رواية عشقت منقذتي الفصل الرابع والعشرون بقلم ياسمين سامي
رواية عشقت منقذتي الفصل الرابع والعشرون
خرج أدهم ليشم الهواء الطلق من شرفه غرفته
مرهق من التفكير بها لايدري لماذا عقله مشغول بها كثيرا
لكن ياتري هل عقله المشغول أم قلبه
في نفس الوقت كان زين يخرج من سيارته متجها الي داخل الفيلا ليوقفه صوت الظابط قائلا
زين باشا العابدين
لف زين لمصدر الصوت ليتفاجئ بالظابط اللي وراه
أدهم خد باله من زين والظابط نزل يشوف في ايه
زين:أيوه أنا زين العابدين خير
الظابط :مطلوب القبض عليك انتا ورجالتك بتهمه الخطف والاغتصاب لغرام محمد عزمي
زين بصدمه:غراام انتا شوفتها بجد طب طب هيا فين وبص وراه هيا جت معاك
الظابط:اتفضل معايا وهتعرف كل حاجه في القسم
زين: راح معاه من غير مايعترض لكن وقفه أدهم
أدهم وهو بيجري :زين انتا رايح فين
زين:رايح القسم غرام مقدمه بلاغ ضدي
أدهم:يافرحتي ومالك مبسوط اووي كده
زين:مبسوط عشان هشوفها وهعتذرلها عن كل اللي حصل وهساعدها تجيب حقها من الحيوان اللي اسمه عاصم
أدهم :الصبر يارب وبص للظابط ممكن سعاتك تتفضل واحنا هنيجي وراك بالعربيه ماينفعش زين باشا يجي مع حضرتك عشان سمعته اكيد انتا فاهمني يعني
الظابط بسخريه :سمعته اكيد طبعا اتفضلوا ف عربيه تانيه عشان سمعه الباشا
أدهم :انتا ازاي تكلمنا بالأسلوب ده انتا متعرفش احنا مين الظابط:لا والله محصليش الشرف لسه ومش عاوزه يحصلي ياريت تمشي ورايا بعربيتك من غير كلام لحد مانوصل وسابه ومشي
أدهم :لسه هيتكلم زين وقفه بإيده وشاورله بدماغه لا مالوش لزوم وركبوا ومشيوا
أدهم :انا مش عارف انتا فرحان اوي ليه كده انتا ماشي تلفلي ليل ونهار تدور ع الهانم وفي الآخر راحت بلغت عنك
زين :هيا معاها حق غرام مش مجرد بنت عاديه وهتخاف علي نفسها وسمعتها غرام ميهماش الا انها تاخد حقها وحق البنت اللي اتأذت وانا هساعدها حتي لو هتعاقب أنا شخصيا
أدهم :لاا انتا اكيد اتجننت رسمي
زين كان علي عكس توقعات أدهم اللي كان متضايق ومصدوم من اللي غرام عملته
بعد نصف ساعه
دخل زين وأدهم مكتب الظابط
الظابط بعد ماشاف زين
أهلا اهلا بالغالي زين باشا العابدين
زين :مش معقول ياسر بيه بنفسه عندنا هنا وسلموا علي بعض
الظابط: نقلوني ياسيدي في المركز هنا واضطريت اسيب كل حاجه هناك واجي حكم القوي بقي
أدهم وهو بيسلم عليه :لينا نصيب نشوفك بس كان نفسي ميبقاش هنا
ياسر:تتعوض المره الجايه ان شاء الله وبص للظابط اللي معاه حد ضايق زين باشا في الطريق
أدهم:لا خالص ده كان ناقص يخدنا قلمين
الظابط :بعتذر لحضراتكم مكنتش اعرف انكم تبع الباشا
زين :حصل خير انتا بتشوف شغلك مش اكتر
اما ادهم :كان هاين عليه يقوم يضربه في مكانه بس ماسك اعصابه مراعاه للمكان اللي هو فيه
ياسر لزين:انتا عارف انتا موجود هنا ليه
زين :بص لأدهم وبصله تاني أيوه عارف غرام مقدمه بلاغ ضدي
