Ads by Google X

رواية بنت أصول الفصل الخامس عشر 15 - بقلم ملك محمد

الصفحة الرئيسية

رواية بنت أصول البارت الخامس عشر 15 بقلم ملك محمد

رواية بنت أصول كاملة

رواية بنت أصول الفصل الخامس عشر 15

معاذ رجع من شغله لسه طالع شقته لقى علا طالعه معاه ع السلم
قال بصدمه : علا 
علا : اي شوفت عفريت
معاذ : انتي رايحه فين
علا: رايحه اشوف خالتي ياابن خالتي ولا انت عندك مانع
معاذ بعصبيه : بقولك اي بطلي بقى ال بتعمليه انا بدأت ازهق وبعدين انا مش قولتلك تيجي تاخدي بالك منها قولتلي انا مش خدامة امك 
علا : ايوا طبعاً واخدمها ليه دا انت خد بالك البيت ال هتشتريه يكون بعيد عن هنا خالص انا مش عايزه دوشه
معاذ : علا انتي بقالك فتره مش عجباني قولي في اي من الآخر
علا : في اي !انت مش شايف في اي!
معاذ : لا وعايز اعرف بعد اذنك يعني 

علا: في اني بتحرق من جوه كل دقيقه في ان الشخص ال حبيته بيبات ف حضن واحده تانيه في اني خلاص مبقتش قادره 
معاذ بحده : يمكن دا ذنب البنت الغلبانه ياريتك موافقتيني ف حاجه زي كدا انا بقيت قرفان من نفسي اكتر منك
علا : نعم يااخويا ذنب اي ليه انت حنيت للبت ولا اي 
وبعدين قالت بخوف
: معاذ انت حبيتها انطق حبيتها
معاذ بضيق: حبيت اي انتي كمان بقولك صعابنه عليا مش اكتر
علا بخبث : طب ماتطلقها مستني اي
معاذ : دا ال هيحصل
وسابها ولسه طالع مسكت ايده وقالت
: بس احنا لسه مطلعناش بأي فلوس منها 

معاذ شد ايده منها بعصبيه : انا مش فاهم انتي عايزه اي بالظبط انا زهقت من لعب العيال داه 
علا : طب اهدى طيب شكلي عصبتك انا مكنتش اقصد حاجه ياحبيبي يعني بعد مابدأت كل داه واتجوزت البنت تطلقها بسهوله كدا انا بقول نستنى شويه ناخد منها الفلوس ال محتاجينها وطلقها
معاذ بعصبيه : ولما انتي عايزه كدا عماله تقرفي فيا ليه وتنطيلي كل شويه وكأنك عايزه تفركشي الجوازه وانتي عارفه اني مضغوط الفتره دي
علا : لا لا خلاص انا هفضل بعيد لحد ماتخلص كل حاجه 
معاذ : يعني مش طالعه لخالتك معايا
علا بدلع: لا خلاص انا مقدرش على زعل حبيبي بقولك اي انت وحشتني
معاذ وهو مكشر : وانتي كمان ممكن تمشي بقى علشان محدش يشوفنا

