن:- أنا هنا ي نفس 
نفس:- أنت أنت خدت تمن كسرة قلبي كام ي خالد مين دفع ليك منهم مين اللي مش حابب وجودي وبيعمل فيا كدا طيب قولي ريحني بعت كسرة قلبي بكام والمرة الجاية تبيعني لواحد عجوز ولا شمام 
خالد حضنها ونفس سابت نفسها وهربت من حضنه بصمت رهيب ومشيت تايهه مش عارفه تروح فين 
خالد مسك أيدها وركبها التكس اللي كل شوية صاحبة ينادي عليه يركب لأن الوقت أتأخر 
نفس رحت عند خالد وكانت شقة بسيطة أشترها لما باع البيت بتاع أهله 
فرح:- نفس أنتي كويسة 
نفس بصت ليها بحزن:- عملت ليكي ايه ي فرح تعملي فيا كدا أنتي كمان قبضتي ولا عمل أنتقام 
فرح:- لا والله ي نفس خالد قالي أنتي كنتي عايزة كدا عشان بعد بكره تسافري روسيا خالد جهز ليكي كل حاجة الطيارة بعد يومين ي نفس المفروض تكوني مبسوطه 
نفس:- ههههه خالد قبض تمني ذي ما قبض تمنك يبيع ويشتري فيا براحته مرتاح دلوقتي مبسوط لما تقبض الفلوس أفتكر أن دي كانت سعر كسرتي أنا أنهاردة أصعب يوم حتى موت ماما كان أسهل من انهاردة لأني كنت صغيرة مش حاسة بالخوف والأمان زي ما أنا محتاجه أحس بيه دلوقتي 
نفس قالت كلامها ومسحت دموعها ودخلت اوضة نامت فيها تهرب من اللي بتفكر فيه 
،،،،،،،،،،،،،،،،سمر إبراهيم إبتسامة عابرة 
خالد فضل يفكر في اللي بيحصل معاه معقول هو باع أخته ومراته عشان الفلوس هو رخيص للدرجة دي الفلوس بتجيب كل حاجة بس مش ممكن تشتري الاحترام والتقدير نظرة نفس وفرح ليه كلامهم أنه باعهم كفيل أنه يبيع عمره كله ويشتري كرامته قدامهم هما الاتنين 
خالد فضل يبكي وحبه حبه صوته بدأ يعلى حس أنه مخنوق قوي في حاجة ضاغطه عليه مش قادر يتنفس وشه بدأ يتحول للون الأسود من قلت الأوكسجين وبيحارب عشان ياخد نفسه وفي لحظة الموت كان أقرب ليه من غمضة العين نظرة نفس وكلامها أنتي قبضت تمن كسرتي كام وفرح وهي بتقول ي ترى كان تمن شرفي كبير ولا أنا رخيصة صرخ بوجع نفااااااااااااااس 
فرح كانت في الصالة مش قادرة تنام ولا عارفه تعمل ايه فضلت تفكر في اللي عملته ومشيت صعبت عليها نفس بس هي كانت مفكرة نفس متفقة مع خالد فعلاً ولما سمعت صراخ خالد جريت عليه كان وشه أسود ونفسه رايح مد ليها أيده كأنه بيقولها شديني من الموت مش قادر 
نفس كانت صاحية سمعت صراخ فرح وخالد قامت تجري على مصدر الصوت أنصدمت من شكل خالد وجريت عليه حضنته بخوف
نفس:- خالد أنت كويس مالك ي حبيبي 
خالد بيتكلم بصعوبة وهو حاضن نفس كأنه متعلق بيها:- في حاجة بتخنوقني مخنوق اوي  مش قادر أخد نفسي 
نفس:- بسم الله سلامتك من الخنقه 
خالد نام على رجلها ونفس فضلت تلمس عليه بحنان وتقرأ قرآن بصوت عذب وهو يبكي بتأثر وحزن 
فرح مسكت أيده بخوف ودموعها بتنزل 
