Ads by Google X

رواية دموع روح الفصل الثاني 2 - بقلم دعاء محمود

الصفحة الرئيسية

رواية دموع روح البارت الثاني 2 بقلم دعاء محمود

رواية روح واسد

فصول رواية دموع روح الفصل الثاني 2

تشرق الشمس معلنا حياه جديده لبطلتنا روح
روح كانت نايمه على الأرض بالفستان وفجاه الباب بيخبط بس جامد اووى
روح قامت مفزوعه وخايفه اوى وبتترعش مين مين
انا جهاد يا روح افتحي
روح اطمنت شويه لأنها بنت زيها وقامت وفتحت الباب
جهاد: صباح الخير يا ست البنات
روح: صباح النور مين انتى 
جهاد: انا اخت اسد الصغيره عندى ١٨سنه والنوع انثي 

روح: بس بس اي ده كلوا
جهاد: مش انتى اللى قولتى انتى مين فأنا بعرفك بنفسي
روح: هو لما حد يسالك انتى مين تردى عليا بكل الاجوبه ده
جهاد: ايوه
روح: غلط هو سالك انتى مين يعنى بتقولى اسمك واسم عائلتى فاهمنى
جهاد: فاهمه فاهمه
روح: المهم مين اسد ده 

جهاد قعدت تضحك على روح😂😂
روح: هو انا قولت حاجه غلط وماخدتش بالى 
جهاد: لا يا حبيبتي بس انا بضحك على اسد مين ده
روح: هو اسم اسد ده بيضحك اوى كده 😂😂
جهاد: اسد ده يبقي الشاب اللى اتجوزتيها امبارح يا روح اللى بيكون اخوى
روح بخضه: هو اللى اتجوزتوا اسمو اسد
جهاد: مالك خفتى كده ليه هو صحيح اسمو يخوف بس هو مش كده خالص في الحقيقه اسد قلبو طيب اوى 
روح: انا عايزه اطلع من هنا 

جهاد: مش هينفع عشان اسد قال ممنوع انك تطلعى برا ومتسالنيش ليه المهم خدى الهدوم ده وغيري هدومك وما تطلعيش لما اسد يقول 
روح بكسره: حاضر خدت روح الهدوم من جهاد وقفلت الباب عشان تغير هدومها 
روح غيرت هدومها وبتقول ماما وحشانى اوى بس ازاى اكلمها بس انا معيش حتى موبايل اتكلم بي
روح قعدت على الأرض وضمت رجليها كده في بعض وبتقول 
اول مره احس انى ضعيفه اوى حاسه انى محبوسه في السجن ومنتظره الإفراج عنى 
روح قعدت تبص حواليها لقت الاوضه مليئه بالغبار كانت عايزه مقاشه عشان تنظف الغبار بيها بس جهاد قالت ليها ممنوع تطلعى برا الا لما اسد يسمحلك

روح قامت وبدأت تمسح الغبار بايدها والدموع نزله على خدها وتقول الله يسمحك يا بابا انك خليتنى اتعذب بالطريقه ده 
روح خلصت تنظيف وقعدت على الأرض وبدأت تغنى روح دايما بتغنى وهى زعلانه غنت روح اغنيه حزينه اوى ماشيه مع اللى بيحصلها والدموع نازله من عينيها بالاربعه

