رواية ابن عمي البارت الثامن والستون 68 والأخير بقلم اميرة محمود
رواية ابن عمي الفصل الثامن والستون 68 والأخير
فرحت احمد وايان
زين ، اي رايك في كلام عمك يا ايان
ايان اتحرجت جدا ووشها احمر وسابتهم ودخلت الحمام
ايان ، اهدي في ايه أنا مكنتش فرحانه كده من كام شهر ليه أما طلب أيدي يمكن البعد عرفني قيمته
حور خبطت عالباب ، ايان
ايان ، نعم يا حور وفتحت الباب
حور ، اي ده انتي بتتكسفي يا بيضه هههههه
ايان ، مش نقصاكي والله العظيم كفايه ابوكي وعمك اللي حرجوني
حور ، طب ايه موافقه
ايان ، مش عارفه
احمد من وراها ،. مش عارفه ازاي يعني
حور ، أنا هسيبكم مع بعض تتكلموا وسابتهم ومشت
احمد ، خلاص لو مش عايزاني خلاص مش هموت عليكي اوي يعني
ايان غمضت عنيها ونفخت بضيق ، خلاص ماشي أنا هقولك على حاجه أنا اللي يتجوزني لازم يكون ميت في دباديبي زي نظره يوسف كده
احمد متخلنيش اعمل اللي عملته في الاسانسير هخلي شكلك زباله
ايان ، احمد انت لسه بتحبني
احمد ،. انا عمرى ماحبيت غيرك يا ايان من اول ما وعيت عالدنيا وانا مش شايف حبيبه غيرك انا بحبك يا حبيبت القلب والروح والعقل
ايان ، وانا بعشقك
احمد ، أخيرا يا مجنونه وراح شادد أيدها وراح لابوه وعمه
ايان ، ااااه أيدي هقع والله يا احمد هو انت ساحب جاموسه
زين ، في ايه بتشدها كده ليه يا احمد انت اتجننت
احمد ، عادي أشدها براحتي مش كمان اسبوع هتبقي مراتي
ادهم ، هههههه أنا كنت مجنون زمان بأمك طلعت انت أجن مني
جودي ، هههههه العرق دساس يا حبيبي
زين ، موافقه يا ايان
ايان بصت في الارض وحركت دماغها بأه
احمد شالها وقعد يلف بيها
زين ، انت يا بني نزلها هو لسه حصل حاجه ده احنا لسه مقرناش حته الفاتحه والله شكلي هرجع في كلامي
احمد ،. لا لا وعلي ايه ماشي يا عمو ماشي خلاص هصبر اهو
جودي ، فكر كويس يا زين هتجوز بنتك لمجنون
احمد ، ماشي يا ماما مصيرك هتروحي
جودي ، هتعمل فيه ايه الحقني يا ادهم
الكل قعد يضحك عليهم وفجأه
الحاج محمود ، ياللا نجرا الفاتحه للنبي يا ولاد
احمد قرأ الفاتحه وهو عمال يبص لأيان ومبتسم
ايان خلصت قرايه بسرعه ، يارب صبرني علي المجنون ده
احمد همس في ودنها ، أنا فعلا مجنون بيكي
،،،،،،،،ؤؤؤؤؤؤ،،،،،،،،،،
يوم الفرح
الفرح كان في فيلا احمد ونور في الجنينه لأنها كانت كبيره وجميله
ايان نزلت بالفستان وكانت اميره بالفستان من اميرات ديزني بجمالها نزلت مع والدها وأحمد وكل اللي واقفين انبهروا بجمالها والجمال الفستان المنفوش يشبه فستان السندريلا
احمد ،. اي القمر ده القمر ده كله هيبقي بتاعي
زين ، حافظ عليها بقي وخلي بالك منها وانتي حافظي عليه وراح مسلم أيدها لاحمد
احمد ، المأذون بره كلها دقيقتين وتبقي بتاعتي أنا مش مصدق نفسي
ايان ، لا صدق يا حبيبي الحمد لله بقينا لبعض
خرجوا وكتبوا الكتاب
