رواية يا أنا يا هي الفصل السادس بقلم هاجر عبد الرحيم
رواية يا أنا يا هي الفصل السادس
جاسر..لا ياهنا انتى هتيجى تقعدي معانا ف البيت
هنا بخوف..بس انا مش هقدر ابعد عن بابا
وجاسر..وانا مش هقدر اعيش من غير امي
هنا....طب والحل؟
هنا وجاسر بصوا لبعض وحست انه فى حاجة مشتركة ما بينهم
جاسر..مفيش غير حل واحد ولازم ماما وعمى ممدوح يساعدنى فيه عشان الموضوع يمشى بسهولة من غير اي جرح لحد فينا لا عمى ممدوح يتعب بفراق بنته ولا انا كمان مش هعرف اعيش من غير ماما فهيمة استحالة
فهيمة بخوف..واي بقا الحل دا؟
هنا وجاسر بصوت واحد..
هنا..تتجوزي بابا
جاسر..تتجوزي عمي ممدوح
عطية حس ببطنو بتوجعه جامد كأنها فيها سكاكين بتغزر فيه من غير رحمة هنا عرف انه ميعاد الجرعة بتاعتو
فهيمة بصدمة..يالهوي بالى انتوا بتقولوا اي؟ ونبى دا كلام يتقال انت اتجننت ياجاسر؟
جاسر حضنها من كتفها وقال..ياحبيتى انا بحاول اقصر الطريق عشان نخلص من الموضوع دا ومتكملش فيه كتير عشان فى حاجات اهم واولى تاخد الوقت دا دلوقتى فعلا صعب ع هنا تعيش من غير والدها دا اللى رباها ومتنسيش لولاه مكنتش هتبقى موجودة معاكي دلوقت هو مصدر الامان ليها وبعدين عمى ممدوح كمان ليه حق عليها زيك تمام مينفعش بعد اللى عملوا دا كلو يبقى جزاته تبعد عنها ولا انا كلامى غلط
ممدوح..بس يينى
هنا..مفيش بس جاسر بيتكلم صح يابابا وبعدين دا جواز ع سنة الله ورسوله محدش هيقول عليكو كلمة ولو حصل هقطع لسانهم احنا نكتب الكتاب وتيجى تعيش معانا انا مش هعرف اتأقلم ع الحوار دا من غيرك يابابا انا لسة مصدومة ومش فاكرة اي حاجة عن حياتى القديمة هو اه فى احساس كبير شاددنى ليهم بس مش اكبر منك انا عايزة احس بحبك وحب ماما كمان جوايا عشان خاطرى يابابا وافق
جاسر..ولو وافقتو هننزل ونكتب الكتاب انهردة ونطلع ع البيت
عشق كانت متابعة بصدمة بس عاجبها اللى بيحصل ما عدا وجود هنا عندهم ف البيت بس مش هتقدر تتكلم احتراما لجوزها ولفهيمة
عطية..عن اذنكو
هنا بقلق..رايح فين ياعطية
عطية..هخلص حاجة وراجع تانى
هنا...خليك ياعطية عشان موضوعنا لسة مخلص
عطية بتعب..معلش ياهنا انا هروح مشوار كدا صد ورد وراجع نتكلم ف اللى انتى عايزاه كلو
هنا..لا ياعطية انت مش هتمشى من هنا
وكانت هتقوم لولا فهيمة مسكتها وقالت بقلق..رايحة فين يابنتى انتى لسة تعبانة؟
هنا..ماما انا رايحة مع عطية لازم اوقفه ع اللى عايز يعملو كدا بيأذى نفسه وهو مش حاسس
عطية بقا مش قادر خلاص لو قعد ثانية واحدة هيفقد السيطرة ع نفسو وهيخرب الدنيا وساعتها هيخافو منو واستحالة يسلموه هنا وهما مطمنين
وفعلا مشى زي الاعصار
هنا بدموع..لا مستحيل مينفعش ياخد الجرعة لا لا سيبونى لازم اروحله واقوله انى جمبو وفى حاجات حلوة كتير ف الدنيا تستاهل انه يعيشها مينفعش يبقى عبد لرغباتو ابدا دي هتموته بالبطىء اوعوا بقا
وقامت جرى من ع السرير ولبست اسدالها وخرجت وف طريقها لعطية
جاسر مصدوم ومتسمر ف مكانو مفاقش غير ع كلمة ممدوح وهو بيقول..الحقها يبنى عطية مش ف حالته الطبيعة دة مدمن مخدرات ولو هى وقفت قصادو هيقتلها وساعتها هيندم ندم عمرو ف لازم تحافظ عليها وعليه عشان يعدو الموقف دا روح يينى الله يرضى عليك ورجعهالى سليمة انا مش مطمن للجوازة دي مش عشان عطية وحش لا والله عطية حنين بس هنا مش هتقدر عليه لوحدها
