رواية أمل عشق الزين الفصل السابع عشر بقلم أمل السيد
رواية أمل عشق الزين الفصل السابع عشر
دخل شاب في قمه الاناقه والشياكه بيقول اوعى تكون اكلتو الجاتوه من غيري الكل بصله واستغرب
فرح: جو حبيبي حمد لله على السلامه وحشتني
يوسف: الله يسلمك انتي اللي وحشتيني
عمر: حمد لله على السلامه يا سيفو ما قلتش ليه كنا استنيناك في المطار
يوسف: الله يسلمك يا عمر ما حبتش اتعبكم قلت اعمل لكم مفاجاه ولا هي مفاجاه وحشه
ليليان: اجمل مفاجاه حمد لله على السلامه يا يوسف يا حبيبي
يوسف: الله يسلمك يا خالتي امال فين زين واحشني عايز اشوفه اوعي يكون نام
ليليان: فوق في غرفته
يوسف: طب انا هطلع اشوفه بقى ازيك يا مراد اسف ما اخدتش بالي منك
مراد بابتسامه: الله يسلمك عادي ولا يهمك حمد لله على السلامه
يوسف: الله يسلمك
تعريف على يوسف كده بسرعه
(يوسف محمد الشراكي ⭐ مهندس برضو وهو اللي ماسك الشركه في استراليا هو قاعد هناك بس بيجي كل فتره هو زين اولاد خاله واصحاب جدا وطبعا هو اللي جايب لي العروسه عمره 31 اكبر من زين بسنه طويل جسم رفيع بشرته قمحاوي ومش مرتبط ذكي جدا وطبعا هيكون بطل اساسي معنا نرجع لموضوعنا )
__________
في غرفه زين
~~~~~~~~
كان يوسف بيخبط على الباب
زين: مش عايز اتكلم مع حد دلوقت
يوسف: لسه برده بيخبط
زين بنرفزه: قلت مش عايز اتكلم مع حد دلوقت
يوسف: لسه برده بيخبط
زين اوف قلت مش عايز اشوف حد وكان لسه يوسف بيخبط زين فتح الباب قلت مش عاوزه اشوف حد بتسمعش الكلام ليه وفجاه شاف يوسف وانصدم فقال يوسف
يوسف بتقشيره: اه يوسف امال كنت متوقع مين
زين : الشغل في حاجه
يوسف باستعباط : لا لا اخص عليك بدل ما تقولي حمد لله على السلامه واحشني اول ما تشوفني تقولي الشغل في حاجه لا بجد زعلت منك هو ده استقبال
زين: اسف نسيت حمد لله على السلامه اصل انت ما بتجيش غير ما يكون في حاجه
يوسف بهزار: اسف اجيبها منين دي انا زعلت طلقني يا حيوان دي اخره العيش والملح وابنك اللي حمله في بطني تسع شهور ولسه ما نزلش لغايه دلوقتي مش عارف ليه
زين ابتسامه صغيره: تعال وانا انزلهلك
زين ضربه بوكس في بطنه
يوسف بيتوجع : اه ااااااااااه حد يطلب الاسعاف باموت
زين: قلتلك ما تهزرش معايا تاني
يوسف: يخرب بيت ام اللي يضايقك يا اخي
زين: خلاص انا اسف ما تزعلش حقك علي وجعتك جامد
يوسف: ولا يهمك عادي مش اول مره ايه اللي انت عامله في الاوضه ده هو انت كنت بتحارب
زين: ما لكش دعوه خليك في حالك
يوسف: بقى كده ماشي بس انا جبتلك الهديه اللي انت قلتلي عليها
زين: هي فين
يوسف: مش بسهوله كده
زين: بطل رخامه بقى وهاتها
يوسف: انا زعلان منك على فكره بقى كده كنت عاوز تخطب من غيري وانا اللي جابلك العروسه كنت زمانك معنس دلوقت المفروض تشكرني
زين رفع حجبه : يا راجل قول كلام غير ده
يوسف بيضحك: اه والله اول ما شفتها قلت دي لك على طول وبعدها قلت لخالتي وبسم الله ما شاء الله خالتي ما كدبتش خبر راحت خطبتها لك على طول
زين : انت محسساني ان انا قاعد مع ست الحاجه
يوسف: اللي يقعد مع مامي يقول حاجات كتير
زين: هي خالتي لسه بتتكلم على الناس دي
