رواية ويشاء القدر الفصل الحادي عشر بقلم أية محمد
رواية ويشاء القدر الفصل الحادي عشر
هديل هتاخد الورق و تخليه معاها ، الدكتور محمد هيروح ياخدها و بعدين يروحوا و ينتهي اليوم ، و نبدأ يوم جديد " الجمعة " ، طبعا يوم اجازه بس للأسف محدش فيهم هيخرج عشان ساجدة و اليوم هيعدي زي اي يوم و هيقضوا اليوم كله سوا ، اليوم ينتهي و هيبدا يوم جديد " السبت "، ياسمين كالعاده بتصحي الساعه ٥ ، تصلي و تجهز الفطار ، و هتروح جامعتها .
ياسمين واقفه في المطبخ بتعمل الفطار أيه هتدخل عليها .
ياسمين : اي دا انتي صحيتي؟
أيه : اه عندي محاضرات انهارده .
ياسمين : طب الحمدلله ، يلا تعالي نفطر سوا و بعدين ننزل
أيه : اوك ، هدخل بس اجيب شنطتي و اجي .
ياسمين : اوك ، يلا .
أيه هتدخل الاوضه تجيب شنطتها و ترجع و ياسمين هتحط الفطار على التربيزه و تقعد تستنى أيه .
____________________
أيه : ماشاء الله.
ياسمين : اي رايك ؟
أيه : لا بصراحه اول مره حد يعمل فطار حلو بالشكل دا .
ياسمين : طب يلا اقعدي و خلصي اكلك ، و بسرعه عشان منتاخرش .
أيه : اوك ، بسم الله.
هيخلصوا اكل و بعدين يمشوا .
ياسمين : استنيني لحظه ادخل اشوف ساجدة و اصحى البنات .
أيه : اوك .
ياسمين هتدخل لـ ساجدة .
ياسمين : ساجدة ، انتي لسه نايمه و لا اي .
ساجدة : اه ، سيبيني نايمه شويه .
ياسمين : حاضر ، متنسيش تاخدي علاجك .
ساجدة : حاضر ، سيبيني انام بقي .
ياسمين : انا ماشيه ها .
ساجدة : ماشي .
و بعدين ترجع تروح اوضه تاليا .
ياسمين : تاليا ، تاليا ، قومي .
تاليا : فيه اي ي بنتي ، البيت بيولع .
ياسمين : بيولع اي انتي كمان ، قومي يلا ، هاا .
تاليا : نعم فيه اي؟
ياسمين : انا راحه جامعتي قومي افطري و خلي بالك من ساجدة .
تاليا : بس كدا ؟
و ترجع تنام تاني .
ياسمين : انتي نمتي تاني ؟
هاجر هتقوم هتلاقي ياسمين .
هاجر : صباح الخير ، راحه فين بدري كدا ؟
ياسمين : صباح النور يحبيبتي ، راحه جامعتي ، هتقومي و لا هتنامي تاني ؟
هاجر : لا هقوم خلاص .
ياسمين : طب ممكن تخلى بالك من ساجدة ، و انا مجهزة الفطار جوا اوك .
هاجر : حاضر .
ياسمين : يلا انا همشي عشان متأخرش .
هاجر : خلي بالك من نفسك.
ياسمين : و انتي كمان يلا سلام .
و تمشي ياسمين و معاها ايه
____________________
و هما ماشيين في الشارع
أيه : عندك كام محاضرة انهارده؟
ياسمين : عندي ٣ و انتي .
أيه : المفروض ٣ بس هحضر اتنين بس.
ياسمين : ليه ؟
أيه : مش مهمه اوي يعني فـ مش لازم احضرها و كدا .
ياسمين : اها .
أيه هتبص من بعيد هتلاقي شخص مقرب عليهم .
أيه : ماجد ؟
ياسمين : مين دا ؟
أيه : زميلي في الجامعه .
ياسمين : بس دا باين عليه اكبر مني انا شخصيا.
أيه : اه ما هو فعلا أكبر منك .
ياسمين : عنده كام سنه دا؟
أيه : تقريبا ٢٢ ، طب بصي انا هروح له اوك .
ياسمين : اوك ، انا همشي بقي و نتكلم لما نروح .
أيه : اوك ، باي .
ياسمين : باي .
ياسمين تمشي تروح الجامعه و أيه هتقف مع ماجد .
