رواية ويشاء القدر الفصل الثامن عشر بقلم أية محمد
رواية ويشاء القدر الفصل الثامن عشر
رفعت و أحمد هيدخلوا المطعم و يروحوا التربيزه اللي عليها الدكتور محمد و أيمن و علي و ماجد .
رفعت : اي الصدفه الحلوه دي ؟
أحمد : صدفه اي يحج انا اللي عازمهم .
رفعت : اي دا بجد ؟
الدكتور محمد : عرفت ان ابنك بيفكر احسن منك ، الوحيد اللي عرف يجمعنا .
أيمن : ليك وحشه يراجل و الله .
رفعت : و انت كمان يحبيب قلبي .
و يسلم عليهم و يحضنهم و بعدين يقعد .
أحمد : ها تحبو تاكلوا اي ؟
الدكتور محمد : بما انك اللي هتحاسب و جمعتنا فـ من حقك تاكلنا على مزاجك يعم .
أحمد : مين دا اللي هيحاسب ؟
رفعت : كل مره دبسني في الحساب و اخلع .
الدكتور محمد : طالع لـ ابوه .
أيمن : الخوف لـ رفعت يخلع هو كمان و احنا اللي ندبس فيها زي كل مره .
و يضحكوا كلهم سوا .
ماجد : ناكل الأول و بعدين نشوف مين اللي هيدفع .
على : أهم حاجه تاكل صح ؟
ماجد : اه ياريت .
رفعت : بس عارفين لو كانت العزومه دي من أيمن و يطبخلنا هتبقى احلى مليون مره من العزومه دي و الله .
الدكتور محمد : عندك حق و الله .
أيمن : خلاص اي رايكوا اليوم اللي قبل خطوبه ابني اعزمكوا كلكوا و نقضي اليومين كلهم سوا .
الدكتور محمد : و بالمره بقى نجيب البنات صحاب أيه و لا انت اي رايك ؟
أيمن : انا موافق جدا .
رفعت : خلاص اتفقنا .
أيمن : و ابقى هات مراتك و بنتك بالمرة يرفعت .
رفعت : هشوف كدا و اقولكوا .
الدكتور محمد : أن شاء الله .
على : يلا يجماعه الواحد جعان .
أيمن : اللي خلف مماتش .
و ينادوا على الجارسون يطلبوا اكل .
_______________________
ياسمين هتخلص شغلها و تروح تحضر الغدا و بعدين يتغدوا و تقعد تذاكر و تخلص الشغل اللي عليها و بالليل تخرج هي و أيه عشان يشتروا فساتين للخطوبة و مستلزمات ليهم .
و هما ماشين في الشارع :
ياسمين : بقولك اي ؟
أيه : اي ؟
ياسمين : تعالى نروح اتيله صحبتي هو قريب من هنا و بصراحه الحاجات هناك كلها هتعجبك و انا واثقه من دا .
أيه : خلاص تعالى نروح نشوف كدا .
ياسمين : اوك يلا .
هيمشوا يروحوا الاتليه .
_______________________
هيوصلوا الاتليه ، ياسمين هتلاقي صاحبتها صاحبه الاتليه
ياسمين : ندى ، عامله اي طمنيني .
ندى : اي دا ياسمين ، اخيرا ي بنتي .
ياسمين : ليكي واحشه و الله طمنيني عليكي .
ندى : انتي اللي مش بتيجي على فكره ها ، انا كويسه و الله الحمدلله .
ياسمين : الكليه بقى و كدا هنعمل اي .
ندى : ربنا معاك يارب .
ياسمين : يارب يحبيبتي .
ندى : هاا ، هتتخطبي و لا اي ؟ و تغمزلها
ياسمين : لا دي صحبتي مش انا ، عايزه فساتين تكون حلوه على مزاجك عشان انا كمان هشتري هاا مش هوصيكي .
ندى : عنيا ليكي ، تعالى معايا هفرجك على الكولكشن الجديد .
ياسمين : اوك يلا .
و تاخدهم و تفرجهم على الفساتين و بعدين هيعجبهم كذا واحد أيه هتشتري واحد لخطوبتها و ياسمين هتشتري أربعة ليها و لـللبنات .
_______________________
هيخلصوا و بعدين يمشوا .
