رواية الاعمي الجزء الثاني 2 الفصل العشرون بقلم ليلة عادل
رواية الاعمي الجزء الثاني 2 الفصل العشرون
احد اكبر القاعات فى احد الفنادق الكبيره 8م
اجواء احتفال صاخبه زغرايط تعم المكان حضور مشاهير المجتمع الفرح وسعاده تملى المكان ، مع الاستماع الى موسيقى هادئة , ثم نرى اميره وهى تنزل من على السلم مع والدها وهى ترتدى فستان زفاف فى غايه الجمال وهى تشبه الاميرت عيونها بيها دموع ، كان يقف مروان بجانبه منير والمعازيم امام السلم , تصل اميره الى نهايه السلم تبتسم برقة الى مروان
يمسك مروان ايد اميره بابتسامه وعين ساحره تسكنها الدموع ثم يقبلها من جبينها ثم يذهب الى الماذون , ليكتب الكتاب
كانت اميره فى غايه السعاده فهى اخيرا تزوجت من الرجل الذى ظلت سنين عديده تحلم به , بعد الانتهاء من كتب كتاب تشد اميره المنديل الابيض بجنون وتقول
اتجوزتوووووووو
مع نظرات فرح وسعاده من الجميع يقوم مروان ويضمها بشده ولف بها فهو غير مصدق انه اخيرا تزوجه من الفتاه التى كان يقف الجميع ضدهم وضدد حبهم
اميره : هى بحضن مروان تبكى تغرق الدموعها وجهها .. انا مش مصدق انى اخيرا اتجوزتك حاسه انى بحلم انا حاسه انى بتخيل , خيال من ضمن خيالات كتير من اللى اتمنتها , خايفه بعد شويه ماما تنادى عليا وتاخدنى من حلم ده
مروان : بسعاده عيون تغرقها الدموع ... اوعدك من اللحظه دى عمرى ما هسمح ان دمعه واحده تنزل من دموعك , ينظر لها يضع يده الاثنين على وجهها.. انتى الحقيقه الوحيده اللى بحياتك , مش هخلى للخيال والاحلام مكان بحياتك مره تانيه.. يقبلها من راسها ويضمها مره اخره اليه
كان يقف ادهم من بعيد ينظر لهم يبدو عليه التاثر
(فلاش باك)
❤️_____ليلةعادل____❤️
مديريه امن القاهره 11 ص
مظهر عام لمدرية امن القاهره , ثم يقف خالد بسيارته امام مبنى مدريه الامن ثم يخرج منها ويدخل داخل المبنى مع حركه العساكر وظباط ثم يصل الى مكتب ادهم ويقف امام العسكرى ويتحدث معه
خالد : حضرت رئيس النيابه ادهم عمران جوه يابنى
العسكرى : ايوه ياباشا
خالد : ممكن تقوله دكتور خالد بره
العسكر : ثوانى
يدخل العسكرى ويخرج بعد ثوانى يطلب من خالد الدخول
ادهم يقف بسعاده ويستقبل خالد
ادهم : ايه المفاجاه الحلو دى يسلم عليه ويقبله
خالد : ايه اخبارك يا حضر الظابط يجلس على الكرسى الامامى للمكتب
ادهم : يجلس امامه بكرسى الحمد الله
خالد : مبروك حنين بنت هايله اختيار موفق
ادهم : فعلا ربنا عوضنى بيها
خالد : انت تستاهل كل خير يا ادهم انت عارف كويس راى الشخصى فيك انت زى كريم بظبط
ادهم : عارف يا انكل وحضرتك زى والدى ربنا وحده يعلم معزتك عندى ايه تشرب ايه
خالد : ليمون
ادهم يطلب من العسكرى اتنين ليمون
خالد : انا جاى عشان اعزمك على فرح اميره لازم تيجى
ادهم : ان شاء الله يا انكل كويس انك وافقت اصل اعتراضك مكنش ليه لازمه حضرتك غلطت
خالد : بستغراب ... انت اللى بتقول كدا!!
