رواية اخوات زوجتي الفصل التاسع بقلم مني عبدالعزيز
رواية اخوات زوجتي الفصل التاسع
سألوني من أكون..!!
فقلت انا القلب الحنون
ثائرة رغم السكون
عاقلة رغم الجنون
لست ملكة من ملوك هذا الزمان
ولا املك مالا يملكه إنسان
لكني املك قلب لا يملكه غيري الآن
أملك إحساس لمن أحب واشعر معه بالأمان
وأقف وحدي فى وجه هذا الزمان ..💕
--------------------مني عبد العزيز-------
عدي اليوم سريعا واتي وقت قدوم نادر لاصتحاب روعه للذهاب إلى القاعه .
نادر وهويرتدي بدله.زفاف رائعه يخطف القلوب من أناقته وجسده الرياضي وعضلات صدرة البارزة .
وصلوا إلى منزل نبيل ؟
نزل خالد وسامر وبعض الأصدقاء بإطلاق بعد الأعيرة النارية احتفالا بالزفاف .
عند روعه الذي زهل الجميع من جمالها الهادي ومكياجها البسيط الذي ظهر جمالها وعيونها الزتوني الامعه التي تخفيها خلف نظارتها الكبيرة.
نبيل : بسم الله ماشاء الله تبارك الرحمن جميله جدا جدا يا روعتي الواد نادر هيجنن لما بشوفك وقام باحتضانها ولم يستطع منع نفسه من البكاء .
دودو : بلبل كفايه سبنا نشفها ونسلم عليها .
أخرجه نبيل من أحضانه وطبع قبله علي جبينها .وذهب للخارج لتجفيف دموعه.
دودو : وهي تزغرت بفرحه لجمال روعه فهي ترتدي فستان غايه في البساطه والاناقه عبارة عن قطعتان
الاولي فستان مفتوح من الامام وتحت منه بطانه كبيرة تحته فستان زفاف علي شكل بدله بيضاء حجابها الذي زادها جمال ...دودو لم تتمالك نفسها من البكاء احتضنت روعه وقالت لها انتي اجمل عروسه في الدنيا .
عماد : دودو ايه بلاش احنا كمان نبركلها ابعدي يا ستي كده عوزين نحضنها قام عماد وسهي ولوزة باحضانها وسط زغاريت جميع الموجودين من الأقارب والأصدقاء الذين صدموا من جمال روعه
فهم أول مرة يروها بدون نظارتها الكبيرة والكاب فوق راسها .
وصل نادر أمام المنزل استقبله نبيل وعماد وبعد السلام توجه نادر الي غرفه روعه وجد الكثير من الفتيات يرتدين نفس الزي وام روعه وبعض الاقارب نظر الي روعه وجدها تضع طارحه فوق وجهها حمد ربه لان خاف من هيئتها .
قام بتقبيل راسها من فوق الطرحه ومد يده إليها واصتحابها الي خارج المنزل وصعد ا بالسيارة للتوجه إلي قاعه افراح نادي الشر طه وأخذ مجموعه من الصور قبل دخول القاعه .
كل هذا ونادر شارد الذهن فهو بتذكر مقابلته مع هنا ..واعترافها له بحبها وانجزابها له ومع أنه سعد بذلك لكنه لما. تكن سعاده كامله ..تذكر عندما أخبرها بقصته مع روعه وأنه اتطورت في الجواز منها ..وتقبل هنا وموافقتها الاستمرار معه .
نادر: بحب انا اسعد انسان على وجه الارض بكلامك ده ياهنايا بجد مكنتش متخيل انك توافقي نفضل مع بعض بس اوعدك أن في ااقرب وقت هطلق روعه ونرتبط علي طول .
هنا: انا حبيتك ااوي ااوي يا نادر وما بقتش قادرة ابعد عنك يومي مش بيكمل غير بيك .
نادر:ولا انا من اول يوم شفتك وانا قلبي دق ليكي وانبهرت بجمالك اقترب منها وقبلها وتمادت القبله لقبلات عنيفه لولا وجود إضاءة سيارات حولهم أفاقوا مما وصلوا إليه قام نادر بتشغيل سيارته والبعد عن هذا المكان وبعد مده وهنا سانده براسها علي كتفه ويده تحيطها وبالرغم من القرب والقبلات فلم يجد اللذة التي وجدها عندما اقترب من روعه ...وهي بين يديه ورأسها علي صدرة.
