رواية الاعمي الجزء الثاني 2 الفصل الثالث والعشرون بقلم ليلة عادل
رواية الاعمي الجزء الثاني 2 الفصل الثالث والعشرون
شقة مروان 2 م
يفتح مروان باب شقته ثم يقف امام غرفة اميرة يطرق الباب مرة ثم مرة ثم بقوة لكنها لا تجيب فيقوم بفتح الباب ويدخل داخل الغرفه لا يجدها يقترب من الحمام لكنها ليست بداخله يزداد قلقه يخرج خارج الغرفه ويقوم بالنداء على فاطمة
مروان : فاطمة فاطمة
تخرج من المطبخ
فاطمة: ايوه يا حبيبى
مروان : اميرة فين
فاطمه : دى خرجت من الصبح
مروان : باستغراب .. خرجت !! ماقلتش راحت فين
فاطمه : لا أخدت شنطة هدومها ومشيت
مروان : شنطة هدومها
فاطمة : هى قالتلى انك عارف
مروان : طب روحى انتى
يخرج مروان هاتفه من جيبه يتصل بيها لكن هاتفها مغلق يقوم بالاتصال بنور..
مروان : الو ايوة نور ازيك هى اميرة معاكى متعرفيش عنها حاجة لالا مافيش يمكن نزلت تجيب حاجة من السوبر ماركت ماشى هطمنك ..يكلم نفسه ويتنهد .. راحت فين دى ..
يقوم يدخل غرفة نومه ثم يجلس على السرير يجد ورقة على الكومودينه يفتحها يجد رسالة
من اميرة مكتوب فيها افتح الدولاب هتلاقى بدلة البسها وتعالى على العنوان اللى بالرسالة ماتتاخرش, ينظر مروان الى الرسالة باستغراب شديد ثم يبدأ مروان بتبديل ملابسه التى كان يرتديها وبعد الانتهاء ينزل و يركب سيارته ويذهب الى العنوان , ثم يصل الى مدينة العين السخنة يقف بسيارته وينزل منها ويصل الى احد الشاليهات
العين السخنه ٥م
يقف مروان امام احد الشاليهات يجد ورقة بسهم مكتوب عليها المفتاح تحت الدواسة , ثم ينزل على الدواسة ويأخذ المفتاح يفتح الباب ويغلقه خلفه , كان بالداخل أجواء رومانسية شموع وورد تزين المكان , ثم يرى اسهم ليصعد السلالم ثم اسهم ليسير حتى اخر ممر ,حتى يصل الى غرفه النوم , يفتح الباب يتفاجئ بأميره ترتدى فستان زفاف هادى وبسيط وتضع القليل من المكياج وشكلها مثل الملاك يقترب منها
اميرة : حمد الله على السلامة
مروان : انا مش فاهم حاجة
اميره : تقترب منه تمسك يده بنظرات اسف واستسماح وحب انا اسفة على الفترة اللى فاتت اسفة على طريقتى اسفة على كل شى وكل فعل صدر منى كان مؤذى نفسيا ليك , انت اكيد مقدر اللى كنت بمر بيه وقتها , مش هكدب عليك وأقولك انى اتعافيت مية بالمية , لكن انا متاكدة انك هتفضل جنبى , لحد ماتعافى مليون في الميه انا بأقوى بيك , بحبك
تقبله من كف ايده .. تصمت قليلا ومازال مروان ينظر لها وهو مش مصدق..
اميره: مش هتقول حاجة , هتفضل ساكت ..طب مش عايزنى اكملك الحلم فاكره
مروان : بدموع يشاور برأسه.. امممم فاكره
اميره : اكملهولك
مروان : يشاور برأسه لاء
تنظر له باستغرب .. ثم يقترب منها مروان ويقوم بتقبيلها بشوق ولهفه وحب من شفايفها ويتبادلان القبلات بحب وعشق وشوق ويقضى مروان واميرة ..ليلة ولا ألف ليلة وليلة, الليلة التى كان يحلمان بها وهما بغاية السعادة
فى صباح اليوم التالى تظهر اميرة وهى تنام على صدر مروان و تغطى جسدها بغطاء ويظهر ظهرها عارى ويقوم مروان بتمرير يده على شعرها لتبدأ أميرة بالتحدث معه
اميرة : انا نفسى نفضل هنا على طول نعيش هنا ثم تمسك الغطاء تغطى وجهها وجه مروان
اميره : تخيل انا وانت بجزيره لوحدنا مفهاش غير انا وانت و بس, بعيد عن اى ضغط ومشاكل , بعيد عن كل الناس اللى بتسرق مننا سعادتنا, الناس الانانية , كل اللى فارق معها منظرها وبس , بجد هتبقى احلى حياة
مروان : اى مكان يبقا معاكى جنة , كفاية انى هبقى جنبك جوة حضن عينكى يقبلها من خدها وايدها ....