يوسف: ايوه كل ما تلاقيني قاعد انت قاعد زي قلتك احنا زمان كنا بنعمل وبنعمل يا ستي انا باشتغل هو ده الشغل اقول لا احنا في استراليا ما فيش الكلام ده تقولي لا ده احنا اول ما وصلنا استراليا لسه فاكرها بتقولي هاتلي كشري اجيبلها مين انا
زين بيضحك: وعملت ايه جبتلها
يوسف: ايوه طبعا لفيت استراليا كلها لغت ما لقيت واحد بيبيع
زين: يلا بالهناء والشفاء هي ما جتش معك ليه
يوسف: مش عايز تسيب حياه لوحدها
زين: صحيح حياه عامله ايه
يوسف: تمام بخير
زين: طب كويس
يوسف: مش ناوي تنسى بقى
زين: ما فيش حاجه بتتنسي قلي بقى شفت امل ازاي احكيلي الموضوع بالكامل
يوسف: بص يا سيدي واحد صاحبي كلمني وقالي عليها وشكر لي فيها جدا وانا ساعتها ما كنتش فاضي فقلت ايه ما فيش غيرك فرحت مكلم خالتي وحكيتلها على الموضوع هي فرحت وقالتلي ان هي هتكلمك والباقي انت عارفه
زين: ماشي يلا تصبح على خير
يوسف: هتنام في المهزله دي ازاي
زين: ما لكش دعوه انا متعود على كده
يوسف: طب تعال نخرج بره على ما حد ينظف الاوضه انا زهقان مش جايلي نوم الصراحه بلاش بواخه حتى مراد وعمر هنا هنسهر زي زمان قم بقى بلاش بواخه
زين: انت مش جاي من السفر اكيد تعبان وانا ما ليش مزاج
يوسف: النهارده عيد ميلادك هنحتفل كلنا
زين: قلتلك ما ليش مزاج واسمع الكلام
يوسف: انت ليه مش عايز تنسى كل حاجه عايز تفضل في الماضي لغايه امتى خلاص فوق بقى وعيش الحاضر الوقت بيوقفش على حد
زين: انسى ايه ولا ايه اليوم ده حصلت حاجات كتير اوي مش هاقدر انساها
يوسف: لازما تقدر تنسى ما تفضلش عايش على الماضي مراد ليه ما بعملش زيك لانه فكر يعيش ليه والنفسنه وبس ما فكرش في احد تاني ليه مش قادر تعمل زيه
زين: عشان احنا مش زي بعض الفرق الوحيد اللي بيننا ان هو كان في حد بيحبه ويخاف عليه لكن انا ما كانش عندي حد
يوسف: عندك ناس كتير بتحبك ولا نسيت بابا الله يرحمه كان بيحبك قد ايه
زين: لا ما نسيتش الله يرحمه هو ده اللي داني امل في الحياه وخلاني اعيش لغايه دلوقت وعمري ما اقدر انساه واقف جنبي كان لازم لحد تاني ليكون مكانه لكن الاحد ده عمره ما فكر فيا كان بيحاول يؤذيني طول الوقت
يوسف: مش يمكن تكون محتاجله
زين: عمري محتاجه في حياتي
يوسف: يمكن بس عينيك بتقول غير كده
زين: انا بكرهه بكرهه هو اللي دمرلي لطفولتي وحرمني من اغلى شيء في الدنيا ان اكون زي اي الطفل
يوسف: خلاص كفايه كده ما تتعبش نفسك
زين: عاوز تعرف زي النهارده حصل ايه هاقول لك طفل كان فرحان زي اي طفل كان فرحان بعيد ميلاده يدخل ابوه يكسر فرحته ويقوله انت مش ابني طفل اربع سنين مش فاهم يعنى ايه كلمه مش ابني انا قلتله بابا قالي انا مش ابوك تعرف عامل ايه علشان يتخلص مني خطفني وعذبني ولما موتتش حاول تخلص مني باي طريقه بس ما اعرفش اب مش عاوز ابنه في حياته كان نفسي اعرف اه بيكرهني انا عملته ايه علشان حياتي تكون كده
يوسف: انا مش عارف اقولك ايه انا عارف انك اتعذبت في حياتك كتير عارف انك صبرت كتير واني جواك حاجات كتير بس انت مش هترتاح غير لما تشوفه اساله على كل اسئلتك علشان ترتاح
زين: انا مش عاوزه يدخل في حياتي تاني