ادهم : اه يا انكل , اميره مش هتكون سعيده ومرتاح غير مع مروان هو ده اللى يهمنا راحت وسعادت اميره بعدين مروان مش وحش اوى كدا
خالد : طول عمرك محترم انا عارف ان اميره غاليه عندك وبتتمنلها سعاده
ادهم :بحب وصوت حزين .. دى حقيقى يا انكل مهما حصل اميره هيفضل ليها مكان بقلبى , والله مش نفاق انا فعلا فرحان انها اخيرا هتتجوز الانسان اللى قلبها بيحبه , انا اللى غلطت من البدايه , اميره كانت كاتبه كل حاجه بالمذكرات وانا قراتها كلها , افتكرت انى هقدر اخليها تحبنى زى ما بحبها , نسيت انى اترهنت على الحصان الخسران
خالد : بحكمه ولطف .. يطبطب على رجليه ... الانسان لما بيحب كل احبال المنطق بتتقطع مابيكنش للعقل مكان , هو ده الغلط يابنى اللى بيقع فيه كل عاشق , لازم نحكم عقلنا كويس واحنا بنحب عشان مانندمش
(نرجع مره اخره الى المشهد الحالى فرح اميره ومروان)
قاعه الزفاف
- تقترب نور من ادهم الذى يراقب بصمت وعينه بها دموع
نور : متوقعتش انك تاجى
ادهم : يمسح دموعه بسرعه قبل ان تاخذ نور بالها .. ليه
يعنى ربنا يسعدها حقيقه انا سعيد لانى اخيرا شفت ضحكه اميره اللى طلعه من قلبها ، مش مصدقه صح ؟
نور : بلعكس مصدقه ، عارفه انك بتحب اميره لدرجه انك عايزها سعيده حتى لو مش معاك , المهم تكون سعيده وبس ... بس اقولك على حاجه انا لو اعرف اللى اميره عملته كنت قولت لبابا خالد عشان يرفض
ادهم : للدرجه دى
نور : لانه ميستحقهاش انت اللى تستحقها
الاستيدج
نرى اميره مروان وهما يرقصون اسلو على احد الاغانى الرومانسيه
(لاحمد جمال نشيد العاشقين )
صاحبة الصون والعفاف احلى واحدة في البنات اللي عمري اقلبي شاف زيها في المخلوقات
تسمحيلي برقصه هادية تسحميلي بقرب منك
حلم عمري تكوني راضية عن وجودي بس جنبك
يا خلاصة الجمال يانشيد العاشقين يا اجابة عن سؤال كان شاغلني من سنين
-بعد الانتهاء تقترب اميره من مروان
اميره : عارف لحد اللحظه دى مش مصدقه اننا اتجوزنا وان بابا وافق واننا فى فرحنا حاسه انى بتخيل ياريت كنت عملت كدا من زمان والله لو كنت اعرف كنت عملتها
مروان :يضع يده على خدها مش مهم انسى كل اللى فات خلينا فى دلوقت انك اخيرا بقيتى مراتى
باسعاده تنظر له اميره و تضمه
(فلاش باك للاحداث اللى فاتت)
النادى الظباط 2م
تجلس حنين امام حمام السباحه تنظر حوليها وعندما ترى ادهم قريبا منها تفتح كتاب تقراء به بعد قليل يرها ادهم يقترب منها ويقف امامها
ادهم : وانا بقول النادى منور ليه
حنين : ترفع عنيها بابتسامه .. ايه الصدفه الحلوه دى ولا انت ما بتحبش الصدف
ادهم : يجلس .. ما بأمنش بيها
حنين : ليه
ادهم : لكل صدفه سبب
حنين : ازاى
ادهم : هقولك يعنى انا عضو هنا باجى تقريبا كل يوم عشان التمرين والبولنج فاعتقد وجودى متوقع
حنين : ده حقيقى بس كان ممكن ماتشفنيش يعنى تروح على تمرينك وتمشى يبقى صدفه ولا
ادهم : هو لو كل الصدف بطعامه دى يبقى حبيت
حنين : بتعاكس
ادهم : بصراحه اه
يدخل عليهم الجرسون
الجرسون : تشرب حاجه
ادهم : ليمون تشربى حاجه
حنين : لسه مخلصتش العصير بتاعى
ادهم : ينظر الى الجرسون : شكرا ثم ينظر لحنين
حنين : ادهم انا نفسى اتعلم ضرب النار ممكن تقولى على حد ثقه يعلمنى
ادهم : وانا روحت فين
حنين : انت بتعرف
ادهم : اكيد مش شايل المسدس عيائه
حنين : مكنتش عارفه ان ظباط النيابه بيشيله سلاح يعنى بحكم انكم خرجين حقوق
ادهم : ده حقيقى لكن اللى بيتخرج ويتعين فى النيابه بيعلمه كل ما تتخيله
حنين :يبقا اتفقنا قولى بتفضى امتى عشان نظبط موعدنا سوى
وبالفعل يقوم ادهم بتعليم حنين ضرب النار كان تجمعهم العديد من المقابلات خارج وداخل النادى فاحنين تحب ادهم تحاول ان تكسب قلبه بكل الطرق ويبدو ان ادهم بداء ان يبادلها شعورها ويحبها ايضا لكن هل قدر ينسى اميره فعلا ولا مجرد توهم انه بداء يحب حنين
❤️_____ليلةعادل____❤️