بارك الله لكما وبارك عليكما وجمع بينكما في خير
احمد سمع الكلمه دي قام قدام الكل أخدها جامد في حضنه
احمد بصوت عالي ، بحبببببببك يا مراتيييييي وشالها وقعد يلف بيها وقعدوا يرقصوا
احمد مسك المايك من الدي جي وغنالها
بات الامل في عيني يروي الجفن صبرا
والعشق في جسدي يجعلني ادوب
والام الشوق تروي فؤادي عطشا
وما ادراكي وما عشق القلوب
يا اميرتي يا جميلتي يا سيده كل النساء
لا تتركيني في وحدتي فالابتعاد عنكي ابتلاء
يصعب علي تحمله وحان وقت الانتهاء
سأكون معكي برغبتك وكما مولاتي تشاء
ايان دمعت وطلعت تجري حضنته وفضل يلف بيها وهي في حضنه
والكل فضل يسقف ليهم
الديجي كل قابل عايز يشارك العروسين يتفضل ينورنا معاهم
عز ، قومي ياحور
حور ،. اتحرج يا عز هرقص ازاي ببطني دي الكل هيضحك عليه
عز ، عشان خاطري اومي هي فين بطنك دي اصلا ده انتي حامل في كتكوت
حور ، ههههههه ماشي يا حبيبي وقامت ترقص معاه
احمد ، ياللا يا نور
نور ، ههههه ماشي يا حبيبي
ادهم ، ياللا ياقمر
جودي ،. استحاله اتحرج
ادهم ، تتحرجي من ايه ده انا حتي جوزك وابو العريس
جودي ، مينفعش عشان انت ابو العريس احنا كبرنا
ادهم ، والله لو ما قومتي يا جودي لهمشي
جودي ، خلاص اديني قومت اهو
زين ، ياللا يا قمرى
كارما ، ماشي يا حبيبي
حسام ، ده الكل قام رقص ياللا يا جودي
جودي ، طب هما مجانين هنتجنن زيهم
حسام ، ايوه ياللا وحشني الرقص معاكي
جودي ، ماشي اهو هندخل موسوعه المجانين ياللا يا محمد تعالي
محمد ، هي جت علينا العيله كلها بترقص
نور ، حبيبي مش هقدر هسيب ايان فين
محمد ، هاتي كده البنت
نور ، هتوديها فين
محمد ، جدو حبيبي خليها معاك عما ارقص مع نور
محمود ، هات يا ولدي بسم الله الرحمن الرحيم
محمود فضل مبتسم لولاده واولاد ولاده
محمود ، الحمد لله يا خوي أنا رجعت كل حاجه ابوي دمرها العيله كلها بجت واحد كليتهم بيحبوا بعض وأولادهم حبوا بعض وكلهم بجو واحد العيله كلها بجت واحد بالحب الحب جمعهم كلهم يا خوي نام وارتاح مكانك زمان جولتلي نفسي ولادي يتربوا مع ولاد عمهم ويعيشوا في امان مع بعضيهم ويبجوا يد واحده الحمد لله الاولاد اتحدوا كل الصعاب عشان يبجوا مع بعض الحمد لله مفيش حاجه احسن من أن اللي من دمك يخاف عليك محدش هيجدر يجف في وشك هتبجوا سد منيع لاي عدو يفكر يدخل بيناتكو
وراح باصص لأيان وهي بتعيط علي أيده
متعيطيش يا بتي الدنيا سند وضهر وانتي المفروض تبجي مرتاحه لأن ليكي بدل السند عشره محدش هيجدر يأذيكي واصل
تمت بحمد الله الروايه كانت طويله اوي بس والله أنا نفسي زعلانه اني هبعد عن العيله دي ياريت اعرف رايكم ضرورى عشان يهمني
اميره محمود
تمت النهاية.. اقرا ايضا رواية عاجزة ولكن كاملة عبر دليل الروايات للقراءة والتحميل
- تابع الفصل التالي عبر الرابط: "رواية ابن عمي" اضغط على أسم الرواية