نادر:اوصل هنا الي منزلها وبعد الاتفاق لحضوره بعد أيام لخطبتها من أهلها ..قبل يدها وعاد الي بيته مصمم علي إنهاء الزيجه في اقرب وقت ليتمكن من الزواج من هنا الذي توهم حبه لها.
نادر:لنفسه لازم بابا يعرف اني مش طفل يقرر عني. ..دي مش لعبه هيشترهالي علي مزاجه ده حياتي وانا ال أقرر اعشها ازاي وأجوز مين ..وكويس اني قبلت هنا في الوقت المناسب .
---------فاق نادر علي أصوات الكلام ...حوله .
سامر: فينك يا عريس يلا وصلنا .
خالد: ال واخد عقله .
نادر: تتهني بيه .
نزل نادر من السيارة وتوجه الي الباب الآخر ومد يده الي روعه وساعدها علي النزول .
وصلوا مكان التقاط السيشن والصور الفوتوغرافية .
كل هذا ونادر شارد الذهن يفكر في طريقه لإبعاد روعه وعمل خلافات بينهم لتطلب هي الانفصال بالرغم من كلمات الموجودين ومدحهم في جمال روعه ورقه فستانها إلا أنه تعمد عدم النظر الي وجهها مباشرة بعد أخذ العديد من الصور .
توجهوا إلي قاعه الفرح فور وصولهم لبدء الزفه تم طلب منه التوجه إلي اخر السلم وروعه فوق وتنزل وسط موسيقي هادئه وكلمات اغنيه مخصصة لها اهداء من صديقتها .
_____----_----------_-------------_-----------
طلي
ياروعه يا احلي زهرة في حياتنا .💞
يا اجمل صحبه في الدنيا .
من اول ماعرفناكي وانتي حببتنا 💖
اسعد ايامنا كانت معاكي .
طلي يا روعه يا احلي صحابك 😘
روعه يا جميله طول عمرك ساند لينا .
روعه دي مش صاحبتنا .
روعه دي اختنا والحضن ال بيضمنا .
كل يوم بيمر علينا بيزيد حبنا ليها .
من وقت ما قال نادر عليها وخطفها من بين أيدينا .
واحنا بندعي ربنا يسعدها ويهنيها .
روعه روعه روعه يا اجمل صحبه في الدنيا كلها .
روعه يا حتة سكرة بتحلي كل ال حواليها .
روعه اسم علي مسمي تحسها حته من الجنه .
افرحي ياقلبي واتهني ربنا يتم فرحه عليكي .
طلي يا روعه بالابيض طلي طلي يا روعه طلي
يا جميله يا زهرة من جوه جنينه .
روعه يا قمر. بيزين سمانا يا شمس بتنور حياتنا حوالينا .
طلي ياروعه طلي بالابيض يا زهرة في بستان حياتنا.
وصلت روعه لآخر الدرج وهي مصدومه من صدقتها واغنيتها المخصصه لها وجمال الزفه والورود التي تتساقط عليها والإضاءة التي تتغير مع كل مقطع من الاغنيه .
---------------------------------------
بالرغم من كل هذا نادر حاول يتغلب علي فضوله وينظر الي روعه لكن كلماته لهنا كانت توقفه اوعدك ما قربلهاش ولا ابص في وشها.
نادر : أنا مش منوع ال يتفرض عليه راي أو بعمل حاجه مش عوزها ليه خايف علي زعل هنا وعاوز انفذلهاطلبها. واوفي بوعد ي ليها معقوله اكون حبتها لدرجه مش قادر اخالف اتفئها معايا .
نادر امسك ايد روعه و
دخلوا القاعه وسط تصفيق المدعوين والاهل .
وصلوا لمكان جلوسهم طلب القائم على الحفل من نادر رفع طرحه روعه من علي وجهها لبدايه فقرات الحفل.
نادر: وقلبه يدق بسرعه رهيبه رفع الطرحه لاعلي ليقع نظرة علي روعه التي انبهر من جمال وجهها والعين الزاتوني اللامعه .
روعه تنظر له بابتسامه منتظراه يثني عليها أو ينطق بكلمه تجعلها تسعد في هذا اليوم إلا أنه خيب آمالها
تأكدت بالفعل أن والدها أخطاء في اختيارة لها .
روعه محدثه نفسها ليه فرحانه بقربه وانتي عاوزة تنتقمي منه علي ال حصل .أغمضت عينها تتمني يرجع بها الزمن وتفنع والدها بالعدول عن زوجها بنادى .