هى نور صاحبة الفكرة
اميرة : بمزح .. نور راضية عنك أوى لولاها كان زمانك نايم بالأوضة التانية
مروان : بمزح .. ألف تحية لنور
اميره ومروان معا : تعيش تعيش تعيش ههههههههههههه
وبالفعل يقضى مروان واميرة اسبوعين عسل وهما بمنتهى السعادة فقد نجحت نور برجوع اميرة مره أخرى لمروان
فنرى مشاهد سريعة وهما في البحر وهما يلعبان ويرقصان فقد سافرت اميره ومروان الى جزر هاواي لقضاء شهر عسل هناك
جزيره هاواى
♥️_____ليلة عادل_____ ♥️
شاليه اميرة ومروان 10ص
تنام اميرة على السرير بمفردها وهى ترتدى ملابس النوم ثم تبدأ تفتح عينيها ببطئ ,فتقوم بتحسس جانبها لكنها لا تجد مروان بجوارها تنهدت وعلى ملامحها الاستغراب ,فاتجلس على السرير و ترجع شعرها للخلف و تقوم لتنادي علي مروان ....مروان مارو , ثم تتحدث مع نفسها... راح فين ده , فتقوم على السرير وتذهب الى الحمام وتقف امام المراية وهى مازلت غير فائقة تماما , ثم تنظر بتركيز على المرايه ترى ورقة مكتوب عليها مستنيكى على شاطى البحر بحبك , تبتسم وتذهب عند الدولاب لتقوم بتبديل ملابسها , فاترتدى فستان ابيض نص كم تحت الركبة , ثم تضع روج بلون الشفاه ومحمر خدود فقط , وترتدى برنيطه بحر , وتخرج تسير حتى تصل الى مروان, كان يقف مروان على البحر وهو ينظر له بتأمل وهو يرتدى قميص ابيض وبنطلون جينز كحلى , عندما تصل اليه اميرة, تقوم بمعانقته من الخلف يبتسم لها مروان ويمسك ايدها ويقبلها من كفها ثم يجلبها امامه فتقوم اميره بمحاوطة يدها على رقبة مروان هو يمسكها من خصرها
اميره : بابتسامة ... مستنتنيش ليه
مروان : بابتسامة خلابة وحب ونظرات كلها عشق وغزل .. كنت بدور على حاجه اجمل منك حاجة تسرقنى زى عينيك اللى سرقانى بسحرها , مالقتش , الجمال كله فيكى , جمالك أحلى من الخيال , اجمل من الجمال , كأنهم اختصرو كل جمال العالم فيكى , لوحة ربى احسن صورتها .. يمسك يدها يقبلها منها ..انا حقيقى محظوظ إن ربنا كتبك تبقى نصيبى , انا دخلت الجنة وانا لسه على الارض ,انتى جنتى
اميرة : تضع ايدها على خده بحب عارف انا لو قالولى تتمنى ايه تانى ,وايه هى دعوتك الجاية, هاقولهم انى افضل عايشة النصيب ده , ان ربنا يحفظلى النصيب والسعادة دى ويديمها ليا , مروان انت احلى نصيب ,انا مش عايزة حاجة تانى من الدنيا حقيقى استكفيت بيك اصلا دعواتى الاولى والاخيرة هية انت , انت وبس , تقترب منه ثم تقترب من اذنه وبدلع بحبك يا دك
مروان : ينظر لها وانا بموت فيكى يا روح قلب وعين الدك يضمها يلف بيها
- شاطى البحر
نرى مروان واميرة وهما يمسكان يد بعضهما ويتمشيان على شاطى البحر وعلى ملامحهما السعادة بعد قليل .. يقتربون من قعدة على البحر كان مروان محضر لأميرة الفطار بشكل جميل رومانسى بسيط حيث فرش على الرمال وضع عليها فطارخفيف , وجهزه حتى يبدو بشكل رائع
مروان : ها ايه رايك
اميره : انت فظيع انت مالكش حل حلوة اوى
يجلسان على الشلت ثم ياخد مروان احد الورد التى امامه وبابتسامة ويضعها فى شعرها
مروان : تعرفى
اميره : ايه
مروان : الورده فقدت جمالها
اميره : تنظر له بابتسامة لطيفة ثم تاخذ معلقة من المربى وتضعها على التوست .. يلا افتح بوقك يتناولها مروان مع عض اصابع يدها بدلع اه اه ايدى
مروان : بمزح .. اسف اصل افتكرت حته من السندوتش اصل ايدك مربى يا مربى
اميره : ههههههه تصدق انا كنت لما بشوف حد بيدلع حبيبته كدا كنت بحس بقرف يعنى تلازيق اوى بس معاك حبيته
مروان : نفس شعورى انا معاكى اكتشفت انى ليا في التلازيق ههههه
اميره : بمزح طب ايه رايك كفاية تلازيق نفطر بجد يا بوصلاح
مروان : يلا بينا يا صحبى
♥️_____ليلة عادل_____ ♥️
مركز مروان 10 ص
تجلس نور وحمزة فى الكافيتريا يتناولون الفطار ويتحدثون و على ملامحهم الابتسامة ثم تدخل عليهم حنين
حنين : عاملين ايه
حمزه : تمام يا عروسة
نور: انتى مش اجازة عشان الفرح
حنين : كان عندى جلسة مهمة جدا مينفعش ابدا اعتذر عنها
نور : خلاص جاهزة لليلة العمر
حنين : جدا
حمزة : خللى بالك هيبقى عندك حماتين جامدين اوى
حنين : هتقولى طب والله ما أنا خايفه من طنط عليا اكتر ما أنا خايفه من نور
نور : ايوه كدا خافى الواد مش حمل صدمات تانى بعدين الواد حبك بجد ده اعجاز
حمزه : فعلا يا حنين ادهم بيحبك جدا اوعى تزعليه صدقينى هتاخدى عينه
حنين : ياربى انا نفسى اصحابى يعملو كدا معايا ممكن تدخلونى الشلة
نور : ندخلها
حمزة : صعبت عليا خلاص هنضيفك بالجروب
نور : بس اسمعى ده مش معناه انك تزعلى الولا والنبى ادبحك
حنين : هههههههههههه والله شكلى انا اللى هدبحك
هى اميرة هترجع امتى بقالها كتير, كل ده عسل ده ادهم اخد اجازه عشر ايام بالعافية
حمزة : يابخت اللى صاحب المركز يبقى جوزه
نور : هى بالكتير اسبوع وهترجع
حنين : ترجع بالسلامة
فيلا مروان واميرة 2م
تدخل نور الفيلا تقوم اميرة باستقبالها بهول الفيلا بسعادة
اميره : روحى وحشتينى اوى تضمها بشدة
نور : وحشتينى كل ده وكمان قافلة تليفونك
اميره : والله غصب عنى مروان اخد الفون مادهونيش غير واحنا راجعين ايه رايك بالفيلا
استلمناها لما رجعنا
نور : طبعا جميلة مش زوق اختى
اميره : تعالى افرجك عليها
نور : لا تعالى بس احكيلى حصل ايه الاول
اميره : تحبى نقعد هنا ولا بالجنينة عاملة قعدة برة تهوس زى قعدة السطح
نور : يبقى بالجنينة
حديقة الفيلا
تجلس اميرة و نور على كنبة امامهم ترابيزه عليها كوبايات عصير فارغه وطبق فيشار
نور : شفتى كلامي جاب نتيجة ازاى بس حلوه جزر الهاواى
اميره : تحفة بس دى تجنن تهوس مكنتش عايزه ارجع
نور : المره الجايه نروح سوى
اميره : مينفعش
نور : ليه
اميره : انتى تروحى مع حمزة وانا ومروان غير كدا متنفعش دى للهانى مون بس
نور : ايوا بقى بس تعالى هنا احكيلى لما شافك بالفستان عمل ايه
اميره : فضل متنح شويه زى ما قولتلك وبس
نور: بمزح ... منا عايزه اسمع بعد البس !! بخدودك الموردة دي , ده الدكتور طلع نمس واحنا مش عارفين , فينك يا دكتور خالد ههههههههه تيجى تشوف اللى فاكره كبير
اميره : اتلمى
نور : والنبى احكيلى
اميرة : احكيلك على ايه
نور : اللى حصل وبالتفاصيل
تاخذ طبق الفيشار وتتربع .. احكى
اميرة : انتى بتتكلمى جد ولا ايه