يوسف: طب خلاص نفك كده ونخرج ما فيش اعتراض قلت ايه
زين: ماشي يلا بينا
يوسف: احبك وانت مفرش كده
____________
تحت في الاسفل
***********
مراد: يلا
فرح: يلا فين
مراد: هنروح بيتنا
فرح بيزعل: خلينا وبكره نروح
مراد: ما ينفعش
فرح: بالله عليك يا مراد النهارده وبس
مراد: قلت لا يلا
ما فيش احد هينام النهارده النهارده السهره وبس
فرح: بجد يا جو واحشني السهر معك
يوسف: ولا تزعلي يا ستي كل طلباتك مجابه
فرح: ربنا يخليك لي يا اجمل جو في الدنيا
يوسف: شايف مراتك بتعاكسني
مراد: براحتها تعمل اللي هي عايزاه
فرح: حبيبي
يوسف: باهزر في ايه انت مالك واخد الحياه جد كده فك شويه يا عم النهارده عيد ميلادك كل سنه وانت طيب مع انها جايه متاخره شويه
مراد: وانت طيب شكرا معلش تعبان شويه عن اذنكم يلا يا فرح
فرح: بالله عليك يا مراد خلينا النهارده
مراد: قلت لا يلا
عمر: ما تسيبها في ايه خليها براحتها
مراد: لو سمحت يا عمر ما تدخلش يلا يا فرح
زين: خلاص يا فرح مراد شكله تعبان روحي معه بكره تعالى
فرح: هو مش هيخليني اجي هنا تاني
زين: انا هاجيبك يلا بقى تبقيش عنيده
فرح: ماشي سلام
فرح ومراد مشوا
يوسف: ايه رايكم نسهر بره
ليليان: لا اسهر وانتم انا طالعه نام تصبح على خير
يوسف: وانت من اهل الخير يا خالتي
عمر: قلي بقى يا معلم هنسهر فين
يوسف: اي حته
عمر: ايه رايك في المكان بتاع زمان
يوسف: وانا موافق قلت ايه يا زين
زين: انا ما ليش في السكه البنات دي
يوسف: اسكت انت رتب انت الجو يا عمر
عمر: علم وينفذ
زين: ما ليش انا في الحاجات دي تصبح على خير
عمر و يوسف: طول عمرك فقري
عمر ويوسف خارجه يسهروا وزين طلع ينام
__________________
في فيلا خالد الجارحي
*****************
في غرفه دينا
****************
سهيله: ممكن تفهميني
دينا: عاوزه تفهمي ايه يا ماما
سهيله: زين ازاي هيتجوزك وازاي هيخطب
دينا: عادي يا ماما
سهيله: عادي ازاي فهميني
دينا: يا ماما انا مش اول واحده ولا اخر واحده تجوز عادي ثم هو سالني وانا قلت له موافقه ايه المشكله بقى
سهيله: طريقتك مش مريحاني
دينا: اهم حاجه ان انا اكون معه ماما انا عايزه انام تصبحي على خير
سهيله: طب ما نشوف اخرتها معكي ايه
_________________
في شقه مراد السيوفي
****************
فرح ومراد وصل البيت اقفل باب الشقه وحضن فرح وحشتيني يا اجمل فرح في الدنيا
فرح بيزعل: هو انت ليه ما رضيتش تفضل هناك
مراد: هناك فين
فرح: مع زين ويوسف وعمر
مراد: هنا هنسهر براحتنا من غير ما احد يضايقنا
فرح: بس انا كنت عاوزه اسهر معهم
مراد: مينفعش يا فرح
فرح: ليه بقى ان شاء الله
مراد: اكيد هم هيخرجوا انتي بقى هتروحي تعملي ايه ولا حاجه واكيد هتزهقي لكن هنا هتعملي كل اللي انتي عايزاه وهنا هتبكي على راحتك اكتر مش النهارده عيد ميلادي يعني كل حاجه هاطلب هتنفذه لي واول طلب فكى التكشيره دي عايز ضحكه فرح الحلوه
فرح بعياط: بس ما فيش كيكه ازاي نحتفل بالعيد الميلاد انا اسفه نسيت اعمله هنا
مراد: باقول لك اضحكي مش عيطي ثم يا ستي في جاتوه في الثلاجه
فرح هيه هيه هيه في جاتوه في الثلاجه