ياسر:انا اسف لو استدعيتك ف وقت زي ده بس القضيه دي مش سهله دول يعتبر جريمتين في بعض انا طبعا مصدقتش اللي اسمها غرام دي لان معهاش اي دليل ضدك قلت اسالك انا بنفسي
زين:غرام مابتكدبش خبطه ادهم برجله
أدهم: ياسر بيه انتا طبعا عارف زين كويس وعارف انه مستحيل يعمل حاجه زي دي
ياسر:هو انا لو مكنتش اعرفه كويس وعارف أخلاقه مكنش زمانه قاعد هنا دلوقتي انا مسكت انا القضيه بنفسي عشان محدش يضايقه بكلمه بحكم شغلهم وبحكم ان هو دلوقتي متهم بس انا لازم اعرف من زين اللي حصل ويعرف البنت دي منين عشان تتهمه اتهام باطل زي ده
زين :البنت دي مش مجرد بنت عاديه دي دكتوره بتنقذ أرواح الناس علي قد ماتقدر حتي لو علي حسابها هيا شخصيا غرام دي أرق وأحن بنت ممكن تقابلها ف حياتك
. أدهم :ياحنين
زين :احم وكمل كلامه طبعا في الزمن ده معدش للطيبه والرحمه مكان طيبتها دي كانت السبب في اللي حصلها
كانت بتنقذ روح بريئه من ايد الحيوان اللي اسمه عاصم
بس مرحمهاش هيا كمان وحكي للظابط الحكايه كلها
ياسر :مستحيل اوعي تكون قصدك علي عاصم اللي كان دراعك اليمين
زين :للأسف هو
ياسر:بس عاصم مكنش كده ايه اللي خلاه اتغير للدرجه دي ازاي يأذي أرواح ملهاش ذنب ازاي قلبه يجيبه ان يفكر في طفل اصلا
أدهم:الجشع بقي والطمع والفلوس والشرب والسهر وكل القرف اللي اتجه ليه من ساعه مالفلوس جرت معاه كانت السبب ف فساد اخلاقه وطبعا اللي خلاه يفكر ان هو ليه قيمه وطمعه فيه اكتر واكتر وشغله معاه واداه اكتر من حقه الاستاذ اللي قاعد قدامك ده عاصم بعد ماكان مش لاقي ياكل ويدوب شغال عندهم حارس في الفيلا بحكم الصداقه اللي كانت بين ابوه وبين عمي وان كان يعتبر بيعتمد عليه في كل حاجه
زين باشا اما ابوه مات عين عاصم حارس شخصي ليه وقف جنبه واداله منصب عمره ماكان يحلم بيه واستغله ف الشر زي ماسعاتك شفت كده
الظابط لزين :بس انتوا ليه حبستوها الفتره دي كلها مسبتهاش تمشي ليه ليه مبلغتش عن عاصم وخد جزاؤه
زين:مبلغتش عن عاصم عشان سمعتها هيا لكن كنت هعاقبه بطريقتي كنت هخليها تاخد حقها منه وبزياده بس اما اطمن ع البنت االلي كانت بين الحيا والموت
الظابط:ووليه مسبتهاش تمشي
زين:عاصم كان مفهمني انها عاوزه تقتلني وحد مسلطها عليا حبستها لما اعرف الحقيقه
ياسر :واما اعرفتها
زين:خفت
ياسر :خفت! من اي؟
زين بهدوء وتوهان: خفت مترجعليش تاني منكرش اني غلط لما حبستها بس مكنتش عاوزها تبعد عني مكنتش هقدر
ياسر بإبتسامه:واضح كده انك وقعت
أدهم :يختتتتي من بدري
ياسر :وهو اللي بيحب حد برضوا بيصوره ويفضحوا
زين بغضب:اي اللي انتا بتقوله ده
ياسو وهو بيفتح الموبايل مش انا لللي بقول دي الانسه غرام اللي اتهمتك بكده انك صورتها من غير علمها وفضحتها ع النت واتطردت من شغلها بسببك
زين بصدمه : غرام قالت كده
أدهم:ياسر باشا زين ميعرفش حاجه عن الصور دي دي مجرد لحظه هو بيطلعها من حمام السباحه لما كانت بتغرق
اكيد يعني رجل اعمال مهم زيه مش هيحط نفسه ف موقف زي ده
