رواية الضوء الخافت الفصل السادس عشر 16 - بقلم منه محمد
رواية الضوء الخافت الفصل السادس عشر
الكل في الليوكشن منتظر بدايه العرض آمير بيلف شاف شيريهان لابسه قناع علي هيئه قطه وسلوبته بيضه عريانه من عند منطقه البطن متفصله بقماش بيلمع كانت أنيقه من ذوق تؤامها لان ذوقها راقي ورفيع وخلت شعرها مفرود بطوله ومتكسر بطريقه جميله كأنها نجمه ظهرت من غلاف للتو قربت من المكان ومراد معاها والبودي جارد حواليها
المخرج اتكلم في الميكرفون: مراد الامور عندك تمام الفنانه جاهزه
مراد: كله تمام والفنانه مستعده
المخرج: مراد بلغ شيريهان ان اللقطه دي هتكون مجرد تجربه تدرب مره واحده ونبدء التصوير
مراد :تمام هي عندها علم
المخرج :فريق الانتاج استعدوا
سيرين بدئت تمسك دايره من الدواير وطلعت بيها لفوق للسقف وبقت تلف بيها وترجع تتشقلب وعملت حركات بهلونيه غير عاديه ادتها بمنتهي الحرفيه والكل بيتفرج ومبهور علي الحركات المثيرة للإعجاب
آمير مبهور بأدائها كلم المخرج: شيريهان دي هايله بجد
المخرج: ده كدا ادائها هادي بالنسبه لها
سيرين بدئت تنزل ببطئ وركبت كرسي القياده واعلنت عن ماركه العربيه
المخرج: استوب هايله يا فنانه
الكل وقف وصقف بحراره لجمال العرض وروعته
ايسل: فعلا هايله ومحترفه
محي الي مش مصدق: فعلا كانت جباره عمري ما تخيلت انها شاطره كدا
ايسل بصتله بتعجب: بتتكلم كأنك تعرفها
محي انتبه لنفسه: لا انا اول مره اشوفها
المخرج: شيريهان تقدري تاخدي راحه لانك تعبتي وشكرا بجد الف شكرا
مراد قرب ولبسها روب واخدها ووراها البودي جارد
امير خرج وراهم: استاذ مراد
مراد زقها: ادخلي انتي بسرعه ولف له)خير يا امير بيه
آمير: امفيش بس حابب اشكر شيريهان بنفسي
مراد: لا مفيش داعي ده شغلها وهناخد عليه اجر
سيرين فتحت الباب نص فاتحه وبصت لمراد
مراد : جاهزه
سيرين: ايوه يله بينا وخرجت بسرعه
آمير حاول يقرب البودي جارد منعوه
سيرين وهي خارجه بعد التصوير ظهر شاب معضل قدامها من العدم وحاول يخطف القناع من علي وشها مسكت ايده لوتها لقت الي حضنها من وري ضهرها وبيحاول يكمل خلع القناع مراد طلع ركب فوق ضهره يضرب فيه الشاب زق مراد جامد نزل علارض
والصحفيه كل همها تشوف شكل شيريهان باي طريقه لحد ما نجح واحد فيهم وخطف القناع وهنا سيرين حست بالصدمه
مراد صرخ بصوت مكتوم: سيرين
سيرين بسرعه بديهه قفلت سوسته الجاكت كله علي وشها وحطت الزنط علي دماغها وبكل غل وغيظ فضلت تضرب في الشباب وطبعا لانها مدربه كاراتيه عارفه المناطق الي تعجز وفضلت تتصدي ليهم بكل قوتها
آمير طلع مذعور من اللوكشن: ايه الي بيحصل ده؟
ورايح يقرب البودي جارد كانوا سد منيع قدامه
سيرين لفت وبصتله سألها: انتي كويسه
مراد قام من ع الارض واخدها جري علي العربيه الي انطلقت بسرعه الصاروخ
آمير بيلحقها لكن معرفش يحصلها من البودي جارد الي حواليه
آمير بصوت عالي: لمولي العيال دي جوه حالا
بيبص لقاه القناع مرمي علارض نخ اخده وحطه في جيبه!!!