فهيمة بعياط..يالهوي مدمن..اخرتها مدمن..ياحبيتى يابنتى ياللى عمرى م فرحتى ولو يوم طول عمرك بتحبى الخير للناس مشوفتيش لحظة حلوة ياحبة عينى ولما حبيتى وفرحتي حصل اي اتهموكي ف شرفك وضربوكي ورموكي ف الشارع وانا؟؟ انا معرفتش احميكى ياضنايا م هو مش بأيدي صدقينى مكنتش اعرف انه كل دة هيجرالك مكنتش اعرف انه احنا عايشين وسط ثعالب ياريتنى ختك وسافرنا بعيد ومش هاخد حاجة لا فلوس ولا نيلة الله يحرق الفلوس اللى يخلو الاخوات يحقدو ع بعض كدا
يارب يوم م الاقيكى اشوفك بين ايدين واحد مدمن لاااا الله ف سما الجوازة دي مش هتم ولو ع موتى
جاسر بقلق..انا هروحلها
عشق مسكت دراعه بخوف وقالت..لا ياجاسر متروحش عشان خاطرى انا مش هستحمل لو جرالك حاجة دا مدمن يعنى مش واعي لاي حاجة بيعملها انا عايزاك ابوس ايدك ياجاسر خليك احنا ملناش دعوة بيه خلينا نمشى من هنا
جاسر طبطب ع ايدها بحب وقال..متخافيش عمر الشقى بقي انا مش هيجرالى حاجة بس البنت محتاجانا مينفعش نمشى ونسيبها دا الغريب بنساعدو هنيجى للقريب ومنعملش كدا وبعدين دي بنت دادة فهيمة ومش هقولك هى اي بالنسبالنا انا هروح اجيبها من عندو ونمشى ع طول اطمنى وخليكى قاعدة معاهم وحاولى تقنعيهم بالجوازة دي عشان مصلحتنا بتقول لازم تتم اتفقنا ياحبيتى؟
عشق بخوف..لا اله الا الله
جاسر باس راسها وقال محمد رسول الله
ومشى فعلا وعشق مكنتش عايزة تسيب ايده هى خايفة من حاجات كتير اوي واهمها كابوسها يتحقق قدام عنيها
عند عطية
احمد..كويس انك جيتى ياهنا..انا مش قادر عليه لوحدي خالص..كل م امسكو يزوقنى وبصى عورنى ف دراعي انا بقيت بخاف منو بيبقى ف الوقت دا عامل زي الطور الهايج انتى مينفعش تقفى قصادو روحي ياهنا انا اللى غلطان ياريتنى م قولتلك ساعديه
هنا..متقولش كدا يااحمد انا هخش حاليا مفيش وقت لازم مياخدش الجرعة دي لازم انت مش فاهم حاجة
وجريت لاوضة عطية واول م فتحت لقت عطية لسة هياخد الحقنة قامت جريت وشدتها منو
عطية بتعب..انتى جيتى ليه؟
هنا..جيت عشانك
عطية..هاتيها
هنا..هى اي؟
عطية بتعب..بلاش استعباط ياهنا هاتى الحقنة انا بموت لازم اخدها انا مش قادر اقوم من مكاني هاتيها بقاااا
هنا...لا ياعطية انت مش هتاخد الحقنة ع جثتى لو ختها
عطية قام بعصيية وشدها من دراعتها جامد
هنا بوجع...ااااه ايدي سيينى ياعطية انت بتوجعنى
عطية بعصبية...انتي اللى مصممة تطلعى الوحش اللى جوايا
هنا عيطت وقالت..بس انت مش وحش انت طيب؟
عطية..ههههههههه مين قالك كدا؟ دا انتى غلبانة اوي
وخنقها وقال بصريخ هااااااتى الحقققققنة
هنا بعدت عنو وقالت بتصميم..يبقى اقتلنى الاول وبعدين لو ع الحقنة اهي الحقنة ورميتها من الشباك
عطية..لااااااااا
وجرى ناحية الشباك عشان يلحقها بس هى كانت خلاص اتكسرت
شد شعرو جامد وكسر كل اللى حواليه ومفيش ع لسانو غير كلمة واحد بس..ليييييه ليييييه انا تعبااااااان تعباااااااان اااااااااه
وركع ع رجلو وعمال يصرخ وهنا عايزة تروحلو بس خايفة منو بس مينفعش تسيبو كدا
عطية بصلها وقال..انتى السبب ف وجعى دا
وقام شدها من حجابها وقال بصريخ...دلوقت حالا تجيبلى الحقنة دي والا هطلع روحك ف ايدي انتى فاهمة انا مش فاهم انتى عايزة منى اي ها؟ اي اللى جابك انا مش قولتلك خليكى وانا شوية وراجع لو خت الحقنة كنت جيتلك وانا كويس وساعتها هتجوزك غصب عن الكل بس دلوقت انتى كرهتينى وخوفك منى زاد واهلك دول اللى طلعولى ف البخت كمان