بعد وقت قصير خالد حس بتحسن وحب يطمنهم عليه شدهم لحضه وفضل يتكلم بهمس:- أنتم أغلى حاجة عندي أختي ومراتي أنا عارف أني شخص نرجسي أناني بس طول عمري عايش لوحدي مش عارف يعني ايه عيلة حتى لما أهلي كانوا عايشين كنت بهرب من الواقع عمري ما كنت ابن كويس ولا أخ كويس ولا زوج كويس بس والله أنتم الاتنين غالين عليا اوي نفس أنا عملت كدا عشان أقدر أسفرك تحققي حلمك وتبني كيان لنفسك وتبقي أشهر دكتورة وأفتخر لما أسمع كدا وأنتي ي فرح عملت كدا عشان أوفر ليكي مستوى أجتماعي تعيشي فيه نفس المستوى بتاعك لأنك أهم حاجة عندك الفلوس والشخصية القوية كنت ديماً بحاول أكون زي ما أنتي بتحبي عشان أوصل ليكي 
فرح:- بس أنا أول مرة أشوفك فيها لما كنت وقف مع نفس في الفيلا 
خالد:- لا أحنا نعرف بعض من زمان اوي دا أنتي حكيتي ليا على كل حاجة من أول حبك لأويس وكرهك لنفس وإني مصطفى ديماً يتقدم وأنتي ترفضيه  
نفس:- أنت تعرف الكلام دا كله ازاي  
خالد:- أنا كنت وأحد من الشباب الكتير اللي فرح كانت تكلمهم جبت رقمها منين من وأحد صاحبي أصلنا بنحب نجامل بعض بأرقام البنات كلمت فرح على أساس ادأنبسط وفك على نفسي شوية بس لقيت وحده ضحية لأهمال الأهل كانت محتاجه أهتمام حتى لو مزيف بس كانت ديماً تطلبني أطمنها وقولها أني مهتم بيها ومتمسك بيها طبعاً دا مش مبرر أنها تعمل كدا بس معظم البنات بتكون ضحية قبل ما تكون مجرمة بتكون مريضة نفسيه وأحنا كـ ذائب بشرية كنا نستغل ضعفهم بس فرح كانت غير كنت من أول مرة تحكي ليا كل حاجة عنها وبعدها بفترة أخدت عليا وبقت إدمان مع أني عارف أنها بتكلم عشرين غيري قبلت على كرامتي وحبيتها تلفونها قفل مرة وحده حاولت أوصل ليها بكل الطرق بس مفيش أمل مع أني كنت عارف كل حاجة عنها فضلت سنة ورى سنة أحول أكلمها عدت سنين كتير جمعت فيها فلوس كتير عشان أوصل ليها بس لقيت فلوسي مجرد أبره في كوم قش من فلوس عيلتها وسلكت طريق تاني المهم أوصل ليها بس والله ي فرح ما قرب منك ولا لمستك لحد دلوقتي دا كان وهم عشان توافقي تتجوزيني 
فرح كانت بتسمع بدهشة حست إهانة من كلامه قد ايه كانت رخيصة لدرجة أن رقمها يتوزع على كل الشباب وكل وأحد يتسلى بيها بس من كلامه حست أن في حد مهتم بيها حس بوجعها وفي الأخر وصل ليها حتى لو بطريقة دمرتها وكسرتها بس العاقبة شكلها خير 
نفس:- حاسس بوجع دلوقتي ولا أرتحت 
خالد:- حاسس أني عايز أخدك في حضني اوي وقولك أنك أحلى أخت في الدنيا وقلبك أبيض 
نفس بصت ليه بدموع😢:- تعبانه اوي يا خالد الدنيا ضاقت بيا مش سهل عليا أبعد عنهم بعد العمر دا وأنت تكون السبب 
خالد:- السفر بعد بكرة تيجي ننسي كل حاجة اليومين دول ونبدأ مع بعض من جديد 
نفس بأبتسامة حزينة:- ماشي 
فرح:- اشطا فكرة حلوة 
خالد:- أنتي مين كلمك أنا بتفق مع أختي ي هانم 
فرح:- طيب ايه رأيك نبدأ الخطة نتعلم الصلاة  الأول  