ياسر:اومال مين اللي هيعمل كده ويستغل فرصه زي دي ماهو اكيد حد من العيله ومعاهم في نفس المكان
زين بحزن بيداريه :ده اكيد حد من الخدامين او الحرس انا بحقق في الموضوع ده واول ماعرف حاجه هبلغ سعاتك وبص لأدهم أدهم فهم وسكت طبعا مش هيقول علي امه كده ومش هيوديها ف داهيه
ياسر :انا سمعت ان عاصم لسه شغال معاك وكان في الفيلا لحد اول امبارح ومجاش من ساعتها مختفي ومحدش يعرف عنه حاجه
زين:هو فعلا مجاش الفيلا بقاله كام يوم بس كان في بيت غرام لسه انهارده
ياسر بأستغراب:بيعمل اي هناك انتا متأكد من الكلام ده
زين :الحرس اللي هناك هما اللي قالولي ان هو راح وسأل عليها وقالهم لو عرفوا حاجه عنها يعرفوه
ياسر:وهو لسه عاوز منها اي بعد اللي عمله فيها
زين بغضب:بيقفل كف ايده وبيجز ع اسنانه اما افتكر عاوز يتجوزها عشان يفلت بعملته ومترفعش ضده قضيه
ياسر:عاصم ده طلع مش سهل فعلا ومش هيجيبها لبر ولازم نوصله ف اسرع وقت
زين:ممكن تديني عنوان غرام
ياسر:بس يازين
زين:متخافش انا مش هعمل فيها حاجه انا هتكلم معاها بس هعتذرلها عن كل اللي حصل معاها واللي عملته فيا وبعد كده اعملوا اللي انتوا عاوزينه
في فيلا زين العابدين
فريده للحرس بعد ماجيت من حفله من حفلاتها:اي اللي انتوا بتقولوه ده ازاي محدش رن عليا
الحارس:أدهم باشا مع سعاته ومبلغناش نعرف حضرتك
فريده بغضب :أغبيه حد سمع حاجه عن اللي حصل ده
الحارس :لا ماعتقدش الكلام ده لسه من ساعه تقريبا
فريده :عرفت اي السبب ولا واقف زي عدمك
الحارس :حط وشه في الارض وسكت
فريده :انطططق في ايه
الحارس :زين باشا متهم بخطف الانسه غرام
فريده بصدمه :ايييه غرام بقي كده ياست غرام كنت متأكده انك لوخرجتي هتعملي كده عشان كده كنت عاوزه اخلص منك باي طريقه بس ملحوقه احنا لسه فيها
اتجهت للداخل لتغير ملابسها لكنها اوقفها سماع صوت في احدي الغرف االخاصه بالحرس التي كان اغلب وقت عاصم فيها واغلب اشيائه اتجهت بهدوء لتفتح الباب لتري عاصم وهو يلم أشيائه مسرعا
فريده:انتا بتعمل اي هنا
عاصم:لف ليها وكمل تاني ابعدي عن طريقي الوقتي يافريده انا مش ناقصك انتي كمان
فريده :واو فريده كده من غير ألقاب لا ده انتا معتش بتخاف بقي
عاصم :ههههههه وقرب منها اخاف !أخاف من مين منك ولا من ابنك زين العابدين انا مبخافش من حد بالعكس المفروض انتي اللي تخافي مني ومد صابعه يمشيه علي وشها انتي عارفه تاريخي كويس بسس وبصلها من فوق لتحت متنفعيش مبحبش انا النوعيه دي كبرتي خلاص وعجزتي يافريده هانم
فريده: شالت ايده انتا قليل الأدب وحيوان وانتا اللي تستحق ان يتقبض عليك مش زين
عاصم:اوووه ليه هو انا اللي كنت خاطفها انتوا اللي خطفتوها وحبستوها فاهمه انتوا يعني انتي وابنك هو حبسها هنا وانتي صورتيها وفضحتيها يعني انتوا الاتنين هتروحوا ف داهيه سوا ونخلص منكو وسابها ومشي