وفضل يهزها بعنف وهو بيقول..انا مش هسمحلك تمشى وتسبينى انتى حبيتى ومراتى وليا لوحدي هنا حبيتى قوليلى انك ليا يلا
هنا كانت خايفة ومش قادرة تتكلم
عطية بصريخ..انطقققققي بقاااااااا يلااااااا ايييييي القطة كلللللت لسااااااااانك قووووولى انك بتااااااعتى
هنا بعياط..عطية سيبنى ابوس ايدك كفايا انا مش مستحملة ااااه دا حرااام والله
عطية شدها اكتر..وانتى اللى بتعمليه فيا دااا مش حرام انتى هتتجوزينى انهردة برضاكي او غصب عنك
وزقها بعيد عنو وقال..غورى بقا من وشى
راح وفتح الدرج وطلع منو برشام ضحك بامل وجاي ياخدو هنا جريت لعندو
هنا...لا هات البرشام
عطية..ليه ها انا هاخدو وابقى كويس وساعتها لا هصرخ ولا هتعصب وهتشوفى عطية الكويس اللى بتحبيه
هنا..لا ياعطية هات البرشام عشان خاطرى لازم تتعود ع الوجع دا عشان ربنا يشفيك من اللى انت فيه كدا انت ضعيف واستحالة اسيبك تضيع نفسك انا كدا مش هتجوزك ياعطية
عطية مسكها من بقها بعنف وقال..لو نطقتى الكلمة دي تانى متلوميش غير نفسك فاهمة
هنا..طب حاضر هات البرشام بقا
عطية زقها وقال..لا انا هاخدو
راحت هنا ضربته ببطنه جامد وخدت البرشام منو راح عطبة اتعصب وشدها من شعرها وضربها بالقلم وهو بيصرخ وبيقول..يابنت الكلللللب
وقعت ع الارض وخنقها بايدو ولف الحجاب ع دماغها وشعرها للاسف بان وهى فضلت تعيط وتصرخ وتستغفر وصوتها اصلا كان طالع بالعافية
لاااات ياعطية لا اله الا الله عطية انا هنا يااااااارب
الباب خبط بعنف واحمد فتح واتصدم بلكمة قوية من جاسر
احمد..الله يخربيت معرفتك ياعطية ويخربيت ايامك السودة انا مالى ياعم
جاسر..قاعد زي النسوان خايف تخش تنقذ البنت الغلبانة دي انا هبقى واحد.......لو خليتو يشم ضفر واحد منها بعد كدا
وجرى ناحية الاوضة اتصدم بعطية بيخنق هنا
جرى ناحية عطية وشدها من عليها وهى فضلت تزحف ناحية الحيطة وكورت رجليها وفضلت تعيط بصوت عالى
جاسر بعصيية..منا هستنى اي من واحد مدمن زيك انتى عملت كل دا ليه ها عشان عايزاك تبقى بنى ادم متبقاش ذليل وعبد للمخدرات والقرف اللى بتشربه وعايز تتجوزها عشان لو وقفت قصادك تقتلها وتحسر قلب امها عليها انت انسان لا يؤتمن معرفش ازاي كنت هوافق ع جوازك منها لو حد عاقل استحالة يفكر فيك عايز تتجوزها يبقى تتعالح وتبقى شخص عاقل ساعتها تتجوزها لكن من هنا لحد دا م يحصل مشوفش وشك انت فاهم ولو ع البرشام خد اهو
ورماه ف وشه وعطية خدو فعلا بلهفة جاسر جرى ناحية هنا لقاها بشعرها غض بصره عنها وشاف للطرحة راح خدها ولف راس هنا بيه
وقالها..اومى ياهنا
هنا بصت ف عنيه وافتكرت مشهد اغتصاب حسين ليها والمشهد دا كان بيقتل عقلها بالبطىء
جاسر بقلق..هنا انتى كويسة؟
هنا بعياط..عايزة اروح روحنى
جاسر..طب تعالي معايا
هنا بعياط..مش قادرة اتحرك عايزة بابا عايزة بابا ودينى لبابا
جاسر حس ناحيتها بشفقة وقالها..طب اهدي هوديكى ليه
هنا بصت لعطية لقيته بيعيط وبيبصلها بندم شديد
هنا كانت هتقع بس جاسر مسكها بقلق وبص ف عنيها هى بصتله والاتنين حسوا بأحساس غريب
مفقوش غير ع صوت فهيمة وصدمة عشق باللى شافتو واللى حصل هو
رواية يانا ياهي الحلقة 6
جاسر بعد عن هنا اول م شاف عشق وفهيمة جريت ناحيتها واول م هنا شافتها اترمت ف حضنها وفضلت تعيط