شقه اميره 6م
غرفته نوم اميره
تجلس اميره على سرير تتحدث فى هاتفها على ملامحها لانزعاج وحزن ثم تطرق الام الباب وتفتح وتقف عند الباب وتتحدث
اميره : طب اقفل دلوقتى ماما على الباب... اتفضل
الام : تعالى يا ميرو نتعشه سوى بابا هيتاخر
اميره : لا ماليش نفس
الام : تدخل تجلس بجانبها مالك
اميره : انا زهقت هو بيعمل فيا ليه كدا بجد تعبت ..تبكى
الام : مروان بردو
اميره : اه راح قابله وبرده رفض حتى مروان مغلس هو كمان
الام : مغلس بايه
اميره : اقولك متتعصبيش
الام : قولى
اميره : تقف وتسير قليلا ثم تلتفت ... بصراحه طلبت من مروان اننا نتجوز ونحط بابا قصاد الامر الواقع
الام : تصمت قليلا تذهب تقف بجنبها طب بدل متعملى كدا كنتى وفقتى لما خالد خيرك بينا وبينه
اميره : انا مقدرش استغنى عنكم
الام : تفتكرى حد هيبص بوشك بعد عامله زى دى كل اللى كان واقف جنبك هيسيبك
اميره : كنت ضعيفه خايفه قوليلى حل
الام : عندى حل هو مجنون بس احسن من هبل بتعاك ومتاكده ان خالد بنفسه هيجوزك مروان
اميره : ايه هو
❤️_____ليلةعادل____❤️
شقه اميره 7م
غرفه اميره
- اميره بغرفتها تجلس مع الام يبدو على ملامحها التوتر
فريده : متخفيش
اميره : انا خايفه يرفض
فريده : لورفض هنعمل اللى اتفقنا عليه
اميره : خايفه بابا لو عرف مش هيسمى علينا
فريده : ايه اللى هيعرفه السر ده بنا انا وانتى وبس حتى اوعى تحكى لمروان
اميره : ماما الجرس بيضرب روحى افتحى انتى بابا هيقفل باب بوشه
فريده : اهدى اهدى خالد بيجهز عشان نازل
تخرج فريده خارج الغرفه وتذهب الى باب الشقه وتفتح الباب كان مروان ومعه منير
فريده : مروان اتفضل
اثناء سيرهم للراسبشن
مروان : اسف ان جيت من غير ميعاد
فريده : انا مقدره اتفضل ازيك يا استاذ منير
منير : اهلا بحضرتك
فريده : اتفضلوا اقعدو هنادى على خالد
يجلسوان على كنبه
منير : عايزك تبقى جامد معه
مروان : والله معارف اعمل ايه مع الرجل ده دماغه انشف من حجر ياريت عنده اسباب منطقيه
اثناء حديثهم يستمعوان الى صراخ خالد مع فريده خارج من غرفه النوم
خالد : بغضب .. انا قولت الشى ده ميدخلش بيتى تانى هو مابيفهمش
فريده : ممكن تهدى اخرج قابله ده فى بيتك عايب
خالد : هو ده يعرف العيب
تخرج اميره من غرفتها وتذهب الى راسبشن
اميره : بستياء .. انا اسفه جدا
منير : عادى يا ميرو
مروان : متتاسفيش
يخرج خالد وهو منفعل جدا
خالد : اميره ايه اللى موقفك مع الشى ده ادخلى اوضتك
مروان : دكتور خالد موقفك ده هيودينا لسبل مكنتش اتمنى انى اوصل ليها ارجوك كفايه لانى مش هبطل وهفضل احاول واحاول
اميره : بابا انا بحبه ومش هتجوز غيرو مهما حصل
خالد : وانا مش فارق معايا تتجوزى ولا لا انا مش عايز اسمعلك نفس
اميره : لازم تسمعنى وتدينا فرصه دى حياتى وانا حره فيها انا مش صغيره
خالد : لا صغيره متعرفيش مصلحه نفسك
مروان : بحكمه .. دكتور خالد انا جتلك من باب ليه حضرتك مصر تخلينى ادخلك من الشباك
خالد : بسخريه .. اهو كلام المسلسلات ده اللى موديكم فى داهيه
منير : دكتور ياريت حضرتك تقعد ونتكلم بهدوء الانفعال مش هيحل حاجه
فريده : خالد ممكن تقعد خلينا نسمع كلام مروان ونشوف
خالد : اقعد واسمع ده لو موافق على مبداء لكن انا رافض المبداء من الاساس مسحيل ارجع فى قرارى
مروان : انا مش لقى اى مبرر لموقفك ده
خالد : من غير مبرر انا مش عايز اجوزك بنتى انا حر
مروان :انا حولت كتير مع حضرتك بكل الطرق الممكنه اتمنى متزعلش من اللى هيحصل لانك انت السبب بده
خالد : اعتبره تهديد
مروان : بقوه ...لا انا بس بعرفك تصميمك على الرفض وعدم احترامك لمشاعرنا ورغبتنا انا واميره هيخلينى اعمل اى
شئ , مهما كان ايه هو عشان اميره تبقا ليا
خالد : بشده ... هطلع بره ولا اندهدلك البواب يرميك بشارع انت وصحبك
فريده : خالد كفايه مينفعش اللى انت بتعمله ده وافق سيب اميره تعيش الحياه اللى اخترتها