فريده:علي فين انتا مش هتهرب بالسهوله دي متفكرش انك هتنفد بعملتك وتلبسها لزين انا هبلغ عنك حالا
عاصم :ابتسم ولف ليها مسكها من شعرها يلا يلا بلغي انا مستني اهو
فريده بتحاول تشيل ايده وهيا بتتألم
سيب شعري ياحيوان انتا اتجننت
عاصم :تؤتؤ أنا لسه بعقلي لحد الوقتي بس مضمنش بعد دقيقه ممكن اعمل فيكي اي ورماها من ايده علي الكرسي اللي جمبه فريده لمحت عصايه شالتها وخبطته بيها
عاصم:اااااه حط ايده علي راسه وبص فيها لقاها غرقانه دم يابنت ال.... ونزل ضرب فيها جه يمشي شدته من رجله زقها برجله خبط دماغها ف الحيطه اغمي عليها خرج عاصم وهو بيتلفت حواليه وخرج بسرعه بعد ما قال للحراس اللي ع الباب انه رايح لزين
ركب عربيته واتجه للمكان اللي هيستخبي فيه رن موبايله لقاه الحارس االي مكلفه يجيبله اخبار غرام
عاصم :عاوز اي انتا كمان وقفل ف وشه مش كفايه المبلغ اللي خدته مني وفي الفاضي
رن الموبايل تاني عاصم يووووه وفتح عليه :عاوز اي يازفت
الحارس :بصوت واطي عاصم باشا كنت عاوز اقولك ان في حد فوق في شقه غرام هانم فرمل عاصم بسرعه ووقف بتقول اي
في بيت عشق
استيقظت الام علي صوت دق علي الباب قامت مسرعه تلبس خمارها
أم عشق:خير اللهم اجعله خير ياتري مين هيجيلنا الوقتي وبيخبط كده
عشق خرجت من غرفتها مسرعه لتقابل امها
عشق بأستغراب:في ايه
الام:معرفش هشوف اهو
فتحت الام لترجع للوراء بصدمه :زين باشا
عشق:كانت في حاله لاتحسد عليها عندما راته ليس زين بل هو عدوها اللدود أدهم
أدهم بصلها بصدمه من فوق لتحت انتي! انتي ايه اللي جابك هنا
عشق:ربعت ايدها والله المفروض انا اللي اسألك السؤال ده انتا اللي بتعمل اي هنا ف بيتي
أدهم:بيتك ولف بص لزين اللي كان واقف مصدوم من اللي حصل وان غرام طلعت عند عشق في الآخر
زين لعشق: ده بيتك؟ انتي تعرفي غرام!؟
يعني اللي كانت في المستشفي يومها كانت غرام
عشق:اناااا أنا اسفه جدا يازين باشا بسس
زين :بس ايه غرام فين
عشق:ج جوه في الاوضه هصحيها لحضرتك حالا
زين:استني وقفت عشق وبصتله
زين :احم انا هصحيها خليكي انتي
عشق:بس
أدهم :مبسش انتي تسكتي خالص انتي ليكي عين تتكلمي
سابهم زين بيتخانقوا وفتح الاوضه ودخل لغرام
ام عشق وقفت قدامه:أبوس ايدك يبني اوعي تأذيها غرام دي طيبه وبنت حلال هيا كانت خايفه منك واي واحده مكانها كانت هتعمل كده
زين بإبتسامه :مانقلقيش يا امي انا لايمكن أذي غرام انا ماصدقت لقيتها ممكن بقي أدخل
الام:اتفضل يبني ربنا يريح قلبك
خبط زين محدش رد فتح الباب ودخل
زين قعد علي طرف السرير لما شاف حد نايم ومتغطي وبيبكي بصوت واطي ونده غرام
صوت البكي سكت
زين:انا كنت جاي اعتذرلك عن كل اللي حصل بسببي انا عارف ان انتي متستاهليش مني كل ده انا معاكي ومش هسيبك تضيعي مني تاني هنجيب حقك من عاصم واحنا مع بعض ولو عاوزه تعاقبيني انا كمان موافق
غرام انااا أنا بح
وقبل مايكمل كلامه شالت أمنيه الغطا من علي وشها
زين بصدمه:انتي مين فين غرام
