رواية روح الأدهم الجزء الثاني 2 الفصل الرابع بقلم هاجر العفيفي
رواية روح الأدهم الجزء الثاني 2 الفصل الرابع
بعد مرور عدة أيام
مايا وأدم رجعوا الأول وراحوا على فيلا الحديدى عشان ياخدو أسر
أدم : أبو نسب وحشتنى
أدهم بابتسامه صفراء : أهلا ياخويا مالسه بدرى كنت خليتك شهر كمان
أدم : لا لا مش عايزين نتقل عليكم أكتر من كده
روح : هههههههه والله وحشتنى يا أدم
أدم ضمها باشتياق : وانتى أكتر ياروحى
أدهم جذب روح وضمها بغيظ : دى روحى أنا وبس
أدم : خلاص ياعم هتاكلنا
مايا : فين أسر وحشنى أوووى
أدهم : هتلاقيه جوه جمب أخواته
أدم باستغراب : أخواته ! مش هى جودى بس
روح بضحك : لاء وولاد خالد وجنه معاهم
أدم : ماشاء الله متجمعين عند النبى
الجميع : عليه أفضل الصلاة والسلام
مايا : أنا هدخلهم
روح : تعالى ندخل مع بعض
ودخلوا الاتنين
أدهم : كانت رحله سعيده مش كده
أدم باستمتاع : جداااا يا أدهومى متعرفش الجو هناك عامل ازاى راحه نفسيه كده
أدهم وهو يجز على أسنانه بغيظ : عااااارف
أدم باستغراب : هو انت روحت قبل كده
أدهم باستفزاز : لاء بس انت باين على وشك الانبساط
أدم : انت مش أبيض من جوه على فكره
أدهم بسخريه : لاء أحمر ياخفيف استعد بقا للشغل ال مستنيك
أدم بخوف : أنا حاسس ان داخل على أيام عنب
أدهم ببرود : لاء طبعا متقلقش خاااالص يا أبو نسب
أدم : استر يارب
عند روح ومايا دخلوا للأطفال وكانت ندى بتلعب معاهم
مايا : ندى أزيك واخدتها بالحضن والترحاب
ندى : الحمد لله حمد الله على السلامه
مايا : الله يسلمك
أسر : ماااامى
مايا رفعت أسر وحضنته بحب واشتياق : وحشتنى ياقلب مامى
روح : هتتغدوا معانا طبعا
مايا : مش عارفه اسالى أدم
فى الوقت ده دخل أدهم وأدم
أدم : أسو وحشتنى ياباشا وأخده فى حضنى ازيك ياندى
ندى : الحمد لله
جودى راحت عند أدهم وهزته برفق أدهم نزل لمستواها وقال : نعم ياجودى
جودى بهمس طفولى لوالدها : هو أسى هيمشى
أدهم : أه
جودى بزعل طفولى : لاء خيه معايا
أدهم بدهشه : ليه ياختى هو خطيبك
أدم بضحك : متكسرش بخاطر البنت يا أدهم
مايا بابتسامه : انتى بتحبى أسر ياجودى
جودى بطفوله : أه ومش عايزاه يمسى
أدم بمرح : أنا بقول نقرا الفاتحه بقا ونفرح الولاد
جودى ببراءه : بابى يعنى ايه فاتحه
أدهم بغيظ : دى ال هنقراها على روح خالك أدم ياحبيبتى
أدم : شكرا يا أبو نسب
ندى : باااااس انتوا هتبوظوا دماغ الأولاد من دلوقتى
أدم ببراءه مصطنعه : أنا معملتش حاجه كله من أخوكى
أدهم برفعة حاجب : ياراجل
أدم : امممم
روح : يلا ياجماعه عشان نتغدا مع بعض
أدم : اه عشان أنا جعااان جداا
أدهم بسخريه : ايه مكنتش بتاكل هناك
أدم : كلت كتييير بس المصرى أصلى يلا
روح بضحك : يلا
وذهبوا جميعا لسفرة الطعام واتناولوا الغداء فى جو أسرى جميل مابين هزار ومشاكسه وضحك الأطفال
💫💫💫💫💫💫💫💫💫💫💫💫💫💫
فى المساء
فى غرفة أدهم وروح كان أدهم نايم وروح فى حضنه
روح : تعرف يا أدهم
أدهم : نعم ياروحى
روح : أنا حاسه ان رغم من صغر أسر وجودى ان العيال دى ليها قصه كبيره لما تكبر ممكن تكون شبيها لقصتنا
أدهم : مفيش حد بيحب فى الدنيا زى أنا عديت مرحلة الحب وبعدين الولاد لسه صغيرين يعنى كلام عيال من الأخر
روح : لاء الصراحه مفيش حد زيك ياحبيبى وبعدين دى العيال بتفهم عننا اليومين دول هههههه
أدهم : بس البت جودى عايز امسكها أعلقها بدل ماتعلق عيال العيله كلهم
روح : لاء ياعم دى حياتى دى متهونش عليا
أدهم : طب وأنا ايه
روح بابتسامه : انت قلبى