نفس:- فكرة حلوة الفجر على أذان يلا أدخلي مع خالد علميه الوضوء زي ما علمتك بالضبط 
فرح:- ماشي 
خالد خلص وضوء وقعد قدام نفس يتعلم منها 
نفس:- ركزوا معايا اوي الصلاة نتعلمها من أهلنا نقلد وخلاص أما الصلاة ليها دراسة كاملة لازم المسلم يكون حافظها كويس زي أسمه لأن لازم يكون العمل بتاعة بعلم مش كدا وخلاص طيب لو مش حافظها يحتاج يسأل فقيه لما يغلط أو ينسى حاجة في الصلاة 
فرح:- طيب أشرحي لينا وكلنا أذان صاغية 
نفس:- نقسم الصلاة على أربع حجات أربع ايه  
فرح وخالد:- حجات 
نفس:- شطار أول حاجة الشروط والشروط دي زي ما الجواز ليه شروط الصلاة ليها شروط ودي بتيجي قبل الصلاة زي شروط الجواز بتكون قبل الجواز ايه هي الشروط دي بقى  ١- الإسلام يعني يكون مسلم ٢- العقل يعني يكون عاقل ٣- التميز ٤- الطهارة مع القدرة لو قادر ومفيش مانع يمنع يتطهر ٥- دخل الوقت لازم الأذان يأذن الأول ٦- ستر العورة وعورة الرجل ما بين السرة والركبة والمرأة كلها عورة ما عدا كفيها ووشها والرجلين نركز اوي عليهم عورة ممكن الصلاة تبطل بسبب أن رجلك ظاهرة ٧- اجتناب النجاسة في البدن والثواب والمكان اللي بيصلي فيه يعني على قد ما أعضائه بتاخد مكان يكون طاهر 
٨- أستقبال القبلة مع القدر يعني مثلاً لو بيصلي في قطر وهو بيتحرك عادي مش يستقبلها يحاول يبدأ الصلاة ناحية القبلة
٩- النية ودي أنك تكون عارف في نفسك بتصلي ايه وليه ولمين 
دول تسع شروط قبل الصلاة مين عرفهم 
فرح:- الاسلام والعقل والتميز الطهارة ودخول الوقت 
خالد:- ستر العورة واستقبال القبلة والنية والتاسعة مش فاكرها 
نفس:- واجتناب النجاسة في البدن والثواب والمكان 
خالد:- ايوه صح دي الشرط يعني اللي قبل الصلاة لسه مش بدأنا في الصلاة نفسها 
نفس:- تاني حاجة بقى ودي أهم حاجة أركان الصلاة الركن تعني الأساس الحاجة اللي بيتسند عليها زي البيت الحيطان هي الأركان بتاعته الصلاة ليها أركان لو وقع ركن منهم بطلت الركعة كلها زي لو وقعت حيط يقع البيت كله إلا إذا بنيت الحيطة بسرعة 
خالد:- وايه هي الأركان دي 
نفس:- أول ركن ١- القيام مع القدرة يعني أصلي وأنا وقف لو قادر مش مثلاً عندي شوية إرهاق أصلي وأنا قاعد لا لما تتشل صلي وأنت قاعد غير كدا لا مش مصدع مثلاً أقوم أصلي وأنا قاعد كدا حرام  
فرح:- بعد الشر عليه حسني كلامك ي أوختش قال يتشل 
نفس:- ههه بقيت أنا الوحشة والشريرة دلوقتي ماشي تاني ركن ٢- تكبيرة الإحرام اللي هي أول ما أبدأ صلى أقول«الله أكبر»
تالت ركن ٣- قراءة الفاتحة، رابع ركن 
٤- الركوع في كل ركعة  
فرح:- غلط نسيتي أننا نقرأ سورة أو آيات بعد الفاتحة 
نفس:- ما دي مش من الأركان ي شاطرة الأركان دي لو وقع منهم ركن تبطل الركعة أما الآيات اللي بعد الفاتحة من سنن الصلاة مش الأركان 
