رواية شبيهتي الفصل الرابع 4 - بقلم مريم سمير

الصفحة الرئيسية

رواية شبيهتي البارت الرابع 4 بقلم مريم سمير

رواية شبيهتي كاملة

رواية شبيهتي الفصل الرابع 4

سمعنا ضرب النار فمسكت ايده وجرينا
_كنت عارف انك في خطر ومع ذلك خرجنا
=فكك دلوقت واجرييي
فضلنا نجري وبصيت ورايا لقيت اربع رجالهه، مسكت ايد احمد ووقفت
_بتعملي اي
=خلي ضهرك في ضهري
_لي؟
=الي جايين دول جايين يخطفوا مش يقتلوا، يعني مش هيسجروا يضربوا طلقه واحده الي في الأول دا كان تهويش
_طب اقفى في جمب
=عيله انا؟ مش هعرف احمي نفسي!!
الاربع رجاله جم وكانوا عاملين دايرهه حوالينا
_ريم
=متفكرش اضرب
انا ضربت اتنين وهو ضرب اتنين كانوا على الأرض وهو فضل متنح وباصصلي 
_لو فضلت واقف كدهه هيصحوا تاني 
مسكت ايده وجرينا ووصلنا للعربيه وركبنا وهو ساق، كان بيبصلي ب استغراب ويرجع يبص للطريق
_هنعمل حادثه على فكرهه
ركن العربيه وبصلي= انتي ازاي كده!!
_كده ازاي!!
=الي يعرف انك بنت وزير يقول انك مثلا مغروره مدلعه، بس انتي مش كده كلامك طباعك زي بنت البلد، ثواني انتي عرفتي منين انهم مش هيطلقوا نار تاني؟ وعرفتي تضربيهم ازاي! انتي ازاي يبنتي 
_انا جعانه
=نعم!!
_اي مش فاهم الكلمه ولا ايي؟
=الساعه 2 ومفيش مطاعم فاتحه باين
_مش عاوزه مطعم ودينا عربيه فول يلا
=عربيه اي!!
_قصدي كان فيه يعني عربيه فول ونفسي اجربها وكدهه
ابتسم= حاضر
_هتفضل باصصلي كده مش هتسوق
=احمم، لا هسوق
ساق وانا بصيت من شباك العربيه وضحكت مش عارفه مالي والله حطيت ايدي في الجاكيت الي كنت لبساه لقيت مفتاح الخزنه، الفلوس!!
وصلنا واحمد جاب السندوتشات وكنا بناكل في العربيه، الوقت معاه لطيف بيعدي بسرعه، روحنا على الساعه 2 ونص طب والله متربيت يجماعه بكلمكم بالامانه، كنا داخلين واحنا بنضحك ولقيت في وشي الي اسمه حسام الي هو خطيبي دا اه
_لسه بدريي
=انت بتزعق لي؟ لو اتكلمت بالراحه هقول الي صوته واطي اهو! 
_انتي رجعالي بتضحكي وش الفجر
=هبقي ارجع بعد كده وانا بعيط حاضر
_دا انتي زوديها اويي
قرب مني ورفع ايده غمضت عيني بقوه وفتحتها لقيت احمد ماسك ايده وقميص بدلته
=دا انت الي زودتها اويي، انت هتعمل اي؟ هتمد ايدك عليا بتاع اي
_انت اتجننت نزل ايدك، دي خطيبتي
=ومسؤوليتي لو كان الوزير شاف انك تقدر تحميها مكنش جابني هنا
_انت ازاي تتجرئ و.. 
=بقولك اي اسمع ..
*بقولكم اي متسمعومني انا
بصولي هما الاتنين بغضب
*تعالوا كلوني يلا، حسام انا مش بحب الطريقه ديي تمم،سيبه يا احمد، احمد خلاص سيبه
ساب هدومه وبعد عنه خطويتين
_اعملي حسابك باباكي جاي بعد شهر اول ميجي هنكتب الكتاب زيي اتفاقي معاه
مشي وانا لسه واقفه مكاني كتاب مين الي يتكتب!! هو جاي بعد شهر!!
_انتي هتتجوزيه؟
=نعم!!
_هتتجوزيه!
=بيقولوا
_وانتي على كده بتحبيه؟
افتكرت اني المفروض ريم وانها اكيد بتحب الشخص الغبي دا
=ايوه بحبه
_نامي عشان الوقت اتأخر
طلع برا وانا فضلت متنحه في اي بقي؟ طلعت اوضتي ونمت بعد يوم طويل ومتعب وانا بفكر هعمل اي بعد كده!
*عند ريم
صحيت الصبح وانا ببتسم للشمس الي على وشي وانا باصه حواليا انا دلوقت برا البيت مش كده؟
كنت باخد نفس بس كحيت بعدها البيت بيولع ولا اييييي!!
طلعت بسرعه لقيت دخان طالع من المطبخ
_انت، انت بتعمل اي؟ مسكت الطاسه بسرعه وحطيتها على الحوض وهو فتح الشباك وخرجنا برا في الصاله واحنا بنكح احنا الاتنين
_لو ناوي تولع فيا قول متتكسفش
=كنت بعمل بيض على نار هاديه
_هاديه اي انت لو زودت شويه كانت هتبقى نار جهنم، ثواني بيض!
=عشان تفطريي
ابتسمت _انا مش جعانه
=متأكده؟
_متأكده، ومتاكده كمان انك متدخلش المطبخ تاني تمم؟
ضحك =تمم، لازم اغير وانزل دلوقت
_رايح فين؟
=الشغل
_هتسبني لوحدي؟
=اروحك؟
_مع السلامه انت يحبي
ضحك ودخل الاوضه يغير، محدش هيفهمني، انا مش عاوزه ارجع وليا اسبابي