ياسمين : ها اي رايك ؟ ملفناش و لا عملنا اي حاجه .
أيه : الواحد كان عايز ياخد كل الفساتين حقيقي بجد تحفه جدا و زوقها احلى و معاملتها مع الناس كويسه جدا .
ياسمين : هي ماشاء الله عليها بصراحه و بيجيلها ناس من برا المنصوره كمان .
أيه : اي دا بجد ؟
ياسمين : اه و الله شوفتي بقي .
أيه : هي بصراحه تستاهل و الله .
ياسمين : اه جدا .
أيه : يلا نروح نشتري هيلز نفس اللون .
ياسمين : هو طويل ؟
أيه : قدي مرتين و بصراحه شكلي كان محرج جدا يوم قراءه الفاتحه .
تضحك ياسمين بصوت عالي : و انا اللي كنت مفكراكي قاعده .
و تكمل ضحك بصوت عالي .
أيه : عيب بقى احنا في الشارع .
ياسمين : حاضر و تكمل ضحك برضو .
أيه : يلا يختي انجزي عشان منتاخرش .
ياسمين : طب متذقيش طيب الله .
هيمشوا يروحوا لـ محل شوزات معروف جدا في المنصوره .
_______________________
هيدخلوا المحل و يبدءوا يشوفوا الشوزات اللي موجودة
ياسمين : اه هتجيبي لون اي ؟
أيه : اسود ؟
ياسمين : هيبقى كله اسود في اسود يعني حاولي اكسري اللون
أيه : طيب ، اللون دا حلو ؟
ياسمين : لا دا هاتيه نفس لون فستان تاليا .
أيه : خلاص اوك خدي خليه معاك .
ياسمين : اخليه معايا فين ي بنتي .
أيه : اه نسيت انك شايله الفساتين .
ياسمين : المهم ، هاتي اللون دا هتكون حلو .
أيه : بيبي بلو ؟
ياسمين : اه هيكون خطير جربي .
أيه : تصدقي .
ياسمين : يلا هاتيه و تعالى اجيب شوز لـ ساجدة و فيه هيلز هناك في الركن التاني عاجبني هاخده ليا و اجيب لهاجر واحد زيه .
أيه : اوك .
يرن تليفون أية .
ياسمين : ماجد ؟
أيه : اه هو بيرن عايز اي ؟
ياسمين : ردي كدا .
_______________________
المكالمه :
أيه : الو .
ماجد : بعد بكرا تيجي انتي و صحابك عشان بابا عازمكوا .
أيه : و يوم الخطوبه ؟
ماجد : ما انتو هتيجوا تقعدوا اليومين هنا في شقه لواحدكوا متقلقيش .
أيه : خلاص هشوف صحابي و ارد عليك .
ماجد : اوك مستنيكي .
أيه : تمام ، انت كويس ؟
ماجد : اه الحمدلله ، انتي فين كدا ؟
أيه : بجيب فستان الخطوبه و شويه حاجات كدا ، و ياسمين معايا .
ماجد : طب طمنيني لما تروحي .
أيه : حاضر ، لا إله إلا الله .
ماجد : محمد رسول الله .
و تقفل المكالمه .
_______________________
ياسمين هيجيلها إشعار على الموبايل هتفتحه و هتتفاجي .
ياسمين بدهشة : اي دا ؟
أيه : فيه اي ؟
ياسمين : شوفي تاليا ؟
أيه : اي دا ؟ هي لبست الحجاب ؟
ياسمين بفرحه و الدموع ظاهره في عنيها : اول مره تاخد قرار من نفسها و يكون صح ، انا حقيقي فرحانه اوي ، و كمان مسحت كل صورها .
أيه : خلاص احنا لازم نجيبلها هديه بالمناسبه الحلوه دي و الله فرحتنا كلنا .
ياسمين : نرجع الفستان اللي احنا جبناه و نجيبلها فستان تاني و نجيبه بفلوسنا و هرجعلها فلوسها تاني اي رايك .
أيه : فكره هايله ، و بالمره نجيب تورتة و نحتفل سوا .
ياسمين : بس استنى .
أيه : اي ؟
ياسمين بحزن : هنحتفل ازاي و هي مش راضيه تكلم حد فينا ؟
أيه : تصدقي نسيت ، خلاص مش مشكله نحتفل احنا و اكيد لما تسمعنا هتفرح .