فهيمة بصت ناحية رقبتها لقتها معلمة جامد اوي بصت لعطية بصات نارية لو كانت حقيقية بجد كان زمانو مات
عطية مقدرش يبص ف عنيها وحس اد اي هو انسان خسيس أذى الحاجة الحلوة الوحيدة اللى ف حياتو
عشق بصت لجاسر بعتاب وجريت برة الشقة وجاسر قلبه اتنفض من الخوف وراح عشان يلحقها
جاسر مسك ايدها وقال..اقفى بقا قطعتى نفسى الموضوع مش زي م انتى فاهمة خلي عندك ثقة فيا انتى متعرفيش انا لما دخلت شوفت اي البنت كانت هتموت عطية كان عايز يخنقها بسبب انها مكنتش عايزاه ياخد البرشام احنا كدا مينفعش نجوزها ليه ابدا خطر عليها بجد هى فضلت تعيط وشكلها كان يصعب ع الكافر حاولت اساعدها من باب الشفقة مش اكتر لكن انا بحبك انتى
عشق بعصبية وغيرة...لا ياجاسر انت مش واخد بالك من حاجة مهمة اوي وللاسف انا الوحيدا اللى شايفاها عشان انا ست وبحب جوزي واقدر اعرف من نظراته هو بيفكر ف اي خصوصا لو واحد ف المية من قلبه مال لواحدة تانية انت مشوفتش نظراتك ليها دا انت اول م عينك بتيجى ف عينها بتنسى الدنيا وما فيها
جاسر..عشق!! انتى بتقولى اي؟ دا اتهام مقدرش اقبلو ع نفسى ياريت قبل م تقولي اي كلمة ليا تفكرى كويس عشان نتيجتها ممكن تزعلنا وتوصلنا لطريق مش عايزين نوصلو انا بحبك انتى وهنا دي مشوفتهاش غير انهردة بس ومظنش حبى ليكى ضعيف اوي لدرجة لما اشوف واحدة غيرك احبها ولا اعجب بيها حتى انتى فاهمة بجد زعلتينى ومش هعاتبك دلوقت ع كلامك دا عشان مقدر حبك وغيرتك عليا بس ياريت تخلي غيرتك تبنى حبنا مش تهدمو يلا خلينا نشوف هنعمل اي لازم نخلص الحوار دا عشان نروح اتفضلى يلا
عشق بعصبية..لا ياجاسر انا مش طايقة ابصلها
جاسر..انت اي اللى جرالك؟
عشق..في انه فى واحدة بقت خطر عليا وممكن تاخد جوزي منى عايزنى اعمل اي اسقف صح؟ لا طبعا انا لازم اخد موقف هنا استحالة تعيش معانا ف الييت ويانا ياهي ياجاسر ف بيتك انا هروح دلوقت وهنشوف بقا حبك ليا اقوي ولا الشفقة اللى بتحسها ناحية هنا اقوي دي لو كانت شفقة اصلا عن اذنك
عشق مشيت وجاسر لسة واقف مصدوم وجيلو احساس انه عايز يكسر كل اللى حواليه وفعلا مسك الفازة وكسرها وشد شعره جامد اوي هو بيحبها حب هوسى وجنونى وصعب يحب غيرها ابدا وصعب يتشد لاي واحدة حتى لو ملكة جمال بس لاول مرة يحس انه عشق مش واثقة فيه وسهل ييجى ع بالها انه ممكن يخونها ويميل لغيرها
احمد..اعملك قهوة؟
جاسر بصلو بأستغراب وقالو..انت هنا من امتي؟
احمد بصلو بسماجة وغباء وخايف يقوله انه سمع كل حاجة بالصدفة بس جاسر فهم نظراته وتنهد بقلة حيلة ودخل الاوضة تانى
ف العربية
عشق فضلت تعيط وتصرخ وعمالة تخبط ف دريكسيون العربية جامد والغيرة نار عمالة تحرقها وتموتها بالبطىء
عشق..كدا ياجاسر..تسيبنى متضايقة ومتجيش ورايا كأنو سهل عليك اللى قولتله يعنى اي بقا؟ يعنى حلمى هيتحقق اللى اسمها هنا دي هتاخدك منى؟ لا مستحيل دا انا اتمنالك الموت ولا اشوفك مع واحدة تانية وحيات ربنا هطلع اسوا ما فيا لو وصل انى اطردها من بيتى هعمل كدا ايوة دا بيتى ومش هخليها تخشو ابدا عشان دخلتها خراب ع بيتى لازم احافظ ع بيتى منها جاسر بيحبنى ولو حس انى هضيع من ايدو هيخليها تعيش ف اي حتة بعيد عننا ايوة لازم ولو ع دادة فهيمة هخليها تروح معاها انا بحبها اه بس مش اكتر من بيتى وجوزي لازم الحق امنع المصيبة قبل م تحصل ومحدش يقدر يلومنى ع اللى ناوية عليه
ترن ترن
عشق..الو
......