ايسل شدت اختها من دراعها ومشت بيها لمكان منعزل ودفعتها علي الحيط بعصبيه
غاده بحمقه: ايسل في ايه ليه شدتيني كدا وبعدين لازم ارجع لشغلي
ايسل: بتفكري في ايه
غاده مثلت عدم الفهم: ليه انا عملت ايه
ايسل: الي حصل من شويه دي افعالك
غاده بعصبيه: ايوه عملت ده عشان الشركه
ايسل بحده: انتي ليه بتدوري تخلقي كل يوم مشكله( وزقت دماغها بالسبابه) عايزه افهم فيه ايه هنا عقل خنزير
غاده دفعت ايدها: ايسل الشركه هتستفاد من الي عملته!فكري فيها شويه وشوفي الناس هتتكلم عن شركتنا ازاي
ايسل: تفتكري امير لو عرف هيتساهل معاكي في الي عملتيه ولو عرف الكل انك انتي الي وري ده محدش هيرحمك حتي آمير نفسه
غاده: دي مجرد بهلوانه تافه امير مش هيطردني عشانها
ايسل ضحكت بكل سخريه:ده عشان زوجه اخوه كان قادر ينفيكي ويبعدك عن مكانك المفضل ولا همه مش فاكره ولا بتحاولي متفتكريش آمير كرس نفسه عشان ينجح الاعلان وشيريهان تقبل فكري بقي في نتيجه افعالك لو اكتشف آمير انك وري ده بس وقتها كل واحد هيكون مسؤل عن نفسه وانا مش هساعدك وسابتها مشت
غاده بصوت عالي: ايسل اقفي كلميني
................منه محمد..........
آمير بصلهم بنرفزه : انتم مين
المخرج: ولا انت وهو البيه بيسأل ردوا ولا واكلين سد الحنك
شاب فيهم: فيه ناس طلبوا مننا نرفع القناع عن الفنانه
آمير بعصبيه: ايوه مين الي طلبوا منكم ده؟
شاب: منعرفهوش يا بيه كلمنا في التلفون
محي داخل ساحب واحده معاه: عرفتها
امير نكز المخرج: دي من فريق الانتاج
المخرج بصلها اوي: لا مش تابعي خالص
محي: الست دي صحفيه قالت ان حد من هنا آمرها تصور شيريهان للجرنال الي بتشتغل فيه
آمير بص للشاره الي متعلقه في صدرها وبشك: اظن حد من فريق الانتاج دخلها مين الي قالك تدخلي هنا
الصحفيه رفعت عيونها وبصت لغاده الي برقتلها بنظره معناها اياكي تتكلمي
غاده: تقريبا الصحفيه الي حبت تاخد صوره لشيريهان فضول
آمير بصوت اعلي و حاد هز جدران المكان: مين الي طلب منك تدخلي هنا انطقي
المراسله وشها في الارض: الكارت سرقته من فريق الانتاج
غاده بتعنيف: مش عيب عليكي جيتي من انهي داهيه عشان ابلغ رئيسك
المراسله بصوت شبه باكي: انا اسفه بجد اسفه بس بلاش تعملي ده ارجوكي كدا هتقطعي عيشي
آمير بص لغاده بتعجب في طريقه انفعالها
غاده: امير اظن الامر مش مستاهل نعمل منه مسأله كبيره
محي بنرفزه: بس الشئ الي عملته ضد القانون
غاده: ايوه بس لو الاخبار انتشرت ده مش هيكون في صالح الشركه
محي: ايوه بس لو ح
آمير قطعهم بعصبيه: كفا ا ا ايه اظن الي هتقرر ده شيريهان نفسها لو هترفع قضيه علي الست دي اولا لانها انتهكت خصوصيتها وتعتبر ضحيه
وبالفعل الامر اتعرض علي سيرين من محي الي رفضت ترفع قضيه وكان ردها ان الصحفيه كانت بتشوف شغلها حتي لو استخدمت الطريقه الغلط ومش حابه تدمر مستقبلها وطالما اعتذرت يبقي هي هتسامحها والمسامح كريم والكل احترم قرارها
................منه محمد.........