_عاوزه حاجه قبل منزل؟
=انت بتشتغل ايي؟
_بشتغل نفسي
=بتشتغل اي يعني بردو مفهمتش
_في شركهه حاسوبات قريبه من هنا
=هعمل اكل عشان تيجي تتغدى و..
_ابوس ايدك لا والله ابدا هجيب دليفري وانا جايي، لا انا ولا انتي لينا نخش المطبخ، ارجوكي حافظي على اساس البيت، البيت هيقع مش كدهه
ضحكت= طب خلي بالك من نفسك
_تحبي اجيب اكل ايي؟
=الي تحبه
_مش هتأخر
=مع السلامه
مشي وانا فضلت واقفه مكاني، دخلت الاوضه نضفتها، لقيت ألبوم صور فمسكته وفتحته، لقيت صوره وهو صغير وهو شاب وهو في الجامعه، طب بذمتك حد ملامحه لطيفه كده!!
لقيت في آخر الألبوم صوره متقطعه كأن حد متصور جمبه مش باين غير الكتف بس، بتهيقلي دا كتف بنت!
الباب اتفتح وجريت على الباب ولما لقيته ابتسمت
_ماسكه اي!
خبيت الصوره ورا ضهريي= ولا حاجه
حط المفتاح والكيس الي كان شايله على الطربيزه وبصلي ورفع حاجبه _متأكده؟
=اه اه طبعا
قرب مني وانا بعدت خطوه _ لا حاسك مخبيه حاجه
=هضحك عليك انا!! انا يمحمود
_والله تمثيلك زي الزفت
=مقتنعتش؟
_الله وكيل ولا بربع جنيه
طلعت الصوره من ورا ضهري =جه في أيدي ألبوم صور والصوره دي لفتت نظريي و..
_انتي ازاي تفتشي في حاجتي
=انا مفتشتش انا كنت بنضف الاوضه و..
_انتي كده بتدخلي في حاجه ملكيش دعوه بيها
=انا بس..
_انتي لازم تمشي
=اييي!
_وجودك هنا مش مرحب بيه، ممكن بقى تفضلي تلبسي حاجه من جوا عشان اروحك
=بعرف اروح على فكره
دخلت الاوضه، عيطت جامد يمكن عشان طلع عصبي ومتوقعتش انه يزعق ويتعصب كدهه، دي مجرد صوره عادي يعني، لا وبيطردني انا غلطانه اني فضلت هنا ثانيه اصلا، كنت بدور في دولابه على اي حاجه ممكن البسها لغايه مجه وقفل الدولاب ف دورت وشي الناحيه التانيه
_انا اسف، بجد اسف متزعليش
=..
_انا عارف انك مش قصدك بس والله مش حابب اني افتكر الي معايا في الصوره دي بالذات
 لفيت وشي لقيته بيعيط
=انا اسفه مكنش قصدي والله
_كنا هنتجوز جت قبل الفرح ب اسبوع قالت مش هينفع نتجوز، بعدها اتجوزت من قريبها الغني وسافرت
=خسرتك، انت مفيش أطيب منك والله
_وبالنسبه للزعيق الي من شويه لسه طيب بردو؟
ابتسمت =لسه، متزعلش بقى هي متستاهلكش، تعرف الي مخليني اقعد هنا اي؟
_طمعانه فيا؟
=يشيخ اتنيل
_انتي لي كده
=انا فعلا نموذج حقير
ضحك_طب قولي لي
=انا مبخرجش من الفله غير اوقات بسيطه اويي، معنديش صحاب، عمري ملعبت في الشارع لمجرد انهم خايفين اتعور، معلمين خبرا بيجوا يذاكرولي عشان ازاي بنت الوزير متتطلعش الأولى! ، لما ضربت الراجل، لما اتعورت اول ماجيت هنا فرحت، حاجات اول مره اجربها، الواحد عايش كأنه ف سجن تصرفاتك لازم تكون محسوبه، انتي بنت ذوات ازاي عاوزه تاكلي من الشارع! فضه اي الي عاوزه تلبسيها انتي تلبسي الماظ، كليه اعلام! لازم تدخلي كليه اقتصاد وعلوم سياسيه عشان تكوني فاهمه في شغل باباكي، فستانين بالكوم بس مبتتلبسش، ادراج من الجزم بس متجربتش، عمري محبيت وخطوبتي بالعافيه، ازاي متخطبش لواحد غني ابن اكبر رجل أعمال في القاهره؟ ازاي تمنعي باباكي انه يوافق على خطوبتك، ازاي اصلا عاوزه ترفضي عريس زي دا!! ازاي تعيشي في مستوى اقل منك، ازاي وازاي وازاي وانا في النص بتفرم بسبب المستوى الي عايشه فيه، انا تعبت
_انتي مخطوبه؟
=انت عاقل! سايب كل الكلام وماسك في ديي
_طب متعيطيش خلاص بقى
=بالله لأعيط
_يبنتي خلاص الاكل هيبرد
=جايب اكل اي بسرعه؟
_كريبات
=طب روح هات الاكل اشوفه بيقول ايي
كلنا وكل شويه كان بيبصلي ويسكت
_عاوز تقول حاجه؟
=هو باباكي لما يلاقيكي هيفتكر ان انا الي خاطفك
_ايوه اكيد
=هيسجني وكده؟
_لا بابا قلبه طيب
=طب الحمد لل..
_هيعدمك يمحمود احنا هنهزر
=منك لله
ضحكت _متخافش هقوله لو اتقفشنا
=مش خايف
_محمود تتجوزني؟
  • تابع الفصل التالي عبر الرابط: "رواية شبيهتي" اضغط على أسم الرواية
google-playkhamsatmostaqltradent