جلسوا مكانهم وتوافد الجميع للمباركه وسط غياب اخواتها وعينها تجوب القاعه في البحث عنهم .
بعد قليل ونادر مشتت بين هذا الجمال الذي يراه لأول مرة فهو متعود على روعه بالنسبه له مش اكتر من رجل .
وسط هذا اغلقت الاضواء وعم السكون القاعه ووارتفعت اصوات الموسيقي .
زهلت روعه مما سمعت .
فوجاء الجميع من اغنيه اخوات روعه لها بالفرح .
روعه دي مش اختنا
روعه دي قلبنا نور عنينا والفرحه ال بتلمنا .
روعه منقدرش نعيش من غير مقالبها .
روعه ست بيت معتبرة أشطر وحده تسلق بيضه.
ميغركش شقوتها دي مافيش احن منها .
روعه دي قلبناالحضن ال بيضمنا من يوم ما تولدت لحد نكبر ونعجز منقدرش نبعد عنها .
روعه يا زنت البنات خالي بالك من ال جاي
كل يوم طبيخ وغسيل ومكوي غير الشربات ..والعيال .
روعه دي محصلتش مافيش منها اتنين دي مش بس اختنا دي بنتنا كلنا
مروان : أنا أول واحد شلها ومن جمالها قلت دي روعه أنا مش هتنزل عنها دي بنتي وفي حمايتي. لحد ما تكبر وتروح بيت جوزها .
معتز : روعه اول مرة شفتها قلت ايه الجمال ده كله دي بتضحكلي أنا من النهارده روعه مش اختي دي بنتي وصحبتي.
مازن. : روعه يا زنت البنات أنا فاكر اول مرة تعبت واخدت الحقنه بدل منها من خوفي عليها للتلالم ..مقتدرتش اشوف دمعتها دي ضحكتها فرحه لينا كلنا .
معاذ : روعه دي مش اختي روعه دي قلبي بالرغم من عميلها مقدرش ابعد عنها روعه دي قلبنا كلنا الفرحهةال بتلمنا .
مراد : روعه دي تؤام روحي دي مش اختي دي نور عنيا والحته الجوانيه شقوتها بتجنني وبتجي لحد عندي تجي وتقل ساعدني وانا أنا بقلها روعه يانور عنيا أنا تحت امرك .
روعه دي مش اختنا دي نور عنينا وفرحتنا كلنا .
اسمع ياناد هنقولك كلمتين
انت مااختش روعه انت اخت نور عنينا
لو يوم زعلتها أو جيت جنبها متفكرش كتير هتلاقي نفسك في حديد دي محاميه شاطرة واستاذة في المرفعه حتي اسال صحابها كام واحد جبتله اعدام.
متفكرش مرتين روعه مافيش زيها .
قامت روعه سريعا مختضناهم ويبكون جميعا.
نادر:هامسا لنفسه والله ال يشفكم يقول عيله مجانين.
انتهي اخواتها من الغناء والاحضان .
حملوها وتوجهوا بيها الي مكان جلوسها مع نادر .وبعد السلام ونظرات المتبادلة بينهم .
والدموع الهاريه من اعيونهم .
بعد قليل روعه أشارت إلى صدقتها
لمساعدتها في اعدال الفستان لعدم قدرتها علي الوقوف به والتقاط الصور مع المهنئين .
زهل نادر بفتحه الفستان وتحولها الي بنطال .
بعد قليل وجد نادر مجموعه من الفتيات الجميلات يدخلن الحفل والشر يتطاير من اعيونهم .
نادر: يا نهار اسود مين ال عرف دول بالفرح
. نادر ،: روعه أنا هروح الحمام بسرعه وراجع .
روعه :, وهي تعلم سر هروبه همست لصديقتها بامر وبعد قليل عاد نادر يبحث بعينيه في القاعه عن الفتيات وجدهم مازالوا متواجدين .
نادر،: لا يعلم ما يفعله فهو في موقف لا يحسد عليه .
افاق علي صوت صديقه خالد .
خالد:, وهو ينظر إلي نادر الواقف بالقرب من باب خروج القاعه ... وممسك بالميك .
أنا ببارك لاخويا وحبيبي نادر ..نادورة انت واقف عندك ليه كده توجه نظر الجميع ناحيه نادر اقتربت من خلفه فتاة .
الفتاة ما انت حلو اهو وبتجوز يا حضرة الضابط امال ايه حكايه انك مش عاوز تجوز وترمل زوجتك .