نور : وبالتفصيل بالدقيقة
اميرة : كمان
نور : يلا
اميره : ماتهزريش
نور : انجزى
♥️_____ليلة عادل_____ ♥️
شقه منير 4 م
يطرق مروان الباب يفتح له منير
مروان : وحشتنى
منير : يخربيت عقلك اخيرا
ظهرت يضمه و يقبله
مروان : معرفتش اقولك غير فى رسالة
منير : تعال نقعد بالمكتب واحكيلى
غرفه المكتب
يجلس مروان ومنير على كراسي المكتب ويتحدثان
منير : لوحدها كدا فى يوم وليلة
مروان : اه والله انا فضلت شوية مش مستوعب انا بحلم ولا ايه
منير: والله البت نور طلعت راجل لازم تشكرها لولاها كان زمانك بتنام على الكنبة
مرون : الحمد الله بس انا لازم اعمل حاجه عشان ارجع اميرة لاهلها
منير : اعتقد دلوقت ممكن تقابل خالد
مروان : هعمل كدا بس يومين
منير : مبروك يا حبيبى بقولك انا عايز اشيل عيالك انا هاعد
9 شهور من دلوقت
مروان : يارب
شقه ادهم وحنين 5م
تقف حنين ومعها ادهم يتحدثان مع مهندس الديكور
ادهم : بقولك ايه انا فرحى الخميس الجاى هنسافر عشر ايام ارجع الاقى الشقة على المفتاح لحسن اتحول عليك يا طارق
طارق : ماخلاص قولتلك الموضوع عندى هترجع تستلم الشقه
ادهم : ينظر لحنين .. مش قولتلك نجيب مهندس تانى ده اخره يبيع فجل
حنين : بس لحسن يسمعك
ادهم : انتى فاكره بيحس ينظر للمهندس ..واد يا طارق انت كان نفسك تشتغل ايه وانت صغير
طارق : بياع فجل
ادهم : شفتى
حنين : ههههههههههه اشمعنا
طارق :بمزح مش عارف بس هو كدا بحترمه
حنين : عندك حد بالعائلة تانى كدا
ادهم : لا هو بس
♥️_____ليلة عادل_____ ♥️
فيلا مروان واميره 10م
يدخل مروان الفيلا كانت اميرة تجلس امام حمام السباحة تشرب عصير وتضع السماعات يقترب مروان منها يقبلها من خدها تلتفت اميرة له بابتسامة تمسك يده ويجلس بجانبها
اميره : كل ده عند منير
مروان : اممم تؤ بصراحه كنت بجيب بجيب مش هقولك
اميرة : بطل رخامة
مروان : اتحايلى عليا شوية
اميره : تقبله من خده
مروان : تؤ مش كفاية ..تقبله اميرة من خده الاخر
مروان : بتتعملى معايا انى ابن اخوكى ليه انا عايز وحدة كبيرة
اميره : طب تعال نقف
مروان : اشمعنا
اميره : انا حبه كدا
مروان : يقف يلا
اميرة : غمض عينك عشان بانكسف
مروان : يتنهد اهو
اميره : تعال كدا شويه
مروان : جيت
اميره: يلا
تقترب منه اكتر فجأة تحدفه فى حمام السباحة تفضل تتنطط وتضحكله وتطلع لسانها له
مروان : كدا ماشى
يطلع ليها من حمام السباحه ويجرى وراها تجرى اميرة منه فى الجنينة يفضل يجري مروان وراه اميرة تجرى منه لحد ما يتمكن منها ويمسكها
مروان : هتروحى منى فين ها يحملها بين زراعيه اختارى عقابك
اميره : اهون عليك
مروان : جدا يلا اختارى ولا اقولك انا هعقبك بطريقتى
يدخل بيها الى الفيلا ثم يصعد بها على السلالم ثم الى داخل غرفه النوم ويغلق الباب وو .....
وبعد مرور كام ساعه تظهر اميره وهي تقف امام التسريحة وتلف فوطة على جسدها وشعرها مبلل ثم يقترب منها مروان وهو يرتدى بنطلون بيت وعارى الصدر يلف يده حولين خصرها يقربها منه ثم يقبلها من رقبتها تبتسم اميره تسند راسها على صدره وهى تتمأيل يبتسم مروان وهو ينظر لها بمرايه التسريحه ثم يفتح درج التسريحة بيده الاخره يطلع علبه يخرج منها سلسله فضة رقيقة جدا ثم يلبسهلها تمسكها اميرة وهى تبتسم
اميره : حلوة اوى
تلتفت له وتحاوط ذراعيها على رقبته وهو ايضا يحاوط ذراعيه على خصرها يقربها منه تقبله اميرة من شفايفه برقه ثم تبعد وجهها قليلا
اميره : نسيت اقولك لمبة عازمنا بكرة على الغدا
مروان : ماشى
اميره : ما تيجى نسافر
مروان : عايزه تروحى فين
اميره : اى مكان مش فارق معايا فين المهم اننا مع بعض بصراحه نفسى اعوض الثلاث شهور لا اعوض 15 سنه اللى فاتو بجد نفسى اوى نفضل سعداء نفضل كدا فرحانين مش عايزه اى حاجه تعكنن علينا تانى ..تضمه .. عايزه افضل جوه حضنك كدا على طول هيييح ..تنظر له .. اقولك على حاجه متضحكش عليا
مروان : موعدكيش
اميره : تقرصه من خده .. بطل بواخه عارف انا لحد دلوقت مش مصدقه انى اتجوزتك وانى اخيرا حققت حلمى وبقيت معاك .. بأسف .. مروان انا اسفة عن الفترة اللى فاتت وشكرا على وقوفك جنبى لحد ماعديت من المرحلة اللى كنت فيها
عارفة انى كنت غلسة معاك وقليلة الادب اوى وعملت حاجات معاك متنفعش وانت مالكش ذنب بس والله كان غصب عنى .. تغلغلت الدموع عينيها .. مروان اوعدنى انك متبعدش عنى ابدا وتفضل النظرة دى ديما بعينيك ومتتغيرش واتحملنى وقت ضعفى .. تقبله من كف ايده .. انا بحبك اوى اوى لسانى عاجز عن وصف اللى جويا بس انا متاكدة انك حاسس بيا هو انت ساكت ليه ؟
مروان : عايز افضل باصص فى عينيك وافضل سامع صوتك على امل انى اشبع منك مع انى متاكد انى مستحيل اشبع من عينيكى
اميره : بقيت شاعر يا دك
مروان : انا معاكى اتعلمت كل حاجة اتعلمت الحب الحقيقى فلازم ابقى شاعر لان اميرة خالد حبتنى انا مروان عزت
اميره : بتقلل من قيمتك كدا ليه انت اللى كتير عليا كفايه انك متحمل تقلباتى المزاجية انا نفسى مش بتحملها ببقى عايزة احدفنى من الشباك هههههههه , يالهوى اقسم بالله لسه مش مصدقه انى اتجوزت الدكتور مروان عزت اللى بجيب امتياز بمادته .. تبتعد قليلا تنظر له بعينها .. وانه واقف قصادى كدا يانهااار
مروان : بجديه ..اميره اخر مرة تتكلمى كدا تانى او تتأسفى تانى فاهمه
اميره : فاهمه
بحركه سريعه يقوم مروان بحملها بين زراعيه
اميره : هتعمل ايه يا مجنون نزلنى
مروان : هخليكى تصدقى انك اتجوزتى الدكتور مروان يا صغنن يقترب من السرير وو,,,,,
عماره اميره القديمه 8م
تدخل اميرة ومعها مروان الى العمارة مع نظرات ارتباك وتوتر من اميرة ثم يقفوا عند باب الاسانسير
اميرة : بقلق .. بقولك تعال نرجع وانا هكلم نور اقولها نروح نتعشى بره
مروان : خايفه من ايه مش انا معاكى واتفقنا اننا لازم نواجه
اميره : بتوتر ... بس الموضوع صعب اول مره ادخل العمارة بعد اللى حصل احساس صعب
مروان : لازم تتخطى الاحساس ده يفتح باب الاسنسير يلا
اميره : مروان بلاش
مروان : يقوم بملامسة وجهها باصبع يده برومانسية ينظر لها .. انا جنبك ومعاكي متخافيش هنتخطى كل الاحاسيس دي سوى بعدين تخافى والدك معاكى
اميرة : احساس الامان مابحسهوش غير جنبك ومعاك
مروان : يقبلها من يدها يبقى يلا ..