___________________
ماجد : ٢٢ سنه ، زميل أيه في كليه الألسن لكن هو أكبر منها ، في سنه رابعه ، ليه براند كبيرة اوي باسمه ، والدته متوفيه و عايش مع والده و ابن عمه .
مواصفاته : طويل ، و جسمه رياضي ، عيونه رصاصي فاتح ، شعره اسود .
_________________________
أيه : انت اي اللي جايبك هنا؟
ماجد : مفيش صباح الخير الأول .
أيه : انا اعرفك منين عشان اقولك صباح الخير ، انت عايز مني اي دا انا معرفكش غير من اسبوع.
ماجد : كنتي فين الايام اللي فاتت؟
أيه : كنت فين ازاي يعني ؟ ما انا موجوده اهو .
ماجد : سألت عليكي في العماره اللي انتي ساكنه فيها قالولي مش موجوده.
أيه : عمارة اي؟ انت كمان وصلت للعمارة اللي انا كنت ساكنه فيها؟
ماجد : قولتلك قبل كدا لما بحب حد بتمسك بيه من اول مره و مش بفكر لحظه واحده أن ألعب بيه و قولت اجي عشان اتفق معاكي عشان اقـ......
أيه : ثانيه؟ تتفق على اي مش فاهمه؟
ماجد : أنك تحددي معاد مع باباكي عشان اجي اتقدملك فيه مشكله و لا حاجه؟
أيه : يبني هو انت تعرفني منين ، عشان تيجي تتقدملي خبط لزق كدا .
تمشي أيه و تسيبه و هو هيمشي وراها
ماجد : استنى بس رايحه فين؟
أيه : عندي محاضره هتاخر، عن اذنك .
ماجد : هستناكي هنا ، متتاخريش هاا.
أيه هتدخل لمحاضرتها و هطنشه .
___________________
عند ياسمين في الجامعه هتخلص محاضرتها و تروح للدكتور محمد.
تخبط علي الباب و تدخل .
ياسمين : ممكن ادخل .
الدكتور محمد : تعالى ي دكتوره
ياسمين : مشغول في اي كدا؟
ياسمين هتقعد علي الكرسي .
الدكتور محمد : بصي عيد ميلاد هديل بعد يومين فـ يستي أحمد باعتلي أفكار مختلفه فـ بشوف اي أنسب فكره
ياسمين : أمم ، وريني كدا الأفكار دي .
الدكتور محمد هيدي اللاب توب لـ ياسمين .
الدكتور محمد : اقرائي من الاول خالص و قوليلي اي أنسب حاجه ، و تكون مختلفة .
ياسمين : الواد دا باين عليه فاضي ، هو لحق يكتب كل دا؟
الدكتور محمد : لا هو مجمع الأفكار من على النت و باعتهم .
ياسمين : طب بقولك اي فكك منه و سيب الطلعه دي عليا و متقلقش هبهرك .
الدكتور محمد : خلاص ، بس تعملي حاجه كبيره و مميزه كدا .
ياسمين : ما هي هتكون حاجه بسيطه كدا و كبيره في نفس الوقت و مميزه متقلقش .
الدكتور محمد : خلاص ماشي ، اه صحيح كنتي عايزاني في اي؟
ياسمين : عايزه ادور على شغل و مش عارفه ادور أو بمعنى أصح مش عارفه اشتغل في أي؟
الدكتور محمد : محتاجه الشغل في أي؟ تقريبا مصروفك بيقضي حاجتك و بيفيض كمان على حسب ما قولتي .
ياسمين : ايوا انا الحمدلله معايا بس مش كدا ، انا عايزه اشتغل لنفسي أكبر بنفسي اتعب عشان نفسي ، احس بالمسؤولية شويه بس و اعرف يعني اي تعب و اتعود .
الدكتور محمد : بصي انا معاكي ، بس انتي هتجيبي وقت لكل دا منين ؟ محاضرات و مذاكره و أوقات بتشرفي على رحلات بتعمليها ، هتفضي امته لشغل جديد ها؟
ياسمين : المحاضرات قليله السنه دي عن السنه اللي فاتت طبعا و العملي لسه مش دلوقتي و حضرتك عارف ان انا مش بطلع رحلاات ايام الدراسه كتير ، بإذن الله هجيب وقت لكل دا ، بس ممكن تشجعني على دا .
الدكتور محمد : حاضر هشجعك على دا و سيبي الموضوع دا عليا انا هدورلك على شغل مناسب ليكي برضو .