امنيه:أبله غرام مشت وقالتلي مقولش لحد وسابت الورقه دي وقامت من مكانها جابتها من ع المكتب وادتها لزين اللي قام وقف خدها منها وفتحها بسرعه وقرأ المكتوب فيها
قعد مكانه تاني بصدمه ليه ياغرام كده ليييه كل ما اقربلك خطوه تبعدي عشره ليييه وحط ايده الاتنين علي وشه وقعد يبكي لأول مره ف حياته يحس بالضعف ويبكي علي حد غير أبوه
علي الجانب الآخر
أدهم:انتي ليكي عين تتكلمي
عشق لأدهم:وانتا مالك انتا بتتدخل ليه أصلا وبعدين انتا ايه اللي جايبك هنا
ام عشق:عيب يبنتي كده ميصحش الباشا برضوا مهما كان ف بيتنا
عشق:اسكتي انتي ياماما انتي متعرفيش الاشكال دي انا اللي حفظاها كويس
أدهم:اي ده بجد وعرفتيها منين بقي من شغلك مع ياسين
الام بصدمه :ياسين وبصت لعشق انتي لسه بتشتغلي مع ياسين
عشق بتوتر:اه لا لا ده ياسين تاني خالص عميل ف الشركه عندنا مش كده ولا اي يا أدهم باشا
أدهم وهو يفرك دقنه بإيده:باشا مع اني شاكك ان في حاجه ورا الاحترام ده بس هعديها مدام فيها باشا
عشق لامها:مش هتعملي حاجه للباشا يشربها ولا اي يرضيكي يقولوا علينا بخله ولا اي
الام :لا طبعا ازاي الباشا يشرب اي
أدهم :مالوش لزوم وبص لعشق بس طالما الانسه عشق مصممه اشرب اي حاجه من ايدك الحلوين دول ياست الكل
الام بإبتسامه:حاضر يبني تحت أمرك
عشق ببتريق عليه وبتقلده بصوت واطي:نينينيني اي حاته من ايتك الحلوين تول ياست التل
ادهم وهو يقترب منها :سمعتك علي فكره من شويه باشا والوقتي بتتريقي تمام مقلتليش بقي مخبيه عن الحاجه ليه شغلك مع ياسين
عشق بتوتر:لو لو سمحت ماينفعش ماما تعرف حاجه عن ياسين نهائي
أدهم اقترب منها أكثر لترجع هيا للخلف
ادهم:ليه ماينفعش تعرف
عشق:عشان عشان
خبطت في الحيطه اللي وراها بصتلها ورجعت بصتله وانتا مالك انتا دا انتا حشري اوي
ادهم:اي ده بجد طيب ياحاجه
عشق بسرعه حطت ايدها الاتنين ايد حوالين رقبته وايد علي بقه ادهم فتح عينه بصدمه
عشق لو فتحت بقك بكلمه ها
أدهم شال ايدها من علي بقه ولف ايده علي وسطها كملي ها ايه
عشق بتحاول تبعد عنه انتا قليل الأدب امشي اطلع بره
أدهم:تؤتؤ مش قليل الأدب بس ده أنا سافل كمان
عشق :ابعد عني بدل ماأصوت وأقول انك بتتحرش بيا
ادهم:جربي كده
عشق:اااااه الحقوناي
ادهم بعد بسرعه وحط ايده ف ودنه:ايييه يخربيتك بالعه ايه
ام عشق بخضه:في ايه مالك ياعشق حصلك حاجه
عشق:اه ياماما الحقيني الباشا كان
الام:كان اي انطقي
عشق بصت لأدهم بتحدي وهيا شايفاه واقف مرعوب تحكي حاجه مجنونه وتعملها
عشق:كان في صرصار هنا والباشا ضربه خلاص متخافيش
أدهم: اااه فعلا كان في صرصار هنا من شويه بس ماتقلقيش انا علمته الأدب ولسه هعلمه لو شفت وشه تاني
الام بإستغراب:بس احنا معندناش حشرات وبصت لعشق وبعدين من امتي وانتي بتخافي
عشق:جرا اي ياماما انتي هتسيحيلي ولا اي الشباك مفتوح هتلا قيه دخل منه
صرصار وقح هجم عليا زي اللي مشافش انثي قبل كده