يمسكها من ايدها ويدخل داخل الاسنسير قبل ان يقفل باب الاسانسير يدخل خالد لكن دون مبالاه منه مع نظرات توتر من اميرة .. ثم تمسك بيد مروان بشدة
اميرة : بقلق وتوتر بابا حضرتك كويس تصمت قليلا ( تبكى ) طب ممكن ترد عليا حضرتك وحشتنى اوى .. تضع ايدها علي كتفه .. بابا انا اسفة بس حضرتك اللى وفقت انا عمرى ماكنت هعمل حاجة من وراك ...
يفتح الاسانسير ويخرج لكن اميره بحركه سريعه تترك يد مروان وتخرج خلف والدها ومروان خلفها ..
اميره : بابا انا مش هسيبك لازم ترد عليا يفتح الاب باب الشقه قبل ان يغلقه تزوق اميره الباب ...
اميره : مش همشى لازم تسمعنى
كانت فريدة وياسمين بالداخل يجلسون براسبشن
ياسمين : اميره .. تجرى عليها وتضمها .. وحشتينى انا اسفة حقك عليا والله العظيم غصب عنى
خالد : بتعملى ايه يابنت اطلعى بره خد مراتك وطلعوا بره
فريده : بضيق .. اميرة لو خرجت المرة دي انا هخرج معها
خالد : هو ده اللى انتى عايزاه تخلقى مشكله بينى وبين والدتك
اميره : عمرى ما اعمل كدا ولا أرضى انى اكون السبب بده ..... تقترب منه تبوس ايده .... ابوس ايدك سامحنى اعمل اى حاجة بالدنيا انا موافقه , غير انك تحرمنى منكم , والنبى يا بابا وحياة اغلى حاجه عندك تسامحنى انت متعرفش كان حالتي ايه الفترة اللى فاتت , اسأل مروان اسأل نور وحمزة انا كنت مدمرة عشان خاطرى سامحنى واللي هتطلبه هانفذه والله من غير كلام
خالد : اى حاجه
اميره : تمسح دموعها اه والله
خالد : وعد
اميرة : وعد والله وعد
خالد : تتطلقى من مروان
فريدة :خالد
خالد : هوة ده شرطى
مروان : بلاش تستغل الفرص
اميره : موافقه موافقه تنظر الى مروان مروان انت وعدتنى انى لو طلبت منك اى حاجة هتنفذها مظبوط , ها بصلى انا عايزة أطلق طلقنى بابا هيرجعنى
مروان : بضيق .. مبسوط انت كدا عمرك ما هتتغير ، تشوف الفرص فين وتصطادها بتستغل ضعف بنتك
فريده : اميره خدى جوزك وامشى خدها يا مروان وامشى وسيبك من الجنان ده
مروان : يلا يا اميرة
اميره : بنرفزه ... هو ايه اللى يلا , بقولك بابا هيسمحنى انا عايزة اطلق طلقنى
مروان : انا بالعربية يخرج الى الخارج
اميره : مروان مروان ماشى يا مروان تنظر لوالدها حضرتك لو اطلقت بجد هتسمحنى نرجع نعيش كلنا سوى
خالد : انا عمرى وعدتك بحاجة وخلفت بيها
اميره : بسعاده .. لاء هطلق وأرجعلك على طول , تقبله من خده وتضمه بحبك اوى شكرا شكرا يا بابا .. تنظر لياسمين بفرح هارجع تانى متمشيش اتصلى بكيمو خليه يجى
تنظر لوالدتها ماما تمسك ايدها هرجعلك وهرجع لحضنك تقبلها من راسها وتخرج
فريدة بحسم .. ياسمين ادخلى اوضتك
ياسمين : ماما اهدى ارجوكى
فريدة :بحسم ..على اوضتك واقفلي الباب عليكى ومهما حصل متخرجيش فهمه يلا
خالد : بابتسامة ساخرة...ايه يا فريدة هتضربينى ولا ايه
فريده : عمرى ماتخيلت انى متجوزة راجل بالقسوة دي, راجل حقود , انا اسفه ليا ولأولادى انى اخترتلهم اب زيك , فعلا انا مش عارفة ساكته ليه وراضيه عشان ايه , وليه , بدورلك على عذر اى عذر , عذر واحد مش لاقية, جبار , عايز تطلق بنتك من جوزها بعد ماعرفت انها بقت كويسة معه, ماتستغربش سمعت مكالمتك مع سليم ,ضايقك اوى لما قالك ان اميره خلاص بعد 3 شهور سابت نفسها لمروان , مش قادر تشوفها سعيدة , انت بتنتقم من مين وليه , اوعى تكون فاكر انك بضايق مروان وانك بتعذبه , لا فوق انت بتعذب بنتك بتدمرها عامل مشاعرها زى اليويو ,ده مش حب ابدا ولا خوف دى انانية وجنون , تعرف يا خالد انا بعد السنين دي كلها لو ندمت على شئ يبقى على جوازى منك , انا هروح اكلم بنتى اللى اتجننت من وقت ماشفتك يا حبيبتى مقدرتش تتحمل , زمانها مولعاها حريقة مع الرجل اللى ذنبه الاسود انك حماه , هكلمها واعقلها وأقولها اوعى تسيبيه وتطلقى منه وتسمعي كلام ابوكى ال , صمت قليلا ابوكى العاقل , وبكره هاروح اتغدى معاها هى ومروان انا واخواتها واقولهم نفس كلمتك بابا مات
ليلتك سعيدة يا دكتور خالد
♥️_____ليلة عادل_____ ♥️
فيلا اميره ومروان 9م
غرفه النوم يدخل مروان الغرفه يقلع الساعه ويضعها على التسريحة ثم تدخل اميرة على ملامحها الانزعاج والغضب تغلق الباب بعنف وتقترب منه
اميره : بغضب ..انت ما بتردش عليا ليه من وقت مانزلنا وانت ساكت مش فى بني آدمه بتكلمك تقترب منه اكثر رد عليا
مروان : ارد على ايه هو فى حاجه يترد عليها
اميره : قولتلك طلقنى مش عايزاك انا حرة
مروان : مش هطلق وبطلى هبل ابوكى بيلعب بيكى فوقى
اميرة : يعمل اللى عايزه براحته انا عايزة اطلق هتقعد مع واحده مش عايزك
مروان : اه
اميره : والله
مروان : اه والله