خالد : انا همشى عندى عياده فى مرضه منتظرنى اهم بكتير من انى اضيع وقتى بحاجات بتفاهات دى
يتركهم ويخرج خارج الشقه
مروان : مدام فريده ارجوكى شفيلى حل لان تصرفى مره جايه مش هيعجب حد
فريده : تجلس تنظر له .. ايه هتتجوزها من ورانا
مروان : يجلس بكرسى مجاور لها ... مش بظبط لكن
فريده : انا مقدره موقفك وفهمه كويس ان اى حد بمكانك انت واميره كان زمانه ضعف انا بس بتمنى منك شويه صبر
مروان : حاضر
غرفه اميره
تطرق الام الباب لكن اميره لا تجيب ثم تفتح الام الباب تتفاجى باميره ملقى على الارض بجانبها بعض اشرطه
البرشام الفارغه تنظر الام بصدمه تحاول ان تفوقها
فريده: اميره ردى عليا عملتى كدا ليه كدا فى نفسك .. تتصل بحمزه تستنجد ابه الذى يسكن فوقهم حمزه انزل بسرعه حالا اميره انتحرت محدش هنا وبلفعل ينزل حمزه هو ونور مسرعيا ثم يقوم حمزه بحملها والذهاب بها الى مستشفى
❤️_____ليلةعادل____❤️
احد مستشفيات القاهره 11 م
يقف الجميع امام احد غرف فى قلق وخوف قم يدخل خالد عليهم وهو فى حاله صدمه وتوتر
خالد : ايه اللى حصل
فريده : تبكى .. دخلت عليها الاوضه عشان تتعشى لقتها مرميه على الارض وبالعه شريطين برشام
خالد : متخفيش اهدى انا هدخل اشوف اللى حصل خير خير
فريده : انت السبب بنتى لو جرلها حاجه مش هسمحك ابدا انت سبب عندك وانانيتك السبب عامل تتحكم فينا انت سبب
نور : طنط اهدى ان شاء الله هتكون كويس والله
تخرج احد الدكاتره من غرفه
خالد : ايناس اميره عامله ايه
ايناس : متخفوش عملنلها غسيل معده وعلقنا محليل هتكون زى الفل ممكن تدخلوا تشوفوها حمد الله على سلامتها
يدخل الجميع الغرفه معاده خالد
غرفه اميره بلمستشفى
تنام اميره على سرير تركب محليل تجرى الام عليها تجلس بجورها على سرير تقبلها من ايدها وخدها
فريده : تبكى .. كدا تعمل فيا كدا عايزه تحرقى قلبى عليكى ليه يا بنتى كدا ليه
نور : تبكى تقترب منها من الجهه الاخر هى وحمزه .. اخص عليكى لتانى مره عايزه تسبينى وتمشى
حمزه : خالص يا جماعه مش وقته المهم انها الحمد الله بخير
واثناء حديثهم كان مروان وصل الى مستشفى وهو فى قلق
خارج الغرفه
يقف خالد امام باب الغرف ثم يدخل عليه مروان وهو منفعل وقلقان يمسك فى خالد من الجاكت
مروان : بغضب ..انا كل ده كنت عملك احترام عشانها بس اقسم بالله لو حصلها حاجه مش عارف ممكن اعمل ايه
خالد : نزل ايدك انت اتجنن
يخرج الجميع على صوت يمسك حمزه مروان يحاول ان يبعد مروان عن خالد
حمزه : ايه اللى انت بتعمله ده تعال معايا اميره كويس
خالد : لو مكناش فى موقف ده كنت عرفت ارد عليك
مروان : وانا اللى بقولك والله العظيم لو حصلها حاجه لخليك تندم عمرك كله
فريده : مروان مينفعش كدا اميره كويسه خده ياحمزه دلوقتى بعيد
مروان : انا عايز اطمن عليها لاول
فريده : بحسم انا قولت خده يا حمزه دلوقت
حمزه : يلا مروان يلا يشده ويخرج خارج المكان
خالد: ينظر للجميع ...هو ده اللى عايزنى اوفق عليه ماشاء الله على الخلاق وقت انفعاله نسيى نفسه وكان هيمد ايده على راجل قد ابوه
فريده : خالد مروان
خالد : بحسم ولا كلمه انا داخل جوه محدش يدخل علينا سمعين
غرفه اميره
يدخل خالد داخل غرفه اميرهتنظر اميره له بخوف وخجل يننظر لها الاب بعتاب ولوم ثم ياخد الكرسى الذى بجانب الحائط ويضعو بجوار السرير ويتحدث معها
خالد : انتى كويسه
اميره : الحمد الله