أدهم :ايه يختي انثي انا مش شايف اي انوثه هنا مش شايف الا جعفر واقف قدامي
ام عشق:هههههه والله معاك حق يبني بتصرقاتها دي مش شايفه اي انثي خالص
ادهم بيغيظ عشق:لا ازاي مفيش اي أنثى وحضرتك موجوده ده انا حتي ارل ماشفتك فكرتك اختها الصغيره
امها:ههههه مش اوي كده الله يجبر بخاطرك يبني شكلك بكاش زي عشق بنتي
ادهم:لا ابوس ايدك شبهيني بأي حد الا بيها
عشق:نعم يخويا ليه بقا ان شاء الله انتا تطول اصلا انها تشبهك بيا وانتي ياست ماما حسابك معايا بعدين
الام:بتناول أدهم العصير سيبك منها واشرب روق دمك
أدهم بياخد العصير :تسلم ايدك يا امي وبص لعشق انا فعلا دمي اتعكر اما شفت واحد صاحبنا
عشق بتبصله بغيظ:وبصوت واطي وأدهم بيشرب قالتله بالسم الهاري
شنق أدهم بعد ماسمعها كح كح أعوذ بالله مش شارب حاجه وحط العصير تاني ع الصنيه ف ايد امها
عشق:أحسن وفرت
خرج زين من الاوضه لف الكل وبصله كان في اعتقادهم ان هيخرج وف ايده غرام بس لا خرج وف ايده ورقه زي جواب ووشه في الارض
أدهم:جري عليه بقلق زين انتا كويس
زين سند علي أدهم واداله الورقه ف ايده يقرأها
أدهم بإستغراب :اي ده وبص في الورقه ثواني ممستحييل غرام هربت تاني
وقعت الصنيه من ايد ام عشق لما سمعت الخبر اللي نزل عليها زي الصاعقه
عشق بصدمه:اي هربت وجرت علي الاوضه تبص فيها ملقتش الا اختها
فلاش باك
بعد ماعشق اتهمت غرام انها كانت مقضياها هيا وزين وورتها صورها ومحدش رضي يسمع منها الحقيقه
غرام قررت انها تمشي وتسيب البيت هترجع بيتها تاني هو صحيح مش ضامنه هيلاقوها هناك ولا لأ بس كده كده زين هيلاقيها وخصوصا ان عشق شغاله عنده واتضايقت لما قدمت محضر ضده واحتمال كبير تقوله انها عندها وكمان اكيد زين هيعرف عنوانها من المركز هو مش قليل برضو وهيجيبه بأي طريقه
دخلت غرام ورا عشق الاوضه اللي كانت غيرت هدومها جت تكلمها طفت النور وادتها ضهرها ونامت من غير ماترد عليها قامت غرام قعدت ع المكتب مسكت ورقه ووقلم وكتبت
أسفه لكل حد هيشوف رسالتي بعد ما امشي
اسفه ليكي يا امي لو اتخدعتي فيا بس صدقيني انا مظلومه واللي في الصور ده مش حقيقه زين كان بيطلعني من الميه لان مكنتش بعرف اعوم مكنتش مقضياها زي ماعشق اتهمتني اسفه لو زعلتي مني وخليتك تندمي ان اعتبرتيني زي بنتك بس صدقيني انا اعتبرتك امي من اول يوم دخلتيني فيه بيتك وامنتيني علي مالك وعيالك واعتبرتيني واحده منكم بحبك اووي واتمني أشوفك تاني في يوم من الايام لو ف العمر بقيه
حابه اتأسف كمان لعشق
عارفه انها اكتر واحده هتفرح اني مشيت مسحت غرام دموعها وكملت
ومش زعلانه بالعكس هيا معاها حق مش لازم نأمن لاي حد ونديله كل الحب والاهتمام اللي ادتهوني انا لو مكانها ممكن كنت أزعل مع اني متأكده اني لأ كنت هعتبرها اختي بالظبط اللي ربنا ما أرادش تكون عندي
عارفه إني غلست عليكي واقتحمت حياتك واوضتك ولبسك كنت ضيفه تقيله انا عارفه بس كان نفسي تحبيني وتعتبريني اختك زي ما أنا اعتبرتك صدقيني ظروفي هيا اللي فرضتني عليكوا مش انا كل ده كان غصب عني