خالد :,مناديا نادر متجي يا عريس افرح معانا وهيص
هنزفك احلي. زفه .
نادر وهو يسب في خالد ويقترب من مكان نادر وقفت أحدي الفتيات بجوار وسلمت عليه اهلا اهلا بالشهيد ال خايف يجوز ويستشهد ويسيب مراته ارمله تتعذب بعده .
خالد : يابني واقفت تاني ليه تعالي .
نادر : وهو يبعد عن مكان الفتاة ليصدم باخري ...
اهلا بالباشا الكذاب صدق ال قال يا ما أمنه للرجال .
وأخري : نزعت الوردة التي يضعها في مقدمه بدلته .
وأخري السلسال المزين به جاكت بدلته .
خالد : لو سمحتوا يا بنات ابعدوا شويه عن العريس أنا عارف أنه قمر والبنات بتحبه بس خلاص بقي هو اجوز. ولقي ال خطفت قلبه وتخلي عن العزوبيه والنهاردة فرحه .
نادر:اه ياكذاب بقي دي ال خطفت قلبه .
خالد:بغناء بصوت مضحك .
صحبي وحبيبي خدوة مني .عيون يابوي كلها رجيه.
سرجوه يابوي بنات الجيره خطفوته ملكه حلوة جميله
صحبي وحبيبي خدوة مني عيون يابوي كلها نني .
بس خلاص نسيت الباقي ضحك الموجودين بالقاعه وصل نادر للجلوس بجوار روعه وهو سينفجر من هذا الموقف السخيف الذي وضعه خالد فيه ووجود الفتيات بالقاعه وكل فترة تأتي له فتاة تلقي علي اسماعه تهديدات وكلمات استحكار .
اتي اللواء عاصم وزوجته للمباركه والثناء على جمال روعه ورقه فستانها واخد مجموعه من الصور التذكاريه معا وبجوارهم نيرة وسامر وبعض الصور خالد معهم .
حضر أصدقاء روعه والتقطوا الصور التذكارية .
روعه يابنات مش قادرة افتح عنيا والصداع هيفرتك دماغي .
لو سمحتي يا دارين ياريت تجبلي النظارة .
اتي وقت تقطيع التورته ووقف نادر وجذب يد روعه
لتقف بجوارة بعد احضار صديقتها للنظرتها لاحساسها بالصداع والم براسها.
نادر: مش قادرة تفضلي بنت نص ساعه كمان .
روعه نظرة له بغيظ وقالت له .
الصداع هيفرتك دماغي ولازم البس النظارة .
وايه القرف ال انتي لبساه .
لم تكمل روعه الرد لقيام المسئول عن تقطيع التورته بإعطاء نادر السكين وأمسك يد روعه وقاموا بتقطيعها والتقاط العديد من الصور .بعد فترة من تناول الطعام والمباركات اتي وقت رقصه السلو.
طلبت روعه من نادر الرقص مع والدها ..سعد نادر جدا بهذا ووافق لانه وعد هنا بعدم الرقص معها ..ليستمتع بالرقص معا في زفافهم .
رقصت روعه مع أبيها علي اغنيه
وائل جسار متغيبش ثواني
-----------------------------------
( كده وانت معايا بتوحش قلبي وعيني طب وانت بعيد عن عيني انا ممكن ايه يجرالي ارجوك ما تغيبش ثواني
ده انا وانت معايا بقيت ما بخفش عليا حبيت طعم الحنية
وعشقت حياتي الجاية ومكانك هو مكاني ..
انا عشت حياتي وماتأثرتش بيها غير لما لقيتك فيها
وعرفت ان الأيام كده احلى معاك
دانا عمري بحاله مفيش غيرك قدامي
وعليك انا كل كلامي وبقيت حابب ايامي
من يومك وانت حبيبي ..
انا لما بشوفك عمري بيحلي قصادي والعادي ما يبقاش عادي
دانا قلبي عليك بينادي ومعاك انا شفت نصيبي ..
انا عشت حياتي وما تأثرتش بيها غير لما لقيتك فيها
وعرفت ان الأيام كده احلى معاك ..)
------------------------------------------------
أثناء رقص روعه مع والدها حصرت فتاة جميله اقتربت من مكان نادر الذي هرب وترك القاعه فور اقتربها منه وسط زهول روعه من ابتعاده عن مكان وقوفه بجوارهم .
نادر : ايه المصائب ال بتتحدف عليا دي اه لو اعرف من عرفهم بالفرح .
