رواية غرام وانتقام الفصل الثالث بقلم أميرة جمال
رواية غرام وانتقام الفصل الثالث
اخدت القطر وروحت لندى انا مش عارفه هعيش فين ولااشتغل ايه ولا اى حاجه بس كل اللى كان مفرحنى ان ربنا نجانى من جوز خالتى اللى كان عايز يدمرنى منك لله ياادم سبتنى وخليت الناس تاخد عمر فكره مش كويسه ويطمعوا فيا كله خير بإذن الله انا واثقه فى ربنا...
وصلت للعنوان اللى ندى بعتتهولى استقبلتنى فى بيتها سلمت عليا وحضنتنى جامد وكانت مجهزالى احلى غداء أكلت ماحستش بنفسي ونمت علطول وماصحتش غير على المغرب...
اعمل ايه ياندى حياتى اتدمرت
ايه اللى بتقوليه ده يانغم انتى مؤمنه ياحبيبتى وعارفه ان كله خير
ونعم بالله الحمد لله على كل حال بس مش عارفه هعمل ايه فى حياتى دلوقتى
بصى أولا كده انتى هتعيشى معايا جوزي بيشتغل ياستى شهرين وييجى بعدها يقعد معايا 15يوم
لا ياندى مستحيل
انتى بتعملى فرق بينا يانغم
والله ابدا بس دى الأصول جوزك ييجى يلاقيك لوحدك
هو موافق انا كلمته
برضو لا لما ييجى هيبقى ايه وضعى شوفيلى بس شقه ايجار
ماينفعش تقعدى لوحدك يانغم هخاف عليكى
خلاص ياستى شوفيلى فى مكان قريب منك
اه صح الشقه اللى فوقينا الجيران عزلوا امبارح نأجرلها ونقضى بقا اليوم كله مع بعض ولما احمد ييجى ياستى تبقى فى شقتك
تمام كده والشغل بقا
بصى الشركه عندنا طالبه سكرتيره خريجه كليه تجاره وليها فى الكمبيوتر وانتى ماشاء الله مجتهده وواخده كورسات كتير ان شاء الله يقبلوكى ولو مافيش نصيب نشوف شركه تانيه وربنا يسهل بقا
تمام على خير التقديم امتى؟؟
بكره ان شاء الله تيجى معايا الصبح ولا تحبى تستنى يوم كمان
لالا بكره كويس جدا وانا معايا كل الشهادات
طيب تمام خالص بالنسبه بقا لشقتك ايه رأيك تاجريها وابقى اخلى احمد يروح يجبلك الإيجار واهو تستفيدى منها
لا خليها كده مش عايزه اى حد يدخل الشقه بعد ماما وبابا الله يرحمهم ريحتهم فيها
اللى تشوفيه ياحبيبتى النهارده بقا تباتى معايا ونصحى نفطر ونروح الشغل مع بعض واياكى تعترضى
ههههه لا خلاص موافقه
ايوه كده تعالى بقا ناكل اى تسالى كده لحد وقت النوم
يلا...
ماتقلقيش يانغم صاحب الشركه محترم جدا وكويس هو اللى بيعمل المقابلات بس مراته بومه بعيد عنك
-هههه حرام عليكى ذنوب على الصبح تعالى نقول الأذكار احسن
ماشي ياستى بس هى بومه اووى بصراحه وغراب
-😂😂😂مافيش فايده والله
لو شوفتيها هتعذرينى
-لا مش عايزه اشوفها هو انا ناقصه بلاوي
قولتى بلاوى اهو وذنب
-😂😂انتى السبب يلا نمشى بدل ماتترفدى
حاضر😂
هبه بعد اذنك ابقى دخلى نغم تعمل المقابله دى صاحبتى هاا وانا خيرى عليكى
حاضر ياندى ذلينا بقا😂
لا بفكرك بس😂 هروح شغلى بقا يانغم اول ماتخلصى كلمينى وعرفينى ايه الأخبار
-حاضر
بعد 10دقائق******
اتفضلى يانغم استاذ عاصم فى انتظارك
شكرا ياهبه
بالتوفيق ياحبيبتى
يارب
*******************اميرة جمال
السلام عليكم
وعليكم السلام ورحمة الله وبركاته اتفضلى ياانسه
شكرا
اتشرف باسم حضرتك
-نغم ياافندم
اسمك جميل ماشاء الله
-*ابتسمت*
ممكن تكلمينى عن نفسك و الكورسات اللى اخدتيها
-اه طبعا انا نغم حسين الاسيوطى 23سنه خريجه كليه تجاره انجلش بتقدير امتياز و الكورسات اللى اخدتها.....و........و.......و............و........و.......و.......و.......و.....و....
بس كده
ماشاء الله ايه كل ده انتى كده مناسبه جدا للوظيفه
-بجد يعنى حضرتك كده هستلم الوظيفه
انتي استلمتيها خلاص بكره ان شاء الله تيجى الساعه8تستلمى من هبه وهى هتفهمك الشغل جدا
-متشكره جدا لحضرتك
العفو أهلا بيكى معانا
عن إذنك
اتفضلى
***********اميرة جمال
الو ايوه ياندى استلمت الشغل
الف مبروووك ياحبيبتى انتى تستاهلى كل خير
-ربنا يخليكى ليا ياندى
احنا اخوات يابنتى يلا روحى ارتاحى بقا
-ده انا هجهزلك احلى غداء
ايوه بقا طالما فيها اكل يارب تشتغلى كل يوم😂😂
-اه يامفجوعه😂
شكرا طول عمرى
-يلا سلام علشان الحق
اشطا مع السلامه
****************اميرة جمال
اهلا بالمدير
ايه الأخبار ياعاصم
عملت مقابله ياسيدى مع بنت ممتازه وخلاص بكره هتيجى تستلم
ربنا يستر وتقدر تسد مكان هبه
هتلاقيها احسن كمان وحياتك
ياريت ياسيدى
علفكره ليا عندك عزومه
ليه بقا
مش عملت المقابله بدالك
اه عادى
كده ياادم ماشى خليك فاكرها وهستناك فى الكافتيريا وقت الغداء علشان تعزمنى برضو
يخربيتك يامفجوع😂
طول عمرى سلام
مع السلامه
يتبع الفصل الرابع اضغط هنا
- الفهرس يحتوي على جميع فصول الرواية كاملة :"رواية غرام وانتقام" اضغط على اسم الرواية