مراد: ايه اللي خلينا فكرها بالاكل بس فرح استني
فرح: نعم
مراد: تاخدي انتي شاور وانا هجهز كل حاجه
فرح: اوكي
المراد دخل المطبخ طلع الجاتوه من الثلاجه وجاب عصير وعامل جو الرومانسي
فرح طلعت من الحمام اتفاجئت بالمنظر
فرح: ما كنتش اعرف انك رومانسي اوي كده
مراد: وهو بيحضنها اديك عرفتي هتعملي ايه
فرح: هاكل طبعا
مراد: بصوت واطي اصبري على بس: اكيد هناكل
فرح: يلا نطفئ الشمع 🎂 علشان اكل
مراد: اديني طفيته كلي
فرح بتاكل ومراد بيتفرج عليها
فرح: مش هتاكل
مراد: على اساس انتي خليتي حاجه انتي خلصتي الاكل كله
فرح: ما انت اللي ما رضيتش تاكل
مراد: خلصتي اكل
فرح: اه الحمد لله
مراد وهو بيمسحلها شفايفها بالمنديل
فرح: شكرا اروح انام بقى
مراد: اكيد طبعا احنا هنام شالها وحطها على السرير
فرح: على فكره انا بعرف امشي لوحدي مش مستاهله ده كله
مراد: اسكتي خالص مش عايز اسمع صوتك
فرح: حاضر
باحبك وانتى بتسمعي الكلام كده خليكي كده على طول كده فرح كانت لسه راحه تتكلم لقيت مراد بيبوسها ضربته على وشه انت ازاي تعمل كده
مراد انصدم: ايه اللي عملتيه ده
فرح: ازاي تعمل كده
مراد: على فكره انا جوزك يا هبله
فرح: اه صح نسيت سوري
والله ما انا سايبك بقى كده لازم تتعاقبي نسيبهم يقضي ليلته الحلوه مع بعض
_____________________________
عدى الليل وجاء النهار بكل فرح وسرور
فيلا زين الجارحي
في غرفه زين
عمر ويوسف وزين
يوسف: ايه يا معلم مش نازل الشغل النهارده ولا ايه
زين: لا
يوسف: ليه لسه متضايق
زين: لا
يوسف: امال مش نازل الشغل ليه
زين: خارج مع أمل وبنت عمها وفرح اختي
عمر: ليه رايحين فين
زين: اشتري الهدوم عشان الخطوبه بكره
عمر: ممكن اجي معك
زين: لا
عمر: ليه بس كده
زين: لما انت تيجي معايا مين اللي هيروح الشركه
عمر: مراد هناك و هياخد باله من كل حاجه
زين: مراد ما ينفعش لازم انت تكون معه
عمر: يعني انت هتخرج مع ثلاث بنات لوحدك
زين: ما تخافش علي يوسف هيجي معايا
عمر: شطااا يا عم يوسف
يوسف: امشي يا اهبل
زين: هاعمل الفون واجي
__________
في بيت امل
**********
امل كانت قاعده محتاره هتلبس ايه
نور: البلوزه الحمراء والبنطلون الابيض شكله تحفه عليكي
أمل: كده اخترنا اللبس فين الصندل
نور الفون بيرن
أمل: شوفي مين
نور: رقم غريب
أمل: ردي انتي
نور: الو
زين: الو
نور: الو مين معايا
زين: انا زين مش مسجله رقمي معكى
نور: نسيت اسجله
زين: ولا يهمك انتي عامله ايه
نور: تمام الحمد لله انت اخبارك ايه
زين: الحمد لله كويس
نور: يا رب دائما
زين: انتي جهزتي ساعه كده هاعدي عليك
نور: اه طبعا
زين: طب تمام هاعرفك على فرح اختي هتحبها جدا
نور: ده شرف لي ان نتعرف عليها
زين: ده من ذوقك
نور: ربنا يخليك
زين: ايه الكلام الحلو ده
نور: ده انت اللي كلامك عسل
زين: انتي بتعاكسيني كده
نور: اكيد طبعا بعاكسك ما انت قمر
زين: ايه ده انا مش واخد على كده
نور: لازم تتعود على كده
زين: طب سلام دلوقت
نور: سلام
طبعا زين كل ده مفكر ان هو بيكلم امل
أمل: كنتي بتكلمي مين
نور: كنت باكلم القمر
أمل: قمر مين
نور: زينو
أمل: يا نهارك ابيض قلتله ايه
نور: عكستو شويه كان مفكرني انتي