ياسمين : بجد ، شكرا جدا ي دكتور .
الدكتور محمد : شكرا اي بس ، انتي زي بنتي و اكتر و انتي عارفه دا .
ياسمين : اكيد طبعا ، يلا هقوم اجيب اكل قبل المحاضرة اجيبلك معايا ؟
الدكتور محمد : ياريت الواحد خلاص معتش قادر .
ياسمين : اوك .
ياسمين هتقوم تروح تجيب اكل و ترجع .
___________________
أيه خلصت المحاضره و هتطلع برا هتلاقي ماجد واقف
أيه : انت لسه واقف برضو .
ماجد : انتي ليه مقتنعه اني بلعب بيكي و لا بتسلي ، بقولك عايز احدد ميعاد مع باباكي عشان اجي اتقدملك فيها حاجة غلط دي؟
أيه : ما انا برضو مش فاهمه اي سر اصرارك على موضوع زي دا و انت لسه عارفني الأسبوع اللي فات و كمان اصلا متكلمناش مع بعض قبل كدا غير مره و لا مرتين .
ماجد : ما هو عشان كدا ، اتعرف ليكي في فتره الخطوبه احسن عشان محدش يتكلم علينا و لا انتي اي رايك عيزانا نبقى تريند في البلد ؟ هاا
أيه : اممم ، و افرض انا مش موافقه ؟
ماجد : جربيني مش هتخسري
أيه : بس اهلي عايشين برا مصر ، هتعمل اي بقى؟
ماجد : اسافرلهم.
أيه : انت بتهزر.
ماجد : و اهزر ليه ، و الله ما بهزر .
أيه : لما اكلمهم هشوف الموضوع دا .
ماجد : ايوا اللي هو امته؟
أيه : ي بني نفسي افهم اي سر استعجالك دا ، الله يكون في عون اللي هيتجوزني و الله .
ماجد : قبل ما تروحي مني و يستي ملكيش دعوه انا عايزك ، بس كل دا و برضو مقولتيش كنتي فين الايام اللي فاتت؟
أيه : روحت قعدت مع بنات صحابي احسن ما ابقى لواحدي .
ماجد : الحمدلله عشان اعرف اطمن عليكي ، طب العنوان فين؟
أيه : ليه؟
ماجد : هو اي اللي ليه؟
أيه : مش هديك حاجه لأنهم اكيد هيضايقوا من وجودك و امشي بقي عشان الكل عمال يبص علينا .
ماجد : ماشي انا هعدي المره دي و همشي ، بس هشوفك تاني هاا .
أيه : أن شاء الله.
ماجد : أن شاء الله خلي بالك من نفسك.
أيه : حاضر .
ماجد : يلا سلام .
أيه : سلام .
ماجد هيمشي و أيه كمان هتمشي .
____________________
علي سلم العمارة تاليا نازلة .
تاليا : اهلا يعم سعيد .
عم سعيد : اهلا ي بنتي ، راحه فين كدا ؟
تاليا : هجيب شويه حاجات كدا في السريع و هرجع .
عم سعيد : متتاخريش بس .
تاليا : حاضر ، عايز حاجة .
عم سعيد : سلامتك ي بنتي .
____________________
و تنزل تاليا تروح السوبر ماركت تشتري شويه حاجات و تتفاجيء بـ نادر .
تاليا بصدمه : اي دا نادر .
نادر : شوفتي الصدفه .
تاليا بخوف : اه ، انت بتعمل اي هنا ؟
نادر : و لا اي حاجه ، كنت بشتري حاجه و طالع على طول لقيتك قولت اجي اساعدك لو محتاجه مني اي مساعدة .
تاليا : لا ميرسي مش محتاجه مساعده انا خلصت و همشي على طول .
نادر : متأكده؟
تاليا : اه متأكده .
نادر : هتشيلي كل الحاجات دي لواحدك ؟
و يبص علي الشنط اللي في ايديها .
تاليا : اه عادي فيها حاجه دي و لا اي ؟
نادر : مش هتقدري يلاا هاجي اوصلك .
تاليا : لا شكرا مش محتاجه حد يوصلني .
نادر : طب يلا بس .
نادر يشتال جزء من الحاجات اللي معاها و هي الباقي و بعدين يمشي قدامها و هي ماشيه مش طايقه نفسها و لا طيقاه و يوصلها لحد باب الشقة .
____________________
تاليا : تعبتك معايا ممكن تتفضل بقى .