خالد :طبعا انتى شيفانى الاب الشرير اللى بيكره الخير لبنته , بكل ما تحمله الانانيه بيمنعها ,لانه عايز يبعدها عن الانسان اللى بتحبه , حقك تشوفينى كدا مش هعارضك حتى فريده شيفانى راجل قاسى وانى سبب فى اللى انتى فيه دلوقت , بردو حقها للاسف محدش فيكم فهمنى .. هقولك على حكايه كدا اول مره تسمعيها , وانا بكليه كنت معجب ببنت صديقتى لكن حالتها كانت على قدها جدك رفض جوازنا وعملنا مشاكل كتير سوى , وسبت البيت واضربت حولت بكل الطرق اقنعه مافيش فايده , حتى حاولت اقنع اهلها نتجوز مش مهم اهلى رفضه , وفجاه وانا قاعد بتفرج على ماتش بابا قالى انا موافق ,انا ساعتها قولت اكيد بيشتغلنى بس روحنا وخطبتها وتجوزنا , اه انا كنت متجوز قبل فريده لكنى مابحبش احكى , المهم بعد كام شهر من جوازنا حاجات كتير بدات توضح طريق التفكير المختلفه , كانت بتعمل تصادم بنا اهلها طريقتهم مكنتش عجبانى ابدا , اقول هما دول خالات وخيلان ولادى , هى دى الست اللى هكمل معها حياتى , هى مكنتش ست وحشه بلعكس , بس متنفعليش اطلقنا واتجوزت دكتور زميلنا , عايشن حياه سعيده جدا , وانا كمان اتجوزت فريده وعايش معها اجمل حياه زوجيه , العبره مش لازم الانسان اللى بحبه يبقا هو الانسان اللى يناسبنى , حبنا بيكون عمينا عن حاجات كتير, جدك كان شايفها, وانا كنت شايف انى متفاهم معها وبحبها , مكنتش فاهم ان الحب حاجه والجواز حاجه تانيه , لان الحياه الزوجيه مختلفه يابنتى , الرجل مش زى الست بعد الجواز الست بتقى فاكره ان جوزها هيفضل يعملها مفاجات, كل شويه يبعتلها فى اغانى , يقولها كلام حلو , لكن الحقيقه حاجه تانية انتى بقيتى مراته فى حاجات بقت اهم عايزه, يرجع من شغل يلقى ست مستنى بضحكه حلوه , بيت هادى بعد يوم طويل بشغله , ولاده يبقى احسن ولاد بدنيا , رفضى لمروان لانى شايفك بتحبيه بشكل هستيرى , مفهوش اى شى بلعقل , اهو انتحرتى لتانى مره كنتى هتموتى كافره, عشان ايه وليه, مافيش حد يستاهل يابنتى ,الرجل ده , مهما عمل معاكى هتسامحى, اه هتغضبى وتثورى لكن هتسامحى , انا كنت بحاول امنعك من وقع فى الهلاك ,مسؤليتى كاب بتحكم عليا امنعك , لكن للاسف انتى شايفه انى مش محترم اختيارك , انا هوافق وهسيبك تجربى بنفسك ,واتمنى من قلبى حظك يبقا حلو , وكل توقعاتى تكون غلط , وسمحينى يا بنتى لو مكنتش الاب اللى بتتمنه
اميره : بابا انا
خالد : متقوليش حاجه
يقف يقبلها من جيبنها يتركها ويخرج للخارج ..كان يقف حمزه ونور وفريده ومروان بخارج
خالد : يقترب من مروان .. اميره هتخرج بكره يوم الخميس ساعه 8 فى انتظارك ممكن تدخلها
مروان : بستغرب ..يوم الخميس
خالد : فريده انا تحت فى كافيتريا لو حصل حاجه بلغينى
يتركهم ويغادر
حمزه : مبروك يا دكتور
مروان : هو بجد وافق
فريده : ايه الصدمه نسيتك تطمن على اميره يلا ادخل فرح خطبتك يا دكتور
مروان : بسعاده .. اكيد
يدخل داخل الغرفه
نور : بضيق .. انا مش فهمه ازاى بابا خالد يوافق بعد اللى عمله ده ده انا كنت عايزه اضربه
حمزه : نور اهدى مينفعش كدا
نور : عجبك اللى حصل ده كان هيضرب بابا خالد انت ازاى سبته بسهوله دى
فريده : نور مروان مكنتش يقصد خوفه وقلقه على اميره خليته يعمل تصرفات غلط ,انا نفسى انفعلت على خالد وقولت كلام ميصحش
نور : انتى مراته دى بنتك طبيعى , لكن هو مين اصلا بعدين هو كل ما ينفعل هيعمل كدا انتى بدفعى عنه
فريده : مش بدافع يا نور لكن بفهمك , بعدين اكيد انا هقعد مع مروان وفهمه غلطه وانا متاكده انه هيعتذر لخالد
حمزه : ماخالص انتى عايزه تشعليلها ليه
فريده : ممكن تهدوا بقا انتم الاتنين
نور : طنط انا بكره مروان ودلوقتى كرهته زياده مش موفقه على الجوازه دى وان شاء الله مش هتم انا ماشيه
غرفه اميره
مروان يجرى على اميره يقف بجانبها
مروان : بخوف وشده .. انتى كويسه يقبلها من ايدها .. انتى ازاى تعملى كدا بنفسك مش هتبطلى جنان وتهور اننى بس تبقى كويس هتشوفى هعمل فيكى ايه
اميره : هههههه بس بس ياعم عملت ايه, .. تشد المحلول الذى كان ملصق على الهوا وتقف على سرير .. انا زى القرده اهو ههههههههههه مالك مزهول ليه انا عملت كدا عشان بابا يوافق وسيله ضغط وجابت نتيجه ههههههههههههههههه تنزل من على سرير تمسك ايده انت يابنى مالك