أمل: منك لله يا شيخه ابص في وشه ازاي
نور: زي الناس
________________
في شقه مراد السيوفي
****************
في غرفه مراد وفرح
🍷🍷🍷🍷🍷🍷
مراد نائمه وفرح في حضنه بيلعب في شعرها
مراد بحب: فرح
فرح : اممممممم
مراد: يصحى يلا
فرح : سيبني انام شويه
مراد: كفايه نوم بقى
فرح: خمس دقائق بس
مراد ابتسم: ماشي
يلا قومي يا فرح
فرح: سيبني نايم شويه
مراد: يلا عشان تروحي عند زين
فرح: بجد هتوديني
مراد: ايوه اوديكي
فرح: حضنته شكر يا اجمل مراد في الدنيا هو انا ممكن اسالك سؤال
مراد: اسالي
فرح بتردد: هي مامتك ليه مش عايشه معك
مراد بيغير الموضوع: انا تاخرت على الشغل يدوب هاخد شاور
فرح: بس انت ما ردتيش على سؤالي
مراد بغمزه: ايه رايك ناخد شاور مع بعض
فرح: لا طبعا
مراد: الفاتوره جايه الشهر ده غاليه هنوفر شويه
فرح بتفكر: ههه تصدق معك حق طب شيل بقى
مراد: وماله نشيل هي في احلى من شيل
_________________
في فيلا زين الجارحي
*****************
تحت على السفره
يوسف: ايه يا عمر مش ناوي تتجوز
عمر: انت الاول يا اخويا
يوسف: باذن الله
عمر: ويا ترى هي مين بقي
يوسف: لسه بادور
عمر: يعني انت سايب المزز هناك وجاي هنا
يوسف: ما بحبش انا المضروب باحب الاصلي
عمر: شطاا عليك يا اصلي
زين: ما تتلم انت وهو
عمر: مالك بس يا زينو
زين: خليك في حالك قوم شوف شغلك
يوسف: ما انت لو كنت جئت معنا امبارح كنت زمانك مفرفش دلوقتي ولا ايه يا عمر
عمر: يخرب بيتك فضحتنا
يوسف: في ايه مالك
عمر: بص وراك
يوسف: صباح العسل يا خالتي
ليليان: مالكم سكتم ليه كملوا كلامكم
عمر: يا نهار ابيض انا تاخرت على الشغل سلام عليكم
يوسف: هههه يا جبان منوره يا خالتي
ليليان: عاوز تقول ايه خلص
يوسف: باحبك وانتي فاهماني كده
ليليان: انجز خلص
يوسف: ان انا عايز اتجوز
ليليان: يا الف نهار ابيض مين العروسه
يوسف: مش عارف
ليليان: قوم يا ابن الموكوسه من هنا في احد عايز يتجوز مش عارف العروسه
يوسف: انا باقول انتى تشوفهلي
ليليان: كنت شفت العمر
في الوقت ده وصل مراد و فرح
مراد: السلام عليكم
الكل وعليكم السلام ورحمه الله وبركاته
يوسف: حماتك بتحبك اقعد افطر
مراد: شكرا بالهناء والشفاء سبقتكم
يوسف: انت حر اقعدي يا فرحتي اقعدي افطري
فرح: والله هاموت من الجوع
مراد فاتح بقه: نهارك منيل انتي مش لسه واكله من شويه
فرح: انت بتعدي على الاكل شايفين كلكم اهي اهي
مراد: هو في احد بياكل ويعيط كلي بالهناء والشفاء
ليليان: اوعي تكوني حامل يا فرح
فرح : لا يا ماما مش حامل
مراد: يا ريت هيكون احلى خبر
ليليان: طالما انتو عاوزين ما تشد حيلك شويه عايزه كون تيتا
يوسف: مستعجلين على ايه الحياه لسه قدامكم
زين: ان شاء الله ربنا يرزقكم عن قريب ما تستعجليش
مراد و فرح بصوت واحد يا رب
يوسف: كنت عايزك شويه ومراد ف الموضوع فاضي
مراد: خير في ايه
يوسف: ممكن لوحدنا
مراد: اكيد اتفضل عن اذنكم
يوسف: بص يا سيدي احنا خسرنا الصفقه وفي مشكله كتير هناك كنت جاي لزين بس لقيت مشاكل كتيره وكمان لو عارف مين السبب مش هيسكت المره دي فانا مش عايز اقول له
مراد: والمطلوب مني