اميره : ماشى اما نشوف مين اللى هيضايق مين والله لرفع عليك قضيه خلع
واطلع بره بقا عشان عايزه انام
مروان : انتى فاكره انك لما تهددينى وتمنعى نفسك عني انا هتأثر , ما أنتى عارفة ومجربة ما بتفرقش معايا
اميره : هههههههههه كان زمان لو احنا لسه زى زمان كنت صدقتك . تقترب منه تلمس قميصه باطراف اصابعها وبدلع واغراء ..لكن دلوقتى مش هتقدر يا دوك
مروان بضيق ... انتى بتعملى كدا ليه
اميره : بجدية اطلع بره
مروان : مش هطلع ورينى هتعملى ايه لو انتى مجنونة انا بقى اجن منك
اميره : عنك ماطلعت هاطلع انا
مروان : تعالي هنا .. يزوقها ويوقعها على السرير بغضب يقترب منها .. انتى مشفتيش وشى التانى , بلاش تشوفيه احسنلك
اميره : بتوتر وخوف .. انت اتجننت انت هتمد ايدك عليا ولا ايه
مروان : عمرى ما هاعمل كدا وانتى عارفه بس فوقى
يرن تليفون اميره المتصل الأم
اميره : اوعى كدا تزقه تذهب وتجيب التليفون من شنطتها
اميره : ماما
فريده :افتحى الاسبيكر
اميره : ليه
فريده : بقوه ..اسمعى الكلام
اميره :حاضر فتحته
فريده : مروان معاكى
اميره : اه
فريده : مروان اهدى متتعصبش عليها هى غصب عنها فى اى رد فعل عملته , انت شفت بنفسك اللى حصل اتحملها وانتى مافيش طلاق انتى سامعه
اميره : ماما انا
فريده : بحسم ..انا قولت انسى كلمه طلاق افرحى انتى عروسه خدها يا مروان وخرجها مالكمش دعوة بخالد انا بكرة هاجيلك انا واخواتك نتغدى سوى
اميره : بجد
فريده : ايوه بجد يلا روحى اعتذرى من مروان انا عارفة انك زعلتيه اميرة مافيش طلاق فاهمة يلا روحى سلام
اميره : سلام تنظر لمروان باستغراب انت فاهم حاجة
مروان : تؤ
اميره : تصمت قليلا وهى محتارة تحاول لتفهم كلام والدتها ثم تنظر لمروان بضيق.. انت مطلعتش بره ليه اطلع بره
مروان ممكن نهدى ونتكلم بالراحة
اميره : لا
تتركه وتدخل الى الحمام
♥️_____ليلة عادل_____ ♥️
احد المطاعم الشهيره الفخمة بالقاهرة 10م
يدخل شهاب ومعه شهد يقوم باستقبالهم احد العاملين بالمطعم
العامل : اتفضل يا فندم
يوصلهم حتى يصلو الى احد الترابيزات تجلس شهد وشهاب امام بعضهم
شهد : المطعم شكله شيك جدا
شهاب : اممم بابا على طول بياجى هنا المكان ده محدش بيدخله غير رجال الاعمال والوزراء والسفراء
شهد : انا لازم اتصور هنا كتير
شهاب :اوعى تعملى كدا
شهد : ليه
شهاب : ايه الجوع ده انضفى يا شهد وليقى بالمكان اللى انتى فيه
شهد : تضع رجل على رجل بتكبر وثقة .. انا ممكن امثلك انى وحدة مليارديرة وانى باتكلم لغات كتيرة واستحالة ان حد يفكر للحظة انى من مدينة السلام انا لما قولت اخد صورة لتكون ذكريات حلوه انا دخلت اماكن شبه دي كتير مع الدكتور مروان واميرة
شهاب : انتى زعلتى ولا ايه
شهد : انتى مصر كل شويه تحسسنى انى اقل منك مدام انت باصصلى كدا بتخرج معايا ليه
شهاب : عجبانى
شهد : ده اللى هو ازاى
شهاب : عجبانى يعنى عجبانى
شهد: ليه انا
شهاب : مش مهم ليه انت مهم انك عجبانى وانا عجبك
شهد : ايه الثقه دى
يدخل عليهم الجرسون
شهاب : تسمحيلى اطلبلك انا
شهد : تفضل
♥️_____ليلة عادل_____ ♥️
فيلا اميره ومروان11م
تقف اميره ببلكونة.غرفة النوم المطله على حديقة الفيلا وحمام السباحة وهى ترتدى بيجاما ستان بيضا اللون ثم يرن هاتفها تسمع صوت الرنة تخرج من البلكونه كان يجلس على السرير مروان يتصفح التابلت الخاص به تمسك اميرة هاتفها الذى كان على الكومودينه وتجلس على السرير
اميره : الو دومى عامل ايه هههههههههههههه لسه راجعة اول امبارح والله الحمد الله لازم بجد , لازم نتكلم .. اه عرفت ... ايه ده ... هو انا محتاجة عزومة ... ده انا جبتلك ببيونة هتهوسك ... بكرة نتقابل بالنادى تاخدها ... اوف صح ده ماما جايه بكره خليها بعد بكره .. اه والله لا هافهمك لما اشوفك ... مبروك سلملى على حنين باى
كان اثناء حديث اميره مع ادهم ينظر لها مروان بضيق تضع اميره هاتفها على الكومودينه وتقف
مروان : هو انا ايه اللى سمعته ده ؟ لا تجيب يمسك مروان ايدها .. كلمينى زى ما بكلمك
اميره : اه ادهم خلاص ممكن تسيب ايدى
مروان : اه ادهم عادى كدا
اميره : بقولك انا ولا قادرة ازعق ولا اتخانق قصادك حلين تكمل اللى كنت بتعمله وتسيبنى اروح اقف فى البلكونه يا طلقنى
مروان : هههههههههههه
اميره : اضحك اضحك لسه فى ضحك جاى كتير
مروان : هو انتي بتعملى كدا ليه , على فكرة انا واخد بالى من الاسم , عارف اللى كان بيكلمك المكالمه الصوتيه من بتعت الشركه , ليه عايزه تزعلينى منك , احنا كنا كويسن واتفقنا اننا هننسى ونرمى كل شى ورا ظهرنا ونكمل , و اى حد هيحاول يبعدنا عن بعض هندوس عليه
اميره : تجلس بجانبه .. ده بابا