علا حطت أيدها ع خده: ماخلاص بقى فك التكشيره دي مش انا علا حبيبتك
معاذ : هو انتي يعني مقدره اني بعمل دا كله عشانك
علا : ياروحي ربنا يخليك ليا بقولك عايزه نتقابل بكره ف كافيه بعيد عن هنا اي رأيك
معاذ : هشوف وقت فاضي واقولك
فجأه بيسمعوا صوت حد نازل من ع السلم 
علا بتبعد بعيد عنه بسرعه ومعاذ بيبص الناحيه التانيه
مريم بتعجب : معاذ 
وبصت ناحية علا وقالت : علا 
معاذ بصدمه : مريم ! انتي نازله تعملي اي
مريم : ولا حاجه دا العلاج بتاع ماما خلص قولت انزل اجيبه 
علا بتوتر : انا همشي انا ها 
مريم بتعجب : استني تمشي فين هو انتي كنتي جايه ليه اساسا
معاذ بتوتر: كانت جايه تشوف خالتها بس انا طمنتها عليها  وخلاص  هي مروحه 
وبعدين بص لعلا وقال
: يلا روحي انتي
مريم بتعجب: تروح فين يامعاذ اي ال انت بتقوله داه دا حتى الرسول وصانا بإكرام الضيف ودي مش ضيفه كمان دي قريبتك
وبعدين بصت لعلا وقالت
: تعالى اطلعي يلا خالتك فوق اطلعي اطمني عليها بنفسك 
معاذ بتنهيده بص لعلا وقال
: اطلعي مع مريم 
واخد من ايد مريم الروشته وقالها 
روحي انتي انا هجيب العلاج
وهما طالعين ع السلم
مريم : ممكن أسألك سؤال
علا : اسألي
مريم : هو ليه بحس ان بينك وبين معاذ حاجه
علا اتوترت : حاجة اي مش فاهمه
مريم : معرفش بس نظراتكوا لبعض غريبه اوي ممكن لو في حاجه او هو مدايقك ف حاجه تعرفيني 
علا بتوتر: لا لا مفيش حاجه خالص دا بس انا وهو علشان من صغرنا بناكف ف بعض فتلاقينا أنا وهو بنرخم ع بعض ع طول كدا
مريم بغيره : اه تمام
طلعوا وعلا دخلت سلمت على والدة معاذ ورنا 
معاذ جاب العلاج وطلع هو كمان
مريم راحت المطبخ تجهز حاجه 
والدة معاذ: اي ال جابك تاني بابت انتي
علا : اي بلاش اجي اشوف خالتي ولا اي
والدة معاذ: يابت انتي كدبتي الكدبه وصدقتيها وبعدين ياختي جايه تشوفيني ليه مااتحايل عليكي تيجي تقعدي معايا قولتيلوا لا انا مش خدامة امك امال لو مكنتيش متربيه ف وسطنا دا لو امك مكنتش نطقتها
علا : ال حصل بقى ياخالتي متفضليش تفتحي ف القديم 
معاذ جاب العلاج واداه لوالدته وهو بيقول
: خفوا ودوده شويه انتو الأتنين انا داخل اغير مش عايز مشاكل
علا : اجي اطلعلك هدوم ياحبيبي
معاذ بخضه : ششش يخربيتك اي ال بتقوليه داه
علا بحزن : اي نسيت ان حضرتك متجوز اتفضل روح 
مريم دخلت عليهم وهي بتقول
: معاذ ياحبيبي انا طلعتلك هدومك تعالى خد شور وغير علشان تتغدى
معاذ : جي حاضر 
علا بغيظ وصوت منخفض : غور يلا
مريم راحت المطبخ تاني ورنا راحت تقف معاها
مريم : رنا هو انا ليه بحس ان معاذ وعلا بنت خالتك دي بينهم حاجه
رنا كانت ماسكه الطبق من الخضه وقع منها ع الأرض
مريم : بسم الله الرحمن الرحيم مالك يابنتي
رنا بتوتر نزلت تشيل الطبق وهي بتقول
: مفيش الطبق فلت غصب اسفه
مريم : ولا يهمك المهم قوليلي اي علاقة علا بمعاذ
رنا بتوتر : علاقة اي يابنتي في اي دي مجرد واحده من قريبنا بس تقريبا الشيطان هو ال بيلعب ف دماغك
مريم : يابنتي انا مقصدش حاجه وحشه انا اقصد يعني في بينهم حوارات مواضيع انا معرفهاش يعني
رنا : لا لا مفيش بينهم حاجه دول اخرهم يشوفوا بعض ف المناسبات متركزيش معاهم انتي 
مريم مسكت طبق الأكل وقالت: ماشي ياستي تعالي نحط الأكل بقى اصل معاذ دلوقتي قاطع من الجوع 