مروان : يجلس على سرير ياخد نفسه... مش هتعقلى ابدا هتفضلى مجنونه
اميره : خالص يا حبيبى متزعلش اروح انادى على بابا وقوله انا كويسه بابااا
مروان : يقف .. بس انتى بتصدقى انا اقصد كنتى قولتيلى بعد مشفت رسالتك بتقوليلى الوداع سوقت زى مجنون كنت هخبط ميت واحد عرفينى انك بتمثلى
اميره : لا عشان تسبك الدور هههههههههههههه
مروان : انا سبكت الدور لدرجه لو عرفتى عملت ايه هترمينى من هنا
اميره : عملت ايه
مروان : اااا ... قبل ان يتحدث تدخل حمزه وفريده
حمزه : انتى وقفه كدا ازاى
اميره : حزمتى
حمزه : بستغراب .. انتى كنتى بتمثلى
اميره : يس
حمزه : ينظر لفريده ...وحضرتك عارفه
اميره : وحياتك هى صحبه الفكره تنظر لمروان ... يا ظلمنى
فريده : انا قولت فكره الانتحار افضل كتير من جوزكم من ورانا ولا ايه يا دكتور
مروان : اكيد كنتم بس عرفتونى بدل للى حصل
فريده : بلعكس رد فعلك ده هيثبت لخالد ان موضوع حقيقى
حمزه : عملتوا كدا ازاى
فريده : ايناس تكون صديقتى اتفقت معها عشان كدا جبتها
هنا مش بمستشفى خالد
حمزه : اه وانا اقول عامله تقوليلى اطلع على مستشفى دى بلاخص ليه طب انا ذنبى ايه اشيلك طول وقت ده
اميره : مالك محسسنى انى تخينه ده انا 51 كيلو
مروان :انتى عرفتى ان دكتور خالد منتظرنى يوم الخميس
اميره : لا دى جديده هو قالى موافق بس
فريده : يلا ارجعى سريرك بسرعه لحسن خالد ياجى
اميره : يالهوى ده يعمل مننا مربه تنام على سرير .. يلا حد يركبلى بتاع ده اتاثرو اتاثرو هى نور فين
حمزه : طنط الهام كلمتها اميره تعبانه
اميره : ينهار طب انت واقف ليه روح بسرعهواتصل طمنى عليها متسبهاش لوحدها
حمزه : هروح بقا مدام طلعتى كويسه
اميره : ماشى
❤️_____ليلةعادل____❤️
كافيتريا المستشفى 10م
يجلس خالد على احد الترابيزات يشرب قهوه ثم يدخل عليه مروان
مروان : تسمحلى اقعد معاك
خالد : اول مره تستاذن
مروان : لان حضرتك مكنتش بتقبل انى اقابلك
خالد : يعنى لو رفضت هتحترم رفضى
مروان : اكيد
خالد : اقعد يا دكتور
مروان : يجلس .. انا اسف حقيقى اسف انا مش عارف ازاى عملت كدا , صدقنى انا مش بطبيعى بكون منفعل كدا طبعى مش عصبى , لكن لما شفت رساله اميره كنت زى الاعمى مش شايف قصادى غير انك سبب بكل ده
خالد : فى فليسوف بيقول عايز تعرف حقيقه من حولك انتظر وقت الغضبهم ستجد من يجعلك مزهول ومن يجعلك تنحى له احترما
مروان : انا ضدد المقوله دى , لان وقت غضبك عقلك بيتوقف عن التفكير , مافيش اى شى من المنطق والعقل , اللى بيتحكم فيك وقتها مشاعر الكره والحقد , عشان كدا بعض جرائم القتل اللى بتحصل وقت تاثر الغضب , لما بيسال القاتل بيقول ماكنتش اقصد, انا كنت متعصب مش عارف بعمل ايه لكن انا طبعا ضدد ان الانسان يسيب نفسه يوصل للمرحله دى
خالد : انت راجل بتاع علم نفس اكيد فاهم اكترفى المسائل دى , بس متنكرش انك لما تلقى انسان قصده كل الاشياء للى ممكن توصله للنوع ده من غضب , ويقدر يتحكم فى نفسه , اكيد لازم نقف ليه وقفه احترام
مروان : طبعا اكيد , لكن قليل جدا اللى بيقدر يعمل ده ,بحكم ظروف اللى حولينا بقا غضب وعدم التحمل طريقه اسهل للتعبير عن مشاعرنا ..اتمنى انك تتقبل اعتذرى
خالد :حصل خير انا نسيت كل شى ناوى افتح معاك صفحه جديدة , واتمنى انك متخلنيش اندم انى وفقت
مروان : صدقنى عمرك ما هتندم
خالد : ها تشرب ايه
مروان : ممكن قهوه
❤️_____ليلةعادل____❤️
نادى المعادى 4م
يجلس حنين وادهم على احد الترابيزات ثم تدخل عليهم نور
نور : عاملين ايه
ادهم : اقعدى عامله
نور : تجلس ... مشفتش روميو وجوليت
ادهم : مين
نور : اميره ومروان
ادهم : لا
نور: يبقى لسه ماجوش ايه يا حنين اخبارك ايه مبروك مش هتلقى احسن من ادهم عريس
حنين : شكرا
ادهم : بقولك صح كنتم بتقوله على جروب على حد انتحر انا كنت بنام مش مركزه ده بجد ولا مسلسل
نور : مسلسل الجميله والوحش