مروان : باباكى اكتر واحد اذاكى واكتر واحد بيتمنى انك تسبينى
اميره : اصلك هتفهم ازاى شعورى , انت طول عمرك لوحدك , ولا اب ولا ام ولا اخوات , انت طول عمرك محروم من باباك ومامتك تربية دادا ,عمرك ما هتحس بيا , عمرك ماحسيت ولا عشت الجو العائلى , انت اكتر واحد كان مبسوط بالترابط الاسرى اللى عايشاه , بس انا مقدره موقفك مش فاهم يعنى ايه تتحرم من ابوك
مروان : بصوت حزين وتأثر ... مين قالك بقى انى مش حاسس بيكى عشان اتحرمت من ابويا وامى وانا صغير , انا لانى اتحرمت منهم حاسس بيكى , مش عايزك تعيشي الاحاسيس اللى باعشها لما بكون محتاجهم مالقهمش, انك تدورى على اخ يبقى سندك او اخت تكون زى امك متلقيش , بعدين مين قالك بقى انى ماليش حد , مانتى معايا وجنبى , انتى ابويا وامى واختى واخويا وكل اللى ليا بالدنيا , اهلى واصحابى انتى ربنا عوضنى بيكى , انا حاسس بيك لكن مش عايزك تكونى بالضعف ده , وبسهوله تخلى اى حد يلعب بيكى وبمشاعرك كدا ,انا مش بقسيكى على والدك بس لازم تفهمى انه بيستغل ضعفك ناحيته عارفك ومذاكر مفاتيحك هو فاهم بيعمل ايه بلاش تخليه يلعب بيكى كدا
اميره : بعيون ملى بدموع وباسف.. انا آسفة حقك عليا , تقبله من يده انا اسفه بجد اسفه , انا مش عارفه ازاى قولت الكلام ده , مش عارفه ليه اصلا بعمل كدا (تبكى ) انا مشوشه جوايا احاسيس كلها عكس بعض , مبسوط انى اخيرا اتجوزنا , ان مع الدكتور مروان عزت اللى كنت بتمنى بس انه يعرف اسمى , اننا فى بيت واحد , وكل حاجه كتبتها بمذكراتى وحلمت بيها حققتها معاه, ونفس الوقت مش طايقاك لان بسبب حبى ليك اتحرمت من اهلى , بردو بقول هو ماله انانية بابا وتكبره هما السبب , عدم تقبله لمروان وكرهه ليه السبب , لما شفته النهارده حسيت انى طايره .زى الغرقان اللى بيتعلق بقشايه , قولت اتعلق بيها متوقعتش انه هيعمل كدا, ولا عارفه انا ليه وفقت وجاريته ,وبقيت باعمل معاك كدا , دماغى هتتشل من كتر التفكير مابقتش قادره , مابقتش قادره اتحمل دماغى والله ما قادرة. تبكى بحرقة
يمسح مروان دموعها بايده يمرر يده على وجهها هو ينظر لها بكل حب وعشق يمسك ايدها يقبلها من كفها ثم يضع يديه الاثنتين على وجهها ..
مروان : الحياة صعبة ديما حطانا باختبار عشان تشوف قوتنا وصبرنا , تحدينا , وانتى طول عمرك قوية وبتقفى بوش الخوف نفسه , مافيش حاجة بتهزمك انا اتعلمت منك القوة والتحدي وانى أفضل ورا حلمى لحد ماحققه ,ومهما واجهت من صعوبات وتحديات لازم احارب لحد ما أوصل لهدفى , اميرة انتى قوية انتى قدها زى ما نجحتى وعديتى كل الاختبارت اللى فاتت , انا متاكد انك هتنجحى بده , ولو عليا ياستى والله ما بزعل منك ماتخفيش انا جنبك وبظهرك هافضل ماسك فيكى مهما حاولتى تسبينى مش هسيبك لانك روحى , مافيش حد يقدر يستغنى عن روحه , يبتسم لها بحبك يقبلها من جيبنها يضمها اليها ويضع راسها على صدره
اميرة : وهية بحضن مروان .. انت اجمل حاجه كسبتها بدنيتى , ومستحيل اخليها تاخدك منى بعد كل المعاناة دي اللى عانتها عشان اكسبك , تنظر له وتضع يدها على خده ...اوعدنى , اوعدنى مهما حصل متسبنيش مهما عملت وتعصبت هتتحمل .. ازعل ثور اضربنى حتى بس اوعى , اوعى تبعد وتسيبنى
مروان : اموت قبل ماعملها ينظر لها بحب ثم يقوم بتقبيلها من جيبنها ويضمها اليه مرة اخرى
♥️_____ليلة عادل_____ ♥️
مطعم شهير بالقاهرة 10م
يجلس شهاب وشهد على احد الترابيزات ويتناول العشاء
شهاب : عجبك
شهد : فعلا الاكل جميل اوى
شهاب : ممكن تغمضى عينيك
شهد : ليه
شهاب : غمضى
شهد تغمض عنيها يخرج شهاب علبه بيها سلسلة جميلة جدا ورقيقة
شهاب : افتحى
شهد : تنظرت لما بداخل
العلبه ... الله جميلة اوى دي بمناسبة ايه
شهاب : عربون صداقة بس متلون باعجاب
شهد : ايه التشبيه ده
شهاب : عربون على علاقتنا الجديدة عجبك كدا
شهد : مدام عجباك متتجوزنى
شهاب : هههههههههه يشرب مياه ثم ينظر لها اتجوز ههه بصي هوة مش بعيد عن ربنا انه يهدينى واتجوز , بس اكيد مش دلوقت بدرى اوى يا شهد ,خلينا سوى لحد اما نشوف يمكن تحققي المعجزة , وتخلى شهاب دويدار يتجوزك
شهد : تاخذ الشوكة و تأكله في بوقه ماشى موافقة
فيلا اميره ومروان 1م
تجلس اميرة ومروان بجانب بعضهم على الكنبة وتسند اميره راسها على صدر مروان فى غرفه ( tv ) يشاهدون احد الافلام الاجنبية ثم تطرق عليهم الباب الخادمة
الخادمة : الباشمهندسة فريدة واخوات حضرتك منتظرينك بره
تقف اميره بصدمه وتجرى للخارج
مروان : ينظر للخادمة ... روحى اعمللهم حاجه يشربوها
هول الفيلا
تجرى اميرة وهى بسعادة تحضن والدتها بكل شوق وحب وتقبلها من خدها وراسها وايدها وحشتينى وحشتينى اوى ..