عشق...ايدة هو انهردة..والله ياسوزي نسيت خالص انه ورايا تصوير ممكن تأجليه معلش انا مودي وحش والشغل مش هيبقى احسن حاجة وانتى عارفة شغلى مش بحب اقصر فيه
.......
عشق..لا ابدا انا تمام بس ظروف كدا ف البيت اطمنى انا بكرة هاجى ومش مهم نكثف الشغل انا معنديش مشاكل بس اعفينى انهردة
............
عشق....تمام ياسوزي..متشكرة جدا ليكى...سلام
.....
ف شقة الحاج ممدوح
فيهمة بصريخ...الحقنى ياجااااااسر اميييرة بتتشنج جااامد اوي ليه كدا اتصرف بسرعة كلم الدكتور يشوفها مالها؟
قبل نص ساعة من حالة تشنج هنا
هنا كانت بتعيط جامد وجاسر اول م دخلها بعد خناقته مع عشق طلب من فهيمة تاخدها وترجع لشقتها
ومشيو فعلا بعديها احمد دخل الاوضة لقا عطية قاعد وعنيه حمرا من العياط وراسه ف الارض مش قادر يبص ف عيون جاسر
جاسر...انا بجد مش قادر افهمك وخايف ابقى بظلمك ببعد اميرة عنك؟
احمد..ياجدعاااان انا توهت منكو واتلغبطت هى اميرة ولا هنا انا عقلى هيشت مني
جاسر..من هنا ورايح اسمها أميرة ولازم الكل يناديها بالاسم دا لازم ترجع لحياتها ولأمها وتعيش اللى جاي من عمرها وهى مبسوطة وسعيدة
عطية بندم..انا اسف
جاسر..اسفك دا مش هيفدنى باي حاجة اسمع ياعطية ابعد عن اميرة خالص ولو عايز ترجعلها يبقى لما تتعالج وتيجى وانت شغال وقادر تفتح بيت وسمعتك كويسة وسط الناس واحس فعلا انك اتغيرت وتنسى خالص الشم والمخدرات والا خليك غرقان فيهم بس ساعتها انسى اميرة خالص.انا مش هأمرك بس اعتبرو اتفاق ما بينا اتفاق رجالة انا مستعد اساعدك عشان تتعالج بس اياك تتعرض لأميرة وانا بنفسى اللى هاجى معاك اخطبهالك اول م تقف ع رجليك اظن كدا عدانى العيب بس اوعا تتعرضلها عشان لو دا حصل اتفاقى معاك هيبقى ملغي تمام؟
عطية متكلمش ولا علق ع كلامو
جاسر بصله بجمود وخرج يشوف اميرة
احمد راح لعطية وقال بعتاب..ليه ياصاحبي كدا؟
عطية بتعب..ابوس ايدك يأحمد ابعد عنى انا مش حمل خالص حد يعاتبنى ولا يقولى اللى عملته غلط كفايا الندم والوجع اللى جوايا اتفضل برة وسيبنى انا اللى غلط وانا اللى ليا الحق احاسب نفسى ولو ع كلام الجدع دا انا عارف ازاي اندمو ع اللى قالو ولسانو دا اقطعه عشان مناخيرو اللى ف السما دي انا هكسرها واخليها ف سابع ارض
وبصريخ قال..امشي يلااااااااا
احمد خرج فعلا من الاوضة وبيدعى لصاحبو يفوق لنفسه قبل فوات الاوان عشان حتى لو ندم مش هيبقا ليه لازمة
عند اميرة
جاسر بقلق..حاضر هكلم الدكتور
فهيمة بقلق وعياط..طب تعال يبنى امسكها انا مش قادرة عليها لوحدي
جاسر..حاضر
وفعلا مسكها جامد من دراعتها وهى بتتشنج جاامد وبتصرخ وعمالة تقول..لااااا ياحسييين والله م عملت حاجة سيبنى لا ابوس ايدك بلاش لا انا مظلومة والله العظيم بحبك انت وعمرى م حييت غيرك بلاش تاخد منى حاجة غصب عنى حراااام عليك لاااااا ياماماااااااا
فيهمة بعياط..ياقلب امك سامحينى يابنتى سامحينى انا اسفة معرفتش احميكى
اميرة بعياط...لاااا لااااا ابعد عنى لااااااااا ااااااااااااه
واغمي عليها وسط صدمة اللى موجودين
جاسر..ازاي قادرة تستحمل كل الوجع دا؟
ممدوح بخوف..هى كدا افتكرت كل حاجة؟
جاسر..بالظبط احنا هناخدها البيت وهبعتلها دكتور نفسى يكون كويس يتابع حالتها الحارة خطر عليها ومش هتتحسن وهى فيها بالعكس هتسوء
ممدوح بخوف...هتاخدوها مني؟
جاسر.. لا ياعمى متقولش كدا انت هتيجى معانا فى شقة انا بقعد فيها ساعات هى فاضية يعنى تقدر تقعد فيها لحد بس م نطمن ع اميرة وبعديها نكتب الكتاب ان شاء الله اديك شايف اللى احنا فيه
ممدوح بص لفهيمة بتوتر وبعديها ع اميرة وتنهد بقلة حيلة وقال..حاضر يينى اللى تشوفو خير ان شاء الله
ف شقة جاسر
عشق فضلت تروح وتيجى بعصيية وكل شوية بتبص ع الساعة
عشق...ماشى ياجاسر لما تيجى بس ...والله العظيم اليوم دا م هيعدي ع خير ابدا
الباب خبط تنهدت بفرح وجريت تفتح
جاسر..اي ياجاسر اتاخرت لي مع...
