رواية قوة امرأة الفصل الحادي عشر بقلم جهاد محمد موسى
رواية قوة امرأة الفصل الحادي عشر
بليل دخل زين وسلم على كل العيله كانت متجمعه
زين/ انا هسافر يجدو
الجد / لى كده احنا مش اتفقنا انك هتستقر فى مصر
زين / ما خلاص يجدو انا غيرت رأيي ووجهه كلامه لجميله بحزن من غير مايبصلها انا اسف يجميله على كل حاجه حصلتلك كانت بسببى من ساعه ما دخلت حياتك وانا بوظتهالك انا هسافر وورقه طلاقك هتوصلك
بص لقي جميله الدموع فى عنيها وجريت على بره
احمد / الحقها يزين بسرعه
الجد / جميله بتحبك يزين
جرى زين على بره لقى شلال دموع نازل من عنيها حضن زين وشها بأيده
زين والدموع فى عنيه / اهدى هشش
جميله صوت شهاقتها عمال يعلى
زين / اهدى خلاص والله مش هسافر انا بحبك وعمرى ما حبيت غيرك ولا هحب غيرك اهدى انا اول مره اشوفك فى الحاله دى
جميله بتهدى وتطمن من كلام زين
وزين بيحضنها جامد وبيطمنها وبيمشى ايده على شعرها عشان تهدى
زين / هششش خلاص انا جمبك وعمرى ما هسيبك
جميله هديت خالص ورخت فى حضن زين بص لقاها نامت والدموع على وشها
شالها وطلع الغرفه الخاصه بيهم نيمها على السرير بهدواء ودخل اخد شاور ونزل ملقاش حد كان خارج من باب الفيلا سمع صوت فى غرفه المكتب
الجد / الخطه نجحت يولاد
محمود / انا اول مره اشوف زين بالحاله دى مش مسدق ان الخطه نجحت وزين وجميله حبوا بعض
قاطع كلامهم دخول زين
زين بغضب / اللى انا ساااااااامعه ده
الجد ومحمود اتوترو جدا
الجد / احم اهدى يا زين وانا هفهمك كل حاجه
زين وكان قلبه فيه نار شغاله / اهدى اييييييييه وزفت ايه للدرجادى بتستهتروا بمشاعرنا ليه عملتوا كده حرام عليكم
محمود بحزن وعصبيه / كان لازم نعمل كده كان لازم اعمل اى حاجه ارجعك بيها لحضنى من تانى انت عشت حياتك كلها بعيد عنى انا وامك اللى كانت بتنام كل يوم دموعها على خدها وقلبها محروق عليك مستخسر فينا انك تعيش وسطنا فى الكام يوم اللى فاضلين لينا فى الدنيا كان نفسنا نحضر فرحك ونشوف عيالك قبل منموت انت اى مبتحسش حط نفسك مكانى انا وامك وجدك اللى نفسه يشوف حفيدته (جميله) مبسوطه نفسه يعوضها عن القسوه اللى شافتها من ابوها طول عمرها مشوفتش فرحه جدك لما شاف حبها ليك فى عنيها وانها بتتغير على ايدك ياريت تحس بينا زى محنا حسين بيك يبنى
قاطعه صوت كله بكاء وشهقات عاليه بص لقى جميله واقفه وبتعيط زى الاطفال دموعها مغرقه وشها
زين جرى عليها بخوف
زين / بس اهدى انا مكنتش اعرف حاجه غير دلوقتى سمعتهم صدفه جميله سابته وجريت على حضن جدها اللى كله حنيه ومهما عمل عمرها متزعل عنه
بعدت جميله بعد فتره عن جدها
جميله بدموع / انا مقدره انك عملت ده كله علشانى انا اسفه على طريقتى ومعاملتى معاكوا
الجد ببتسامه وحب / انا عمرى ما اعمل حاجه تأذيكى يا جميلتى انا كل اللى بتمناه انك تعيشى حياتك
زين بضيق وغيره / جميله تعالى هنا وشدها من حضن جدها ومسكها من وسطها بتملك
الجد بضحك / هه باين انك واقع خالص
زين / هههه هو باين وبص لمحمود ابوه اللى واقف وباين عليه الحزن وراح حضنه جامد
زين / انا اسف يا بابا عمرى ما هبعد عنك تانى والله بس انا اتضايقت مش اكتر
محمود بحب / ربنا يسعدك يا حبيبى
دخلت هدى وهى مكشره وجهت كلامها لزين بقمص وانا مليش حضن يا استاذ ولا اى
زين بضحك وحب حضنها جامد وباس رأسها/ ربنا يخليكى ليا يا ست الكل
وبص لجميله اللى بتبصله بحب
زين / جه الوقت نعرف انتى ازاى كشفتى ميان
جميله .......
يتبع الفصل الثاني عشر اضغط هنا
- الفهرس يحتوي على جميع فصول الرواية كاملة :"رواية قوة امرأة" اضغط على اسم الرواية