تنظر لكريم وتضمه بشوق كريم حبيبى تضع ايديها الاثنين على وجهه تنظر له وحشتنى اوى تضمه ثم تنظر لياسمين تشاور بايدها لتضمها هى الاخر
♥️_____ليلة عادل_____ ♥️
الراسبشن
يجلس الجميع بالراسبشن كانت تجلس اميرة بمنتصف فريدة وكريم وياسمين بجانبهم وتضع اميرة رأسها على كتف والدتها وتمسك ايدها ومروان بجانبهم على الكرسي
ياسمين : انا مش مصدقة إننا اتجمعنا تانى
اميرة : اعملو حسابكم مافيش مرواح هتباتو معايا كلنا هننام جنب بعض حتى كريم
كريم : يضع ايده على شعرها .. ده انتى هتنامى جو حضنى ده لو مش هيضايق مروان
مروان : لا يا سيدى مش هضايق طبعا
اميره : مجبتش امنيه وسيف معاك ليه
فريده : المره الجايه ها يا مروان اميره صلحتك وبطلت جنان
مروان : محصلش حاجة عشان تصالحنى احنا كويسين
فريدة : ربنا يكملك بعقلك شايفين بعينكم
ياسمين : خلاص يا ماما
اميره : ماما هو ايه اللى حصل مع بابا
مروان : طب عن ازنكم انا اسبكم تتكلمه براحتكم
فريدة : اقعد انت من العائلة
مروان : معلش خليكم على راحتكم عن اذنكم
ترفع اميرة رأسها من على صدر فريده تنظر لها
اميره : ماما انتى سبتي بابا . انا مش هفرح بكدا , ارجوكى ارجعي
فريده : انا طلبت الطلاق من خالد
اميرة : تنظر بجانبها .. ايه كريم انت سبتها تعمل كدا
كريم : انا لسه عارف واحنا بالعربية ماما مش معقول بعد 33 سنه تطلبى الطلاق بالسهولة دي
فريده : ومعقول يعمل اللى عمله ,اسأل ياسمين عمل ايه , ابوك اتجنن لازم حد يقف بوشه ويقوله كفايه , كفايه جبروت , كفايه تدوس على قلب بنتك , وتلعب بيها وبمشاعرها , انا مش هسمح ابدا ان أهد بيت بنتى وأسرقه منها ساعدتها
ياسمين : انتى عندك حق , بابا فعلا غلط واللى عمله امبارح ميصحش ابدا , بس متوصلش للطلاق ازعلى وخدى اى موقف عايزاه , بس من غير الطلاق
اميرة : ماما حضرتك لو فعلا مشيتي باجراءات الطلاق مش هسامح نفسى ابدا , وهازعل ووقتها صدقينى هاسيب مروان , لانى مستحيل ارضى ان أبنى بيتى على خراب بيت أمى اللى هى اغلى عندى من نفسى و روحى ابوس ايدك يا ماما بلاش
كريم : بمزح خفيف ..فريدة حبيبتى انتي اعقل واحده في بيت خالد الشريف , حسدناكى ولا ايه ماتتهوريش , مش هانكر انى انا كمان زعلان من بابا واستمراره بمحاولات لتخريب حياة اميرة اللى مش لاقيلها اى مبرر , لكن هيفضل ابويا اللى ربانى وعلمنى وخلانى راجل , كل اللى اقدر عليه انى اخد موقف وأبينله انى زعلان ومش موافق على اللى بيعمله ده
فريده : ممكن متتدخلوش بقرارى
اميره : لا هندخل لان قرار حضرتك ده مصيرى
فريده : مصيرى ليه انتي واتجوزتى راجل محترم فرشلك الارض ورد , وياسمين اتجوزت راجل بيتمنالها الرضى ترضى و كلها كام شهر وتجيب طفل , وكريم ماشاء الله بقا راجل بيشتغل و متجوز بنت ناس وابنه ربنا يخلهوله , كل واحد فيكم ليه حياته خلاص
كريم : مش هى دى القضية
اميرة : تقوم تجلس على ركبتيها تنظر للأم .. حبيبتى ابوس ايدك تقبلها من ايدها ..متعمليش كدا والنبى لو ليا خاطر عندك والله ماهسامح نفسى
فريده : ماشى مش هاطلب الطلاق ، بس انا كدا كدا اطلقت ناسيين اليمين
ياسمين : بابا اكيد هيدفع كفارة او هيروح الازهر يسأل
فريدة : يعمل اللى يعمله انا مش هارجع دلوقتى غير لما يبطل اللى بيعمله ده ويوافق على جواز اميرة
كريم : ماشى انتى عندك حق كلنا لازم نتحمل اننا نبعد عنه , ومانكلمهوش عشان يتراجع عن اللى بيعمله , ياسمين انتى بالاخص اوعى تحني
ياسمين : بصراحه بعد اللى شفته امبارح بجد شلت منه اوى ده غير يوم الفرح انا فعلا زعلانة من بابا جدا
فريده : يلا نقفل الموضوع ده تعالى يا مرمر اقعدى جنبى احكيلى عاملة ايه مع مروان
اميره : تجلس بجانبها .. الحمد الله مروان بجد انسان مافيش منه اتنين والله الرجالة اللى زيه بح
ياسمين : نور حكتلي على اللى عمله معاكى , لازم تشيليه بعينيك مافيش ياختى رجالة بالزمن ده تتحمل كل ده
اميره : اه والله فعلا 3 شهور اللى فاتو والله يا سمسمة كان متحملنى , انتى طبعا عرفانى لما ببقى قالبة شراب ورخمة
ياسمين : هتقوليلى
كريم : لازم يتحملك ده مش واجب ولا اللى عمله كتير , اوعى تحسسيه بده , ده الطبيعى كان لازم يعمل كدا , لازم يقف جنبك ويدعمك , ويتحملك لحد متخرجى من الازمه دى
اميره : بس انا كنت قليلة الادب معه اوى يا كريم
كريم : هو بمزاجك اى واحدة بمكانك , ده هيكون رد فعلها
ياسمين : يعنى لو كنت مكانه هتعمل زيه
كريم : واكتر كمان, انتى مش شايفة اختك ضحت بايه ,وكام مره ضحت, على فكره اللى بيعمله ده مش حاجه ولا تعبير عن حب, بيعمل الطبيعى اللى المفروض يتعمل ها يا اميره , مروان بيعمل الطبيعى اللى مفروض يتعمل , الطبيعى مش الكتير فهمه