بالليل رجع بعد يوم مرهق جدا لكن مبسوط ان اللاعلان تم علي خير طلع فيلته وقرب وفتح الباب بهدوء لقاها صاحيه ابتسم : اسف مخبطش علي الباب
سيرين: لا مش مهم الاهم انك رجعت بالسلامه طمني عن احوال تصوير الاعلان
آمير بسعاده وانبساط: كان هايل تعرفي شيريهان دي طلعت موهوبه جدا لازم تشوفيها
قرب وقعد جنبها ومسك ايدها الناعمه بين ايديه الخشنه وضغط عليها: وانا بشكرك تاني انك خلتيها تشتغل معانا طمنيني عامله ايه بخير دلوقت
سيرين: الحمد لله افضل ودلوقت خفيت خالص
آمير اتنهد: الحمد لله معايا حاجه ليكي
سيرين بحماس: ايه هي
آمير: هتحبيها اوي
سيرين هزت له دماغها بمعني يله بقي
آمير حط ايده في جيبه وطلع القناع : ده
سيرين اتوترت شوي ووسعت عيونها علي الاخر فكرته عرفها
آمير: قناع شيريهان وقع منها واخدته
سيرين بربكه: وليه جيبهولي
آمير: ليه مش انتم الحريم بتحبوه الحاجات دي
لزق فيها اوي بجسمه وهي فضلت تسحف تبعد عنه
آمير: يله حطيه ع عنيكي
وحطه علي عيونها وهي اتجمدت مكانها من الخوف لما بصلها وفتح عيونه محتاج يستوعب اللي قدامه ؟؟!!! وهي خافت ليكون عرفها وفضلت عيونها تزوع شمال وترجع يمين
آمير جمد للحظات وهو مش قادر يشيل عيونه عنها: النظره الي في عيونك تشبه نظرتها لكن عينك اليمين صغيره عنها بس انا عارف انك حتي لو تشبهيها مش هتبقي سعيده لانك شبه فنانه شعبيه درجه اولي رغم انها اجمل منك
سيرين اتنهدت براحه: وازاي عرفت انها جميله مش بتقول كانت لابسه قناع تخفي وشها ازاي شوفتها
آمير: لا انا ابص للست هي مجرد نظره في عيونها اعرف اذا كانت جميله او لا
سيرين ابتسمت اوي لانه اتغزل فيها
آمير: بتبتسمي ليه انا بمدحها هي مش بمدح فيكي انتي
سيرين: انا ابتسمت بجد لا انا مش ابتسمت انا بعالج بؤي وبتعمل حركات غريبه بشفايفها
آمير: انتي لسه سخنه
وحط ايده علي خدها ورقبتها: بس جسمك مش دافي
سيرين: انت ابعد ايدك دي
آمير: الله بشوفك خفيتي ولا لا
سيرين: المهم الشغل عدي ع خير
آمير: الحمد لله مفيش اي مشاكل عارفه انا بجد مبسوط جدا لان شيريهان وافقت تشتغل معانا وبشكرك لتالت مره لانها كانت فكرتك وانا واثق ان اعلان شركتنا هيكون قنبله
سيرين ابتسمت اوي علي فرحته
آمير: ليه بتبتسمي يله نامي احسن بس اعملي حسابك لو مختفتيش ع بكره هاخدك للدكتور ويديكي حقنه كبيره
سيرين زقته من كتفه جامد: وانت اتفضل خد شور وروح نام
آمير ابتسم و قام ورماه القناع عليها وبتحذير مصحوب معاها اجمل ابتسامه : اوعي اخرج القيكي لبساه
سيرين اخدت القناع وحطته ع عيونها وابتسمت اوي علي كلامه لما قال انها جميله
........منه محمد........