وفجاه اسد كان معدي من جنب اوضه روح وسمعها وهى بتغنى وقال
اسد بعصبيه: ممنوع الاغانى هنا يا روح 
روح اتخضت لان الصوت كان حاد اوى وقالت مين ده معقول يكون اسد اللى اتجوزتوا امبارح
روح : لا لا جهاد قالتلى أن اسد قلبو طيب اوى واكيد مش هيكون صوتوا حاد كده 
جهاد: صباح الخير يا اخوي يا عسل
اسد: عايزه اي
جهاد بلعت ريقها: وانت عرفت منين انى عايزه حاجه
اسد: المشكله انك لحد دلوقتى مش فاهمه نفسك انتى لما تكونى عايزه حاجه منى بتقولى كلام حلو اوى 
جهاد: نظريه بردو 😂😂
اسد بيضغط على سنانو: قولى عايزه اي عشان مش فاضي ضيعتى من وقتى كتير
جهاد: عندك الشغل اهم من اختك وربنا المهم روح عايزه تطلع من الاوضه 
اسد بص بصه تخوف اوى لجهاد 
جهاد بلعت ريقها: ده لو ينفع يعنى
اسد: روح في الجامعه اللى انتى بتدرسي فيها كل يوم روح هتروح معاكى 
جهاد: ماشي بس انت ما جوبتش على سوالى بقولك روح عايزه تطلع من الاوضه
اسد مشي وما ردش على جهاد 
جهاد: انا قولت للبنت انك طيب اوى عشان متخافش منك بس انت اسد فعلا والله البنت ده هتشوف ايام س*ود*ه بسببك 
اسد خرج واخد عربيتو وتليفونه رن
والد روح: عامل اي يا اسد كل شي تمام
اسد: كل شي تمام
والد روح: انا مش عارف اقولك اي يا بنى بجد شكرا اوى 
اسد: متتشكرنيش انا عملت الصح 
والد روح: ارجوك يا ابنى أدى روح تليفون عشان امها مصدومه لحد دلوقتى ولا راضيه تاكل ولا راضيه تشرب
اسد: حاضر المهم انت عامل اي والدكتور قالك اي

والد روح: خلاص يا ابنى فاضل في عمري ايام معدوده😔
نسيب الأحداث شويه ونرجع الماضي
في مصنع اسد الجارحي
عامل: اسد بيه اسد بيه
اسد : اي في اي 
عامل: ابو روح اغمى عليا ومش عارفين هنعمل اي يا بيه
اسد قام مفزوع وراح عشان يشوف اي اللى حصل
اسد بخضه: هاتوا مياه بسرعه
عامل: اتفضل يا بيه
اخد اسد المياه وبدأ يرش على ابو روح مياه بس لا يستجيب
اسد لازم اخدوا المستشفي عالطول وبالفعل اسد خد ابو روح على المستشفي
بعد مرور عشر دقايق
الدكتور خرج 
اسد : اي يا دكتور المريض حالتو اي
الدكتور : للاسف الشديد المريض عندو القلب وضعيف اوى 
اسد : انت بتقول اي يا دكتور
الدكتور: وللأسف الشديد اياموا بقت معدوده لأن قلبو خلاص  بقا ضعيف اوي ومينفعش نعمل عمليه
اسد: انا ممكن ادخلوا 
الدكتور: اوى اوى
اسد دخل بالفعل لابو روح 
والد روح:انا اسف يا اسد بيه انى عذبتك معى يالا شويه ارهاق مش اكتر عشان طلعت من غير فطور
اسد بحزن: ده مش ارهاق ولا حاجه 
والد روح: امال اي يا ابنى
اسد:___________

والد روح: ساكت ليه يا ابنى اتكلم
اسد: الدكتور قال إن قلبك ضعيف اوى وأيامك بقت معدوده 
والد روح أنصدم: بنتى بنتى اي اللى هيحصل في بنتى ومراتى
اسد: متخافش انا هكون جنبهم