ياسمين : عندك حق .
أيه : طب يلا عشان منتاخرش .
ياسمين : اوك ، صحيح ماجد كان عايز اي ؟
أيه : عمو أيمن عازمنا على الغدا قبل الخطوبه بيوم و بيقولي نروح نقعد هناك .
ياسمين : نقعد هناك فين ؟
أيه : نقعد سوا في الشقة اللي فوق وقتها يعني .
ياسمين : اوك ، معنديش مانع .
أيه : تمام .
ياسمين : يلا عشان ننجز لأن هنرجع الاتيليه تاني .
أيه : اه يلا .
هيخلصوا و بعدين يرجعوا الاتيليه تاني و هيروحوا يجيبوا تورتة و يروحوا .
_______________________
ياسمين و أيه هيدخلوا من الباب هيلاقوا ساجدة .
ساجدة : اخيرا جيتو ، عمالا ارن عليكوا محدش بيرد ليه ؟
ياسمين : فوني اتعمل سايلنت غصب عني اعمل اي و مختش بالي غير لسه و انا طالعه على السلم .
أيه : و انا فوني مفتوح مفيش حاجه وصلت لي ؟
ساجدة : المهم دلوقتي تاليا طلعت و قالتلي اول ما ياسمين تيجي خليها تدخلي فـ ادخليلها بقى .
ياسمين : اوك ، خدي الحاجات دي مني .
ساجدة : اوك حاضر
ساجدة هتاخد الشنط من ياسمين و ياسمين هتدخل لـ تاليا .
_______________________
هتخبط علي الباب و بعدين تدخل .
ياسمين بفرحه : مبروك .
تاليا : الله يبارك فيكي ، ممكن اتكلم معاكي شويه .
ياسمين : اكيد اتفضلي .
تاليا : انا عارفه انك زعلانه مني و زعلانه مني اوي كمان انا اسفه جدا بجد عمر ما حد عمل معايا اللي انتي عملتيه معايا دا انا بجد اسفه استحملتي مني حاجات كتير قبل كدا و كنتي ديما بتنصحيني بالحجاب و انا مكنتش بسمعلك و بطنش غلطت فيكي و مع ذلك انتي الوحيده اللي قدرتيني في الوقت دا و مكنش فيه حد بيسأل عليا غيرك رغم كل اللي حصل ، كل مره كنتي بتعدي و بتفوتي اي حاجه و عمرك ما اشتكيتي ، كنتي ديما طول الوقت عندك استعداد انك تسمعيني و عمرك ما زهقتني مني و لا حتى تجاهلتيني كنتي ديما امي التانية في كل حاجه و عوضتيني عن حنانها ربنا يرحمها ، شكرا جدا ليكي على أي حاجه و سامحيني و انا عارفه انك هتسامحيني ، و سمعت كلامك و خدت القرار بنفسي و لبست الحجاب يمكن دي الحاجه الوحيده اللي كانت غلط فيا و انا صلحتها بنفسي ممكن تفضلي ديما مقوياني بكلامك و تفضلي جمبي وقت ما احتاجك و تسامحيني ممكن ، انا بجد اسفه .
ياسمين هتحضنها .
ياسمين : انا مش زعلانه منك انا زعلانه عليكي و كنت خايفه عليكي و الله انا مش هنكر اني زعلت بس فكرت و بعدين نسيت اللي حصل المهم انك اخدتي وقت مع نفسك و فكرتي صح و اخدتي قرار مهم اوي في حياتك و ربنا يثبتك يارب و اشوفك احسن مهندسة يحبيبتي .
تاليا : يارب يحبيبتي .
ياسمين : طب يلا بقى قومي جبتلك فستان لخطوبة أيه و هيلز هيعجبك اوي انا متأكده من زوقي و جبنا تورتة عشان نحتفل معاك بالمناسبه الحلوه دي ، و خدي فلوسك الفستان هديه مني انا و البنات .
و تطلع ياسمين الفلوس من الشنطه و تديهالها .
تاليا : ربنا يخليكي ليا يارب و يفرح قلبك يارب .
ياسمين : و يخليكي ليا يارب ، يلا قومي احسن يهجموا على التورته .