الصبح بدري صحت علي صوت مسدج اخدته وفتحته لقته ممدوح ومحي في الكاميرا
مممدوح: سيرين مدحت طلب قطع غيار جديده
سيرين: طيب ودي فيها ايه ليه الامر غريب عليك ما هو طبيعي في قسم المشتريات فعادي
ممدوح: ايوه مش هيبقي غريب لو قطع الغيار الي طلبنها امبارح هي الي تم تسليمها برضو امبارح فوق ده كله مفيش طلب اي قطع جديده انا في قسم الميكانيكا وعارف ده كويس جدا لو طلبت انا وزميلي اي قطع غيار انا اول واحد بيبلغ قسم المشتريات
سيرين بصت للمحي مصدومه وعقدت حواجبها
ممدوح: السؤال المهم هما كانوا هيدخلوا ايه الساعه واحده في الليل غير كدا كان بيتكلم في الجراش في السر وبيتلفت حواليه زي الحرامي
سيرين قفلت معاهم وفضلت تفكر تعمل ايه وضربت في دماغها فكره جهنميه وبدئت نوال تشاركها فيها
نوال حطالها مناديل في فتحه انفها وعلي قورتها وملبساها كمامه وماسكه مطهر عماله ترش عليها
نوال: ياحومتي جسمك دافي اوي
سيرين عطست لدرجه المناديل طارت علي امير الي بعد بقرف ومشمئز
آمير كشر: غطيها بسرعه
نوال: امير بيه خد البس كمامه الفيروس قوي لازم تلبسها ليجيلك عدوي ليه مش لابس
آمير: خلاص نسيت
نوال: يله نطهر ونعقم
آمير: رشي كله فوقيها وبعدين انتي مش قولتي انك خفيتي
سيرين نفت جامد: امير اخرج لتتصاب بالمرض
آمير بصوت عالي: انتي بتدعي المرض لانك مش عايزه تروحي الشغل بكره صح قوليها
سيرين كحت جامد: لا يا امير بيه بس ياريت تروح تنام في اوضتك الليله
امير بسخريه:اظن وانتي بالحاله دي مفيش داعي تتحايلي عليا انا هروح انام من نفسي منا مش مستغني عن عمري
سيرين ابتسمت بعنطزه وكأنها بتقوله أخيرا فهمت وراحت عطست جامد لدرجه راسها اتخبطت في السرير وشعرها كله جه علي قدام
آمير ضرب كف بالتاني: لا كدا اخدك للدكتور بحالتك دي
نوال بسرعه: لا مفيش داعي لاني اخدتها النهارده الصبح وهي تاخد الدواء وترتاح وهتبقي زي الفل
امير قرب منها وبأمر: بس لو فضلتي تعملي رذاذ كدا هاخدك واديكي حقنه وبطلي تبقي عنيده واضح
سيرين اتكت علي سنانها بغيظ: واضح
آمير بصلها بغيظ ودخل ايده في جيوبه ومشي
سيرين اول ما طلع نطت من فوق السرير: الحمد لله انتهينا من امير لازم ننفذ خطتنا جاهزه
نوال رشت المطهر عليهم: دي خطه سهله جدا
...............منه محمد.......
لبست تي شيرت اسود بكم وبنطلون ضيق اسود وكوتش اسود وكاب اسود ووشاح اسود وراحت للمخزن بالليل وبدئت تتسلق الصناديق الحديد الكبيره وتنط من واحد للتاني ببارعه لحد ما لمحت مدحت واقف مع رجاله وفاتحين صندوق وخرجوا منه كيس مدحت لما شاف الي جوه الكيس هز دماغه وطلع من جيبه ظرف معتق بفلوس
الراجل: ممكن حضرتك تيجي تشوف البضاعه جوه!
وبالفعل مدحت دخل مع الرجاله وفضل اتنين ندرورجيه واقفين برا يراقبوا الوضع و احد من الاتنين استاذن من صديقه يروح الحمام في نفس الوقت الي ظهر امير في المكان ووقف بعيد يتفقد الوضع ودخل جوه حاويه من الحويات سيرين من فوق لمحته وهو داخل واتفاجأت ازاي جه هنا ...امير طلع عيونه وشاف مدحت خارج من المكان وبيتكلم في الموبيل مع زعيم مافيا في السوق السوده وده بناء علي كلام زميله المقدم علاء الي بلغ امير ان زوج اخته بيشتغل مع واحد من اكبر مافيا السوق السوده والاعمال الغير قانونيه يبقي ازاي مدحت عرفه وايه علاقته بالراجل ده فقرر
يراقبه وبدء امير يصوره وهو بيتحقق من البضاعه انها ع اعلي مستوي وصورهم وهما بينقلوا الضاعه للمستودع واثناء ما هو بيصور لقاه الي بيخطفه من ضهره اتفزع جدا وهي حطت ايدها كممت شفايفه وسحبته جوه حاويه ولحظه ولقت الي فتح عليهم الحاويه وبسرعه ضربته تحت الحزام
مدحت ورجالته حسوا بأن حد صرخ آآمرهم يشوف في ايه في المكان سيرين كانت اخدت ايد آمير وبدئت تجري بيه بسرعه البرق وهو بيجري معاها ومش فاهم مين الشخص ده بس بيجري وخلاص لحد ما الرجاله رجعوا ونفسهم مقطوع وقالوله انهم ملقوش حد بس اكدوله انهم شخصين بيتجسسوا عليه ومدحت اتعصب جدا وامرهم يجبوهم عنده حالا لكن امير قدر ينط من فوق السور للشارع ووراه بشويه سيرين لما اطمنت ان امير بعد واتسلقت السور من غير ما حد يشوفها والرجاله رجعت لمدحت وقالوله انهم هربوا ومدحت هددهم انهم يعتروا عليهم من تحت الارض والا هيخالي زعيم المافيا يصفي اجسادهم كلهم
............منه محمد......