من خلفه فتاة هيهمك اوي تعرف انك غشاش وكداب
بقي تسبني أنا وتجوز بعد كنت بتقول اخاف أجوزواموت واسيب مراتي ارمله في عز شبابها .
اه يا غشاش .
نادر: رنا الحكايه مش زي ما انتي فهمه أنا ادبست في الجواز دي ..حتي اسالي نيرة انتم صحاب وهتحميلك هو لو أنا مكنتش معجب بيكي وعاوز اكمل كنت عرفت علي اختي .
رنا : احسن حاجه حصلت انك اجوزت وحده زي دي عشان كل يوم تتحسر علي جمالي وحلوتي .
تركته ومشيت ونادر ينظر إلى روعه وهيئتها التي ابدلتها من النظارة الغريبه التي تأكل نصف وجهها ولا الفستان التي قامت بفتحه ليظهر بدله بيضاء .
نادر: شكل ال أنا فيه ده تكفير ذنوب .
فجاء. وضعت بد من الخلف علي كتفه .
وجد بنت أخري اهلا ياعريس. في عريس بسبب عروسته ويقف بعيد كده ولا بتفكر تهرب ولا خايف من حاجه وواقف بعيد كده .
نادر : اهلا صافي ابدا بس انا بحب الهدؤ حبيت ابعد شويه عن الدوشه.
صافي :اه قاتلي دوشه اه يا كداب يا مخادع بقي أنا ال رفضه اجوز عشانك واقول بحبه ولازم استحمل خوفه بعد زميله ال استشهدوا وساروا والدهم صغيرين واتفجء في نفس الاسبوع بجوازك دا انا هخلي. ال ما يشتري يتفرج عليك .
نادر: ممسك يدها صافي اعقلي انا مهما عملت اسمي راجل لكن انتي هضيعي كرمتك قدام الناس لا بباكي ولا اخواتك هيرضوا بكده ...فبلاش تتريني اعمل حاجه تزعلنا من بعض .
صافي نترت يدها من يده عندك حق فعلا انت متستهلش غير القرده ال وقعت فيها عشان كل ما تشوفها تتحسر علي جمالي وحلوتي .
وفى نادر بارتياح لرحيلها ضاحكا هههههههههههه هي فعلا قرده بس كلها كام يوم وتطلب الطلاق بنفسها وتجوز هنايا. القمر مش انتي ياصافي افندي
.
(لا يعلم أن ربك يمهل ولا يهمل فكيف يتلاعب بالفتيات ويتزوج بفتاة ليس لها تجارب بالحياة. ويحب من تستبيح مع القبلات المحرمه) .
ألا يعلم أن كما تدين تدان .
--------------------&-&
بعد انتهاء الرقصه
نبيل:, قبل جبين ابنته وحضنها وببكاء روعه أنا واثق فيكي وعارف انك هترفعي راسي وانك واثقه اني جوزتك نادر بالسرعه دي عشان مصلحتك .
روعه : محتضنه والدها بلبل ما تبكيش بقي ال والله اسيب الفرح وارجع معاك البيت .... والواد معاذ. ينتحر .
تبسم نبيل وقبلها وتركها لصدقائها الذين التفوا بجوارها
روعه وهي تحضن صدقتها متنسوش ال اتفقنا عليه
يوم السبت قضيه ام جلال لازم الاوراق تفضل متوزعه بنا للتطوارئ محدش عارف محامي الخصم ممكن يعمل ايه .
عاد نادر واقترب من روعه هامسا بتتفقي علي مصيبه ايه يلا انا تعبت وعاوز ارتاح .
بعد قليل طلب نادر من أخيه إنهاء الفرح
انتهي الفرح وتوجه الجميع الي ببتهم .
وصل نادر وروعه المنزل
نادر :مبروك يا عروسه .
روعه: مبروك عليك أنا
نادر :,علي ايه أن شاء الله علي جمالك ولا طولك ولا نضارتك والا علي العفريته ال لبسها دي ...في عروسه في الدنيا تلبس بنطلون بدل فستان الفرح .
روعه : لونه ابيض ولا لا يفرق معاك فستان من بنطلون .
نادر :,أيوة يفرق خليتي منظري مسخرة .
روعه : مسخرة ههههههههههههه المسخرة ال انت عملتها يا استاذ بقي في ضابط وعضلات كده يهرب من فرحه .
نادر :هموت واعرف مين عزم البنات في الفرح .