قاطعها جاسر وهو شايل اميرة ومعاه الدكتور وفهيمة وممدوح ودخلها الاوضة اللى بتنام فيها فهيمة
جاسر دخل الاوضة بس قبل م يدخل بص لعشق نظرة معناها ساعدينى واقفى جمبى انا بحبك لكن غيرتها وخوفها من الحلم منعها من انها تفهم جوزها وتساعدو بس كل اللى عايزاه تحافظ ع بيتها من الخراب
ف الاوضة
الدكتور..هى هتحتاج جلسات كتير عشان ترجع لحياتها الطبيعية من تانى
جاسر..احنا معاها واكيد هنساعدها
الدكتور..تمام الجلسات دي هتكون عندي ف العيادة مواعيدها تلت ايام ف الاسبوع من 9 ل 1 ان شاء الله
جاسر..طب يادكتور اول م تفوق هنتعامل معاها ازاي
الدكتور.. احتوو الموقف ع اد متقدرو بس عشان تحس بالامان وتثق فيكو عشان لو دا حصل هتحكى كل اللى جواها من غير خوف ودا هيساعدنا جامد ف علاجها بس اتمنى متاخدش اي ادوية نهاءى وخليها تتعامل بطبيعتها
جاسر..فاهم يادكتور..اتفضل معايا
ف اوضة عشق
عشق بعياط..ماشى ياجاسر والله العظيم منا قاعدالك فيها
وفعلا قامت تلم هدومها وتمشى من البيت
عند اميرة
فهيمة جاسر يبنى
جاسر..ايوة يادادة انا سامعك
فهيمة..شكرا بجد يينى تعرف انا لو معايا ولد مكنش عمل اللى بتعملو دا
جاسر..بس انا ابنك فعلا
فهيمة باست راسه وقالت عشان كدا انا عايزة اعاتبك
جاسر...انا عملت حاجة ضايقتك؟
فهيمة لا بس عملت مع بنتى عشق انت مش مراعي مشاعرها خالص وهى متضايقة والكل لاحظ هى بتحبك وغيرانة غليك لازم تبقى معاها وتسمعها وتطمنها هى معندهاش مشكلة مع اميرة بس هى خايفة من اي ست تيجى ف حياتك حبها ليك بيجبرها تبقى انانية عشان تحافظ عليك
جاسر تنهد بتعب وقال..بس انا بحبها فعلا والله انا مش شايف ست غيرها الانوثة معناها عشق دي فتنة ماشية ع الارض ابص لغيرها ازاي بس ابقى معايا الدهب ابص ع الفلصو ازاي؟
فهيمة..يعنى كل اللى بيشدك لعشق شكلها وبس؟
جاسر..لا طبعا يادادة انا بحب عشق بكل حاجة فيها مش بس شكلها انا اقصد يعنى انه عشق فيها كل اللى يتمناه اي راجل الجمال والحنية والاخلاق والجنون عشق ملكتنى انا اللى صادمنى انها مش واثقة فيا وبتقول كلام بيضايقنى لولا انى عارفها كان زمانى خت ع خاطري جامد اوي
فهيمة..طب يلا روح لمراتك وانا هقعد مع اميرة كفايا اوي اللى عملته لحد دلوقت اميرة مسؤلة منى وبس وطلب ياجاسر مش عايزاك تحتك بيها قدام عشق ولا تتكلم عليها كمان مش عايزة يبنى تشيل منها هيحصل مشاكل ملهاش اول من اخر مش عايزة ابقى بين نارين
جاسر..حاضر يادادة اللى انتى عايزاه
وبص لعم ممدوح..يلا ياعمي اطلعك ف الشقة فوق لحد بكرة وهتنزل تعيش معانا هنا
ممدوح بتعب..بتقل عليكو يينى معلش والله اللى مقعدنى الشديد القوي انا عارف اني حمل كبير عشان كدا انا ممكن امشى وابقى اجي اطل عليها من الوقت للتانى
جاسر..متقولش كدا ياعمى دا انت منورك والله ولا اي يادادة؟
ونغزها ف كتفها عشان تتكلم
فهيمة..ها اه اه اومال اي خليك ياحاج انت منور والله
جاسر..اي الجمال دا تصدقى هدمع من الرومانسية
فهيمة..بس ياواد عيب يلا روح لمراتك مينفعش تسيبها كدا يلا
ف اوضة عشق
جاسر راح وصل ممدوح وحاول يحسسه انه وجوده مرغوب فيه وبقا جزء من العيلة فعلا لحد م اطمن خلص معاه ودخل اوضة عشق اتصدم ب
