رواية احببت ابن عمي البارت الواحد والثلاثون 31 بقلم ملك احمد
رواية احببت ابن عمي الفصل الواحد والثلاثون 31
سيف:كل سنة وانتى معايا ...... بحبك
أميرة بحب: حبيبي ربنا يخليك
سيف: مبسوطه
أميرة:اه... مبسوطه جداً يا سيف
سيف:طب غمضى عينيكي
أميرة:ليه
سيف: عشان اديكى هديتك
أميرة: بجد..... غمضت عيوني...وقام قرب وباسنى
أميرة بشهقة:انت قليل الادب ياسيف على فكره
وكداب كمان
سيف:طب خلاص غمضى عينيكي بقى
أميرة:يسلام عشان تعمل اللى عملتوا لا ياخويا
سيف:غمضى بس
أميرة:ماشى
سيف: فتحي عينيكى
أميرة:انا والله مش عارفه ايه جو العشق الممنوع ده
سيف: فتحي بقى يا ولية
اميرة:ماشى.....فتحت ولقيته جايب سلسلة مرسوم عليها نص قلب...وجايب اتنين واحدة مكتوب فيها أسمى والتانية إسمه
أميرة:ايه ده
سيف: السلسلة دى مش عايزك تسبيها أبداً......واحدة ليكى والتانية ليا
أميرة:انا بحبك اوى اوى ياسيف ربنا يخليك ليا انت بجد احسن إنسان شوفته في حياتي وعمرى ماهشوف حد شبهك ولا فى شهامتك ولا حبك يا سيف
سيف: لأ لأ أنا كدة أضعف واتغر
قعدت اضحك
سيف: لأ أنا المدام عندى قمر...... لأ أنا المدام عندى قمر بقى
أميرة بضحك:يابنى حرام عليك هاتموتنى من الضحك
ولقينا الباب بيخبط
سيف:مين قاطع اللحظات السعيدة دى
عشق: احنا يابابا افتح
سيف: افندم اشجينى
لقينا هم طلعوا وناموا على السرير
سيف:ده ايه ده بقى أن شاء الله
ليل:احنا هنام هنا
سيف:ده بأمارة ايه
عشق:بأمارة أننا بنحب ننام هنا
ليل:يالا طفوا النور وتعالوا ناموا عشان تعبانين
سيف:هى العيال دى بتربينا من اول وجديد ولا انا بيتهيألى
أميرة بضحك:يالا يالا ننام
اليوم التالي
كنا عازمين ميادة ومروان ونعمة وعلى وعادل وسلوى
أميرة: أهلاً اتفضلوا
نعمة: وحشتيني اوي يا ميرو
أميرة: حبيبتي وانتى كمان وحشتيني
بعد شويه
أميرة بضحك:منك لله يا نعمة
نعمة بضحك:وانا مالى يالمبى حد قالك تغيرى مكان السكر والملح لأ وكمان نفس البرطمانات...خلتينى احط الملح فى الشاى ذنبى بقى
سلوى: لأ أبداً حد يقول غير كدة
أميرة:اسكتى ده سيف كان على آخره ونفسه يديكى بالكباية فى وشك
نعمة: دايماً ظالمنى
أميرة: عارفين الحوار ده بيفكرنى بى ايه
ميادة:ايه
أميرة:الرز اللى حطتلوا سكر بدل الملح.....ولا الفراخ المتجبسة
سلوى بضحك:اه انتى جبتى من اللى تحت الحوض
آدم:يالا يا شوشو عشان اذاكرلك
عشق:متقوليش ياشوشو......عشان مش بحب الأسم ده
آدم:ماشى ياشوشو
عشق: آدم انت رخم اوي......
آدم:طب خلاص بقى متزعليش...انا اسف....يالا عشان اذاكرلك
عشق: لأ أنا وليل كبرنا وبقى عندنا ١٠ سنين وبنعرف نذاكر لنفسنا كويس
آدم: يسلام....طب ما انا عندى ١٥ سنة وماما بتذاكرلى
ليل:اتكلمى عن نفسك ياختشى انا آسر هايذاكرلى
آسر:عيون آسر القمر ده......طب يالا بقى عشان عايزك تقفلى فى الأمتحان بتاع بكرة فاهمه
ليل: فاهمه
آدم: يالا بقى يا عشق
عشق:ماشى....يا آدم بس هاتجبلى شوكولاته
آدم:بس كدة...عيونى
- تابع الفصل التالي عبر الرابط: "رواية احببت ابن عمي" اضغط على أسم الرواية