ادهم : بطلى هزار
نور : والله ما بهزار اصل مقصوفه الرقبه اميره انتحرت تانى بلعت شراطين برشام
ادهم : بخضه ... ايه هى كويس
نور : طلعت بتمثل
ادهم : يعنى حصلها حاجه هى بلمستشفى
نور : يابنىركز باقولك بتمثل عملت نفسها انتحرت عشان تقنع بابا خالد تنظر لحنين منوره يا حنين
ادهم : ها فهمت
حنين :تشعر بلغيره .. مش يلا عشان اتاخرنا عن مشورنا
ادهم : يلا اسف يا نور بس ورنا مشوار كان نفسى اقعد معاكى
نور : ولا يهمك يا صحبى تقرب منه .. استعد هيتنكد عليك نكد السنين خد النكد بصدر رحب
ادهم : انا عكيت صح
نور: انت نيلت الدنيا
سياره ادهم 5م
يدخل ادهم سيارته كانت حنين بانتظاره
ادهم : ها يا حبيبى تحبى تروحى فين
حنين لا تنظر له يبدو على ملامحه الاستياء
ادهم : حنين مالك انا بكلمك
حنين : مالى .. هو فى ايه بجد مدام بتحبها للدرجه دى محولتش ترجعلها وتقنعها بيك ليه او حتى كنت سبنى بحالى ليه تعمل فيا كدا ليه
ادهم : حنين فى ايه
حنين :ادهم متستخفش بيا لو سمحت
ادهم : انا مش بستخف بيكى انا عايزه افهم ايه كميه الغضب دى محصلش حاجه لكل ده
حنين : اعتقد رد فعلى ده طبيعى للى انت عملته
ادهم : انا عملت ايه لكل ده
حنين : بردو مصر تستخف بيا ادهم روحنى انا بحترمك جدا مش حبه الاسلوب بنا يوصل لشى ميلقش بينا
ادهم : حنين انتى مزودها اوى حنين لاخر مره بقولك اميره بنسبه ليا انسانه غاليا عندى وبس وطبيعى لما اسمع عنها
خبر زاى ده , لازم اخاف وزعل انتى نفسك متخضتيش
حنين : وتخض ليه
ادهم : مش المفروض انكم اصحاب حنين بلاش الغيره دى لانها هتخسرنا بعض انتى مش واثقه فيا للدرجه دى
حنين : ادهم انت مش بتشوف نفسك لما سيرتها بتاجى بتقى عامل ازاى انا احترمت كلامك لما قولتلى عاملين جروب وهى فيه , مع ان مينفعش تبقى متوجد فيه خصوصا بعد علاقتنا قولت لا ادهم راجل محترم وبيحترمنى مش هيعمل اى شى يزعلنى المكالمات رايحه جايه ومقبالات مش قادر تستوعب ان ده بيجرحنى انا مش مريضه غيره بس لازم تعرف ان علاقتك بيها فعلا غلط حتى لو مش غلط احترم مشاعرى انا بغير عليك منها
ادهم : انا عملت اللى قولتى عليه من وقت ما كنا سوى وانا مشفتهاش , ولا اعرف عنها حاجه ,وجروب نور عملت واحد جديد مفهوش اميره , انا فعلا لسه بتواصل مع اهلها لانهم ناس محترمه , انا عارف انها غريبه لناس كتير ان علاقه تنتهى بين اتنين كانو هيتجوزه وتستمر العلاقه بين الاهل بس حصل , كل اللى اقدر اعمله عشان زعلك غالى عليا ومشاعرك تهمنى اقلل كلامى مع اهلها , ممكن بقى تضحكى انا اسف متزعليش
حنين : بتعرف تاكل بعقلى حلاوه انت
ادهم :ينفع العيون الخضرا دى تزعل لا مينفعش.. يقبلها من ايدها .. تاجى نروح ناكل سوشى
حنين : موافقه
❤️_____ليلةعادل____❤️
شقه اميره 8م
تجلس العائله كلها ومروان ومنير وزجته لبنى فى الراسبشن كانت اميره ترتدى فستان شانيل بحماله شكله جميل جدا تضع القليل من مكياج وكانت على ملامح الجميع السعاده
خالد : نتكلم بجد شويه
مروان : اتفضل
خالد : انا شايف ان مافيش داعى نعمل فتره خطوبه اعتقد مافيش حاجه محتاجين تعرفها عن بعض ممكن نعمل الفرح بعد شهرين ثلاثه تكون جهزت واميره كمان حضرت نفسها
مروان : كل شى جاهز يا دكتور مش هناخد وقت
خالد : شكك مستعجل اوى
منير : طبعا بقاله كتير مستنى
مروان: وقت ما الفيلا تجهز نعمل الفرح
خالد :فى شويه حاجات كدا لازم نتكلم فيها زى المهر وشبكه وكلام ده
مروان : كل اللى حضرتك تامر بيه انا موافق عليه
خالد : انا عايز شبكه ب 5 مليون جينه وانت اللى هتجهز كل شى حتى دبوس طرحتها انت اللى هتجيبه والفيلا هتتكتب باسمها المهر 2مليون جينه الماخر 2 مليون دولار
مروان : حاجه تانى
خالد : هتكتبلها المركز باسمها الفرع اللى شغاله فيه , وشاليه الجونه كمان ,و انا عارف ان ثروتك اكبر بكتير من المبالغ دى يا دكتور , اسم عائلتك لوحده كفايه