"علا قالت انها هتمشي لكن مريم اصرت انها تاكل معاهم "
بعد الأكل وهما قاعدين حوالين والدة معاذ بيشربوا العصير وبياكلوا الحلو 
معاذ : اعملي حسابك بكرا هنروح للدكتور ياماما علشان نطمن ع رجلك
رنا : انت اخدت اجازه من الشغل
معاذ : لا في اجازه رسميه بكرا علشان الأحتفال بمولد النبي
والدة معاذ : ياخساره كان نفسي اروح المولد واحتفل زي كل سنه بس يلا الحمدلله
مريم : معلش ثواني كدا هو مين قال بكرا مولد النبي صل الله عليه وسلم
رنا : اي يابنتي ماكلنا عارفين ان النبي اتولد ف 12من ربيع الأول
مريم : تعرفي ان مفيش سند ولا صحه للكلام داه لا ف القرآن ولا السنه وكمان العرب زمان كانوا اميين مبيقروش ولا بيكتبوا ف مكنوش مهتمين بأنهم يسجلوا تاريخ الميلاد 
معاذ : ازاي يابنتي ال بتقوليه داه دي مصر كلها بتحتفل بيه 
مريم : عادي يعني هو علشان الناس بتعمل حاجه غلط خلاص بقت صح 
رنا : طب يامريم هاتيلي دليل انه بدعه 
مريم : هاتيلي دليل انتي انه مش بدعه وان النبي والصحابه احتفلوا ب اليوم داه 
رنا : لا بصراحه معرفش
مريم: اهو علشان انتي معندكيش دليل فهو بدعه لأن البدعه هي الحاجه ال الرسول معملهاش ولا السلف الصالح ثم ان النبي مات عن عمر 63سنه معقوله مفكرش ف سنه من السنين يجمع الناس يوم مولده ويخطب فيهم بمناسبة اليوم داه
معاذ : مش شرط ان النبي يحتفل ممكن احنا بنحتفل علشان بنحبه اي المانع ف كدا
مريم : وهل انت هتحب النبي اكتر من صحابته ابي بكر وعمر وعثمان وعلي 
معاذ : مقدرش اقول كدا طبعاً
مريم : طيب هما على مدار الخلافه والعصر الأموي والعباسي محدش احتفل ولا مره بمولد النبي ولا ثبت ف الآثر ان في حد احتفل بمولده صل الله عليه وسلم ولا فعلها احد من التابعين ولا من اتباع التابعين يبقى بدعه ولا مش بدعه
والدة معاذ : بس دا خير الناس ف اليوم داه بتاكل فيه الحلويات ويصلوا ع النبي 
مريم: لو كان الأحتفال خير لسبقونا الصحابه وزي ما معاذ قال مستحيل اننا نجزم اننا بنحب النبي اكتر منهم 
رنا : يابنتي مكبره الموضوع ليه دا كل الحكايه الناس بتحتفل بالنبي وتتبسط وخلاص اهي ليله وبتعدي
مريم : بيحتفلوا ازاي وهما ف اليوم داه بيخالفوا شريعته من طريقة ذكر غير صحيحه والأكل والرقص والغنا ف الموالد هو انا لما احب حد الأولى اتبع سنته ولا احتفل بمولده بطريقه غلط
علا بضيق: اي يامريم داه ماقولنالك بنحب النبي ياستي احنا احرار 
مريم: 114 ألف صحابي منهم من مزقته الرماح و السيوف دفاعا عن النبي ﷺ ولم ينقل عن أحدهم أنه إحتفل بالمولد كان حبهم للنبي بالإتباع لا بالإبتداع وفي حديث للرسول صل الله عليه وسلم بيقول
عن أبي نجيح العرباض بن سارية رضي الله عنه قال : وعظنا رسول الله صلى الله عليه وسلم موعظة وجلت منها القلوب ، وذرفت منها العيون ، فقلنا : يا رسول الله ، كأنها موعظة مودع فأوصنا ، قال : ( أوصيكم بتقوى الله ، والسمع والطاعة ، وإن تأمّر عليكم عبد ؛ فإنه من يعش منكم فسيرى اختلافا كثيرا ، فعليكم بسنتي وسنة الخلفاء الراشدين المهديين ، عضّوا عليها بالنواجذ ، وإياكم ومحدثات الأمور ، فإن كل بدعة ضلالة ) رواه أبو داود والترمذي وقال: حديث حسن صحيح.
