رواية بنت أصول البارت السادس 6 بقلم ملك محمد
رواية بنت أصول الفصل السادس 6
بعد ماتمت اول رؤيه شرعيه بين معاذ ومريم
في منزل معاذ
رنا : ها يامعاذ اي رأيك فيها
معاذ : يخربيت كدا البت قمر يابت
رنا : مش قولتلك وانت مصدقتنيش
والدته : المشكله ان انا حاسه انها مش هتوافق
معاذ بص لرنا
رنا : انا مليش دعوه متبصليش كدا انا عملت كل ال انتو قولتولي عليه وكفايه عليا لحد كدا طلعوني بره اللعبه
معاذ بلطف : رنوش حبيبي اسمعي الكلام وخليكي زي الشطوره انتي دلوقتي صاحبتها وبقيتي قريبه منها دورك دلوقتي اهم
رنا : اهم ازاي مانا حكتلها كل حاجه عنك
معاذ : حكيتي وكنت لسه متقدمتش انما اتقدمت دلوقتي يعني دورك تقنعيها توافق
والدته : تصدق فكره دي بتحب رنا اوي
رنا : يادي النيله
____________
في منزل مريم
: يابنتي كفايه تنشنت دماغ بقى واسمعي الكلام مره واحده
: ياماما افهمي انتي انا مش مرتاحه
: الشاب ميتعيبش يامريم ال مش مريحك
: معرفش بس حاسه ان مش هو داه
: يعني لو جالك غيره هتوافقي
: بصراحه لا انا مش عايزه اتجوز اساسا
: اه قولي كدا بقى انتي مشكلتك مع موضوع الخلفه مش مع معاذ
: لا لا انا فعلا مش مرتحاله
فجأه يرن جرس الباب وتقوم والدتها تفتح لقت رنا ف وشها كالعاده
: ازيك يارنا تعالي ياحبيبتي
رنا : الحمدلله ياطنط مريم جوه
: اه ادخليلها روحي
دخلت رنا لمريم اوضتها
مريم بإبتسامه : تعالي يارنوش
: وحشتيني
مريم : وانتي كمان ياقلبي
رنا قعدت جمبها وقالت بفرح: ها شوفتي معاذ اخويا عجبك
مريم بكسوف: مشفتوش اوي يعني
رنا بضحك: ازاي يابنتي مش كان قاعد قدامك
مريم : بصراحه مبصتلوش اوي حسيته حاجه كبيره كدا
رنا بهزار : بصي هو اه طويل وابو عضلات ف نفسه بس حنين اوي والله
مريم بفضول : هو قال اي عني
رنا : قال اي دا قال وقال انتي عملتي في اي دا من وقت ماروح وهو عمال يشكر فيكي اوي
مريم بكسوف : اه طيب
رنا : اي ال طيب احنا عايزين موافقتك قولتي اي
مريم بحزن : بصراحه انا مش موافقه
رنا : ليه بس يامريم معاذ اخويا كويس اوي
مريم : انا مقولتش حاجه عنه انا بتكلم عني انا انا مش موافقه
رنا : طب ممكن اعرف رافضه ليه
فجأه مريم بتسمع اذان العصر قالت لرنا
: تعالي بس نصلي الأول ونكمل كلامنا
رنا بتعجب : نصلي اي دا لسه بيأذن
مريم : طب ماهو دا الطبيعي نصلي اول لما نسمع الآذان
رنا : ليه يابنتي دا بين العصر والمغرب يوم كامل كملي بس ال كنا بنتكلم فيه وبعدين هنصلي لسه بدري
مريم : لا ياقلبي الرسول صل الله عليه وسلم لما عبدالله بن مسعود سأله اي الأعمال احب الى الله الرسول قال الصلاة على وقتها وال انتي متعرفهوش انك تسيبي الصلاه لآخر وقتها دا تقصير الا لو كان عندك عذر
رنا : بصراحه يعني انا اوقات بكسل
مريم : عارفه بتكسلي ليه لأنك بتسبيها لآخر الوقت انما لو اول ما سمعتي الآذان قومتي ع طول بدون تفكير وقبل الشيطان ميوسوس ليكي هتلاقي الموضوع بسيط جدا
رنا : هي الصلاه مهمه يامريم