سيرين رجعت الفيلا وقبلها بيدق من الرعب والخوف
نوال بتفرك ايدها بتوتر وبصوت عالي : انتي شوفتي امير ها ردي
سيرين بعصبيه مكتومه: انتي بتصرخي ليه ما براحه يانوال
نوال: اسفه بس اتحمست اوي بس ثانيه لو كان آمير بيراقب مدحت زيك ده معناه ان امير بريئ من دم يعقوب
سيرين بتفكير عميق: لسه مش قادره استنتج ده يانوال جايز امير ملوش علاقه بشغل مدحت الغير قانوني لكن احتمال يكون هو الي أذي اختي وقتل اخوه
نوال: انتي بنفسك قولتي بيحب فاروق كتير
سيرين: ايوه قلت انه بيحب اخوه زي ما هو بيقول بس احتمال يكون بيمثل انه بيحبه ويبقي قادر يخدعنا
نوال: لا دماغي هتنفجر من التفكير والحيره بجد طيب طمنيني قدر يتعرف عليكي رغم انك مغطيه نفسلك بالسواد الي يرعب من دماغك لحد صوابع رجليكي
سيرين :مستحيل يقدر يعرفني
نوال :اصلي سمعت الناس المألوفه يقدروا يتعرفوا ع بعض بواسطه حاسه الشم
سيرين: لا المكان كان عتمه وحاجه كمان هو فاكرني بصوره الست المعاقه لو قدر يتعرف عليا مستحيل يتعرف علي شخصي انا هيفتكرني شخص تاني
نوال: اه ربنا يستر
سيرين بصوت واطي: انشاء الله هيستر
...........منه محمد...........
امير قاعد في الجنينه وبيحكي لـ ايسل
ايسل: امير انت بتشك في اختك مني تكون متورطه معاه في الامر ده
امير اتنهد بصوت عالي: انا لسه مش متأكد عشان كدا مش حابب اتهم حد هستني لحد ما اتأكد ومش عايز اي مخلوق يعرف بالموضوع غيرك انتي
ايسل: كدا افضل وبلاش ماما رقيه تعرف بالوضع كله لحد ما تتاكد اذا كانت مني متورطه هي كمان ولا لا
اميربنفس مخنوق: لو رقيه عرفت بالكارثه دي اكيد هتنفعل علي مني وتتعب
ايسل بحرقه: الندل ده وصل للمكانه الي هو فيها بفلوسنا لكن خانا بالمقابل وفاروق كان واثق فيه او ما جه الشركه امير لو حبيت اني اساعدك في اي حاجه انا معاك ومستعده
آمير بمتنان: متشكر يا ايسل بس انا مصمم اوصل لدليل وامسكه بيه متلبس ووقت ساعتها ورحمه ابويا ما هرحمه وهدخله السجن بأيدي
..............منه محمد......
في الشركه وتحديدا في غرفه الاجتماعات
مني فيه مؤسسه للمعاقين اتصلت بيه طالبين شيرين مقدمه لعرض كتشجيع لذي الاحتياجات الخاصه زيها وطالبه امير بصفته زوجها انه يقدم العرض معاها
غاده بصرامه: انا مش موافقه الكل عارف ان شيرين زوجه فاروق وصوره شركتنا اتحسنت حاليا ومش عايزه اي حاجه تأثر عليها تاني
مني حبت تولعها نار: انا معاكي ياغاده وراي شيرين متوفقش لو المؤسسه حابه الخير ايسل تساعدهم وتتبرع بمبلغ كبير
ايسل بهدوء: انا راي نسيب امير هو الي يقرر ده بنفسه ايه رايك يا امير
آمير بص لشيرين الي قاعده جنبه: الامر كون ان احنا زوجين انا عن نفسي مش شايف اي ضرر بالنسبه لي واظن شيرين حقها تقول رايها
سيرين ببتسامه هاديه متواضعه:الشغل ده انتي الي منظماه يا مدام مني
مني بغرور: ايوه انا لكن لو مش عايزه تبقي معايا عادي ارفضي ده حقك
سيرين: لا مين قال انا موافقه
ايسل وامير وغاده كلهم اتفاجأو بموافقتها
سيرين كانت عايزه تقرب منها تعرف عنها هي ومدحت وردت وقالت: اصلي زهقت وحاسه بملل واهو اغير شويه من قسم التسويق واروح معاكي قسم العلاقات العامه بس هفضل معاكي في نفس القسم ها ايه رايك يا مدام مني؟
مني قامت بعصبيه: انتي موافقه عشان تاخدي مكاني
سيرين: اطلاقا انا وافقت ده عشان امثل الناس المعاقه حاجه كمان من خلال وجود شعار اسم الشركه للاعلان ده هيساعد شركتنا تظهر بصوره مشرفه وده عكس الي قالته انسه غاده
غاده بصتلها لانها حست من لهجته فيها نوع من السخريه والود ودها تقوم تقتلها
ايسل: انا متفقه مع كلام شيرين مني معلش هندوشك تتصلي بالمؤسسه
مني قعدت: اوك
..............منه محمد............