تضحك تاليا : اوك يلا .
_______________________
هيروحوا الاوضه التانيه و يتصوروا كام صوره مع بعض و يقطعوا التورته سوا و كل واحده تبارك لـ تاليا .
تاليا : بجد شكرا يجماعه على تشجيعكم ليا .
ساجدة : لا يختي العفو .
ياسمين : هاتي يساجدة الشنط اللي وراكي كدا .
ساجدة : انا مرضتش افتح حاجه غير لما نتجمع على فكره هاا .
هاجر : محصلش .
أيه : اتفق .
ياسمين : فتحت الشنط صح ؟
أيه : طبعا .
ياسمين : طب هاتي يختي .
ساجدة هتديلها الشنط .
ساجدة : دا احنا هنجنن الضيوف بالفساتين دي و الله .
ياسمين هتدي لكل واحد شنطته و كل واحده هتعجب بالفستان بتاعها جدا .
تاليا : حلو اويي يياسمينا بجد شكرا و بعدين تبوسها .
ياسمين : و هيبقى احلى عليكي اكيد .
هاجر : بجد اول مره في حياتي حد يختارلي حاجه بالحلاوه دي شكرا اويي .
ياسمين : يحبيبتي عقبال ما اختارلك فستان خطوبتك بإذن الله .
ساجدة : اوعا بقى ، يجنن يياسمينا يجنن و تحضنها جامد .
ياسمين : طب حاسبي طيب .
ساجدة : مبسوطه بيه اوي .
ياسمين : يارب تفضلي مبسوطه العمر كله يارب .
يرن تليفون ياسمين هتلاقيه رقم هتقوم تطلع برا في البلكونه و تسيبهم و ترد .
_______________________
المكالمه
ياسمين : السلام عليكم
أيمن : و عليكم السلام يدكتورتنا .
ياسمين : اهلا وسهلا مين معايا ؟
أيمن : انا ابو ماجد يستي هاا .
ياسمين : اي دا عمو أيمن عامل اي .
أيمن : في نعمه و الله ي بنتي الحمدلله ، اكيد أيه قالتلك على العزومه اللي قبل الخطوبه .
ياسمين : اه قالتلي بس لسه هشوف رأي البنات .
أيمن : لا دا انتو لازم تيجوا المهم انا ملقتش حد غيرك بصراحه اطلب منه الطلب دا .
ياسمين : انا تحت امرك يعمو اتفضل .
أيمن : انا اللي هطبخلكوا العزومه دي بس المشكله العدد كبير و انا مش هحلق اخلص فـ ممكن تيجي تساعديني من بالليل قبلها و لا اي النظام معاكي ؟
ياسمين : بكرا عندي محاضرات هخلصها و هنيجي بالليل كلنا حاضر .
أيمن : طب خلاص بما انكوا هتيجوا بالليل فـ تباتوا هنا بالمره و متقلقيش البيت فيه شقه على ابن اخويا تقدروا تقعدوا فيها براحتكوا ها قولتي اي ؟
ياسمين : هشوف البنات و ارد على حضرتك بكرا .
أيمن : تمام ي بنتي ، يلا تصبحي على خير يارب .
ياسمين : و حضرتك من أهل الخير يارب .
هتقفل المكالمه و تدخل .
_______________________
ساجدة : اي يعم مين دا ؟ و تغمزلها
ياسمين : اهي دماغك دي مودياك في داهيه ، دا عمو أيمن بيقولي نروح من بكرا بالليل عشان اساعده في الأكل و عازمنا و نفضل هناك لحد يوم الخطوبه نبقى نمشي .
تاليا : بس مينفعش نروح نبات هناك برضو .
ياسمين : لا هو قالي نبقى لواحدنا في شقه على ابن اخوه .
أيه : ها اي رايكوا .
تاليا : عشان عيونك دي يعم حاضر .
ساجدة : و انا اكيد جايه .
هاجر : و انا ها متنسونيش .
ياسمين : خلاص يـ ايه ابقى رني بقى على ماجد و قوليله .
أيه : اوك حاضر .
يتبع الفصل التاسع عشر اضغط هنا
- الفهرس يحتوي على جميع فصول الرواية كاملة :"رواية ويشاء القدر" اضغط على اسم الرواية