يبقى الرابع ٤- الركوع، والخامس٥- الرفع منه يعني من الركوع لازم نقف بعدها مش نخطفها وسجد على طول لا لأزم نقف وإلا تبطل الركعة كلها، سادس ركن ٦- الاعتدال بعد الركوع يعني مش بس نترفع لا كمان نعتدل في الوقفة بعد الركوع   الركن السابع.          ٧- السجود على الأعضاء السبعة مين شاطر يقولهم 
خالد:- الوجه واليدين وأطرف القدمين والركبتين كدا سبعة أيد وأيد رجل ورجل ركبة وركبة ووجه ولازم الجبهه والأنف يلمسوا الأرض
نفس:- صح تامن ركن بقى ٨- الجلوس بين السجدتين  عني مش رفع رأسنا وخلاص لا لازم نجلس، الركن التاسع ٩- التشهد الأخير ودا التحيات طيب التشهد اللي في النص دا مش ركن دا واجب يعني مثلاً الصبك التشهد الأخير في الركعة التانية والمغرب اللي في الركعة التالتة وباقي الفروض في الركعة الرابعة دا التشهد الأخير ركن لازم نعمله ولا تصح الركعة من غيره 
الركن العاشر١٠- الجلوس للتشهد الأخير مش نقوله وأحنا بين السجود والجلوس لا لازم نقعد كدا ونستريح ونقول التشهد 
الركن الحادي عشر ١١- الصلاة على النبي في التشهد الأخير لازم تصلي على النبي ركن أساسي، الركن الثاني عشر ١٢- التسليمة الأولى دي ركن أما التسليمة التانية مش ركن 
الركن الثالث عشر ١٣- الاطمئنان في الأركان الفعلية زي السجود والركوع والوقوف وكدا لازم تحس بطمانينة مش نخطفهم زي الحرامية  
وأخر حاجة الركن الرابع عشر وهو ١٤- ترتيب كل تلك الأركان 
خالد:- طيب لو نسيت ركن منهم أعمل ايه 
نفس:- لو أنت في الصلاة ونسيت الفاتحة مثلاً تعيد الركعة من الاول يعني تصلي ركعة تاني طيب لو نسيت سجده تعيد الركعة من أولها ولو نسيت أركع نفس الكلام وكل الأركان كدا طيب خلصت صلاة وحد بعدها فكرني أني مش سجدت أجيب ركعة تاني طيب حد فكرني بعدها بعشر ساعات أني نسيت سجده أو أنا أفتكرت أعيد صلاتي كلها من أول وجديد 
خالد:- تمام كدا الأركان لو نسينا وأحد منهم أو تعمدنا أننا نسيبه نجيب الركعة من الأول طيب ليه مش نسجد سجده السهو 
نفس:- لا سجدة السهو دي لما يسهو علينا في واجبات الصلاة مش في الأركان 
فرح:- اللي هما ايه بقى الواجبات
نفس:- طيب واجبات الصلاة دي ذي كدا مثلاً لما تبقى عليكي وأجب عند حد لو سبتيه متعمده مينفعش لازم تديه طيب نسيت أعمل ايه أرده في حاجة تاني كدا اللي هي سجدة السهو وأجبات الصلاة لو سبتها عمد بطلت صلاتك ولازم تجيبي الركعة من الأول طيب نسيتي وفتكرتي بعدها تسجدي سجدة السهو اللي قال عليها خالد 
فرح:- طيب قول الواجبات كدا 
نفس:- ١- كل التكبيرات عدا تكبيرة الإحرام دي ركن اللي هو كل ركعة تقولي الله أكبر 
٢- قول سمع الله لمن حمده  ودي للأمام واللي بيصلي لوحده 
٣- قول ربنا ولك الحمد في الرفع من الركوع 
٤- قول سبحان رب العظيم حتى لو مرة وحد في الركوع 