أنا عندي بيتي بس للأسف مقدرتش أروح عليه وكنتوا انتوا طوق النجاه بالنسبالي بتمني تسامحيني
واخيرا سلامي للسكره اخر العنقود أمنيه بحبك اوووي ياروح أبله غرام اوعي تعيطي او تزعلي أكيد هشوفك تاني بس في السر ها عشان عشق متضربناش
مع خالص حبي واحترامي
غرام
قفلت غرام الورقه وراحت علي سرير اخت عشق الصغيره اللي بتنام جمبها وباستها وقالتها هتوحشيني اوي يا أمنيه سامحيني ولبست عبايه ام عشق ودخلت اوضتها بصت عليها وخرجت قبل ماتفتح باب الشقه حد مسك ايدها لفت غرام برعب لقتها اخت عشق
غرااام: بصوت واطي هوووف الحمد لله حد يخض حد كده
أمنيه :انتي راحه فين يا أبله غرام
غرام:هشششش وطي صوتك حد يسمعك
أمنيه بحزن:انتي عندك بيت
أمنيه :انتي مش عوزاهم يسمعو ليه انتي راحه فين
غرام نزلت لمستواها:أنا راحه علي بيتي
غرام:أيوه عندي بيت كبير زي بيتك كده
امنيه:خلاص خديني معاكي
أمنيه :بس انا مش عوزاكي تمشي
حضنتها غرام. ياروحي انا كمان مش عاوزه أسيبك
غرام:مينفعش ع الأقل دلوقتي عشان عشق وماما مايزعلوش مننا
امنيه:ماما بتحبك ومش هتزعل مني لو جيت معاكي
غرام:ماينفعش تمشي من غير ماتعرفي ماما لو صحت من النوم مالقتكيش ممكن لاقدر الله يحصلها حاجه
أنا همشي دلوقتي وهجيلك تاني وا عدك المره الجايه هخدك معايا اتفقنا
هزت امنيه راسها بحزن باستها غرام ولسه هتفتح الباب
أمنيه:اوعي تضحكي عليا زي بابا
لفت غرام ليها كملت أمنيه :هو برضوا قالي هجيلك تاني ومجاش
غرام:ان شاء الله هيجيلك بالسلامه بس لازم يكون كويس الأول عشان يقدر يلعب معاكي زي الأول ولا اي
أمنيه حضنت غرام من غير كلام مسحت غرام دموعها وبعدتها عنها انا لازم امشي دلوقتي اوعي تقولي لحد اني مشيت سيبيهم لما يصحوا وهما يعرفوا
هزت امنيه راسها ومشت غرام وقفلت الباب بهدوء
جرت أمنيه علي سريرها وغطت وشها وقعدت تبكي بهدوء تحت الغطا عشان محدش يسمعها
فلاش باك
عشق خرجت من الاوضه بحزن وصدمه خدت الورقه من ايد أدهم اللي كان واقف مصدوم وخايف علي زين
عشق قعدت مكانها وهيا بتبكي علي كلامها اللي بتقرأه بصوت عالي لأول مره تحس بالندم وتحس انها ظلمت شخص برئ يمكن هيا طبعها قاسي وفظ شويه بس ظروف حياتها اللي فرضت عليها تبقي كده
ام عشق:ياحبيبتي يبنتي حقك عليا سامحيني انا اللي مدتكيش فرصه تدافعي عن نفسك
ادهم لزين:زين مالك انتا كويس زين وقعده ع الكرسي جرت عشق وجابت ميه وشربه أدهم
زين قام وقف مفيش وقت لازم نلحقها قبل ماتروح مكان بعيد او حد يأذيها
أدهم :طيب هنلاقيها ازاي
زين :أكيد هتروح بيتها بس
عشق:بس اي
زين:لو شافت الحراس هتخاف تدخل وهترجع تاني وطلع موبايله بسرعه ورن عليهم تختفوا من قدام البيت حالا مفيش مخلوق يشوفكم غرام احتمال تيجي البيت دلوقتي لو شافتكم هترجع اتداروا ف اي حته بس خليكوا حواليها اول ماتوصل تطمني