فتحت باب المكتب بطريقه همجيه رفعت دماغها وبصت لها بكل برود
غاده: انتي ليه وافقتي علي كلام شيرين مفكرتيش لحظه لو الامر ظهر بصوره معلنه كلنا هندمر لان ده هيقلل من وضع آمير
ايسل رجعت ضهرها لوري:انتي قلقانه عشان صوره امير ولا قلقانه من علاقه آمير وشيرين
وقامت من علي المكتب وقعدت علي الكنبه وحطت رجل فوق التانيه وربعت ايدها: انا وافقت علي الشغل لان ده كل همي هي صوره الشركه وبحذرك لو استمريتي تتصرفي بشكل غير منطقي ومعقول هبلغ امير بالصحفيه الي دخلتيها (بصرامه) تقدري تخرجي عندي شغل
غاده جزت علي اسنانها وميلت عليها : ماشي خارجه بس الاول اقولك لو مساعدتنيش بخصوص آمير مش هساعدك في اي حاجه تاني بعد دلوقت
ايسل بصتلها اوي
غاده: لو انا مش موجوده انتي هتبقي وحيده لان الشركه بالي فيها الكل هنا بيكرهك
ايسل بنبرة هادية: انتي فاهمه امور كتير غلط مين الي بيساعد مين
غاده واقفه سكتت تبص لـ اختها وبتحاول تضبط اعصابها من كلامها
ايسل: انا لو مش موجوده بحميكي وبحرسك وبنضف وري افعالك الي بتعمليها مكنش هتبقي واقفه قدامي افهمي انا مخلياكي هنا مش عشان انتي بتفديني لكن عشان احنا دمنا واحد (مسكت دراعها واتكت عليه) بس لو هتفضلي تخلقيلي مشاكل مش بتنتهي ومتصرفتيش معايا ع انك اختي الصغيره هتعامل معاكي ع اساس انك واحده من الملجا محتاجه احسان
غاده شدت دراعها: ايسل هانم لو عايزه تعمل ده ممكن جدا بس انتي كمان اسمعيني من هنا ورايح مش هقف جنبك ومش هساعدك ولا هحترمك كونك اختي الكبيره بس مترجعيش تندمي يا ايسل هانم
..........منه محمد...
قاعده بترسم وتبتسم وتضحك مع نفسها وهو مستغرب من حركاتها كأنها طفله قاعده قدامه وبتستهبل وكل شوي تبتسم اوي بعدين تروح الابتسامه بسرعه !!رفعت عيونها عليه شافته عمال يبصلها كأنه مصدوم من حركاتها
سيرين: انت بتبص ع ايه؟!
أمير وقف وساند ايده الاتنين ع ضهر الكرسي: اصلي بفكر لو وافقتي علي العرض لمجرد تتحدي مني فلازم تغيري رايك
سيرين حطت القلم وري ودنها: ليه بقي؟!