مريم : يااه مهمه بس الصلاه هي عمود الدين وثاني اركان الإسلام بعد الشهادتين ع طول يعني قولتي اشهد ان لا اله الا الله بعدها ع طول الصلاه مفيش كلام الصلاه هي أول حاجه هيتسأل عليها العبد يوم القيامه وهي ال بتمييز المسلم عن الكافر الرسول صل الله عليه وسلم قال العهد الذي بيننا وبينهم الصلاه ومن تركها فقد كفر
رنا : للدرجادي الصلاه مهمه دا ع كدا الناس ال مبتصليش دي كلها كفار
مريم : لا تارك الصلاه كافر كفر لا يخرجه من المله وفي علماء قالت انه فاجر
رنا : طب وليه ربنا فرض حاجه صعبه علينا كدا
مريم : فرضها علشانا ربنا مش محتاج صلاتك اساسا الصلاه هي الصله بين العبد وربه واقرب مايكون العبد من ربه وهو ساجد يعني دي الحاجه ال هتوصلك بربنا علشان تدعيله يحققلك ال انتي عايزاه تعرفي ان الصلاه هي اساس النجاح والفلاح ف الدنيا قال الله تعالى
قَدْ أَفْلَحَ الْمُؤْمِنُونَ* الَّذِينَ هُمْ فِي صَلَاتِهِمْ خَاشِعُونَ).[١٠]
رنا : بس ليه مكنش فرض واحد وخلاص دول خمس فروض يعني نتوضأ خمس مرات
مريم : ربنا خلاهم خمسه علشان لو أخطئتي بين صلاه وصلاه يغفرلك ذنوبك يعني مثلا صليتي الضهر وقابلتي صاحبتك فبدون قصد اغتبتو حد بيجي وقت صلاة العصر وبتتوضي وبتصلي علشان ربنا يغفرلك شوفتي بقى قال رسول الله صل الله عليه وسلم
أَرَأَيْتُمْ لو أنَّ نَهْرًا ببَابِ أَحَدِكُمْ يَغْتَسِلُ منه كُلَّ يَومٍ خَمْسَ مَرَّاتٍ، هلْ يَبْقَى مِن دَرَنِهِ شيءٌ؟ قالوا: لا يَبْقَى مِن دَرَنِهِ شيءٌ، قالَ: فَذلكَ مَثَلُ الصَّلَوَاتِ الخَمْسِ، يَمْحُو اللَّهُ بهِنَّ الخَطَايَا).[٩]
رنا : اي دا بجد
مريم : اه ودا علشان ربنا رحيم بينا تخيلي لو كان فرض واحد وجالك الموت وسط اليوم !
يبقى لما بنصلي خمس مرات بتبقى علشان نضمن الجنه لو الموت جه ف اي وقت يبقى الصلاه لينا ولا لربنا
رنا : لا طبعاً دي لينا احنا
مريم : نقوم بقى نصلي علشان الإقامه اشتغلت ف المسجد اهيه
رنا : اي دا احنا هنصلي ف المسجد
مريم بضحكه: لا هنصلي هنا انتي عارفه ان صلاة المرأه فى بيتها افضل من صلاتها ف المسجد
رنا : بجد
مريم : عن عبد الله بن مسعود ، عن النبي صلى الله عليه وسلم قال : " صلاة المرأة في بيتها أفضل من صلاتها في حجرتها وصلاتها في مخدعها أفضل من صلاتها في بيتها " . رواه أبو داود ( 570 ) والترمذي ( 1173) .
رنا : مش فاهمه
مريم : يعني ياستي اني اصلي ف اوضتي افضل من اني اصلي ف الصاله واني اصلي ف اوضه صغيره بتتعان فيها الحاجات النفيسه افضل من اني اصلي ف اوضتي ودا علشان المرأه غاليه ولازم تصان
رنا : اها فهمت بس هو فعلاً لو حد شاف البنت وهي بتصلي راجل يعني كدا صلاتها بتبقى باطله
مريم : لا مفيش صحه للكلام داه المرأه لو لزم الأمر انها تصلي ف السوق ولقت مكان ساتر تصلي عادي ويلا بقى علشان نتوضى
رنا : طيب ماشي
وراحت معاها يتوضوا وقفت ع الحوض ولسه رنا بتلم شعرها بالتوكه رنا قالتلها انا خلاص اتوضيت
مريم بتعجب : اتوضيتي ازاي يابنتي انتي لحقتي
رنا : اه
مريم: انتي قولتي بسم الله قبل ماتتوضي
رنا بتعجب : لا اقول ليه
مريم : عن أبي هريرة، قال: قال رسول الله -صلى الله عليه وسلم-: «لا صلاةَ لِمن لا وُضوءَ له، ولا وُضوءَ لِمن لم يَذْكر اسم الله -تعالى- عليه».