عند عطية
احمد بصدمة..انت بتقول اي يخربيتك؟
عطية..اللى سمعتو مش بحب اكرر كلامى مرتين
احمد..هتخطفها يعنى اي؟
عطية..يعنى هاخدها بعيد عنهم واتجوزها وهتعالج بس وهى معايا
احمد..بس انت ممكن تأذيها ولازم اقولك كدا عشان دا اللى شوفته بعينى لولا جاسر جي كان البت هتموت ف ايدك
عطية..منا اول م احس انه الجرعة ميعادها جي هبعد عنها لحد م ابقى كويس وبكدا مفيش حاجة هتحصل
احمد..عطية بلاش تهور تعالى ونفكر بالعقل
عطية..انا خلاص مبقاش فيا عقل انا قررت ومش هرجع عن قرارى جاسر دا هيبعدنى عنها واكيد بيكدب عليا عشان اسكت ومتعرضلهاش هو ميعرفش انا بحب هنا اد اي واللى سكتنى اني كنت عايزو يطمن عشان لما اضرب ضربتي محدش يحس بكرة هتكون هنا معايا وف بيتى وتحت طوعي والراجل يقرب منها ساعتها هفعصه زي الصرصار
وغور بقا خلينى اشوف هاخدها منهم ازاي امشى بقا
وزقه وخرج برة الاوضة
عند عشق
جاسر..انت عايزة تمشى؟
عشق..مليش مكان هنا خلاص
جاسر..لا اكيد فى حاجة انتى مش عشق اللى بحبها رجعيلى عشق حالا فين عشق اللى لما ببصلها كانت بتضحك ف وشى..فين عشق اللى لو حد قالها اني بخونها متصدقش وتنام مرتاحة حتى لو بعيد عنها؟ فين عشق اللى لما ببص ف عنيها بلاقيها طفلة وانا ابوها واول م اخش بتجرى عليا وتاخدنى بالحضن وتقولى وحشتنى؟ فين عشق اللى بصحى من النوم ع حاجات مجنونة بتعملها وتقعد تدلع عليا وضحكتها مكنتش بتفارق وشها؟ فين عشق اللى لما بنتخانق كانت بتراضينى ومفيش يوم يعدي واحنا زعلانين من بعض؟ عشق مكنتش تقدر تبعد عنى دقيقة وانتى دلوقت عايزة تمشي وتسيبنى
عشق بجمود عكس النار اللى جواها
انا قولتلك يأنا ياهي ف الييت وانت اخترتها هي دا معناه انك مش حابب وجودى وهى اهم عندك منى عشان كدا هريحك وابعد وساعتها تقدر تعمل كل اللى انت عايزو ومش هبقى قاعدة ع دماغك ومتحسش بالذنب بقا خلاص
جاسر..عشق انتى ف وعيك بجد يعنى اخد ع كلامك واحسبك عليه ولا اقول دي مجنونة خليك عاقل ومتاخدش ع كلامها اهدي كدا ياعشق انتى مينفعش تقارنى نفسك بيها اصلا
عشق بغيرة..ليه بقا ان شاء الله احلى منى ولا احلى مني؟
جاسر ضحك بصوته كلو ومسكها من خدودها وقالها تعرفى قلبى لما بيبقى عطشان بيرتوي بحبك انتى عيونك بحر بغرق فيه كل يوم مهما تعملي هفضل اعشقك عشان انتى مش بس مقترنة بروحي لا كمان مقترنة بأسمي
عشق..كل بعقلي حلاوة...تعرف ياجاسر لو بصيت لواحدة غيرى هعمل فيك اي؟ اقسم بالله لدبحك بس كدا
جاسر..تعرفى انا نفسى اكلك كلك كدا ع بعضك مش عقلك بس...لكن انتى دايما بتنكدي ع الواحد الطبيعى بعد التعب دا كلو الاقيكى نايمة مستنيانى وتاخدينى بالحضن وتلعبي ف شعرى زي زمان وانام وانا بين ايديكى وبتغنيلى كمان وتأكديلى انه مهما يحصل هيفضل حبنا اقوي من اي مشكلة وهنعديها طول م احنا سوا بذمتك انا استاهل منك غير كدا ها قولى؟
عشق بصت ف الارض وقالت..انت مش فاهم حاجة اللى اسمها هنا ولا اميرة دي بخاف منها انا شوفتها ف الحلم وانت اتجوزتها وعايزها تشاركنى فيك عادي عشان كدا لما بشوفها بتعصب ومش بقدر اتحكم ف نفسى
جاسر..والله؟
عشق..مش مصدقنى صح؟