روعه : هههههههههههه وتشير علي نفسها أنا أنا وتجري باتجاه غرفه النوم.
نادر : وهو يجري خلفها : اه يا جلابت المصايب بقي تعزميلي المزز كلهم ويشفوني جنبك يا قرده لازم تقولي جبتي ارقامهم منين .
بقي أنا نادر المصري ال اجمل بنات بتجري ورايا اجوزك انتي يا محاميه ملوخيه والفول والطعميه.
روعه من خلف الباب : انت ليك الشرف يا ضابط علي متفرج .
-------------_--------_سبحان الله.
فجاءه رن جرس الباب ... فتح نادر الباب .... وجد مجموعه من الشباب.ينادون
روعه روعه روعه .
خرجت روعه بشعر منكوش والقطعه الاولي من زيها مشقوق
وأثر ار ضرب علي وجهها.
مين ال عمل فيكي كده ياروعتي.
روعه ببكاء وتشير إلى نادر هوه .
نادر أن لم يكمل كلامه فور تلقيه لكزه من أخيها مروان مش وحده وحده يا عريس هههههههههههه هامسابراحه علي روعه ميغركش شقوتها دي متعرفش حاجه في الجواز وحده وحده اختي وانا ال عرفها.
مازن : ايه ال حصل يخلي عريس يبهدل عروسته كده .
مروان هامسا له ما حدث بينهم علي ما يعتقد .
مروان اخفي صوته يابني هو استعجل وروعه اختك وانت عرفها متعرفش يعني ايه جواز .
انهي كلامه وتحدث الي اخواته
يلا ياشباب بينا حصل خير.
روعه : ميروا هتمشي وتسبني معاه بعد ال عمله .
مروان : حبيبتي ريعوا دي حاجه عاديه بين اي اتنين مجوزين .
يلا يا شباب حصل خير .
خرج اخواتها وهم في قمه غضبهم يندمون علي تركهم اختهم. لولا كلام والدهم لهم بعد الاقتراب من
شقيقتهم وتركها تعتمد على نفسها. والتكيف. مع زوجها .
---------------------------
عند نادر وروعه
اقترب نادر منها وأمسك يدها ووضع اليد الأخري علي فمها حتي لا تصرخ .
نادر:بقي بتعملي تمثليه وجيبالي اخواتك عوزاهم يضربوني اهو مشيوا وسابوكي ليا ....ولو عملتي البدع مش هيرجعوا تاني لأنهم هيكسفوا يرجعوا
اهو انقلب السحر على الساحر.
اخوكي قالك بنفسه دي حاجه طبيعيه بين المتزوجين .
.نظرت روعه له بمكر .ونظرت الي يده علي فمها وقامت ...
روعه قامت باستخدام سلاحها الفتاك وعضته من أصابعه صرخ نادر علي أثر العضه ا.
نادر: ااه يابت العضاضه والله ما سيبك .
روعه جريت بسرعه باتجاة غرفه النوم وأغلقت الباب خلفها .
نادر يخبط علي الباب بعنف. يعني هتفضلي محبوسه قد ايه عندك أنا بقي قعدلك. قدام الباب
فجاءة رن هاتفه نظر الي التلفون وتوجه الغرفه الأخري والقي جسده علي السرير .
نادر:هنايا دايما بتتصلي بيا في وقت مظبوط متعرفيش قد ايه محتاجك دلوقتي تضمني وتاخديني في حضنك .
هنا: ببكاء مصتنع ...مش قادر ه علي بعدك وانا بموت هنا وجنبك وحده تانيه غيري.
نادر: حببتي متزعليش نفسك كلها شهر بالكتير وهطلقها ونجوز علي طول
ظل يتحدثون حتي غاص نادر في ثبات عميق فاق علي ..؟.
صباحا فاق نادر علي صوت في-----------------------
في بيت نبيل،:::::::::::::::وصل نبيل بيته هو وزوجته واختيه وعماد.
عماد: بصوت مخنوق من البكاء. البيت من غير روعه ما يندخلش الله يسامحك يا جوز اختي انت معقبتش روعه انت عقبتنا كلنا .
تركهم نبيل ودخل غرفه روعه محتضنا صورتها ولعبتها المفضله ودموعه تنزل علي خديه ويتذكر طفولتها وايام مرضها وهي معها ...
وفجاءة دخل.
يتبع الفصل العاشر اضغط هنا
- الفهرس يحتوي على جميع فصول الرواية كاملة :"رواية اخوات زوجتي" اضغط على اسم الرواية