[صحيح.] - [رواه أبو داود وابن ماجه وأحمد
رنا : يعني لو مقولتش بسم الله وضوئي باطل
مريم : للأسف اه بس دا لمن تركها عمدا يعني عارف ومرضيش يقولها انما بالنسبه للي مقلهاش ناسي او جاهل ميعرفش ف دا بإذن الله وضوئه صحيح
رنا : يعني انا اعمل اي دلوقتي
مريم : بما انك عرفتي اتوضي من الأول وقولي بسم الله
رنا كانت واقفه ع الحوض وفعلاً قالت بسم الله وبدأت الوضوء من الأول
مريم لاحظت انها بتغسل بسرعه اوي قالتلها بهزار
: هو في حد بيجري وراكي بالراحه ياقلبي
رنا : عايزه اخلص بس علشان تتوضي انتي كمان
مريم : طب مش عايزه كل الذنوب ال انتي عملتيها تنزل مع وضوئك بالمره
رنا : ياااه هو دا ممكن
مريم : عن عثمانَ بن عفانَ قَالَ: قَالَ رسولُ اللَّهِ ﷺ: منْ تَوَضَّأَ فَأَحْسَنَ الوضوءَ، خَرَجَت خَطَايَاهُ مِنْ جسَدِهِ حتَّى تَخْرُجَ مِنْ تحتِ أَظفارِهِ رواه مسلم.
رنا : طب ومفروض اني احسن الوضوء ازاي
مريم : بصي ياستي اول حاجه احضار النيه بس مينفعش اقولها بصوت عالي ال هو انا نويت اصلي العصر لا النيه ف القلب بينك وبين نفسك
رنا : طب وافرض نسيت
مريم : ماهو انك تقومي تتوضي للفرض دي نيه للصلاه مش معقوله هتقومي تتوضي لصلاة الظهر مثلا والعصر هو ال بيأذن ف انك روحتي تتوضي للصلاه دي نيه تاني حاجه زي ماقولتك تسمي الله ونبدأ الوضوء بتروي طالما معاكي وقت متجريش ادي كل عضو ف جسمك حقه اغسلي وشك ثلاث او مره او مرتين كل دول ينفعوا عادي
رنا : يعني لو غسلت وشي ودراعي ورجلي مره واحده او اتنين مش تلاته ينفع
مريم: اه الرسول صل الله عليه وسلم توضأ مره ومرتين وثلاث بس في حاجه هتغسلي وشك مره واحده يبقى هتكملي كل الوضوء ع كدا مينفعش تغسلي وشك مره ورجلك مرتين ودراعك تلاته لا كدا الوضوء باطل( بس السنه هي التثليث يعني نتوضئ ثلاث)
رنا : طب لو ذودت عادي
مريم : لا الذياده هنا تعدي وظلم وعدم اتباع للسنه
رنا : اها
مريم : يبقى اول حاجه النيه وبعدين البسمله ودول من أساسيات الوضوء بعد كدا هنغسل كفنا ثلاث ودي سنه لأن الوضوء في فروض وفي سنن
الفروض هي غسل الوجه، ثم غسل اليدين مع المرفقين، ثم مسح الرأس، ثم غسل الرجلين،
السنن هي غسل الكفين ثلاث زي ماقولت والمضمضه والإستنشاق والإستنثار
رنا: اها فهمت وبدأت الوضوء
مريم : متنسيش المايه لازم توصل تحت دقنك وانتي بتغسلي وشك ووانتي بتغسلي دراعك متاخديهوش من اول الدراع بنبدأ من اول الصوابع لحد الكوع ووانتي بتغسلي رجلك لازم تغسلي لحد الكعب متنسيش
رنا : تمام
خلصوا وضوء وراحوا علشان يصلوا
- تابع الفصل التالي عبر الرابط: "رواية بنت أصول" اضغط على أسم الرواية