رواية غرام وانتقام الفصل الثامن بقلم أميرة جمال
رواية غرام وانتقام الفصل الثامن
اتدمرت ياندى مش عايزه تسيبنى فى حالى خطفت حبيبى وجايه تبوظ سمعتي
وجه الوقت حبيبك يرجعلك
ايه اللى بتقوليه ده عايزانى اخد واحد من مراته
لا هتاخدى حبيبك اللى هى خدته منك
مافيش راجل واحده بتاخده هو اللى بيبقا موافق
تمام وهو دلوقتى موافق وعايزك
وانا مش موافقه
ليه
مش هاخده شفقه عليا ومش مسامحاه على اللى حصل قبل كده منه وأنه اتخلى عنى
اسمعيه
لا
اسمعى منى بدل ماتندمى يمكن كان غصب عنه ماحدش عارف اتعرض لايه
جايه معاه ليه!!
جايه معاكى انتى علشان عارفه حبك ليه وشوفت حبه ليكى فى عنيه اديله فرصه وصلحوا اللى فات بس خلى بالك من رزان مش هترحمك
على اساس والدته هتيجى اصلا انتى بتحلمى
دى بتاعته هو بقا ومسؤليته يجيبها طالما وافق على كلامى
مش مطمنه لكل ده ياندى
ماتقلقيش ياحبيبتى آدم بيحبك وهيخلى باله منك
ربنا يستر
يارب يلا نامى بقا ونبقا نصحى نحضر الغداء
حاضر
********أميرة جمال**************
ايه اللى عملته ده ياادم
ماعملتش حاجه يا ماما
نعم بتمد ايدك على رزان انت اتجننت عارف دى تبقا بنت مين وأبوها يقدر يعمل ايه
عارف كويس ومايقدرش يعمل اى حاجه انا شغلى مظبوط وهو اللى محتاجنى وحتى لو يقدر مايهمنيش هتجوز نغم برضو كفايه اللى رزان عملته فى الشركه والفضيحه ومش هسمح بأى اذى لنغم
ماشاء الله قوتك عليا من دلوقتى ياادم طيب مش موافقه على الجوازه دى ومش رايحه معاك
تمام ياماما اللى يريحك طبعا وانا هسيب الشغل وهتابع شركتى اللى بره وكفايه عليا لحد كده وحضرتك تابعى فلوسك بنفسك
اه بتلوى دراعى يعنى ياادم
العفو ياماما بس من حقى اشوف حياتي وأكمل مع اللى اختارها قلبى ومناسبه ليا
مناسبه ليك من اى اتجاه قولى عيلتها مين هااا وأهلها كان عندهم ايه أراضى ولافلوس
عندهم الأحسن ياماما نغم دى اللى هتصون اسمى وتشيلنى هتبقا عكازى بجد هطمن بوجودها معايا وهتقوينى وأهلها بقا كان عندهم اهم حاجه عزه النفس والكرامة والأصل الطيب والسمعه الطيبه والسيره الحسنه اللى فضلت بعد وفاتهم يااااه ياماما تصدقى عندهم كل حاجه مش عند رزان
وبعد المحاضرة دى برضو مش موافقه
محاضره!!!مافيش فايده براحتك عن إذنك هلم هدومى
كمان هتسيب البيت
اه عايز اغيرجو
وملاك مالكش دعوه بيها
ملاك معايا فى اى مكان ياماما عن إذنك هخليها تجهز وطلع فوق وسابها
كده يانغم انا هعرفك مقامك
**************أميرة جمال************
حضرتك!!
انتى ندى
ايوه
انا نجوى هانم مامت آدم
غنيه عن التعريف ياافندم اتفضلى
ميرسي عايزه اشوف نغم
تمام ثوانى
امممم زى ماانتى يانغم
وهتغير ليه يانجوى هانم
عندك حق أمثالك هيفضلوا زى ماهم
اه انتي جايه تغلطى بقا
لا جايه افكرك بقيمتك
انا عارفاها كويس وقيمتى غاليه اووى ياهانم
تاخدى كمان وتبعدى عنه
هو اللى عايزنى
طيب كده كويس متفقين
على ايه؟؟
ييجى يتقدملك وترفضى
ليه؟؟
مش قولتى هو اللى عايزك
اه بالظبط وانا موافقه على حبه ليا
حب ايه وقرف ايه ده اللى يخليه يبص لواحده زيك مااخليهاش خدامه عندى
انا مش هبقا خدامه هبقا مرات ابنك ياحماتى
هتندمى انتى مش قد اللعبه دى
انا مش بلعب انا بحب آدم ومتمسكه بيه
خلاص ياشاطره استحملى بقا سلام
مع السلامه
*************اميرة جمال*********
نجوى هانم
خير ياحورية
استاذ مصطفى المدير المالى للشركه طالب يقابل حضرتك
طيب دخليه
حاضر ياهانم....اتفضل يااستاذ مصطفى
عامله ايه ياهانم
الحمد لله خير يا مصطفى سايب الشركه وجاى ليه
انا اسف انى جيت من غير ميعاد بس آدم بيه قاديله 3أيام ماجاش الشركه والشغل واقف فيه صفقات محتاجه امضته ومقابلات كتير اجلناها كده هنخسر العمله بتوعنا ياهانم والشركة ممكن تقع خلال شهرين او أقل آدم بيه اللى بيمشى كل حاجه
وانتوا لازمتكم ايه
ياهانم الشركه لازم يكون ليها مدير احنا كل واحد بيقوم بشغله بس فيه حاجات مش من اختصاصنا قايمه على آدم بيه لازم يرجع الشركه فى اقرب وقت
خلاص روح انا هتصرف
حاضر ياهانم
كده ياادم بتلوى دراعى انا هوريكى يانغم
*************اميرة جمال**************
انا اسفه اووى ياندى انا السبب
ايه اللى بتقوليه ده يانغم السبب فى ايه بس
اترفدتى من الشغل بسببى
دى أرزاق يابنتى وربنا هيرزقنا بالاحسن
ونعم بالله بس لولا انى جيت ماكنش حصل كل ده
اوعى تقولى كده تانى هزعل منك بكره ان شاء الله هننزل ندور على شغل تانى وربنا ييسر ونلاقى
بإذن الله
*************اميرة جمال************
الو
ايوه يانجوى هانم
موافقه انك تتجوز نغم ياادم وهروح معاك(وقفلت السكه )
يتبع الفصل التاسع اضغط هنا
- الفهرس يحتوي على جميع فصول الرواية كاملة :"رواية غرام وانتقام" اضغط على اسم الرواية