يوسف: جنه صفقه جديده احسن من الصفقه اللي خسرناها بس عايزه شغل جامد وانا مش هاقدر على لوحدي يعني ممكن تسافر معايا مش عايزين يحس باي حاجه عايز بين اللي جوه طبيعي
مراد: اكيد طبعا اخلص الشغل اللي هنا وسافر بس احكيلي عن الصفقه شويه
يوسف: هابعت لك كل حاجه في مسج شكرا انك هتساعدني مش عارفه اتصرف ازاي انا شايف انك المضغوط طلب اخير بس بلاش زين يعرف
مراد: من غير ما تقول
يوسف: شكرا يا مراد
مراد: ما فيش شكرا بين الاخوات
يوسف: ده اللي انا متوقعه منك
مراد: سلام دلوقتي عشان ورايا شغل
يوسف: اكيد اتفضل
مراد مشي وزين و يوسف وفرح مشيوا راحوا عند بيت امل ونزل وسلموا ومشيو هي وبنت عمها مع زين رايحين يشتروا فستان الخطوبه
نور: واو فساتين شكلها تجنن
يوسف بيعاكس : انتي اللي قمر
نور: نعم بتقول حاجه
يوسف: انا لا ولا حاجه
نور: اصل افتكرتك بتكلمني
يوسف: تلاقيها دبانه ولا حاجه
فرح: ايه رايك في الفستان ده
أمل: لا بلاش ده
فرح: حلو جدا
أمل: بس ده عريان قوي
فرح: شكله حلو قوي عاجبني
أمل: خلاص اشتري طالما عجبك
فرح: اه طبعا عجبني جدا
زين من وراء بلاش ده يا فرح
فرح: بس هو عجبني اوي
زين: فرح انا ما صدقت انتي و مراد بقيت وحلوين مع بعض هو مش بيحب انك تلبسي كده
فرح: بس هو عاجبني
زين: طب ايه رايك في ده مش حلوه
فرح: حلو بس انا مش محجبه
زين: مش مشكله يا فرح غيري في الاستايل شويه وبعدين مراد هيحبه عليكي اوي
أمل: على فكره هيطلع حلوه عليكي جدا
فرح: ده لبس محجبات وانا مش محجبه
أمل: مش مشكله عادي
فرح: خلاص عجبني اشتري
زين: خدي ده كمان معكي
فرح: بس ده لمين
زين: خدي بس ملكيش دعوه هتعرفي بعدين
فرح: ماشي فاضل العروسه الحلوه دي
زين: طالما زوقي عجبك اخطر لك انا
أمل بكسوف: انا اسفه
زين: على ايه
أمل: اصل اللي كلمتك مش انا دي نور هي اللي كلمتك في الفون مش انا
زين: انا برده استغربت قلت انك بتتكسفي
يوسف: ايه ده انتم ما صدقته تكون لوحدكم
أمل: لا في ناس كتير في المكان
زين: لا دي غلاسه عادي يا ابني خليك في حالك
يوسف: ماشي الله يسهل له
نور: اخترتي الفستان ولا لسه
أمل: لا لسه
زين: ايه رايك في الفستان ده حلو جدا
نور: ههههه احمر حلو جدا
أمل: والله انتي رخمه
فرح: في ايه مالها
زين: مش عاجبك الفستان
أمل بسرعه: لا حلو جدا
نور: اصل ما كانتش عايزه تلبس احمر
زين: لا عادي ممكن اغيره
أمل: لا عجبني حلو
زين: على بركه الله كده خلصنا ولا في حاجه تاني
فرح: اشتري شويه حاجات
زين:ماشي
الفون زين بيرن
زين: طب خلصي على ما ارد على الفون عشان حاسب مره واحده
فرح: ماشي يا جميل
زين: الو
*******
ايوه
******
انت بتقول ايه
***★*
انت متاكد من اللي بتقوله ده
*********
زين تليفون وقع منه كان مصدوم مين اللي سمعه
يوسف: زين انت كويس في ايه مين ده اللي كان بيكلمك في ايه نطق
زين: اللي كنت خائف منه حصل
يوسف: حصل ايه مش فاهم ممكن تفهمني
زين: انا بعدين مش قادر اتكلم
يوسف: تكلم انا سامعك
زين: انت ليه خبيت علي *****
يوسف مصدوم: انت عرفت
يتبع الفصل الثامن عشر اضغط هنا
- الفهرس يحتوي على جميع فصول الرواية كاملة :"رواية أمل عشق الزين" اضغط على اسم الرواية