والد روح: انت مش فاهم يا اسد بيه محدش هيرضى يتجوز بنتى مين اللى هيجهزها 
اسد: انا مستعد اتجوز بنتك 
والد روح: انت مالك يا ابنى بالموضوع ده 
اسد: انا مستعد اتجوز بنتك النهارده قبل بكره انت ضحيت كتير لمصنعنا ده اقل حاجه اردها  ليك على تعبك
والد روح: شكرا يا اسد يا ابنى 
اسد: عن اذنك
نرجع للأحداث تانى
اسد: متخافش بنتك في عينى ومراتك هعدي عليها باستمرار
والد روح: شكرا اوى يا بنى
والد روح قفل التليفون وقعد على السرير وبيقول
والد روح: انا عارف انك زعلانه اوى يا روح منى بس والله اللى انتي وخدها قلبو طيب اوى وهتحبي كمان هموت وانا مرتاح ومطمن عليكى 
والده روح: انا عايزه اشوف بنتى
والد روح: مش هينفع يا ام روح انتى عارفه الفرح كان امبارح مينفعش نروح
والده روح: يعنى انت مفكر بنتك مبسوطه وفرحانه ونايمه في حضن جوزها اكيد بنتنا دلوقتى مرمى في اوضه مع*فنه كلها غبار
والد روح: لا مش صحيح بنتنا اكيد عايشه في سعاده دلوقتى
والده روح: طب انا عايزه اكلمها طيب
والد روح: إن شاء الله لما تكون معها تليفون هترن علينا
والده روح: يعنى بنتى معهاش تليفون كمان 
والد روح: انا لازم أمشي
والده روح: انت معتش بتروح الشغل ليه
والد روح: انا معتش قادر اشتغل 
والده روح: اه اخدت الفلوس اللى بعت بنتك بيهم وهتعيش بيهم بس انا مستحيل هاكل ولا اشرب ولا البس من الفلوس اللى خلت حياه بنتى تعيسه
والد روح: متقوليش كده يا ام روح 
والده روح اخدت بعضها وطلعت على أوضتها وقعدت تعياط ونفسها تشوف بنتها أو حتى تسمع صوتها في التليفون 
والده روح: انا مش عارفه حتى ساكنه فين عشان اروحلها
روح قاعده في الاوضه وزهقت من القعده وقررت تطلع برا واللى يحصل يحصل
بالفعل روح طلعت من الأوضه وفجاه سمعت صوت انذار عالى اوى 
جهاد جرت عالطول على روح
جهاد: روح كده غلط انتى لازم تتدخلى عالطول الاوضه
روح: اي الصوت ده
جهاد خدت روح ودخلتها الأوضه عالطول وقفلت الباب 
جهاد: الصوت ده بيعمل لما حد بيخالف قواعد اسد وانتى عملتى كده بطلوعك من الاوضه
روح: واي اللى هيحصل دلوقتى
جهاد: اسد مش موجود هنا بس بيعرف بردو معا ساعه بتنور لما بيكون في حاجه حصلت في القصر بتخالف قواعدوا
روح: يعنى اسد هيعملى حاجه
جهاد: مش عارفه يا روح بس انا خايفه اوى 
روح: ليه مش انتى قولتى أن اسد قلبو طيب اوى
جهاد: ده قلبو ح*جر وربنا
روح: بتقولى حاجه
جهاد: لا ما بقولش حاجه المهم انتى هتروح معى بكره 
روح: هروح فين
جهاد: الجامعه
روح لاول مره تبتسم من بعد ما جات هنا بجد يا جهاد 
جهاد: ايوه يا روح اسد اللى طلب منى كده
روح حضنت جهاد عالطول وكانت فرحانه اوى ونست أنها عملت حاجه غلط
جهاد: انا طالعه بقا 
روح: جهاد بليز ممكن طلب 
جهاد: طبعا يا روح اتفضلى
روح: تليفونك ارجوكى دقيقه واحده بس عايزه اكلم ماما
جهاد:بس يا روح اسد لو عرف يقتلنى
روح: هيعرف منين بس مين اللى هيقولوا
جهاد: مفيش حاجه بتستغبا على اسد يا روح
روح: طب هو هيعرف منين بس مفيش إلا انا وانتى بس لو ده حصل تبقي الحطان ليها ودان
جهاد: خلاص يا روح بس دقيقه واحده بس
روح مسكت التليفون عالطول من جهاد وكتبت رقم والدتها ورنت عالطول
والده روح : رقم غريب بفرحه معقول تكون روح
روح: الوو
والده روح: روح
روح : ايوه يا ماما انا روح بنتك
والده روح بسعاده شديده: وحشانى اوى يا حته من قلب امك
روح: والله وانتى اكتر يا ماما
والده روح: اللى عندك عاملين اي معاكى
روح: لسه يا ماما معرفتش الا جهاد اخت اسد جوزى ده طيبه اوى يا ماما
والده روح: معرفتيش جوزك لحد دلوقتى
روح: عرفت اسمو بس ما شوفتهوش
والده روح: ليه انتى نمتى فين
روح والدموع في عينيها ومردتش تخبر امها
روح: في اوضه فخامه اوى يا ماما فيها شموع كتير مش بس كده فيها ورود،
روح بتبص على الاوضه والدموع مليئه عينيها ومش قادره تكدب على امها اكتر من كده
والده روح: الحمدلله يا حبيبتي انا كنت خايفه عليكى اوى
روح بصويت: مامااااااا
والده روح بصدمه بنتى😳😳

google-playkhamsatmostaqltradent