نادر : اكمل جميلي طيب و ادخلهم جوا .
تاليا : لا شكرا ، ممكن تتفضل تمشي .
نادر : اوك ، مش عايزه اي حاجه ؟
تاليا : ميرسي .
و تدخل الشقة و تقول : عند اذنك هقفل الباب .
نادر : اه اتفضلي .
و تقفل الباب و تدخل جوا
____________________
ياسمين تخلص محاضرتها و تروح و بعدها أيه كمان هتخلص و هاجر كمان ، لكن هاجر هتوصل قبلهم .
تاليا و ساجدة و هاجر قاعدين سوا و ياسمين هتدخل عليهم .
ياسمين : هاا عاملين اي ي بنات .
هاجر : الحمدلله تمام ، خلصتي بدري انهارده و لا اي ؟
ياسمين : اه أجلت محاضره لبكرا .
تاليا : ليه ؟
ياسمين : العدد كان كبير فـ الدكتور قسمنا ، المهم طابخين اي انهارده ؟
ساجدة : تاليا اللي طابخه ربنا يسترها علينا انهارده بقي .
و يضحكوا سوا .
ياسمين هتبص لـ تاليا : عملتي اي يشيف يعظيم انت .
تاليا : مش هتصدقي ، مسقعه .
ياسمين : عملتي اي ؟ مسقعه ؟
هاجر بضحكه : و مش بس كدا دي عملت مخبوزات كذا نوع .
ياسمين : مسقعه و مخبوزات كذا نوع ، انتي ناويه تجوعينا صح؟
تاليا : ما هو دا اللي بعرف اعمله ، محبتش اخترع حاجة خوفت عليكوا بقى و كدا
ياسمين : يهبله قولتلك كذا مره اتعلمي و جربي فينا و لا يهمك .
تاليا و هي بتبص لساجدة : شوفتي يختي الكلام الحلو دا .
ساجدة : اه واضح جدا فعلا .
ياسمين : المهم يلا عشان انا جعانه .
أيه في الوقت دا هتدخل .
ياسمين : اي دا يويو جات اهي هي كمان يلا قوموا بقى .
هاجر : اوك يلا .
يقوموا كلهم و يحضروا الغدا .
___________________
في بيت رفعت الشاذلي .
رفعت هيدخل لـ أحمد اوضته
رفعت : اي ي بني بتعمل اي ؟
أحمد : شويه شغل عندي كنت بخلصهم.
رفعت : أمم ، بتشوف عمك محمد ؟
أحمد : اه كنت عنده امبارح فيه حاجه و لا اي؟
رفعت : كويس ؟
أحمد : اه كويس الحمدلله .
رفعت : طب ابقى خليه يجي معاك لما تبقى تروحله تاني عايز اشوفه .
أحمد : اوك حاضر ، حاجه تانيه ؟
رفعت : لا يحبيبي شكرا .
يرن هاتف رفعت و بالصدفه هيكون الدكتور محمد .
هيفتح عليه و هيقول
رفعت : سبحان الله ، لسه كنت بسأل ابني عليك طمني انت عامل اي ؟
الدكتور محمد : و الله انا تمام الحمدلله المهم انت عامل اي ؟
رفعت : الحمدلله كويس .
الدكتور محمد : كنت عايزك في خدمه لطالبه عندي ممكن و لا اي النظام معاك ؟
رفعت : انا تحت امرك في اي حاجه ي صديق عمري و انت عارف .
الدكتور محمد : طب بقولك اي ، الظاهر ان فيه ناس عايزني برا هكلمك في وقت تاني .
رفعت : لا تكلمني دا اى ، انت تجيلي اتفقنا .
الدكتور محمد : خلاص اول ما يمشوا هجيلك يلا سلام .
رفعت : مع السلامه يحبيبي .
و يقفل معاها .
أحمد : فيه حاجه ؟
رفعت : كان بيقولي أن فيه طالبه عنده عايزاني خدمه تقريبا .
أحمد : مقلش اسمها ؟
رفعت : لا ، يخصك في حاجه و لا اي ؟
أحمد : لا ابدا كنت بستفسر بس .
رفعت بزعيق : طب خليك في شغلك و بس.
أحمد : حاضر
يتبع الفصل الثاني عشر اضغط هنا
- الفهرس يحتوي على جميع فصول الرواية كاملة :"رواية ويشاء القدر" اضغط على اسم الرواية