الحارس تحت امرك ياباشا
عشق لزين:أنا هاجي معاكوا
أدهم :تيجي فين هو احنا راحين الملاهي وأنا معرفش
عشق:ملكش دعوه انتا انا بكلم زين باشا وبصت لزين انا لازم اعتذرلها واطمن عليها لو سمحت خدني معاكي
ادهم:ماهي كانت قدامك ليل نهار وطفشتيها بلسانك الأطول منك الوقتي بقت حلوه وعاوزه تتطمني عليها
عشق:أنا مش عارفه انتا واقفلي كده ليه زي اللقمه اللي بتقف ف الزور هو انا مرات أبوك وانا معرفش
زين لأدهم:أددهم مش وقته يلا عشان نلحق غرام
ادهم:انتا مش سامع هيا بتقول اي
زين :أدهممم يلا
عشق من ورا زين طلعت لسانها لأدهم بتغيظه رايح عليها زين شده من دراعه وخرجه قدامه وعشق خرجت وراهم
ام عشق لبنتها:ابقي طمنيني علي غرام اول ماتلاقوها ربنا يستر يارب
نزل زين تحت البيت للظابط ياسر اللي كان واقف مستنيه
ياسر:بيبص عليهم بإستغراب مالك يازين اومال غرام فين
زين :غرام هربت تاني ياياسر ولازم نلاقيها ف أسرع وقت قبل ماعاصم يوصلها
ياسر:هربت وهيا هتهرب ليه حصل حاجه تاني
زين :مش وقته يلا بينا وأنا هحكيلك كل حاجه في الطريق ركب زين مع ياسر
أدهم لعشق:هتركبي ولا هتيجي مشي
عشق:أركب معاك انتا مستحيل
أدهم براحتك انا اصلا مش عارف اي اللي مخليني اقف اتكلم معاكي وركب عربيته ولسه هيمشي عشق بصت حواليها بخوف استني وركبت بسرعه
ادهم :علي فين
عشق:أمري لله هضطر اركب معاك مش هلاقي تاكسي الوقتي
ادهم بصلها من فوق لتحت:علي اساس انك لو لقيتي هتركبي بمنظرك ده
شدت غرام الشال عليها مالو منظري يعني ياريت تبص قدامك وملكش دعوه بيا خالص
أدهم :اللهم طولك ياروح ومرتكبش جريمه طلع بالعربيه وكل دقيقه كان بيلف يبص عليها وهيا بتوتر تغطي نفسها بالشال
أدهم بيبتسم علي خجلها وعلي لسانها الطويل وانها مبتخافش ااوتعمل حساب لحد حتي هو علي عكس كل اللي عرفهم كان بيتمنوله الرضا
أدهم ف سره :ياتري وراكي اي ياعشق واي اللي بينك وبين باسين ومخبياه علي امك ياتري هيا عرفته ازاي أصلا
ع الجانب الآخر
غرام بتبص علي بيتها من بعيد لقت الشارع هادي مفيش حد قدام البيت ولا عربيات واقفه قدامه حتي
غرام :الحمد لله كده اقدر اطلع بيتي براحتي وهحاول محدش يسمعلي صوت لحد ما اعرف هعمل ايه
مشت غرام بهدوء وهيا بتتلفت حواليها وطلعت علي شقتها الباب مقفول مفيش معاها مفتاح طلعت للسطح ولفت ونزلت من باب المطبخ اللي كانت حاطه مفتاح البيت في مكان سري جنب الشباك علشان ساعات كانت بتنسي مفتاحها جوه الشقه
فتحت غرام بهدوء ودخلت تتسحب الوضع مستقر الشقه زي ماهيا لحد مادخلت أوضتها
صورها مرميه علي الارض ف كل مكان سريرها متبهدل كأن حد كان بيقعد عليه ريحته في الاوضه غمصت عنيها وشمت الريحه تاني وهمست زييين بس مالحقتش تتخيل
كان حد حط ايده علي عينها وبقها
وحشتك مش كده
يتبع الفصل الخامس والعشرون اضغط هنا
- الفهرس يحتوي على جميع فصول الرواية كاملة :"رواية عشقت منقذتي" اضغط على اسم الرواية