٥- قول سبحان ربي الاعلى ولو مرة واحدة في السجود 
٦- قول ربي أغفر لي بين السجدتين ودي ناس كتير بتنساها أو بتتعمد تسيبها لا دي وأجبه يعني لو تعمدتي تعيدي الركعة كلها لو نسيتي تجيبي سجدة سهو 
٧- التشهد الأول اللي في نص الصلاة وبيكون في الركعة التانية مع عدا الصبح لأنه ركعتين بس وأحنا قولنا التشهد الأخير ركن التشهد الأول يبقى وأجب 
٨- الجلوس له يعني نجلس وأحنا بنقول التشهد الأول   
فرح:- ايوه الركن لو نسيته سهو أو عمد أعيد الركعة من الأول وإلا بطلة الصلاة أما الواجب لو نسيت أجيب سجدة سهو لو تعمدت أجيب ركعة من الأول وإلا بطلت الصلاة 
نفس: - شطورة بعد كدا رابع حاجة السنن ودي بقى لو نسيتها أو تعمدت تركها عادي مش تبطل صلاتي ومش تجيب سجدة سهو ودي أفعال وأقول ودي بتزود درجات وحسنات على الصلاة ذي ايه السنن دي دعاء الاستفتاح، التعوذ بالله من الشيطان الرجيم، قول آمين، قراءة ما تيسر بعد الفاتحة دي سنة مش واجب ولا ركن قول الحمد لله حمدا كثيرا طيبا مباركا فيه ملء السموات وملء الارض وكمان نزود على سبحان ربي العظيم بدل مرة تبقى اتنين أو تلاتة وكذلك في السجود بعد كدا في سنن أفعال زي ايه مثلاً زي رفع الأيدي عند التكبير ووضع اليمين على الشمال في الوقوف، النظر لموضع السجود، نفرق القدمين عن بعض، وغيره كدا دي سنن عليها أجر بس لو سبتها مش عليك وزر لكن الافضل طبعاً أننا نجيبها عشان ناخد أكبر أجر ممكن على صلاتنا 
فرح:- بجد أنا لما صليت مش كنت عارفه أفرق بين المهم والاهم وايه اللي لو نسيته أعمل ايه وكدا 
نفس:- كله مهم وعليه أجر  كدا التطبيق النظري للصلاة الكلام دا للحفظ والفهم عشان لما نغلط في الصلاة أو ننسي نعرف هل نعيد الركعة ولا نسجد سهو ولا عادي مش علينا حساب لو سبناها وكدا يكون التطبيق العلمي الصلاة باقي التطبيق العملي بقى ودا الأهم بقى 
نفس فضلت تعلمهم الصلاة عملي الركوع اذاي والسجود الصحيح والوقوف والجلوس بين الركعات اهتمت بـ الأخطاء اللي ناس كتير بتقع فيها وحفظتهم التحيات وخالد أغتسل وصلى بيهم وفضل ساجد يدعي كتير وأول مرة خالد وفرح يحسوا براحة وأنهم مش خايفين من الموت وأنهم قريبين من ربنا كدا 
نفس:- طيب كدا صلينا جماعة بس في معلومة صغيرة عرفتها ولازم أشوف نفسي بقى وقولها ليكم 
فرح:- قولي براحتك ي معلمتي ههههه
نفس:- البكاء في الصلاة حرام 
فرح:- ما أحنا بكينا اذاي يعني حرام 
نفس:- أنا قصدي مش خالد ضربك مثلاً يعني تقومي وأنتي بتبكي تصلي لا كدا غلط تهدي وبعدها تصلي أما البكاء الخشوع في الصلاة أو التأثر بالدعاء دا عادي ويا بخت اللي يبكي من الخشوع أما البكاء لسبب عادي حصل معاكي وتفكري بقى في الصلاة تحليه اذاي وتفضلي تبكي لا حرام 
خالد:- شكراً ي نفس أنتي مسمحاني قلبك أبيض بقى 