أدهم ضمها ليه أكتر بحب : حبيبى ياناس أومال فين جودى
روح : صممت تنام مع طنط النهارده
أدهم : عملت واجب معايا
روح بطرف عينيها : أدهم نام ياحبيبى عشان الشغل بكره
أدهم : لاااا أنا هروح براحتى بكره مش أدم رجع يشيل بقا
روح : لاء خف عليه شويه ده أخويا برضوا
أدهم وهو يقبل جبينها بحب : وأنا مقدرش أعمله حاجه عشان خاطرك ياجميل
روح وهى تتثاوب : اممم ماشى ياحبيبى تصبح على خير
أدهم بصدمه : نعم ياختى أومال أنا بحب فى مين من الصبح
روح وهى تكتم ضحكتها : مالك ياحبيبى
أدهم : بت انتى متستفزنيش
روح بدلع : وأنا مقدرش ياحبيبى
أدهم قرب منها أكتر : قلب حبيبك
وذهبوا فى عالمهم الخاص
💫💫💫💫💫💫💫💫💫💫💫💫💫💫
فى غرفة ندى
كانت شارده حزينه منطفيه بتحاول تبان كويسه قدام الكل بس هى عكس كده هى متحمله ضغوطات كتير جدا وكانت بتحدث نفسها بحزن ودموع
ندى بدموع : كده ياسليم يعنى حتى مهانش عليك تتطمن عليا أو تكلمنى للدرجه دى بتكرهنى كده بس والله أنا بحبك رغم كل ال عملته معايا أنا بحبك أووى بس نفسى أعرف سبب تغيرك معايا هموووت واعرف السبب وقامت تشوف مذاكرتها عشان تكتب فيها زى كل يوم بس ملاقتهاش
ندى بتافف : يووووه يعنى أنا نسيتها طب اعمل ايه مش عايزاه يشوفها هروح بكره بدرى وقت مايخرج وهاروح اجيبها وراحت نامت على السرير بدموع كالعاده وحضنت وسادتها ونامت
💫💫💫💫💫💫💫💫💫💫💫💫💫💫
فى فيلا سليم العشرى
سليم كان فى الغرفه ال بتنام فيها ندى جالس على سريرها معاه دريس خاص بيها كان بيشمه باشتياق ودموعه نازله بحزن وندم وفضل يبص على حاجتها لحد ماوقع نظره على المذاكرات بتاعتها ال كانت فى الدرج طلعها وفتح أول صفحه فيها وكان مكتوب فيها
(النهارده أنا اسعد واحده فى حياتى لأن فرحى على أول شخص أخد قلبى بطلته الأولى من أول مره قابلته فيها ووصلنى وأنا متعلقه بيه متعلقه ان أشوفه وكنت بدعى ربنا ان يكون هو كمان بيبادلنى نفس الشعور والحمد لله ربنا جبر بخاطرى وطلع بيبحبنى وكمان فرحنا النهارده بحبك أوووى)
دموعه نزلت جامد وفتح كذا صفحه وبعدها وقعت عينه على كلام تانى
(للاسف اول مره سليم يجرحنى كده بكلامه من ساعة ماتجوزنا أنا بحبه معرفش ليه بيعمل معايا كده أول مره أحس ان ماليش لازمه فى حياته بس ممكن يكون مضغوط أنا هستحمله عشان برضوا ده كل حياتى)
سليم مقدرش يكمل قراءه تانى قفلها وغمض عيونه بالم وحزن واردف بتوهان : سامحينى ياقلبى سامحينى ياعمرى كله ورجع المذاكرات مكانها تانى ونام مكانها على السرير وكان بيستنشق عطرها من الوساده وكان حاضن هدومها ونام على نفس الوضع
💫💫💫💫💫💫💫💫💫💫💫💫💫💫
فى صباح اليوم التالى
فى فيلا عاصم
مايا : عايز ايه ياحبيبى
أسر : اروح لجودى
مايا بضحك : حاضر لما بابا يجى من الشركه نروح كلنا
أسر بفرحه : هييييه بجد ثكرا يامامى
مايا قبلته فى خده بحب : قلب مامى روح العب يلا على لما أخد شاور
أسر بطفوله : حاتر وسابها وجرى عشان يلعب
وهى دخلت تاخد شاور بس أوقفها صوت رنين هاتفها وكان رقم غريب
مايا باستغراب : ألو مين
الشخص : لحقتى تنسينى ياقمر
مايا بحده : أنا عايز اعرف انت مين وايه المطلوب منى
الشخص : أنا مين سبق وقولتلك قبل كده ماضيكى الأسود لكن ايه المطلوب منك ده ال هتعرفيه قريب كمان أظن ان سيبتك تنبسطيلك يومين مع حبيبك يعنى عدانى العيب
مايا بغضب : انت حيوان أنا عمرى ماهسمع كلام واحد زيك
الشخص باستفزاز : تؤ تؤ لاء ياجميل عيب كده بلاش غلط واذا كان على سمع الكلام فانتى هتسمعى فعلا لو خايفه على المحروس ابنك