مروان : كل شى حضرتك طلبته هيتنفذ اصلا ولا مال قارون يكفى اميره
منير : يبقا نقراء الفتحه بقا .. يلا بسم الله الرحمن الرحيم
وبلفعل يتم قراء فتحه مروان واميره بعد عذاب اكتر من سنه بعد مشكلات كثير ورفض الاب بهذا الزوج
❤️_____ليلةعادل____❤️
( نرجع تانى لمشهد الفرح)
غرفه نوم اميره ومروان بالفندق 12 م
تقف اميره فى منتصف الغرفه وعلى ملامح وجهها الخجل يقترب منها مروان
مروان : مبروك
اميره : الله يبارك فيك
مروان :يمسكها من ايدها انا مش مصدق حاسس انى بحلم اخيرا يييا انتى متتصوريش انا بحلم باليوم ده من امتى
اميره : مش قد ده انا بقالى استنى كدا 3 ثاوى 4 جامعه 4 جوزك وعملياتك سنتين بقنع فيك وسنه بقنع فى بابا يبقى المجموع يالهووووى 15 ههههههههههههههههههههههه ينهار ده انا يتعملى تمثال
مروان : انتى تانى بارقامك دى ياستى متحسبيش اللى فات احسبى وقت معرفتك
اميره : يبقى سنتين قبل ان تكمل كلامها يقطعها
مروان : احنا هنقضى اليوم نحسب
اميره : ايوووه وهو انت فاكرنى حلمت حلم واحد دول كانو كتير كل مره بطريقه
مروان : يبقى احكيلى
اميره : احكيلك ايه
مروان حلم من احلامك
اميره : لا
مروان : خلاص احكيلك انا
اميره : ماشى
مروان : اقلع بس الجكيت عشان جو حر .. يخلع الجكيت ويرمى على الفوتيه .. حلمت بقا اننا كنا بلاوضه بتعتنى زى كدا
اميره : امممم
مروان : وانا قربت منك كدا وحطيت ايدى على وشك كدا يضع يده على وجهها يمررها برومنسيه بعدين قربت منك كدا يقرب وجه لوجهها قبل ان يقبلها تضع يدها على فمها وتبعتد .... ايه ده مكنش فى حلم
اميره : لا انت حلمك شكله قليل الادب مش عايزه اسمع حاجه
مروان : طب خلاص احكيلى حلمك بس هو انا كنت مؤدب بحلمك
اميره : نص نص ... بص انا كنت وقفه عند التسريحه
كدا..كنت بقلع الطرحه انت جيت وقفت ورايا وحضتنى
مروان : لا استوب انا بحب الحكى يبقى عملى روحى اقفى عند التسريحه يلا يلا
اميره : طيب اهو وقفت كنت بقلع طرحتى كدا وانت وقفت ورايا وحضتنى
مروان : يضمها يقرب وجه من رقبتها .. كدا
اميره : تلتفت له .. هو مش بظبط بس اممم بعدين حطيت ايدك على خدى
مروان : كدا
اميره : اممم
مروان : وبعدين
اميره : بوستنى من خدى
مروان : يقبلها من خدها بعشق .. كدا
اميره: تبتلع راقها امممم
مروان : وبعدين
اميره : بس
مروان : بس ده انا ارمى نفسى من الشباك قال بس
اميره : اعملك ايه هو الحلم خلص كدا
مروان : ينظر لاميره بخبث ..اميره كملى الحلم
اميره : ما خلاص هو كدا بس
مروان : انتى هتكملى ولا احكى انا حلمى وعملى على طول
اميره : لالالا انت بتصدق هكمل براحه عليا استنى
مروان : انا مستنى بصى هقولك فكره انتى تخيلى نفسك انا وتقمصى شخصيتى واحكى عشان الكسوف يخف
اميره : فكره حلوه
مروان : يلا
اميره : طيب استنى بقى ..تروح تقف على سرير
مروان : ده ليه ده
اميره : عشان فرق طول
مروان : يقف امامها ماشى يلا ... يضم شفيفه
اميره : انت عامل كدا ليه
مروان : بساعدك
اميره : لا خليك عادى
تقترب وجهها منه بخجل مع تردد كان مروان ينظر لها بعشق كان يقرب وجه اكثر لها مع سماع لدقات قلب اميره يلف مروان يده على وسطها مع نظرات كلها عشق وشغف يقرب شفايفه لشفايفه كاد ان يقبلها يطرق احد الباب تفوق اميره على دقاقت الباب تزوق اميره تنزل من على سرير بسرعه
اميره : الباب بيخبط
مروان : يقربه اليه سيبه سيبه يحاول ان يقبلها
اميره : مروان اوعى الباب بيخبط ممكن يكون حد مهم
مروان : بغضب ... اكيد حد معندهوش دم . انا مش هفتحله الباب بس وهفتح دماغ خليكى هنا
اميره : طب يلا بطل دلع
مروان : يروح يفتح الباب وهو متعصب .... انت يا قليل ينظر بصدمه واستغراب شديد وزهول واتساعه عينه
يبتلع رايقه و يتفاجئ ب
يتبع الفصل الواحد والعشرون اضغط هنا
- الفهرس يحتوي على جميع فصول الرواية كاملة :"رواية الاعمى" اضغط على اسم الرواية