نفس:- بص ي خالد أنا من الناس اللي بتنسى الألم بسرعة بس مش بنسى الدروس اللي أتعلمتها  من المواقف اللي عشتها 
« مرحا لمن تألم وتعلم فنسي لما تألم ولم ينسى ما تعلم »
خالد:- وتعلمتي ايه ي نفس 
نفس:- أتعلمت أني أوضح كلامي لأن اي حد ممكن يستخدمه ضدي في الوقت المناسب وكمان مش كل الناس يهمها مصلحتك لو أتعارضت مع مصلحتهم ممكن تنسفك وتعلمت أن الناس مهما عملت معهم بينسوا بسرعة ومن أول غلط يطردوك من حياتهم حتى لو الغلط دا مش مقصود أتعلمت أنه بعد الأب مفيش سند حقيقي وبعد الأم مش تنتظر حنان من حد غيرها أتعلمت أني مش لازم كل مرة أسامح بسهولة ولازم أخد موقف أتعلمت أن اللي بيحب بيحاب الكل عشان يوصل المحبوب حتى لو أستخدم كل الطرق ومفيش تضحية في الحب وأنه ثقة حتى لو شاف عيبك وسمع صوتك هو الوحيد اللي بيثق فيك ويكذب كل الأدلة ضدك   
خالد:- أسف لأني خذلتك وعمري ما كنت سند حقيقي ليكي من حقك تزعلي مني 
نفس:- كنت بقدم ليكم كل اللي أقدر عليه وهو لا، وفي المقابل هو كان بيقدم ليا كل حاجة وأنتم لا. ووقت الشدة كلكم خذلتوني وهو لا مع أنه لما طلبني أنا خذلته وعمري ما خذلتكم 
خالد بغيرة:- وهو فين دلوقتي ما هو كمان سابك 
نفس:- غصب عنه كلمة جدو وعمو سيف على رقبته ورقبة الكل مستحيل يكسرها دا اللي أتربينا عليه هناك
خالد:- حتى لو هما غلط 
نفس:- حتى لو هما غلط لما نسمع كلامهم وبعد وقت نفهمهم وجهة نظرنا بيغيروا رأيهم لازم نسمع كلامهم نمتص غضبهم نتحمل قرارتهم وعصبيتهم وتحكمهم لأنهم في الأخر الأهل والسند العيلة والعزوة 
خالد:- مش ممكن أسمح لحد يتحكم في حياتي ويدمرها 
نفس:- كلها يومين وأويس بأسلوبه يقدر يقنعهم ولازم أكون بره مصر في الوقت دا 
خالد:- لو جه دلوقتي من غير رضاهم 
نفس:- مستحيل يجي ولو جه أطرده من غير تفكير طبعاً 
خالد:- ي بختك لقيتي حد يعلمك القيم والأخلاق أنا لما كان موجود كنت مشغول عنه ولما غاب عني ضعت وحتاجت ليه بس هو كان غاب عني للأبد من غير رجعه. 
نفس بدموع مكبوته:- ربنا يرحمها 
خالد:- ي رب فرح قومي نامي يلا ايه دا دي نامت 
نفس:- نيمها يلا تصبحوا على خير أنام جوه وتحملوا وجودي اليومين دول بقى 
خالد:- شكلها فيه براءة اوي وهي نايمة زي الملاك 
نفس:- ههههه أنا اللي يشوفني وأنا نايمة  بكون فاتحة بقي لكل من هب ودب وشعري منكوش ويتكلم لغات وبلعب كارتية
خالد:- 😂😂 مين قالك كدا 
نفس:- تفاؤل لما بتنام جمبي بتقولي وقوم القيها متلقحة أخر الاوضة 
خالد:- 😂😂 طيب يلا بقى تصبحي على خير الصبح صبح 
وباس جبينها وعتذر بنظرة عيونه ونفس زي السكرة اللي بتدوب في لحظة سامحته وضعفة قدام اي حد يعتذر منها أو يطلب حاجة مش بتقدر ترفض حد طلبها في حاجة لأنها بت جدعه 

يتبع الفصل  الثالث والثلاثون اضغط هنا 
google-playkhamsatmostaqltradent