جاسر..اصل غريية دي انتى مشوفتهاش قبل كدا اصلا عشان تحلمى بيها لا وكمان خلاص حكمتى علينا بالهم دا ياحبيتى لازم تعرفى انه كل حاجة متوقعة هتيجى لو فكرتى ف الوحش مش هييجى غيرو لكن لو انتى واثقة فيا والثقة دي خليتيها سلاحك مفيش اي حاجة وحشة هتحصلك ولا فكرة سلبية هتأثر عليكى انا استحالة اظلمك
عشق..افهم من كدا انك هتخليها ف البيت؟
جاسر..عندك حل تانى يعنى لو عندك قولى وانا مستعد انفذو دلوقت حالا كمان عايزا حاجة تانى
عشق..مشيها وهاتلها اي بيت ولو ع دادة فهيمة خليها تروح معاها عادي مش مهم اهم حاجة بيتنا
جاسر اتصدم وقال..معقول!!! لاااا انا لو فضلت قاعد معاكى هرتكب جناية انتى ازاي مقتنعة انى هوافق ع دا ازاي قلبك طوعك يقولها اصلا انا كنت فاكر انه دادة فهيمة تهمك زيي ويمكن اكتر لكن معرفش انك انانية لدرجة انك عايزاها تبعد واحنا مشوفناش منها غير كل خير ماشى ياعشق انا هنام ع الكنبة ومش عايز اسمع ولا كلمة عايزة تقعدي اتفضلى عايزة تمشى اتفضلى الباب مفتوح اهو بس يكون ف علمك لما تخرجي من البيت دا تأكدي انه كل حاجة هتتغير ومش هتبقى زي الاول ادينى حزرتك اهو... تصبحى ع خير
دخل الحمام عشان ياخد شاور ويغير هدومه وهى قاعدة ساكتة ومش بتتكلم فكرت تمشى بس تحذير جاسر ليها خوفها هى عارفاه كويس ممكن فعلا يصدق ف كلامو ودا اللى متقدرش
تنهدت بتعب وقامت غيرت هدومها بلبس نوم مريح وقعدت بس مجالهاش نوم
جاسر خرج وقعد ع الكنبة
جاسر..دا عقابك رغم اني بعاقب نفسى معاكي بس انتى تستاهلي
عشق قامت وقعدت جمبو وقالت..انا اسفة تعالى بقا نام ع سريرك
جاسر..لا
عشق..وغلاوة عشق عندك
جاسر..عشق غلطت لازم تتعاقب
عشق..عشق تموت ولا تبعد عنها لحظة
جاسر قام وتنهد بتعب..انا عارفك مش هتسينى انام مرتاح ابدا
عشق..عشان انا راحتك
جاسر..لا وانتى الصادقة انتى تعبى وراحتى مع بعض
عشق حضنته وقالتله..انا بحبك اوي ياجاسر
جاسر حضنها وقال..وانا كمان بحبك..طب يلا صالحينى
عشق..عايز اي؟
جاسر..بوسة
عشق بخبث..بس دي تمنها غالي؟
جاسر شالها وقال..عشق تؤمر وانا اتفذ
عشق..تعالى نام جمبى ومتزعلش منى ابدا وتستحملنى حتى لو قولت اي بردو انا ليا حق عليك لازم تسمعنى وتحتوينى عشان انا مليش غيرك انت اهلي وناسى كلهم لما بشوفك مع غيرى بتجنن وببقى عايزا اهد الدنيا واخبيك جوايا انت مش بس حبييى لا انت ابني زي منا بنتك وانا اسفة عشان اتسرعت وكنت هتنازل عنك بسهولة كدا لكن دا مش هيحصل تانى ابدا ومش هفتح سكة لاي واحدة تدخلك فيها وتاخدك منى ياخدها ملك الموت الاول فبل متفكر فيك
وف لحظة تسرع دعت ع اميرة وقالت..قادر ياكريم بارب
جاسر ضحك بصوته كلو وفضل يقولها كلام حلو وخدها ف العالم بتاعهم وهى كانت اكتر من مرحبة❤️🌷
تانى يوم
ف اوضة جاسر
فيهمة كانت بتخبط عليهم جاسر قام لقا عشق نيمة ف حضنو باس راسها وبعد عنها بهدوء ولبس وراح فتحلها
جاسر..صباح الفل
فهيمة..جاسر يبنى اميرة مش عايزة تصحى لحد دلوقت انا خايفة
جاسر..انا هروح معاكي دلوقت اطمنى هتبقى كويسة يلا بينا
وراحو فعلا عشق صحيت وبصت للسقف وقالت..ياترى اخرة الموضوع دا
يتبع الفصل السابع اضغط هنا
- الفهرس يحتوي على جميع فصول الرواية كاملة :"رواية يا أنا يا هي" اضغط على اسم الرواية