الحديث دا لو ركزنا فيه هنفهم فعلاً خوف النبي علينا من البدع 
 وبعدين انتو ليه فعلاً مش مصدقين ان الرسول اساسا لم يثبت انه اتولد ف اليوم داه يعني مش بس بدعه دا جهل
علا بضيق : طب يعني اي يعني مناكلش حلاوة المولد حرام دي كمان 
مريم : واي علاقة الحلاوه بالموضوع 
علا : ماهي من مظاهر الإحتفال بالمولد 
مريم : مافي حاجه اسمها النيه يعني ممكن انا اجيب الحلاوه ليا ولأهل بيتي بنية اني باكل حاجه بحبها ملهاش علاقه بإني احتفل بالمولد وبعدين هاتيها ف اي يوم بعيد عن يوم المولد سواء قبل او بعد انتي كدا متبعتيش البدعه
علا : حتى اليوم دا هتكروهنا فيه كل حاجه حرام حرام دا الواحد ينتحر بقى
مريم بإبتسامه : لا متنتحريش الأنتحار حرام
رنا ابتسمت 
مريم : ياجماعه هدي النبي جميل لو اتبعناه مش هنتخنق من تعاليمه كدا ولو البشريه تريح نفسها ومش كل يومين يطلعوا ببدعه كلنا هنرتاح 
الرسول قال قبل وفاته 
(الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا [المائدة:3] 
نبطل تفحير احنا بقى ونمشي ع هدي النبي مش هيحصلنا حاجه يعني 
معاذ : بقول اي ياعلا انا بقول انك اتأخرتي وكدا يعني
علا : اه صحيح هقوم امشي انا ابقي طمنيني عليكي ياخالتوا
رنا : وانا خديني معاكي انا عندي درس هتأخر
مريم متكلمتش وبعد ما علا ورنا مشيوا طلبت من معاذ يكلمها دقيقه ف الأوضه
معاذ دخل الأوضه وقفل الباب وهو بيقول بتعجب : في اي
مريم : هو انت في حاجه بينك وبين البنت ال  اسمها علا دي
معاذ اتوتر : لا مفيش حاجه بتسألي ليه
مريم : علشان طريقتك معاها غريبه شويه انا بحاول افهم في اي بس مش فاهمه
معاذ : مفيش حاجه يامريم متخليش الشيطان يضحك عليكي 
مريم : انا بحاول بس معرفش ليه دايما بحسك مش حابب وجودها او خايف من حاجه 
معاذ اتنهد وقعد ع السرير وهو بيقول : مريم انا بصراحه مدايق اوي الفتره دي فمتركزيش معايا
مريم قعدت جمبه وقالت بتعجب: في اي مالك
معاذ : مشاكل ف الشغل متشغليش بالك انتي 
مريم بحزن: مشاكل اي اتكلم هو احنا مش متفقين منخبيش حاجه ع بعض 
معاذ : بصراحه مرتب الشغل مبقاش مكفي حاجه وانا قررت افتح مشروع جمب شغلي وكدا
مريم : برافوا دي فكره جميله اوي اي ال مزعلك بقى
معاذ : تكلفة المشروع 500الف جنيه
مريم بتعجب: ليه هو انت هتفتح مشروع اي 
معاذ : مشروع تجاري بس المشكله زي ماقولتلك انه عايز رأس مال كبير 
مريم بذهول : ايوا بس دا مبلغ كبير اوي هتجيبه منين
معاذ : امال لو عرفتي اني داخل بالنص بس كمان يعني انا معايا واحد شريك 
مريم : اي يابني المشروع ال عايز رأس مال مليون جنيه داه 
معاذ بضيق : قولتلك مشروع تجاري هنستورد حاجات ونبعها وحاجات كدا انتي مش هتفهميها يامريم 
مريم بحزن : طيب خلاص متزعلش نفسك وان شاء الله تنحل او اقولك مابلاش من المشروع داه واحنا الحمدلله عايشين ومستورين ملوش لازمه يعني واذا كان ع المصاريف انا هحاول اوفر شويه
معاذ : انتي مش فاهمه المشروع داه حلم حياتي كان نفسي اعمله من زمان وبصراحه نفسي نكبر بقى بدل ماحنا عايشين كدا
مريم بتفكير : ياحبيبي هو الطموح حلو وكل حاجه بس بصراحه مش عارفه اقولك اي
معاذ : متقوليش حاجه انا عارف ان مش بإيدك حاجه
مريم بشرود : ربنا يعمل ال في الخير

google-playkhamsatmostaqltradent