اميربصوت واضح عليه الحقد: لان مش من حقك تقدمي ع عمل خيري عشان ترضي نفسك وبس وانا لو كنت وافقت ع ده لان انا عايز ادعم المشروع مش وافقت عشان اجريكي في العيبك فاحسنلك انسحبي
سيرين بحده عليه: انت مفكر اني وافقت عشان المتعه واسعد نفسي
امير حط ايده الاتنين في جيوبه ووقف يبصلها بشموخ
سيرين خرجت من المكتب ووقفت قصاده: بوصلي كويس اظن شايفني انا قعيده قاعده ع كرسي متحرك انا واحده منهم ولو عندي فرصه اشجعهم وادعمهم انهم يكملوا من غير استسلام واعرفهم ان حياتنا مش بتنتهي لمجرد قاعدين علي كرسي بس للاسف انت مفكرني بنتهز الفرصه
امير بصلها بنظره كلها ندم :انا اسف انا فهمتك غلط بس انتي السبب شوفتك بتتكلمي مع مني بسخريه فكرت انها لعبه من العيبك
سيرين بجديه: انا وافقت اعمل ده بقلبي انا ممكن مكنش الهام لحد ويمكن محتاجه للي يدعمني بس يمكن قوتي تخالي شخص يأس من حياته يقوم ويحارب من تاني
امير بصلها وابتسم بأعجاب من قوه ارادتها وقوه شخصيتها
سيرين صرخت بمشاغبه: في النهايه انا قويه واو
آمير ضحك بقهقه: طيب يا قويه قدامي تقابلي مخرج العرض وبالفعل راحت معاه وشويه دخلت مني ومعاها المخرج
مني دخلت: استاذ جو مخرج المؤسسه الي اتواصلت معاها
المخرج من بعد: ازيك يا آمير بيه
آمير حط فنجان القهوه ورد بهدوء: اهلا وسهلا انا الحمد لله اتفضل اقعد
المخرج قرب جدا: احنا اتقابلنا قبل كدا
آميرببتسامه مشرقه: ايوه من مده
سيرين اول ما شافته فتحت عيونها جامد
والمخرج بيلف بعيونه شافها ورفع السبابه: انتي
آميربتعجب: انتم تعرفوا بعض؟!
الاتنين في صوت واحد: لا منعرفش بعض
مني بحيره :انتم تعرفوا بعض اه ولا لا
سيرين: لا منعرفش بعض خالص ولا شوفنا بعض قبل كدا انت يامخرج غلطان يظهر شبهته عليا
المخرج بلبخه: اه يظهر النضاره متوسخه
خلع النضاره وبصلها تاني: اصلها شبه مراتي السابقه اسف يا مدام يخلق من الشبه اربعين
سيرين: اسمحولي اروح الحمام وشاورتله يروح وراها
المخرج ضحك: والله بنت حلال لما اروح الحمام لان ممكن الاجتماع يطول
وجري وري سيرين بجحه يفتحلها الباب
...............منه محمد..........
قدام الحمام عماله تزعقله جامد
سيرين بعصبيه: انت تاني هو انت المخرج الوحيد في مُصر وضواحيها يا اخي
المخرج: قولي ده لنفسك انتي بتعملي ايه هنا انا فكرتك سافرتي دبي بس ثانيه هو انتي مكسله اوي لدرجه تقعدي ع كرسي بعجل
سيرين: لا الموضوع مش كدا انا مش مكسله انا مشلوله
المخرج صرخ بذعر: ايه مشلوله متقدريش تمشي
سيرين نفخت بملل: ده انا بقول ده كدا وكدا وانت تصدقني
المخرج: اه يامجنونه خوفتيني فكرتك وقعتي وانتي متشعلقه في الهواء وقلت بس ده انا خسرت اجمل فنانه استعراضيه ليه بقي عامله دور المشلوله هنا وبعدين كل ما اطلب منك شغل تقوليلي مشغوله مش مشلوله
سيرين: ايوه منا مشغوله عشان كدا عملت مشلوله بص انا في مهمه خاصه جدا مسأله حياه او موت ومحدش غيرك يعرف حقيقي عشان كدا اتصرف ع انك متعرفنيش ابدا وناديني بمدام شيرين فهمت ولا اقول تاني
المخرج هز دماغه: شيرين خلاص فهمت بس انتي طلعتي شيطانه
سيرين: الناس هي الي بتخلق مننا شياطين وبعدين حاسب انت الشيطان وانا الملاك
المخرج: والله اضربك قلم ع وشك
سيرين ضربته في كتفه: والله انا الي اخالي آمير يضربك طلقه في دماغك واقوله انك بتتحمرش بيا
المخرج شهق: اه يامجرمه
سيرين: حصلني ع الاجتماع يله
المخرج زقها بالكرسي بقوه
يتـبـــــــــــــــــــــــع الفصل السابع عشراضغــــــــط هنا
الفهرس يحتوي على جميع فصول الرواية " رواية الضوء الخافت " اضغط على اسم الرواية