فريده : بحكمه .. كريم انت صح بس هاتلى راجل واحد بيعمل الطبيعى اللى هو مفروض بالزمن ده , حبيبى , انت مش عايش معانا مابقاش فى كدا , مابقاش فى راجل يقف مع مراته فى ازمتها بيقول تتفلق انا متجوز عشان افرفش مش يتنكد عليا ,وبيروح يشوفله وحدة تانيه ,ولا الست ما بقاش فى ستات اللى تتحمل جوزها وتقف معه بمحنته , وتحبه بصدق ما بقاش فيه ياحبيبى الكلام ده بقا عملة نادرة
كريم : عندك حق احنا للاسف وصلنا لمرحلة وحشة اوى, بقا الطبيبعى والعادى اللى المفروض يتعمل بقا عمله نادره , ونفرح اوى لما نلاقيه , اعتقد ده شى مخيف مخيف اوى كمان
ياسمين : بس كويس انه لسه موجود , وان ربنا رزقنا بالعملة النادرة دي , الحمد لله انا مبسوطة ان كلنا اتجوزنا ناس كويسة اوى كمان ربنا رزقنا بأب وام زى بابا وماما حتى لو بابا عمل حاجات تزعل بس هيفضل دكتور خالد اعظم اب بالدنيا ولولاه مكناش وصلنا للى احنا فيه
فريدة : ربنا يخليكم لبعض ويخليكم ليا يضمو بعض كلهم
بعد قليل يدخل عليهم مروان وهما بيضحكو وفى غاية السعادة
مروان : اسف لو هفرق الجمعة الحلوة. دى بس ماما فاطمة حضرت الغدا
اميره : يللا لانى جعانة جدا على فكر دادا اكلها جميل
وأثناء سيرهم للوصول الى السفرة
كريم : بس مش زى ست الكل
اميرة : هو فى احلى من اكل ست الكل مارو انت مدقتش اكل ماما صح
مروان : لسه مانولتش الشرف ده
فريده : خلاص بكره انا عزماكم على الغدا
اميره : مافيش مرواح انتى هاتقعدي معانا
مروان : مدام فريدة اتمنى انك تقبلى انك تنورينى بعدين ده بيت بنتك
ياسمين : ايه ده واحنا نروح
مروان : انا اقدر يا سمسمه احنا هنقضى اليوم مع بعض
♥️_____ليلة عادل_____ ♥️
احد قاعات الزفاف بنادى الشرطة 10م
اجواء صاخبة و زغاريط تعم المكان اغانى و حركه من الجميع , رقص وفرح على ملامح الجميع ,ثم نرى في الكوشه ادهم وحنين جالسين وهى ترتدى فستان زفاف فى غايه الاناقة والجمال وتزينه بطرحتها التى تزيد جمالها , ثم تقترب منهم اميرة ومعها مروان وهى ترتدى فستان سواريه اسود فى غاية الشياكة
اميره : مبروك يا ادهم
ادهم : فرحتينى انك جيتى
اميره : الف مبروك يا حنون خد بالك منها لو زعلك قوليلى وانا أعضه
حنين : بقلة ذوق .. لا هو مابيزعلنيش لانه بيحبنى ميهنش عليه زعلى صح يا حبيبى
ادهم : اكيد طبعا
مروان : الف مبروك مبروك يا ادهم مبروك يا حنين عقبال البيبى
اثناء نزول مروان و اميرة مروان بيضحك
اميره : بتضحك ليه
مروان : ولا حاجه
اميره : ماشى
يجلس مروان واميرة على الترابيزه التى يجلس عليها الاصدقاء اميرة واسرتها ومنير وزوجته
لبنى : ميرو فستانك يجنن
اميره : شكرا انتى عيونك احلى
يطلب الدي جي من العروسان الرقص ومن يريد الرقص سلو ايضا تقوم نور وترقص مع حمزة وكريم مع زوجته
مروان : تعالي نرقص
اميره : مش هينفع اسيب ماما لوحدها
فريدة : عيلة انا مش هينفع تسبينى يلا قومى بعدين ما منير ولبنى قاعدين يلا قومي
اميره :ماشى
يرقص الجميع على احد الاغانى الرومانسية وعلى ملامحهم السعادة
بعد قليل يظهر خالد وهو يجلس بترابيزة بعيدة قليلا عن الترابيزة التى تجلس عليها اميره وعلى ملامحه الحزن لكن بعد قليل تاخذ فريد بالها من تواجد خالد تنظر له بحزن واستياء وتبدأ تملي الدموع عينيها تحاول ان تتماسك بعد انتهاء الرقص يرجع الجميع
كريم : فيفى ماتيجى ارقصك
فريده : لا مش قادرة
اميره : مالك يا ماما
فريده : فرحانة بيكم شكلكم يفرح القلب
..تقبلها اميره من خدها
لكن اثناء جلوسهم ياخذ مروان باله من نظرات فريده للخلف ينظر يشاهد خالد جالس لكن عندما يرى خالد مروان ينظر له يخرج خارج القاعة
مروان : هاروح اعمل مكالمة
اميره : هتكلم مين
مروان : شغل الصوت عالى مش هاعرف اسمع
اميره : اجي معاك
مروان : لا خليكي
يخرج مروان خارج القاعه خلف خالد
مروان : دكتور يا دكتور من فضلك
خالد : ينظر له بحدة وقوة .. اسمع احنا بمكان عام وانا جوايا ليك كره وحقد لو اتوزع على الأرض هينهيها امشى
مروان : ليه كل ده بص شوف بنتك سعيدة معايا و الكل سعيد ومبسوط ليه عايز تبقى كدا انهى اللعبة دي كفاية
انت خسرت كل حاجه بيتك ومراتك وأولادك حتى نور اللى كانت معاك بقت ضدك فوق قبل فوات الاوان
خالد : ما بحبكش
مروان : متحبنيش كفايه انك تحب بنتك وتتقبل جوزها ،لو مش عايز تتعامل معايا موافق ماتتعاملش ،لكن كفاية بقى اصرارك على رفضك واستمرارك فى تخريب بيت بنتك
ينظر خالد له ويقترب منه
ويضع ايده بجيبه ويخرج .. وينظر مروان له باتساع عينيه وباستغراب يقول انت هتعمل ايه
يتبع الفصل الرابع والعشرون اضغط هنا
- الفهرس يحتوي على جميع فصول الرواية كاملة :"رواية الاعمى" اضغط على اسم الرواية