مايا بخضه : لاء ابنى لاء ملكش دعوه بابنى أنا هعمل ال انت عايزه بس بلاش ابنى بالله عليك
الشخص بابتسامة شر : شاطره كده تعجبينى استنى بقا التعليمات هتوصلك بكره وهتنفذى سلام يا ياقطه وقفل معاها ومايا كانت مصدومه من ال بيحصل وهتتجنن ياترى عايز منها ايه ومين ده وايه ال بيحصل معاها ده جلست على السرير بصدمه ودموع وبعدها حاولت تكون طبيعيه عشان محدش يعرف حاجه بس كان جواها نار
💫💫💫💫💫💫💫💫💫💫💫💫💫💫
عند خالد وجنه
رجعوا مصر بس جنه صممت تروح تزور أهلها الأول وبعدين تجيب ولادها لأن فيلا أدهم قريبه منهم لكن أهلها فى مكان بعيد شويه وصلوا عند بيت أهلها ولسه هيطلعوا قابلهم شخص واول ماشاف جنه بصلها بابتسامه
مراد بابتسامه : جنه أخبارك ايه
جنه باحراج : احم ازيك انت يامراد
خالد بحده : وأنا مش عاجب حضرتك ولا ايه
مراد باحراج : أنا أسف بس بقالى فتره مشوفتش جنه هو حضرتك تبقا جوزها مش كده
خالد بسخريه : بيقولوا
جنه عشان تهدى الجو : خالد ده دكتور مراد جارنا من زمان
خالد بابتسامه صفرا : تشرفنا
مراد : عن أذنكم خلينا نشوفك تانى ياجنه سلام
جنه : ان شاء الله مع السلامه
خالد بصلها بعصبيه : وحيات أمك ماتروحى معاه أحسن
جنه بغضب : ايه الطريقه دى ياخالد مالك قولتلك ده جارنا من زمان
خالد على نفس العصبيه : والله يعنى مثلا مش راجل ده كان ناقص يحب فيكى وأنا واقف انتى مشوفتيش نظراته ليكى هو ده يعرفك من زمان ؟
جنه بصتله وسكتت
خالده بحده : جااااوبى
جنه بخوف : أه كان متقدملى زمان بس أنا رفضته عشان كنت لسه صغيره
خالد بغضب : يعنى كان عينه منك وجايه دلوقتي تقفى معاه بمنتهى البرود والامبلاه
جنه : خالد خلينا نتفاهم مش كده
خالد بعصبيه : مفيش زفت تفاهم أنا ماشى ولسه هيمشى
جنه مسكت ايده : خالد مش هتيجى معايا فوق
خالد شد ايده منها بعصبيه : لاء هروح اجيب حور وعمر من عند أدهم وخليكى انتى بقا قدام حبيب القلب سلام وسابها ومشى
جنه : خالد ياخاااالد يووووه بقا ليه النكد ده استغفر الله العظيم من كل ذنب عظيم أقولهم ايه فوق بقا دلوقتى وحاولت تبان طبيعيه وطلعت لأهلها
💫💫💫💫💫💫💫💫💫💫💫💫💫💫
فى فيلا سليم العشرى
وصلت ندى ودخلت وطلعت الغرفه بتاعتها وملقتش سليم فى الفيلا حمدت ربها وطلعت جابت مذاكراتها بس وهى خارجه لفت نظرها ان الغرفه بتاعت سليم مفترحه بسيط جالها فضول تدخلها دخلت وكانت الأوضه ضلمه فتحت النور وفضلت تلف فى الغرفه بحب ودموع وراحت عند الدولاب بتاعه وكانت بتقلب فى تشيرتاته باشتياق حقيقى هو وحشها حتى لو كان من يومين بس كان مجرد ماتشوفه كل يوم قدامها حتى لو بيكرهها كانت بترتاح وفجأه وهى بتقلب فى هدومه بهدوء وقع مجموعه من الورق وكانت عباره عن تحاليل واشاعات نزلت جابتهم باستغراب وفتحتهم وقرأتهم وهى مصدومه وكانت دموعها بتنهمر بشده وصوت شهقاتها بيعلى جاامد مسكت فونها بصعوبه وطلعت رقم روح بسرعه هى أول واحده جت فى دماغها
ندى بدموع : الو ياروح
روح بلهفه : ندى انتى فين أنا بدور عليكى ومال صوتك معيط ليه
ندى بدموع : روح أرجوكى تعليلى فى الفيلا عندى ضرورى بالله عليكى
روح بخضه : مالك يابنتى انطقى
ندى بدموع : لما تيجى هتعرفى وعشان خاطرى متقوليش لحد ومتتأخريش عليا
روح بلهفه : حاضر حاضر مسافة السكه وقفلت معاها
روح بخوف ورجاء : استر يارب وقامت بدلت ملابسها سريعا ونزل أخدت تاكسى وطلعت على فيلا سليم العشرى
و
يتبع الفصل الخامس اضغط هنا
- الفهرس يحتوي على جميع فصول الرواية كاملة :"رواية روح الأدهم" اضغط على اسم الرواية